Ɛ́bɛlʉʉ 12:22 - Kɑɑ Fí

²² Lɑ́ ɛ́ kɛ́ ŋ́ɡʉ nǔu pʉʉ, mbɔ pʉʉ kɑ kẅɛ́Ꞌlɛ ńtɔ́ nɛŋkɔ́Ꞌ-Siyɔŋ, ɛ́ lɔk ḿbɔ́ tʉ́sɔŋ-Sɛ́ ẅi ɑ lɔ ḿbɔ́ pɔ ɡú, Yɛlúsɑlɛm ẅi ɛ́ tʉ́nɛ́pú, zʉꞋ yi pɛcʉ̈ɔ́Ꞌ-Sɛ́ kɑ́ sɑ́ŋ tɛ ńjí ndɛn mɛcúꞋlɛ mí ɛ́ zúꞋu tsɛt tsɑ́ɑtɛ pɔ́.

Ɛ́bɛlʉʉ 12:22 교차 참조

Mɑtʉ̈ɔ 16:16

Símɔ Pyɛ̂ pʉ̈ɔt ŋɡɔ: «Ɔ Nzɑ́Ꞌŋkʉ, mɔ́ɔ-Sɛ́ ẅi ɑ ɡú.»

Mɑtʉ̈ɔ 5:35

Kɔɔ pʉʉ lɔk tsɛ́tsɑ́Ꞌ ŋ́kɑɑ, mbíꞌŋɡɔ ɛ́ nɛtík mɛku-Tsɑpʉɔ Sɛ́. Kɔɔ pʉʉ lɔk Yɛlúsɑlɛm ŋ́kɑɑ, mbíꞌŋɡɔ ɛ́ tʉ́sɔŋ fɔɔ wɛ ɡwɛ́.

Pʉɔ-Lɔ́mɑ 11:26

Ɛ́ kɛ́ ḿbɔ́ ŋkɔ̂ɔnɛ Sɛ́ ɡɛ pɑíslɑyɛ̂l pɛtsʉʉ luk. Ɛ́ lɔk ḿbuutɛ nǔu pɑ́Ꞌ pɛ́ kɑ ŋwɑꞋnɛ tsɛt ŋwɑꞋnɛ-Sɛ́ ŋɡɔ: «Nzɑ́Ꞌŋkʉ ɡʉ ńdɑ́Ꞌ fú tʉ́sɔŋ-Siyɔŋ. Ɛ́shɔt njẅɛt-Yɑkɔp pɔ́p pɔɔ pɛn ńtʉʉ tú mbɔ̌ Sɛ́ pɔ́.»

Pʉɔ-Lɔ́mɑ 9:26

Ɛ́ pɔ́ pɔ́Ꞌɔ, zʉꞋ yi pɔ́p kɑ tʉ́ʉnɛ zúꞋu pɛ́ cú mbɔ̌ pɔ́p ŋɡɔ pɔ́p kɑ́ pɔ́ pʉɔ pɑ́ɑ pɔ́, pɔ́p ŋ́ɡɛ ńtʉ́ʉ zúꞋu, pɛ́ cú mbɔ̌ pɔ́p ŋɡɔ: Pʉʉ pɔ́ɔ-Sɛ́ ẅi ɑ ntʉʉ.

Ŋɡɑlɑ̂t 4:26

Lɑ́ Yɛlúsɑlɛm wɛ tʉ́nɛ́pú kɑ́ pɔ́ ŋkwɑɑ pɔ́, jʉ́ pɔ́nɛ mɑ́ wɛkŋɛ.

Ɛ́fɛ̂zɛ 2:19

Ɛ́ lɛɛ pɔ́Ꞌɔ, pʉʉ pɔɔ pɛ́t ḿbɔ́ pɛɡʉʉ pɔ́, ŋ́kɛ́ mbɔɔ pɛn ḿbɔ́ pɔ pʉɔ pi pɔ́p lɛɛ lɛɛnɛ pɔ́. Pʉʉ lɔk ḿbɔ́ yʉ́ʉ pʉɔ-lɑ́Ꞌ pɑ́Ꞌ pɛcɔ́ pʉɔ pi pɔ́p pʉɔ-Sɛ́. Pʉʉ lɔk ḿbɔ́ nǔu tsɛ́nndɑ́-Sɛ́.

Filipɛ 3:20

Ɛ́ ɡʉ nǔu pɛkŋɛ, mbɔ wɛkŋɛ ŋɡɔŋ pɔ tʉ́nɛ́pú. Pɛkŋɛ sɛ́ ńzẅíꞋlɛ ŋɡɔ Tsɑpʉɔ Yɛ́su Kɛlístɔ fú zúꞋu ńtɔ́, ŋ́ɡɛ pɛkŋɛ luk.

1 Tɛsɑlɔník 1:9

Pɛ́ nɑ́ŋ ɛ́sẅíi ntɛ́ yi pʉʉ kɑ lɔknɛ ńcẅɛ́ɛ wɛ́k, ŋkɑ́ yi pɛk kɑ tɔ́nɛ tsɛtsɛt pʉʉ, mbɑ ntɛ́ yi pʉʉ kɑ lɔknɛ ńtɛ́m ŋkwɛn nǔu yúu mi pɛ́ ɡúꞋlɛnɛ ŋɡɔ ɛ́ mɛsɛ́, ɛ́shɔtnɛ ńdíŋɛ Sɛ́ kɛ́ kúp sẅiŋɛ, ńtsʉ́Ꞌ ɛ́fɑꞋ pɔ mbɔ̌ wɛ́ ẅi ɑ ntʉʉ.

2 Timɔtɛ́ɛ 4:18

Tsɑpʉɔ ɡʉ ŋ́ɡɛ ɛ́fú nǔu nu kɛpɔŋ ntɛ́ nɛ́ ntɛ́ ńcẅɛɛtɛ wɑ́ɑ, ŋ́ɡɛ ńduk nɛpɔ́ yi ŋ ɡʉ ŋ́kúu tsɛt nɛfɔɔ nɛ́ tʉ́nɛ́pú. Gúꞌlɛ pɔ́ mbɔ̌ Tsɑpʉɔ mɛŋɡuꞋ mɛŋɡuꞋ. Ɛ́ pɔ́Ꞌɔ.

Ɛ́bɛlʉʉ 10:31

Yúu mi ḿbɔ́ ŋu ńnɑ́ŋ ḿbɔ́k tɛꞋ, ɛ́ nɛvu ntsɑŋ mbi Sɛ́ ẅi ɑ pɔ́ pɔ ɡú!

Ɛ́bɛlʉʉ 11:10

Ábɛlɛhɑ̂m kɑ ɡɛ pɔ́Ꞌɔ, mbíꞋŋɡɔ ɑ kɑ pɔ́ ńzẅíꞋlɛ tʉ́sɔŋ yi ɛ́ ɡẅɛɛ cʉ́ yi ɛ́ tɛn tɛnnɛ. Sɛ́ nɛ́ túmbʉʉ yɛ́ jínɛ pɑ́Ꞌ yîyɑ́ tʉ́sɔŋ ɡʉ ŋ́ɡɛ ḿbɔ́, jʉ́ nɛ́ túmbʉʉ yɛ́ pɛnnɛ ŋ́kút.

Ɛ́bɛlʉʉ 11:16

Wɛcɔ́ nɛɡɛ pɔ́Ꞌɔ ŋkɑɑ kɛ́ ḿbɛn ḿbɔ́ ɡú mbɔ̌ pɔ́p pɔ́, mbíꞋŋɡɔ pɔ́p kɑ tsʉ́Ꞌ ńtsɑ́ɑ pɔ yɛcɔ́ lɑ́Ꞌ yi ɛ́ pɔŋnɛ ńdɛɛ yîyɑ́, lɑ́Ꞌ yi ɛ́ tʉ́nɛ́pú. Ɛ́ yúu mi ɛ́ ɡɛnɛ Sɛ́ lɔk pɔ tsɑ́ɑtɛ ḿbɛ́m ŋɡɔ pɔ́p fúŋ wɛ́ ŋɡɔ Sɛ́ yɔp. A kɑ zɛɛ ńniitɛ tɑ́Ꞌ tʉ́sɔŋ ḿbɔ́ ńdɔk ńzẅíꞋlɛ wɔ́p.

Ɛ́bɛlʉʉ 13:14

MbíꞋŋɡɔ tʉ́sɔŋ yɛkŋɛ yɛ́ ndǔ tsɛ́tsɑ́Ꞌ zɑꞋnɛ kɑ́ pɔ́ yi ɛ́ ɡʉ ńdɑ́Ꞌ ḿbɔ́ pɔ ɡú pɔ́, lɑ́ pɛkŋɛ kɛ́ ḿbɔ́ ńdɔɔ yi ɛ́ ŋ́ɡɛ lɑ ńtɔ́.

Ɛ́bɛlʉʉ 3:12

Pɔ́Ꞌɔ lɑ́, mbɑ̌ɑ pɔ́ɔpɛ́mɑ́ pɑ́ɑ, pʉʉ lɑk tú yʉ́ʉ, kɔɔ tʉ́m wɛcɔ́ ŋu wʉ́ʉ tɛn ndʉꞋ tɛ ɛ́fú nǔu Sɛ́ ẅí ɑ pɔ́ pɔ ɡú ńjɛ́p tʉ́m yɛ́.

Ɛ́bɛlʉʉ 9:14

Ɛ́ lɑɑ ḿbɔ́ yi ɛ́ kɑ pɔ́ pɔ́Ꞌɔ, mbɔ ŋkɑ́ yɛ́sʉ́Ꞌ nǔu pɑ́Ꞌ mɛci-Kɛlístɔ ɡʉ ḿbɔ́? A Kɛlístɔ ẅí Zẅikŋɛ kɛ́mɛ kɑ ɡɛ, ɑ lɔk tú yɛ́ ńnɔŋ pɔꞋ ẅí lɔ́Ꞌ kɑ́ pɔ́ nǔu pɔ́ mbi Sɛ́. Mɛci mɛ́ ɡʉ ńdɑ́Ꞌ suk ntsɛ́llɛ́-mɛfɑꞋ mi ɛ́ ŋ́ɡɑ́ pɔ nɛvú ẅí ɛ́ nǔu pɛkŋɛ tɛ tʉ́m yɛkŋɛ pɔɔ pɛn ŋ́ŋɑk wɛkŋɛ pɔ́, nɛpɔ́ yi pɛkŋɛ ɡʉ ɛ́fɑꞋ mbɔ̌ Sɛ́ ẅí ɑ ḿbɔ́ pɔ ɡú.

Jẅidɛ 1:14

Ɛnɔ̂k ẅí ɑ nǔu mɛzuŋ sɑɑmbɑ́ nɛfú nǔu Ádɑm, ɑ kɑ zɑ́Ꞌ njí ńcẅi Ŋkʉʉ-Sɛ́ ẅí ɛ́ líŋɛ́nɛ wɔ́p ńcú ŋɡɔ: «Pʉʉ zúꞋ Tsɑpʉɔ ɡʉ ńdɔk pɛcʉ̈ɔ́Ꞌ pɛ́ pɛ Lɛ́ɛnɛ́nɛ, ńtɔ́ tɛ pɔ́p zɑ́ɑ zɑ́ɑnɛ tɛ ḿbɔ́ pɛ́ pɔɔ sɑ́ŋ ńjí ndɛn pɔ́.»

Mɛnu ɛ́ ńdɑ́Ꞌ ńcẅɛt 14:1

N jʉ́ɔ pɔ yúu tɛ ḿbɔ́tnɛ ńnɑ́ŋ, ńjʉ́ɔ Mɔ́ɔ-njinjɔɔ, ɑ tʉ́ʉ ndǔ nɛŋkɔ́Ꞌ-Siyɔŋ. Pɔ́p pʉɔ ntsɑ́Ꞌ ŋkʉ nɛ́ ntsɑ́Ꞌ ntsɔ̌pɛ́nɛ́kwɑ nɛ́ mɛɡɛ́mɛ́nɛ́kwɑ pɔ́nɛ (144.000). Mbɔ pɛ́ kɑ ŋwɑꞋnɛ lík-Mɔ́ɔ-Njinjɔ mbɑ yɛ́ Tɑ́t wɛ nǔu nɛzíi nɔ́p.

Mɛnu ɛ́ ńdɑ́Ꞌ ńcẅɛt 21:10

Ńcú pɔ́Ꞌɔ, Zẅikŋɛ jʉ́ wɑ́ɑ, ńtíi wɑ́ɑ ńdɔk ŋ́ɡʉ ndǔ nɛcɔ́ mɑ́mɑ́ nɛŋkɔ́Ꞌ ńtík, ɛ́ sɑk ŋ́ɡʉ tʉ́ tɛꞋ, ŋ́ɡɔ́ɔ ŋ́kɛ́ ńnyɛt wɑ́ɑ nɛ́ tʉ́sɔŋ lɛ́ɛnɛ́nɛ, Yɛlúsɑlɛm. A pɔ́ ɛ́fú tʉ́nɛ́pú nɛjɔ́ŋ Sɛ́ ḿpfúu.

Mɛnu ɛ́ ńdɑ́Ꞌ ńcẅɛt 21:2

M bɛn ńjʉ́ɔ tʉ́sɔŋ Lɛ́ɛnɛ́nɛ, Yɛlúsɑlɛm yi fí, pɔ́ ɛ́fú nɛjɔ́ŋ Sɛ́ ḿpfúu, ḿbɔ́ pɑ́Ꞌ nzwɛ́ŋɡʉʉ ẅí ɑ kẅiinɛ mbʉʉ yɛ́ ḿbɔ́ ńzẅíꞋlɛ ndúu mɛ lɑ́.

Mɛnu ɛ́ ńdɑ́Ꞌ ńcẅɛt 22:19

Ŋu kɛ́ ŋ́ɡʉ nǔu mɛnu mi pɛ́ cúnɛ tsɛt yɔ ŋwɑꞋnɛ, ɛ́ pɔ́ mi ɛ́ ɡʉ ŋ́ɡɛ mbɑ mi ɛ́ ɡʉ ńdɑ́Ꞌ lɑ ŋ́ɡɛ lɑɑ, cẅɛ́tɛ yɛcɔ́ yúu, mbɔ Sɛ́ ɡʉ ŋ́ɡɛ ńcẅɛ́tɛ yɛ́ yúu mi ɑ ḿbɔ́ ŋ́ɡʉ ŋ́ɡẅɛɛ nǔu mɛntɑ́ɑ-tʉ́ mi ɛ́ ɡɛnɛ pɛ́ tsuŋ ḿbɔ́ ɡú tɛ mbɑ yɛ́ yúu mi ɑ kɛ́nɛ́ ŋ́ɡẅɛɛ tsɛt tʉ́sɔŋ lɛ́ɛnɛ́nɛ yi pɛ́ lɛ́Ꞌlɛ́nɛ tsɛt yɔ ŋwɑꞋnɛ.

Mɛnu ɛ́ ńdɑ́Ꞌ ńcẅɛt 3:12

Ŋu ẅí ɑ ɡʉ ńdʉ̈ɔ́Ꞌ ntsɔ tɛ ńdɛɛ nu kɛpɔŋ, ŋ ɡʉ ŋ́ɡɛ ńdɔk ŋɡɑŋ tík ntɔ́ɔ nǔu zʉꞋ-nɔŋpɔꞋ-Sɛ́ wɑɑ, ŋɡɑŋ pɔɔ lɑ́Ꞌ ɛ́fú zúꞋu, ŋ́ɡʉ nǔu yɛcɔ́ zʉꞋ pɔ́. Ŋ ɡʉ ŋ́ɡɛ ŋ́ŋwɑꞋnɛ lík-Sɛ́ wɑɑ nǔu ŋɡɑŋ, ḿbɛn ŋ́ŋwɑꞋnɛ lík-tʉ́sɔŋ-Sɛ́ wɑɑ nǔu ŋɡɑŋ. Yîyɑ́ tʉ́sɔŋ pɔ́ Yɛlúsɑlɛm yɛ fí yi ɛ́ fúnɛ tʉ́nɛ́pú, nɛjɔ́ŋ Sɛ́ wɑɑ, ńcúŋ. Ŋ ɡʉ ḿbɛn ŋ́ŋwɑꞋnɛ mbɑ lík yɑ́ɑ yi fí nǔu ŋɡɑŋ.

Mɛnu ɛ́ ńdɑ́Ꞌ ńcẅɛt 7:2

N jʉ́ɔ wɛcɔ́ tɑ́Ꞌ Cʉ̈ɔꞋ-Sɛ́, pɔ́ ɛ́fú shʉ́ sɑ́Ꞌnɛm, ŋ́ɡẅɛɛ yúu mi Sɛ́ ẅi ɑ lɔ ḿbɔ́ pɔ ɡú, ɑ lɔk ńcʉ̈ɔꞋ lii yɛ́ nǔu yúu. Wîwɑ́ Cʉ̈ɔꞋ-Sɛ́ pɔ́ ńdɔk ŋɡi tɛnnɛ ńcú mbɔ̌ pɛcʉ̈ɔ́Ꞌ-Sɛ́ pɛ́nɛ́kwɑ pí pɛ́ kɑ ńtúunɛ wɔ́p ŋɡɔ pɔ́p ɡʉ ŋ́ɡɛ nu kɛpɔŋ ndǔ tsɛ́tsɑ́Ꞌ, mbɑ nǔu ŋki kɛ́ nɛpɑt lɑ́ ŋɡɔ: