40 Pɔ́Ꞌɔ mbíꞋŋɡɔ Sɛ́ kɑ kwɑŋɛ yɛcɔ́ nu ńzɑ́p, ɛ́ pɔ́ yi sʉ́Ꞌnɛ mbɔ̌ pɛkŋɛ tɛꞋ. A kɑ pɔ́ ŋ́kɔŋ ŋɡɔ pɛkŋɛ pɛpɔ́p tɛmtɛ ḿbɔ́ pɛ́tsʉʉ, lɑ ɑ ɡɛ pɛkŋɛ pɛpɔ́p kuꞋ pʉɔ pɛ́ pɔ tɑ́Ꞌ ŋkɑ́.
Wɛcɔ́ nɛɡɛ pɔ́Ꞌɔ ŋkɑɑ kɛ́ ḿbɛn ḿbɔ́ ɡú mbɔ̌ pɔ́p pɔ́, mbíꞋŋɡɔ pɔ́p kɑ tsʉ́Ꞌ ńtsɑ́ɑ pɔ yɛcɔ́ lɑ́Ꞌ yi ɛ́ pɔŋnɛ ńdɛɛ yîyɑ́, lɑ́Ꞌ yi ɛ́ tʉ́nɛ́pú. Ɛ́ yúu mi ɛ́ ɡɛnɛ Sɛ́ lɔk pɔ tsɑ́ɑtɛ ḿbɛ́m ŋɡɔ pɔ́p fúŋ wɛ́ ŋɡɔ Sɛ́ yɔp. A kɑ zɛɛ ńniitɛ tɑ́Ꞌ tʉ́sɔŋ ḿbɔ́ ńdɔk ńzẅíꞋlɛ wɔ́p.
ḿbɛn ńzúꞋ tɛ ŋ́kuꞋ ŋu ẅí ḿbɔ́ ɑ ɡɛ pʉɔ pi pɔ́p zúꞋnɛ ntsu wɛ́ tɛmtɛ ńduk ndɑꞋ ndɑꞋ.
Pɔ́Ꞌɔ mbíꞋŋɡɔ nɛpʉ́ʉ-Mɔ̌sɛ̂ɛ ŋkɑɑ ɡɛ tɛ yɛcɔ́ yúu kuꞋ nǔu ntɛ́ yi Sɛ́ sɛ́ ŋ́kɔŋ pɔ́. Ɛ́ ŋkɔ̂ɔnɛ, mbɔ Sɛ́ kɑ tík yɛcɔ́ ndúŋ fí, kwɑŋɛ yɛkŋɛ nɑ́ŋ ŋkɔ̂ɔnɛ ńtsʉ́Ꞌ ńtʉ́ʉ pɔ nǔu. Ɛ́ pɔŋ ńdɛɛ wɛcɔ́, mbíꞋŋɡɔ pɛkŋɛ ńdɛɛ nǔu ŋ́ɡʉ tɛ ŋ́kúu nɛjɔ́ŋ Sɛ́.
Ɛ́ kɑ fú nǔu, Sɛ́ lɔk Yɛ́su ŋ́ɡɛ nɛlẅíi yɔ kɑɑ fí yi ɛ́ pɔŋnɛ ńdɛɛ yɛcɔ́.
Lɑ́ ɛ́ ŋkɔ̂ɔnɛ, mbɔ Kɛlístɔ kɑ kɛ́mɔ́ ŋ́ɡẅɛɛ yɛ́ fɑꞋ ɛ́ lɛɛ yɛ́ pɑnɔŋpɔꞋ ɛ̂pɑ́ tɛꞋ, mbíꞋŋɡɔ ɑ zɛɛ ḿbɔ́ nɛnkɛ́m nǔu nu-kɑɑ yi ɛ́ pɔŋnɛ ńdɛɛ yi ŋkɑ́mbi, Sɛ́ kɑ pɔ́ ŋ́ɡwɑt yɔ kɑɑ, ŋ́kɑꞋ mɛnu mbɔ̌ pɛkŋɛ, ɛ́ pɔŋ tɛ ńdɛɛ.
Ɛ́ lɑɑ ḿbɔ́ yi ɛ́ kɑ pɔ́ ḿbíkŋɛ ŋɡɔ pɛ́ lɔk ntɛ́ yi pɛ́ lɛ́Ꞌlɛ́nɛ lɑ́, ńcẅɛɛtɛ lɔ́Ꞌ nǔu yúu mi pɛ́ kẅíinɛ, ɛ́ pɔ́ mi pɛ́ kɑ pɔ́ ńdɔk fʉꞋnɛ mi ɛ́ tʉ́nɛ́pú fʉꞋnɛ́nɛ, mbɔ ɛ́ ɡʉ nǔu kwɑꞋ mîmɑ́ mɛyúu mi ɛ́ tʉ́nɛ́pú, ɛ́ píkŋɛ ŋɡɔ pɛ́ nɔŋ pɔꞋ ẅí ɛ́ pɔŋnɛ ńdɛɛ ẅîwɑ́.
Pɛ́ ɡɔ́ɔ ŋ́kɛ́ ŋ́ɡɑ́ fúfú ndẅí mbɔ̌ mbɑ wɔ̌ lɑ́ nǔu pɔ́p, ńcú mbɔ̌ pɔ́p ŋɡɔ pɔ́p nɑ́Ꞌ ḿbɛn ḿbɔ́tnɛ ńzẅíꞋlɛ mɔ́zʉꞋ, pfuꞋ pɔ́ɔpɛ́mɑ́ pɔ́p pi pɔ́p pɛpɔ́p kɑ pɔ́ ɛ́fɑꞋ fɑꞋ-Sɛ́ tɔ́ tɛ ḿmɛ, mbíꞋŋɡɔ ɛ́ sɛ́ ḿbíkŋɛ ŋɡɔ pɛ́ pɛn ńjẅítɛ wɔ́p ɡúu pɑ́Ꞌ pɔ́p.
