Ɛ́bɛlʉʉ 12:24 - Kɑɑ Fí

²⁴ Pʉʉ kɑ kẅɛ́Ꞌlɛ mbʉʉ yʉʉ ńtɔ́ nɛ́ nɛjɔ́ŋ Yɛ́su ẅí ɑ kɑ tswɛt mɛci mɛ́ nɛlɔk ɛ́suk lɔ́Ꞌ nǔu pɛkŋɛ, ɑ nɛnkɛ́m nǔu kɑɑ yi ɛ́ yi fí, mɛci mɛ́ ɡẅɛɛ nu yi ɛ́ cú mbɔ̌ pɛkŋɛ, ɛ́ cúnɛ ńdɛɛ nu yi mɛci Ábɛɛ cúnɛ.

Ɛ́bɛlʉʉ 12:24 교차 참조

Mɑtʉ̈ɔ 23:35

Pɔ́Ꞌɔ, mɛci-pɛpúꞋ pɛtsʉʉ mi pɛ́ kɑ tswɛtnɛ ndǔ tsɛ́tsɑ́Ꞌ tɛmtɛ ńcúŋ nǔu pʉʉ. Nɛfú nǔu mɛci-Abɛ̂ ẅí ɑ kɑ pɔ́ ńzúꞋnɛ Sɛ́, ŋ́ɡʉ ŋ́kúu nǔu mɛ́ Sɑkɑlíyɑ, mɔ́ɔ-Mbɑlɑshi, ẅi pʉʉ kɑ jẅínɛ wɛ́ nzʉʉ nɛkɛlɛmúk-pɔꞋ lɑ pɛ́ kúu ndɑ́-nɔŋpɔꞋ.

Mɑtʉ̈ɔ 26:28

MbíꞋŋɡɔ yɔ mɛci mɑ́ɑ, ɛ́ mɛci mí Sɛ́ lɔknɛ ŋ́ɡwɑt kɑɑ, ɛ́ mi ɛ́ tswɛtnɛ nǔu tú-pʉɔ tɛ ńzɑ́ɑ, pɑ́Ꞌ Sɛ́ ɡʉ ńdɔk ńdikŋɛ mɛnu kɛpɔŋ mɔ́p.

Mɑ́lɛ́kúshi 14:24

A cú mbɔ̌ pɔ́p ŋɡɔ: «Yɔ mɛci mɑ́ɑ, ɛ́ mɛci mi Sɛ́ lɔknɛ ŋ́ɡwɑt kɑɑ, ɛ́ tswɛtnɛ nǔu tú-pʉɔ tɛ ńzɑ́ɑ.

Lúkɑ́shi 11:51

Pʉɔ pinɛ Sɛ́ ɡɛnɛ ńdɑ́Ꞌ ḿbíkŋɛ mɛci mɔ́p mbɔ̌ pʉɔ pinɛ pɔ́p ndǔ mbí ŋkɔ̂ɔnɛ pɔ́p zɛɛ ńzɑ́ɑ tɛꞋ. Tɛ ɛ́fú nǔu mɛ Ábɛɛ ẅi pɛ́ kɑ piitɛ nǔu wɛ́ nɛjẅí, ŋ́ɡʉ ŋ́kúu nǔu mɛ Sɑkɑlíyɑ ẅi pɛ́ kɑ jẅí wɛ́ pɔ ntsu ndɑ́-nɔŋpɔꞋ, mbʉʉ nɛkɛlɛmúk yúu-pɔꞋ. Sɛ́ ɡʉ ńdɑ́Ꞌ ḿbíkŋɛ wɔ́p pɛtsʉʉ pɔ mbɔ̌ pʉɔ pinɛ pɔ́p tsɛt mbí ŋkɔ̂ɔnɛ.

Lúkɑ́shi 22:20

Pɔ́p kɑ kwɛ́t yúujʉ́ tɛ ḿmɛk, Yɛ́su tíi ntúꞋ mɛluꞋ ńcú ŋɡɔ: «NtúꞋ yɔ pɑꞋnɛ ḿbɔ́ kɑɑ fí yi Sɛ́ lɔknɛ mɛci mɑ́ɑ ŋ́ɡwɑt. Ɛ́ tswɛtnɛ ntɛ́ wʉ́ʉ.»

Ŋɡɑlɑ̂t 3:20

Pɛ́ ɡɔ́ ŋ́kẅíi nɛnkɛ́m nǔu nu, ɛ́ lɔk ḿbɔ́ nu yi pɛɡɑŋ kɑ́ ɡẅɛɛ shʉ́ pɑ́Ꞌ nu ɡʉ ńcẅɛt ntsu-ŋu ŋ́kúu ntsu wɛcɔ́ pɔ́. Lɑ́ ɛ́ kɛ́ ŋ́ɡʉ nǔu nu yi Sɛ́ kɑ kɑꞋnɛ lɑ́, mbɔ kwɑꞋ jʉ́ kɑ tʉ́ʉnɛ ńcú.

1 Timɔtɛ́ɛ 2:5

Sɛ́ zɛɛ ḿbɔ́ pɔ wɛ́mɔ́Ꞌ. Nɛnkɛ́m pɔ́ pɔ wɛ́mɔ́Ꞌ tsɛtsɛt Sɛ́ pɔ́p pʉɔmɛsɔŋ. A Yɛ́su Kɛlístɔ, ḿbɔ́ yɛ́ ŋumɛsɔŋ.

Ɛ́bɛlʉʉ 10:22

Pɔ́Ꞌɔ lɑ́, pɛkŋɛ pɔ́ kẅɛ́Ꞌlɛ mbʉʉ nɛ́ nɛjɔ́ŋ Sɛ́, ŋ́ɡẅɛɛ tʉ́m ẅi ɛ́ nɛ́nẅín, ḿbɛn ńzɑ́p tʉ́m nǔu Sɛ́ kwɑꞋ sʉ́Ꞌnɛ, mbíꞋŋɡɔ Yɛ́su kɑ lɔk mɛci mɛ́ ɛ́suk tʉ́m yɛkŋɛ tɛ ɛ́ pɔɔ ḿbɛn ḿbɔ́ ŋ́ŋɑk wɛkŋɛ pɔ́, ɑ kɑ lɔk ŋki ẅi ɛ́ sɛ́ ńdɛ́ɛnɛ ɛ́suk mbʉʉ yɛkŋɛ.

Ɛ́bɛlʉʉ 11:28

Ɛ́ kɑ fú pɔ nǔu pɑ́Ꞌ ɑ kɑ zɑ́pnɛ tʉ́m yɛ́ nǔu Sɛ́, lɑ ɑ zɛ nu-Pɑ́skɑ. Ɛ́ pɔ́ pɑ́Ꞌ ɑ kɑ cúnɛ pɛ́ lɔk mɛci-mɛnjinjɔ ńzɔ́Ꞌ mɛzɛ́Ꞌ-ndɑ́, ńjí ŋɡɔ Cʉ̈ɔꞋ-Sɛ́ ẅí ɑ tɔ́nɛ ḿbík ŋɡɑŋmbuu-Sɛ́, ɑ kɛ́ kuu pɔ́ɔ-nɛtú pʉɔ-Íslɑyɛ̂l pɔ́.

Ɛ́bɛlʉʉ 11:4

Ɛ́ kɑ fú pɔ nǔu pɑ́Ꞌ Ábɛɛ kɑ zɑ́pnɛ tʉ́m yɛ́ nǔu Sɛ́, lɑ ńnɔŋ wɛ́ pɔꞋ, ɛ́ pɔŋ mbɔ̌ Sɛ́ ńdɛɛ wɛ Kɑyin. A kɑ fú pɔ nǔu, Sɛ́ líŋɛ wɛ́ tɛ ńcú ŋɡɔ, ɑ ndʉ́ŋndʉŋ mbi yɛ́, mbɔ ɑ kɑ tsʉ́Ꞌ nɛnyɛt, ḿbɛ́m yúu mi Ábɛɛ lɔknɛ ńtɔ́ mbi yɛ́. Ɛ́ kɑ fú pɔ nǔu pɑ́Ꞌ Ábɛɛ kɑ zɑ́pnɛ tʉ́m yɛ́ nǔu Sɛ́, ɛ́ pɛ́t lɔ́Ꞌnɛ ńcú nu mbɔ̌ pɛkŋɛ cúnɛ, lɑ́ mbɔ ɑ kɑ pfú mɔ́.

Ɛ́bɛlʉʉ 13:20

Sɛ́ ẅí mbɔ́tnɛ fúnɛ mbɔ̌ wɛ́, ɑ kɑ ɡɛ Yɛ́su, Tsɑpʉɔ wɛkŋɛ fú lɑ́Ꞌ-pɛpfú ŋ́kɔ́Ꞌ. Jʉ́ Tsɑpʉɔ wɛkŋɛ kɑ lɔk pɑ́Ꞌ ɑ tswɛtnɛ mɛci mɛ́, Sɛ́ lɔk ŋ́ɡwɑt kɑɑ yi ɛ́ kɛ́ lɑ́Ꞌ ḿmɛ pɔ́, ńtsʉ́Ꞌ mbyɛ́p mbí wɛ ɡwɛ́, pɑ́Ꞌ ɑ ɡʉ ḿbyɛ́p njinjɔ yɛ́.

Ɛ́bɛlʉʉ 7:22

Ɛ́ kɑ fú nǔu, Sɛ́ lɔk Yɛ́su ŋ́ɡɛ nɛlẅíi yɔ kɑɑ fí yi ɛ́ pɔŋnɛ ńdɛɛ yɛcɔ́.

Ɛ́bɛlʉʉ 8:13

Sɛ́ kɑ lɔk pɑ́Ꞌ ɑ fúŋnɛ yɔ kɑɑ ŋɡɔ kɑɑ fí, ńdɔk ńdɛꞋlɛ ŋɡɔ nduŋmbi kɑɑ lwɛn mɔ́. Pɛkŋɛ pɛn ńjí ŋɡɔ yúu mi ɛ́ lwɛn mɔ́, tɛ ḿbɔ́ ŋ́kúnɛ tsʉ́Ꞌ ŋ́ɡʉ pɔ nɛmɛ.

Ɛ́bɛlʉʉ 8:6

Lɑ́ ɛ́ ŋkɔ̂ɔnɛ, mbɔ Kɛlístɔ kɑ kɛ́mɔ́ ŋ́ɡẅɛɛ yɛ́ fɑꞋ ɛ́ lɛɛ yɛ́ pɑnɔŋpɔꞋ ɛ̂pɑ́ tɛꞋ, mbíꞋŋɡɔ ɑ zɛɛ ḿbɔ́ nɛnkɛ́m nǔu nu-kɑɑ yi ɛ́ pɔŋnɛ ńdɛɛ yi ŋkɑ́mbi, Sɛ́ kɑ pɔ́ ŋ́ɡwɑt yɔ kɑɑ, ŋ́kɑꞋ mɛnu mbɔ̌ pɛkŋɛ, ɛ́ pɔŋ tɛ ńdɛɛ.

Ɛ́bɛlʉʉ 8:8

Pɛ́ kɑ ɡẅɛɛ nɛkúpmɛ, mbíꞋŋɡɔ Sɛ́ kɑ sɑ́Ꞌ pʉɔ pɛ́ ńcú ŋɡɔ: «Ɛ́ kɛ́ lɑɑ ḿbɔ́, yɛcɔ́ ŋkɑ́ sɛ́ ńtɔ́, mɔ Tsɑpʉɔ cúnɛ ḿbɔ́ ŋkɑ́ yi mɔ ŋ́ɡɛ ŋ́ɡwɑt kɑɑ fí tsɛtsɛt pɛkŋɛ pɛ́ pʉɔ-Íslɑyɛ̂l pɔ́p pʉɔ-Jẅídɑ.»

Ɛ́bɛlʉʉ 9:15

Yɔ yúu minɛ ɛ́ ɡɛnɛ Kɛlístɔ pɔ́ nǔu nu yɛcɔ́ kɑɑ yi ɛ́ yɛ fí, yi ɛ́ pɛn ńdɔk ḿbɔ́ pɑ́Ꞌ ŋwɑꞋnɛ lɔk ńtík nɛvú, ḿbɔ́ nɛnkɛ́m. A kɑ pfú ɛ́ pɔ́ nɛlɔk pɔ́Ꞌɔ, ɛ́fú ndɑ́tsɑ́ŋ yi mɛnu kɛpɔŋ-pʉɔmɛsɔŋ kɑ níꞋnɛ wɔ́p zúꞋu, ŋkɑ́ yi pɛ́ kɑ pɛ́t pɔ́ nǔu nu nduŋmbi kɑɑ, ńcẅɛɛtɛ wɔ́p. Ɛ́ kɛ́ fú pɔ́Ꞌɔ, pʉɔ pinɛ pɛ́ kɑ tsɔ́Ꞌnɛ wɔ́p, pɔ́p kuꞋ nɛcẅɛ́ɛ mɛyúu sʉ́Ꞌnɛ mi ɑ kɑ pʉ́nɛ, ɛ́ pɔ́ mi ɛ́ ɡʉ ńdɑ́Ꞌ ḿbɔ́ pɔ ɡú.

Ɛ́bɛlʉʉ 9:19

Mɔ̌sɛ̂ɛ kɑ fúŋnɛ mbʉ́ʉ mi Sɛ́ kɑ cúnɛ ɑ ŋwɑꞋnɛ tsɛt ŋwɑꞋnɛ-nɛpʉ́ʉ, ɛ́fúŋ mbi lɑ́Ꞌ tsʉʉ tɛ mîmɑ́ mbʉ́ʉ ḿmɛ, ɑ tíi mɛci pɔ́ɔ-fɔŋ, ńtɛmtɛ nǔu mɛ́ pʉ̈ɔp, ńníꞋ ŋki nǔu, ḿbɛ́ɛ tsɑ́ŋ nɛɡíi ni pɛ́ fúŋnɛ ŋɡɔ nɛsɔt, ŋ́kɑ́tɛ mɛnuk-njinjɔ mi ɛ́ pɑŋ pɑŋnɛ nǔu tú, ńcʉ̈ɔꞋ nǔu, ńzɑt nǔu kwɑꞋ ŋwɑꞋnɛ, ḿbɛn ńzɑt nǔu pʉɔtsʉʉ, ḿbɔ́ ńzɑt ḿbɔ́ ńcú ŋɡɔ:

Ɛ́bɛlʉʉ 9:21

ḿbɛn ńzɑt mɛci nǔu ntɑp mbɑ nǔu yúu tsʉʉ yi pɑnɔŋpɔꞋ lɔknɛ ɛ́fɑꞋ.

1 Pyɛ̂ 1:2

Sɛ́ Tɑ́t kɑ tsɔ́Ꞌ wʉ́ʉ, ɛ́ pɔ́ pɑ́Ꞌ ɑ kɑ lɑ́Ꞌnɛ ńzɑ́Ꞌ njí ńzɑ́p, ḿbɛn ńdɛɛ nǔu Zẅikŋɛ yɛ́ ŋ́ɡɛ pʉʉ tsʉ́Ꞌ pʉɔ pɛ́, nɛpɔ́ yi pʉʉ ɡʉ ńzúꞋ ntsu-Yɛ́su Kɛlístɔ, ɑ lɔk mɛci mɛ́ ɛ́suk wʉ́ʉ. Sɛ́ pɔ́ mbɔ̌ pʉʉ, ŋ́ɡɑ́ mɔ́fíitɛ mbɔ̌ pʉʉ tɛ ɛ́ zɑ́ɑ zɑ́ɑnɛ.