Ɛ́bɛlʉʉ 11:17 - Kɑɑ Fí

¹⁷ Ɛ́ kɑ fú pɔ nǔu pɑ́Ꞌ Ábɛlɛhɑ̂m kɑ zɑ́pnɛ tʉ́m yɛ́ nǔu Sɛ́, lɑ́ ńtʉ́ʉ nɛlɔk Ɛ́sɑk ńnɔŋ pɔꞋ mbɔ̌ Sɛ́ nɔŋnɛ, nǔu ŋkɑ́ yi Sɛ́ kɑ lʉŋtɛ́nɛ wɛ́, ńtʉ́ʉ nɛlɔk Ɛ́sɑk ńnɔŋ pɔꞋ pɔ́Ꞌɔ, ɑ pɔ́ mbɔ̌ wɛ́ ḿbɔ́ ndɑꞋ mɔ́ɔ, ḿbɔ́ ŋu mbɛ́ɛnɛ, mbɔ Sɛ́ kɑ lɑ́Ꞌ ŋ́kɑꞋ nu mbɔ̌ wɛ́ mbíꞋ Ɛ́sɑk.

Ɛ́bɛlʉʉ 11:17 교차 참조

Jɑ̂ŋ 3:16

MbíꞋŋɡɔ ntɛ́ yi Sɛ́ kɑ lɔknɛ ŋ́kɔŋ píimbí pɔ́Ꞌɔ kɑ pɔ́ tɛ ɑ ɡɑ́ Mɔ́ɔ nɛ wɛ́mɔ́Ꞌ, nɛpɔ́ yi wɛ́t ŋu lɑ́ ẅi ɑ zɑ́pnɛ tʉ́m yɛ́ nǔu Mɔ́ɔ nɛ ɛ̂wɑ́, kɛ́ lɑ́Ꞌ ńtíi ndɔɔ kɛ́mɛ pɔ́, ɑ ɡʉ ńdɑ́Ꞌ ŋ́ɡẅɛɛ pɔ luk kɛ́mɛ.

2 Kɔlɛ̂ŋtɛ 8:12

Ŋu ɡɑ́ yúu nɛ́ tʉ́m sʉ́Ꞌnɛ, Sɛ́ ɡɔ́ ḿbɛ́m yúu mi ŋɡɑŋ ɡɑ́nɛ, ɛ́fú pɔ nǔu yi ŋɡɑŋ ɡẅɛɛnɛ, ɑ kɛ́ fú nǔu yi ŋɡɑŋ kɑ́ ɡẅɛɛ pɔ́.

Ɛ́bɛlʉʉ 11:13

Pɔ́p pɛtsʉʉ kɑ ɡɔ́ ḿpfútɛ ḿbɔ́ ńzɑ́p tʉ́m yɔ́p pɔ nǔu Sɛ́, ŋ́kɛ́ ḿbɛ́t pɔ kɛ́ ɡẅɛɛ yúu mi Sɛ́ kɑ kɑꞋnɛ mbɔ̌ pɔ́p. Lɑ́ pɔ́p kɑ kɛ́ ńtʉ́ʉ ńjʉ́ɔ ɛ́ pɛ́t ŋɡɑ sɛsɑ, nu pɔŋ wɔ́p tɛꞋ, pɔ́p sɑ́ɑnɛ sɑ́ɑnɛ́nɛ ńcú ŋɡɔ pɔ́p ndǔ tsɛ́tsɑ́Ꞌ ḿbɔ́ pɔ pɛɡʉʉ, ḿbɛn ḿbɔ́ pɔ nɛɡwɑ́.

Ɛ́bɛlʉʉ 7:6

Mɛlkisɛdɛk ŋkɑɑ ŋu nǔu njẅɛtndɑ́-Lɛ́vi pɔ́, lɑ́ Ábɛlɛhɑ̂m ɡɑptɛ yúu pɛ́ nji nɛɡɛ́m, ŋ́ɡɑ́ tɑ́Ꞌ nji mbɔ̌ wɛ́, ɑ cẅɛ́ɛ, ńníꞋ mbɔ́tnɛ nǔu wɛ́ ẅí Sɛ́ kɑ kɑꞋnɛ yúu mbɔ̌ wɛ́.

Jɑ̂k 5:11

Pʉʉ jʉ́ɔ pɑ́Ꞌ pɛkŋɛ fúŋnɛ pʉɔ pí pɔ́p kɑ sʉknɛ ŋɡɔ pɛpɔ́ttú. Pʉʉ kɑ zúꞋ pɑ́Ꞌ pɛ́ kɑ lɛ́Ꞌlɛ́nɛ ntɛ́ yi Jɔp kɑ lɔknɛ ɛ́sʉk pɔ́Ꞌɔ. Pʉʉ pɛn ńjí yúu mi ɛ́ kɑ tsʉ́Ꞌ nɛmɛkŋɛ Tsɑpʉɔ ɡɛ nǔu wɛ́, mbíꞋŋɡɔ Tsɑpʉɔ ɡẅɛɛ pɔŋtʉ́m tɛꞋ, ńtsɑ́ɑ mɛjʉ́ŋ pɔ pɔ́Ꞌɔ.

1 Pyɛ̂ 4:12

Pɛsúu pɑ́ɑ pɛ́ tʉʉndɛn, pʉʉ tsɛt múk ḿbɔ́ ńjʉ́ɔ ŋɡʉ̈ɔ́Ꞌ. Kɔɔ pʉʉ jʉ́ɔ ɛ́ kʉꞋnɛ wʉ́ʉ, ɛ́ kɑ́ pɔ́ yɛcɔ́ nu fí pɔ́. Pɛ́ ɡʉ ɛ́fú nǔu ńjí yúu mi pʉʉ yɛ́tɛ́.

Mɛnu ɛ́ ńdɑ́Ꞌ ńcẅɛt 3:10

Pɑ́Ꞌ pʉʉ kɑ ɡẅɛɛnɛ sẅiŋɛ yɑ́ɑ tɛ ḿbɔɔ kɑ́ɑ lɑ́, mɔ yɑ́ɑ ŋ ɡʉ ŋ́ɡɛ ńtʉ̈ɔ́Ꞌlɛ wʉ́ʉ nǔu ŋkɑ́ yi ŋɡʉ̈ɔ́Ꞌ ɡʉ ŋ́ɡɛ ńtɔ́ ndǔ yɔ mbí tsʉʉ, ŋ́kwɑꞋlɛ pʉɔmɛsɔŋ pi pɔ́p ndǔ tsɛ́tsɑ́Ꞌ.