Ɛ́bɛlʉʉ 11:4 - Kɑɑ Fí

⁴ Ɛ́ kɑ fú pɔ nǔu pɑ́Ꞌ Ábɛɛ kɑ zɑ́pnɛ tʉ́m yɛ́ nǔu Sɛ́, lɑ ńnɔŋ wɛ́ pɔꞋ, ɛ́ pɔŋ mbɔ̌ Sɛ́ ńdɛɛ wɛ Kɑyin. A kɑ fú pɔ nǔu, Sɛ́ líŋɛ wɛ́ tɛ ńcú ŋɡɔ, ɑ ndʉ́ŋndʉŋ mbi yɛ́, mbɔ ɑ kɑ tsʉ́Ꞌ nɛnyɛt, ḿbɛ́m yúu mi Ábɛɛ lɔknɛ ńtɔ́ mbi yɛ́. Ɛ́ kɑ fú pɔ nǔu pɑ́Ꞌ Ábɛɛ kɑ zɑ́pnɛ tʉ́m yɛ́ nǔu Sɛ́, ɛ́ pɛ́t lɔ́Ꞌnɛ ńcú nu mbɔ̌ pɛkŋɛ cúnɛ, lɑ́ mbɔ ɑ kɑ pfú mɔ́.

Ɛ́bɛlʉʉ 11:4 교차 참조

Mɑtʉ̈ɔ 23:35

Pɔ́Ꞌɔ, mɛci-pɛpúꞋ pɛtsʉʉ mi pɛ́ kɑ tswɛtnɛ ndǔ tsɛ́tsɑ́Ꞌ tɛmtɛ ńcúŋ nǔu pʉʉ. Nɛfú nǔu mɛci-Abɛ̂ ẅí ɑ kɑ pɔ́ ńzúꞋnɛ Sɛ́, ŋ́ɡʉ ŋ́kúu nǔu mɛ́ Sɑkɑlíyɑ, mɔ́ɔ-Mbɑlɑshi, ẅi pʉʉ kɑ jẅínɛ wɛ́ nzʉʉ nɛkɛlɛmúk-pɔꞋ lɑ pɛ́ kúu ndɑ́-nɔŋpɔꞋ.

Lúkɑ́shi 11:51

Pʉɔ pinɛ Sɛ́ ɡɛnɛ ńdɑ́Ꞌ ḿbíkŋɛ mɛci mɔ́p mbɔ̌ pʉɔ pinɛ pɔ́p ndǔ mbí ŋkɔ̂ɔnɛ pɔ́p zɛɛ ńzɑ́ɑ tɛꞋ. Tɛ ɛ́fú nǔu mɛ Ábɛɛ ẅi pɛ́ kɑ piitɛ nǔu wɛ́ nɛjẅí, ŋ́ɡʉ ŋ́kúu nǔu mɛ Sɑkɑlíyɑ ẅi pɛ́ kɑ jẅí wɛ́ pɔ ntsu ndɑ́-nɔŋpɔꞋ, mbʉʉ nɛkɛlɛmúk yúu-pɔꞋ. Sɛ́ ɡʉ ńdɑ́Ꞌ ḿbíkŋɛ wɔ́p pɛtsʉʉ pɔ mbɔ̌ pʉɔ pinɛ pɔ́p tsɛt mbí ŋkɔ̂ɔnɛ.

Tîtɛ 1:16

Pɔ́p tʉ́ʉ ńcú ŋɡɔ pɔ́p jí Sɛ́, lɑ́ mɛnu mi pɔ́p ɡɛnɛ nyɛt ŋɡɔ pɔ́p kɑ́ jí wɛ́ pɔ́. Pɔ́p ɡɛ yúu mi ɛ́ shẅɛt shẅɛtnɛ, ńtʉʉ tú mbɔ̌ Sɛ́ tɛꞋ, mbɔ pɔ́p zɛɛ mbɔɔ ɡɛ nu sʉ́Ꞌnɛ pɔ́.

Ɛ́bɛlʉʉ 11:2

Sɛ́ kɑ cú nǔu pɛcɔ́ pʉɔ pɛ́ pɛ́ ŋkɑ́mbi ŋɡɔ, pɔ́p kwɑꞋ pʉɔ, ɛ́ fú pɔ nǔu yɔp ntɛ́ nɛzɑ́p tʉ́m nǔu wɛ́.

Ɛ́bɛlʉʉ 12:1

Ɛ́ ɡʉ nǔu pɛkŋɛ, pʉɔ ɛ̂pɑ́ pɛtsʉʉ tʉ̈ɔ́Ꞌlɛ wɛkŋɛ ńníꞋ sɔŋ, ḿbɔ́ ńnyɛt wɛkŋɛ nɛ́ sɛ̂ndúŋ. Pɔ́Ꞌɔ lɑ́, pɛkŋɛ ńtsʉ́ʉ mbɑ kʉ̈ɔ́ lɑ́ yi ɛ́ sɛ́ ńtɑɑtɛ wɛkŋɛ ḿmɛꞋ, kɛ́ likŋɛ mɛnu kɛpɔŋ mí ɛ́ ɡẅɛɛnɛ wɛkŋɛ tɛ ńtsɑ ńtsʉ́Ꞌ mɑt. Pɛkŋɛ mɛꞋ, ńtɑ́ɑmɛ yɛkŋɛ ndʉ́ɔlɛ́ yi Sɛ́ cúnɛ ŋɡɔ mbɔ pɛkŋɛ tɑ́ɑmɛ. Pɛkŋɛ pɔ́ tɛ ḿbɔ́ ŋ́kʉɔ kɔɔ pɛkŋɛ kɑ́ɑ.

Ɛ́bɛlʉʉ 12:24

Pʉʉ kɑ kẅɛ́Ꞌlɛ mbʉʉ yʉʉ ńtɔ́ nɛ́ nɛjɔ́ŋ Yɛ́su ẅí ɑ kɑ tswɛt mɛci mɛ́ nɛlɔk ɛ́suk lɔ́Ꞌ nǔu pɛkŋɛ, ɑ nɛnkɛ́m nǔu kɑɑ yi ɛ́ yi fí, mɛci mɛ́ ɡẅɛɛ nu yi ɛ́ cú mbɔ̌ pɛkŋɛ, ɛ́ cúnɛ ńdɛɛ nu yi mɛci Ábɛɛ cúnɛ.

Ɛ́bɛlʉʉ 5:1

Pɛ́ zɛɛ ŋ́ɡʉ pɔ tsɛtsɛt pʉɔmɛsɔŋ ńtsɔ́Ꞌ NɔŋpɔꞋ wɛ ɡwɛ́ pɔ nɛpɔ́ yi ɑ ɡʉ ɛ́fɑꞋ mbɔ̌ Sɛ́, nǔu tú-pʉɔmɛsɔŋ. Yɛ́ fɑꞋ pɔ́ nɛlɔk yúu ńtɔ́ mbi Sɛ́ ńnyɛt wɛ́, mbɑ nɛnɔŋ pɔꞋ ńdɔk ḿbúꞋ mbɔ́ mbɔ̌ wɛ́ ŋɡɔ ɑ likŋɛ mɛnu kɛpɔŋ-pʉɔmɛsɔŋ.

Ɛ́bɛlʉʉ 9:22

Pɛ́ lɑɑ ńdíŋɛ nǔu ntɛ́ yɛ́ nɛpʉ́ʉ-Mɔ̌sɛ̂ɛ, mbɔ ḿbɔ́ pɛ́ cú ŋɡɔ pɛ́ lɔk mɛci-mɛnɑɑ, suk lɔ́Ꞌ nǔu nɛlʉ́m mɛyúu. Pɛ́ pɛn ńjí ŋɡɔ: Pɛ́ lɑɑ ŋ́kɛ́ mbɔɔ tswɛt mɛci pɔ́, Sɛ́ kɛ́ mbɔɔ mɛfɑɑnɛ pʉɔmɛsɔŋ likŋɛ.

2 Pyɛ̂ 2:8

Jʉ́ ŋu ndʉ́ŋndʉŋ mbi Sɛ́, kɑ pɔ́ ńnɑ́ŋ tsɛtsɛt pʉɔ ɛ̂pɑ́, ńjʉ́ɔ ntɛ́ yi pɔ́p lɔknɛ ńnɑ́ŋ, ńzúꞋ mɛnu mi pɔ́p cúnɛ. Pɑ́Ꞌ tʉ́m yɛ́ kɑ tʉ́ʉnɛ pɔ nǔu yúu mi ɛ́ ndʉ́ŋndʉŋ lɑ́, mîmɑ́ mɛnu ɡɑ́ɑnɛ wɛ́ ɡɑ́ɑnɛ́nɛ lɛ́Ꞌ tsʉʉ.

Jẅidɛ 1:11

Ndɔɔ tú pɔ́p mbíꞋŋɡɔ pɔ́p nɛn nǔu mɛku-Kɑ́yín, ḿbɔ́ ɛ́fɑɑnɛ ndúŋ mbíꞋ ŋkɑ́p pɑ́Ꞌ Mbɑlɑm. Pɔ́p pɔ́Ꞌɔ, mbɔ pɔ́p lɑ́kŋɛ mɔ́, mbíꞋŋɡɔ pɔ́p tʉʉ tú mbɔ̌ Sɛ́ pɑ́Ꞌ Kɔlɛ̂.