Ɛ́bɛlʉʉ 12:18 - Kɑɑ Fí

¹⁸ Ɛ́ ɡʉ nǔu yʉʉ ntɛ́ nɛlɔk kẅɛ́Ꞌlɛ mbɑɑtɛ Sɛ́, mbɔ ɛ́ kɑ́ pɔ́ pɑ́Ꞌ yɛ́ pɑíslɑyɛ̂l mbʉʉ nɛŋkɔ́Ꞌ-Sinɑyi yi ɛ́ pɔ́ pɔ yɛ́ ndǔ tsɛ́tsɑ́Ꞌ pɔ́. Pɔ́p kɑ jʉ́ɔ múk pɑ́Ꞌ ɛ́ kʉ́nɛ, ńjʉ́ɔ zʉꞋ sʉ́ʉ, nzɛ́nzʉ́ʉ vu, ńzúꞋ fɛ́m tsʉ́Ꞌnɛ,

Ɛ́bɛlʉʉ 12:18 교차 참조

Pʉɔ-Lɔ́mɑ 6:14

Nu kɛpɔŋ zɛɛ ḿbɔɔ ńdɑ́Ꞌ ŋ́ɡʉ ḿbɛn ŋ́ɡẅɛɛ wʉ́ʉ pɔ́, mbíꞋŋɡɔ pʉʉ kɑ́ pɛ́t ńnɛn nǔu sɛ̂ndúŋ nɛpʉ́ʉ pɔ́, pʉʉ ńtsʉ́Ꞌ ńnɛn pɔ nǔu sɛ̂ndúŋ ẅi Sɛ́ sɛ́ ńdɛɛ nǔu ŋ́ɡɑ́ fuꞋ níinɛ yʉ́ʉ, pʉʉ pɔ́ ŋ́ɡɛ yúu mi ɛ́ ndʉ́ŋndʉŋ.

Pʉɔ-Lɔ́mɑ 8:15

Zẅikŋɛ yi pɛ́ kɑ níꞋnɛ nǔu pʉʉ, zɛɛ mbɔɔ Zẅikŋɛ yi ɛ́ ɡʉ ŋ́ɡɛ pʉʉ pɛn ḿbɔ́ pɔ pɛkwɑɑ pi pɔ́p ŋ́ɡɛ ḿbɔ́ ńcʉ̈ɔꞋ cʉɔꞋnɛ pɔ́. Ɛ́ pɔ́ pɔ Zẅikŋɛ yi ɛ́ ŋ́ɡɛ ŋ́ɡɛ pʉʉ tsʉ́Ꞌ pɔ́ɔ-Sɛ́. Pɛkŋɛ pɛn ńdúꞋnɛ yîyɑ́ Zẅikŋɛ, ɛ́fúŋ wɛ́ ŋɡɔ Ábɑ; ɛ́ pɔ́ ŋɡɔ Tɑ̌ɑ.

2 Kɔlɛ̂ŋtɛ 3:7

Pʉʉ pɛn ḿbɔ́ ńjí yʉ́ʉ pɑ́Ꞌ nu-nɛpʉ́ʉ kɑ pɔ́nɛ pɔ́Ꞌɔ. Pɛ́ kɑ ŋwɑꞋnɛ nǔu tɑ̌fɛlɛ́-ŋɡɔꞋ, ɛ́ ɡɛ pɛ́ pfú pfúnɛ. Tɛ mbɑ pɔ́Ꞌɔ, fɑꞋ nǔu nu-nɛpʉ́ʉ ɛ̂nɑ́, ɡẅɛɛ mɑ́mɑ́ nɛŋwɑ́ŋɛ, tɛ pɑíslɑyɛ̂l pɔɔ kuꞋ nɛlíŋɛ ẅîwɑ́ nɛŋwɑ́ŋɛ nǔu shʉ́-Mɔ̌sɛ̂ɛ pɔ́, mbɑ pɑ́Ꞌ ɑ ŋ́kɑɑ ńnɑ́ŋ pɔ́.

2 Kɔlɛ̂ŋtɛ 3:9

Ɛ́ lɑɑ ḿbɔ́ yi nu nǔu fɑꞋ-nɛpʉ́ʉ ni tɛ mbɑ pɑ́Ꞌ ɛ́ ḿbɔ́ ŋ́ɡɛ pɛ́ pfú pfúnɛ, ɛ́ kɑ ɡẅɛɛ nɛŋwɑ́ŋɛ, mbɑ nu nǔu fɑꞋ yi ɛ́ ɡɛnɛ pʉɔ tʉ́ʉ ndʉ́ŋndʉŋ mbi Sɛ́ ɡʉ ŋ́kɛ́ ŋ́ɡẅɛɛ nɛŋwɑ́ŋɛ ńdɛɛ yîyɑ́,

2 Timɔtɛ́ɛ 1:7

N cú mbíꞋŋɡɔ Zẅikŋɛ yi Sɛ́ kɑ zɛɛ ŋ́ɡɑ́ mbɔ̌ pɛkŋɛ, ɛ́ kɑ́ pɔ́ yi ɛ́ ŋ́ɡɛ pɛkŋɛ pɔ́k pɔ́knɛ pɔ́. Tɛ ńtsʉ́Ꞌ pɔ́Ꞌɔ, mbɔ Zẅikŋɛ ɛ̂yɑ́ níꞋ mɛtʉʉ nǔu pɛkŋɛ, ŋ́ɡɛ pɛkŋɛ kɔŋ pʉɔmɛsɔŋ, ḿbɛn ŋ́kúꞋlɛ mbʉʉ yɛkŋɛ.