Ɛ́bɛlʉʉ 12:23 - Kɑɑ Fí

²³ Pʉʉ kɑ kẅɛ́Ꞌlɛ mbʉʉ ńtɔ́ tsɛt cúꞋlɛ-pʉɔ pí Sɛ́ kɑ lɔknɛ wɔ́p ŋ́ɡɛ pʉɔ-pɛ́ pi pɔ́p túmbi, pɔ́p pɔ́ tsɛt tsɑ́ɑtɛ, mɛlík mɔ́p pɔ́ mɛ́ ŋwɑꞋnɛ́nɛ tʉ́nɛ́pú. Pʉʉ kɑ kẅɛ́Ꞌlɛ mbʉʉ ńtɔ́ nɛ́ kwɑꞋ nɛjɔ́ŋ Sɛ́, ɑ ndɑꞋ jʉ́, ḿbɔ́ ŋɑk pʉɔmɛsɔŋ pɛ́tsʉʉ. Pʉʉ kɑ tɔ́ nɛ́ zʉꞋ yí mɛzẅikŋɛ-pʉɔmɛsɔŋ pi pɔ́p ndʉ́ŋndʉŋ mbi Sɛ́ zúꞋu. Pɔ́p ŋkɔ̂ɔnɛ ḿbɔ́ pʉɔ-Sɛ́ pɔ tɑ́Ꞌ ŋkɑ́.

Ɛ́bɛlʉʉ 12:23 교차 참조

Lúkɑ́shi 10:20

Mbɑ pɔ́Ꞌɔ, kɔɔ pʉʉ tsɑ́ɑtɛ pɔ pɑꞋ mɛzẅikŋɛ kɛpɔŋ zúꞋnɛ ntsu wʉ́ʉ, pʉʉ tsɑ́ɑtɛ pɔ pɑꞋ Sɛ́ ŋwɑꞋnɛnɛ mɛlík mʉ́ʉ tsɛt ŋwɑꞋnɛ tʉ́nɛ́pú.»

Jɑ̂ŋ 5:27

A kɑ pɛn ŋ́ɡɑ́ wɛ́ nɛ́ mɛtʉʉ nɛlɔk ńzɑ́Ꞌ mɛtsɑŋ-pʉɔmɛsɔŋ, mbíꞋŋɡɔ jʉ́ pɔ́nɛ Mɔ́ɔ-Ŋu.

ŊwɑꞋnɛ-Gɑŋntúu Yɛ́su Kɛlístɔ 20:28

Pʉʉ pɑ́ɑ yʉ́ʉ tú kwɑꞋ sʉ́Ꞌnɛ, ḿbɛn ḿbɑ́ɑ yɛ nɔɔ-mɛnjinjɔ mi Zẅikŋɛ-Sɛ́ kɑ níꞋnɛ mbɔ̌ pʉʉ ŋɡɔ pʉʉ pɔ́ ḿbyɛ́p. Pʉʉ líŋɛ cúꞋlɛ-pʉɔ-Sɛ́ sʉ́Ꞌnɛ. Jʉ́ ẅi ɑ lɛɛnɛ nǔu mɛci-Mɔ́ɔ nɛ ŋ́ɡɛ cúꞋlɛ ɛ̂yɑ́ tsʉ́Ꞌ pʉɔ pɛ́.

1 Kɔlɛ̂ŋtɛ 13:12

Ɛ́ ŋkɔ̂ɔnɛ pɛkŋɛ sɛ́ ńjʉ́ɔ yúu ɛ́ tɑtɛ tɑtɛnɛ pɑꞋ ŋkɑ́ yi pɛkŋɛ jʉ́ɔ tsɛt ndɛn jʉ́ɔshʉ́ lɑ́. Ɛ́ ɡʉ ńdɑ́Ꞌ yɛcɔ́ ŋkɑ́ pɛkŋɛ ńtsuŋ ńjʉ́ɔ, ɛ́ pɔ́ mbi pɛkŋɛ. Nǔu ŋkɔ̂ɔnɛ ŋ kɑ́ jí yúu tsʉʉ pɔ́, lɑ́ ŋ ɡʉ ńdɑ́Ꞌ yɛcɔ́ ŋkɑ́ ńjí yúu nǔu ntɛ́ yi Sɛ́ sɛ́ ńjí wɑ́ɑ ŋkɔ̂ɔnɛ.

1 Kɔlɛ̂ŋtɛ 15:49

Ndʉ́ŋndʉŋ pɑ́Ꞌ, pɛkŋɛ fínɛ ŋu ẅí Sɛ́ kɑ lɔknɛ tsɛ́tsɑ́Ꞌ ḿbɔ́ɔ wɛ́ lɑ́, ɛ́ ɡʉ ńdɑ́Ꞌ ḿbɔ́ yɛcɔ́ lɛ́Ꞌ, pɛkŋɛ fí ŋu ẅí ɑ kɑ fúnɛ tʉ́nɛ́pú ńcúŋ.

1 Kɔlɛ̂ŋtɛ 15:54

Ɛ́ ɡʉ ńdɑ́Ꞌ ḿbɔ́ tɛ yɔ mbʉʉ yi ɛ́ pfúnɛ ńdʉ̈ɔ́ lɑɑ, shɔtnɛ ńtsʉ́Ꞌ yi ɛ́ kɛ́ pɛn ḿpfú pɔ́, ŋ́kɛ́ ḿbɔɔ pɛn ńdʉ̈ɔ́ pɔ́, sẅiŋɛ yi pɛ́ kɑ ŋwɑꞋnɛnɛ tsɛt ŋwɑꞋnɛ-Sɛ́ lɔk ḿbuutɛ. Pɛ́ kɑ ŋwɑꞋnɛ ŋɡɔ, nɛvú kɑ́ pɛn ḿbɔ́ ɡú pɔ́, pɛ́ mɑꞋ wɛ́ tɛ ńjʉ́ wɛ́.

2 Kɔlɛ̂ŋtɛ 5:8

Pɛkŋɛ tsʉ́Ꞌ ńnɑ́ŋ pɔ nɛ́ tsɑ́ɑtɛ pɑꞋnɛ, Tú yúu ɡwɛ́ yi pɛkŋɛ sɛ́ ńtsɑ́ɑ ɛ́ pɔ́ nɛcẅɛt tsɛt yɔ mbʉʉ, ŋ́ɡʉ ńtsʉ́Ꞌ nɑ́ŋ pɔ nɛjɔ́ŋ Tsɑpʉɔ.

Ɛ́fɛ̂zɛ 1:22

Sɛ́ kɑ níꞋ yúu tsʉʉ mbɔ̌ wɛ́. Sɛ́ kɑ pɔ́ tɛ ńníꞋ kʉ̈ɔ́ lɑ́ nǔu mbɔ́ mɛ́, ŋ́ɡɛ ɑ pɔ́ mbɔ̌ cúꞋlɛ-pʉɔ Sɛ́, ḿbɔ́ tú, nɛpɔ́ yi pʉɔ-cúꞋlɛ ɡʉ ḿbɔ́ ńzúꞋ ntsu wɛ́.

Filipɛ 4:3

Ḿbɛn ŋ́ɡʉ nǔu ɡu, kwɑꞋ súu wɑɑ tsɛt fɑꞋ, mɔ sɛ́ ḿbúꞋ mbɔ́ mbɔ̌ ɡu ŋɡɔ ɔ cẅɛ́lɛ́ wɔ́p, pɑŋɡɛ́ ɛ̂pɑ́ pɛkŋɛ pɛpɔ́p nɛ́ Kɛlɛmɑ̂ŋ kɑ tɛmtɛ́nɛ ńdʉ̈ɔ́Ꞌ ntsɔ nǔu nu-Ŋkʉʉ Sʉ́Ꞌnɛ, ŋ́ɡɛ pɛcɔ́ pʉɔ pi pɛk pɔ́p kɑ pɔ́ ɛ́fɑꞋ tɛ mɛlík mɔ́p tsɛt ŋwɑꞋnɛ yi ɛ́ mbɔ̌ Sɛ́.

Kɔlɔsíyɛ̂ŋ 1:12

Pʉʉ lɔk tsɑ́ɑtɛ ŋ́ɡɛ́mtɛ Sɛ́ ẅí ɑ Tɑ́t wɛkŋɛ, jʉ́ ẅí ɑ kɑ ɡɛnɛ pʉʉ kuꞋ nɛɡẅɛɛ yʉ́ʉ yúu nǔu ntʉ̈ɔt ẅí ɑ kɑ kɑꞋnɛ mbɔ̌ pʉɔ pɛ́. Ẅîwɑ́ ntʉ̈ɔt nǔu zʉꞋ kyɛꞌ.

Kɔlɔsíyɛ̂ŋ 1:24

Ɛ́ ŋkɔ̂ɔnɛ ŋɡʉ̈ɔ́Ꞌ yi mɔ sɛ́ ńjʉ́ɔ nǔu tú yʉ́ʉ ɡɛ n tsɑ́ɑtɛ tsɑ́ɑtɛ́nɛ. Pɑ́Ꞌ Kɛlístɔ kɑ jʉ́ɔnɛ ŋɡʉ̈ɔ́Ꞌ lɑ́, mɔ sɛ́ ńjʉ́ɔ ŋɡʉ̈ɔ́Ꞌ ntɛ́ cúꞋlɛ yi ɛ́ mbʉʉ yɛ. Ŋ ɡɛ pɔ́Ꞌɔ ńdɔk ḿmikŋɛ fɑꞋ yɛ́.

1 Timɔtɛ́ɛ 3:5

Ŋu lɑɑ ńzɛɛ mbɔɔ jí nɛlíŋɛ njɛ́Ꞌ yɛ pɔ́, ɑ líŋɛ cúꞋlɛ-pʉɔ-Sɛ́ ŋɡɔ́ku?

Ɛ́bɛlʉʉ 11:4

Ɛ́ kɑ fú pɔ nǔu pɑ́Ꞌ Ábɛɛ kɑ zɑ́pnɛ tʉ́m yɛ́ nǔu Sɛ́, lɑ ńnɔŋ wɛ́ pɔꞋ, ɛ́ pɔŋ mbɔ̌ Sɛ́ ńdɛɛ wɛ Kɑyin. A kɑ fú pɔ nǔu, Sɛ́ líŋɛ wɛ́ tɛ ńcú ŋɡɔ, ɑ ndʉ́ŋndʉŋ mbi yɛ́, mbɔ ɑ kɑ tsʉ́Ꞌ nɛnyɛt, ḿbɛ́m yúu mi Ábɛɛ lɔknɛ ńtɔ́ mbi yɛ́. Ɛ́ kɑ fú pɔ nǔu pɑ́Ꞌ Ábɛɛ kɑ zɑ́pnɛ tʉ́m yɛ́ nǔu Sɛ́, ɛ́ pɛ́t lɔ́Ꞌnɛ ńcú nu mbɔ̌ pɛkŋɛ cúnɛ, lɑ́ mbɔ ɑ kɑ pfú mɔ́.

Ɛ́bɛlʉʉ 11:40

Pɔ́Ꞌɔ mbíꞋŋɡɔ Sɛ́ kɑ kwɑŋɛ yɛcɔ́ nu ńzɑ́p, ɛ́ pɔ́ yi sʉ́Ꞌnɛ mbɔ̌ pɛkŋɛ tɛꞋ. A kɑ pɔ́ ŋ́kɔŋ ŋɡɔ pɛkŋɛ pɛpɔ́p tɛmtɛ ḿbɔ́ pɛ́tsʉʉ, lɑ ɑ ɡɛ pɛkŋɛ pɛpɔ́p kuꞋ pʉɔ pɛ́ pɔ tɑ́Ꞌ ŋkɑ́.

Ɛ́bɛlʉʉ 2:12

A kɑ zɛɛ ńcú mbɔ̌ Sɛ́ ŋɡɔ: «Mɔ ŋ́ɡɛ ɛ́sẅíi pɔ́ɔpɛ́mɑ́ pɑ́ɑ nɛ́ ŋu ẅí ɔ jʉ́. Mɔ ŋ́ɡɛ tʉ́ʉ tsɛt cúꞋlɛ ŋ́ɡúꞋlɛ wú.»

Ɛ́bɛlʉʉ 9:27

Pɑ́Ꞌ Sɛ́ kɑ zɑ́pnɛ ŋɡɔ wɛ́tɛ́ ŋumɛsɔŋ lɑ́ ɡʉ ŋ́kɛ́ ḿpfú pɔ pɑ́Ꞌ jʉ́ Sɛ́ ɡʉ ńtsɔ́Ꞌtɛ ntsɑŋ-ŋɡɑŋ lɑ́,

Jɑ̂k 1:18

Jʉ́ kɑ kɔŋnɛ, ńdɔk sẅiŋɛ yi ɛ́ nɛ́nẅín, ŋ́ɡɛ pɛkŋɛ luk, nɛpɔ́ yi pɛkŋɛ ɡʉ ḿbɔ́ mbɔ̌ wɛ́, ḿbɔ́ ntú-nu nǔu ŋɡɔŋ kʉ̈ɔ́ lɑ́ yi ɑ kɑ ɡɛnɛ.

1 Pyɛ̂ 2:23

Pɛ́ kɑ zɔɔtɛ wɛ́, ɑ kɛ́ ḿbɔɔ tsɔ́Ꞌ. A kɑ pɔ́ ńjʉ́ɔ ŋɡʉ̈ɔ́Ꞌ, ŋ́kɛ́ mbɔɔ ŋu vukŋɛ, ńnɑ́ yɛ́ nu tsʉʉ pɔ nǔu mbɔ́-ŋu ẅí ɑ zɑ́Ꞌnɛ ntsɑŋ ndʉ́ŋndʉŋ.

Mɛnu ɛ́ ńdɑ́Ꞌ ńcẅɛt 13:8

Pʉɔ tsʉʉ pí pɔ́p ndǔ tsɛ́tsɑ́Ꞌ ɡʉ ŋ́ɡɛ ŋ́kẅíꞋlɛ mbi yɛ́, ŋ́ɡúꞋlɛ wɛ́. Pɛ́ lɑ́Ꞌ ŋɡɔŋ pʉɔ tsʉʉ pí pɛ́ ŋ́kɑɑ ŋwɑꞋnɛ lík yɔ́p tsɛt ŋwɑꞋnɛ-luk tɛ ɛ́fú ŋkɑ́ yi mbí kɑ zɛnɛ pɔ́, ŋwɑꞋnɛ ɛ̂yɑ́ yɛ́ mɔ́ɔ-Njinjɔ ẅí pɛ́ kɑ jẅínɛ wɛ́.

Mɛnu ɛ́ ńdɑ́Ꞌ ńcẅɛt 14:4

pʉɔ pí pɔ́p pɑŋɡɛ́ ŋkɑɑ ɡɛ mɛnu ndǔmbí pɔ́, pɔ́p pɔ́ pɔ pʉɔ pi pɔ́p ŋkɑɑ mɑŋɡɛ́ jí. Mɔ́ɔ-Njinjɔ ɡʉ ɡɔ́ lɑ́, pɔ́p cʉ́ɔ pɔ nzʉʉ yɛ́. Pʉɔ pi pɛ́ kɑ ɡʉnɛ tsɛtsɛt pʉɔmɛsɔŋ ńtsuꞋ wɔ́p, pɔ́p ḿbɔ́ mbi Sɛ́ mbɑ mbi Mɔ́ɔ-Njinjɔ, ḿbɔ́ pɔ pɑ́Ꞌ ntú-yúu mi ɛ́ fúnɛ ŋkɑ́Ꞌ lɑ́,

Mɛnu ɛ́ ńdɑ́Ꞌ ńcẅɛt 20:15

Wɔ̌ lɑ́ ẅi pɛ́ ŋkɑɑ jʉ́ɔ lík yɛ́ tsɛt ŋwɑꞋnɛ yí mɛlík-pʉɔ pí pɔ́p ɡẅɛɛnɛ luk kɛ́mɛ tsɛtú pɔ́, pɛ́ mɑꞋ wɛ́ tsɛt nɛpʉ́-múk.

Mɛnu ɛ́ ńdɑ́Ꞌ ńcẅɛt 6:11

Pɛ́ ɡɔ́ɔ ŋ́kɛ́ ŋ́ɡɑ́ fúfú ndẅí mbɔ̌ mbɑ wɔ̌ lɑ́ nǔu pɔ́p, ńcú mbɔ̌ pɔ́p ŋɡɔ pɔ́p nɑ́Ꞌ ḿbɛn ḿbɔ́tnɛ ńzẅíꞋlɛ mɔ́zʉꞋ, pfuꞋ pɔ́ɔpɛ́mɑ́ pɔ́p pi pɔ́p pɛpɔ́p kɑ pɔ́ ɛ́fɑꞋ fɑꞋ-Sɛ́ tɔ́ tɛ ḿmɛ, mbíꞋŋɡɔ ɛ́ sɛ́ ḿbíkŋɛ ŋɡɔ pɛ́ pɛn ńjẅítɛ wɔ́p ɡúu pɑ́Ꞌ pɔ́p.

Mɛnu ɛ́ ńdɑ́Ꞌ ńcẅɛt 6:9

Mɔ́ɔ-Njinjɔ ŋíɛꞋ ŋɛmɛ-ŋwɑ́Ꞌ nǔu zʉꞋ mbɑ́ɑtɛ yɛ́tɑ́ɑ, n jʉ́ɔ mɛtʉ́m-pʉɔ pí pɛ́ kɑ jẅítɛ́nɛ wɔ́p, mbíꞋŋɡɔ pɔ́p kɑ sẅíi nu-Sɛ́ mbɑ nǔu pɑ́Ꞌ pɔ́p kɑ cúnɛ yúu mi pɔ́p jínɛ nǔu nu-Yɛ́su, nɔɔtɛ nɛtsɛ́n-zʉꞋ yí pɛ́ nɔŋnɛ pɔꞋ zúꞋu,