Ɛ́bɛlʉʉ 10:4 - Kɑɑ Fí

⁴ MbíꞋŋɡɔ yɛcɔ́ luk yí ḿbɔ́ mɛci pɛlúu-pɛfɔŋ mbɑ mɛ́ pɛkɛkɔm fú nǔu ŋumɛsɔŋ ńjɛ́p mɛnu kɛpɔŋ mɛ́ ɡú pɔ́.

Ɛ́bɛlʉʉ 10:4 교차 참조

Mɑ́lɛ́kúshi 12:33

Ɛ́ pɔŋ ŋɡɔ ŋu kɔŋ wɛ́ nɛ́ ŋɡɔŋ tʉ́m yɛ́ tsʉʉ, nɛ́ jínu yɛ́ pɔ́p mɛtʉʉ mɛ́ tsʉʉ, ḿbɛn ŋ́kɔŋ mɔ́ɔmɑ́ wɛ ŋumɛsɔŋ pɑꞋ túmbʉʉ yɛ́. Ŋɡɑŋ ɡɛ pɔ́Ꞌɔ, ɛ́ pɔŋ Sɛ́ ńtsɑ nɛtɔɔ mɛyúumɛku ŋ́ɡɑ́ mbɔ̌ wɛ́, ńtsɑ mbɑ yúu-pɔꞋ yi mbɔ ɑ ɡɑ́ mbɔ̌ wɛ́.»

Jɑ̂ŋ 1:29

Njí ɡɛ ŋ́kiɛ, Jɑ̂ŋ jʉ́ɔ Yɛ́su pɔ́ ńtɔ́, ɑ cú ŋɡɔ: «Yɔ Mɔ́ɔ-Njinjɔ ẅí Sɛ́ lɔknɛ ɛ́fɛꞋ ndɔɔ-mɛnu mí pʉɔ kɑ ɡɛnɛ.»

Pʉɔ-Lɔ́mɑ 11:27

Yɔ kɑɑ yi pɛkŋɛ pɛpɔ́p ɡʉ ńdɑ́Ꞌ ŋ́ɡwɑt, ŋkɑ́ yi ŋ ɡʉ ńdɑ́Ꞌ ńcẅɛɛtɛ mɛnu kɛpɔŋ mɔ́p.

Ɛ́bɛlʉʉ 10:1

Mɛndɛ́ndɑ́k mi ɛ́ nǔu Nɛpʉ́ʉ-Mɔ̌sɛ̂ɛ zɛɛ ḿbɔ́ pɔ jʉ́jʉ́ŋ-mɛyúu sʉ́Ꞌnɛ mi Sɛ́ kɑ ɡɛnɛ pɑ́Ꞌ ɛ́ ɡʉ ńdɑ́Ꞌ ńtɔ́, ɛ́ kɑ́ lɔk ḿbɔ́ kwɑꞋ mîmɑ́ mɛyúu pɔ́. Ɛ́ yúu mi ɛ́ ŋ́ɡɛ, mbɔ nɛpʉ́ʉ ɛ̂nɑ́ pɔɔ lɔk nu pɔꞋ ẅí ɛ́ ḿbɔ́ ḿbíkŋɛ ŋɡɔ pɛ́ lɔk ńtɔ́ mbi Sɛ́ ŋɡuꞋ tsʉʉ, ɛ́ kɛ́ ḿbɔ́ pɔ tɑ́Ꞌ ntɛ́, ńdɔk ŋ́ɡɛ pʉɔ pi pɔ́p sɛ́ ńtsɑ́ɑ nɛkẅɛ́Ꞌlɛ ńtɔ́ nɛ́ nɛjɔ́ŋ Sɛ́, kuꞋ nɛpɔ́ pʉɔ kɛ́ lɔ́Ꞌ pɔ́.

Ɛ́bɛlʉʉ 10:11

Ɛ́ ɡʉ nǔu nɔŋpɔꞋ wɛ ndɛn kɑɑ, mbɔ ɑ lɛ́Ꞌ tsʉʉ, ńtʉ́ʉ pɔ ntsu fɑꞋ yɛ́, ŋ́kɛ́ ńnɔŋ pɔ tɑ́Ꞌ ntɛ́ pɔꞋ ẅi ḿbɔ́ ɛ́ pɔɔ lɑ́Ꞌ yɛcɔ́ lɛ́Ꞌ ŋ́kuꞋ nɛfú nǔu ŋu ńjɛ́p mɛnu kɛpɔŋ mɛ́ pɔ́.

Ɛ́bɛlʉʉ 10:8

A zɛɛ ḿbiitɛ ńcú ŋɡɔ: «Ɔ kɑ́ kɔŋ pɔꞋ pɔ́, ŋ́kɛ́ mbɔɔ kɔŋ yúu mi pɛ́ lɔknɛ ńtɔ́ mbi ɡu pɔ́, ŋ́kɛ́ mbɔɔ kɔŋ nɑɑ ẅí pɛ́ tɔɔnɛ wɛ́ pɔ tsʉʉ pɔ́, ŋ́kɛ́ mbɔɔ kɔŋ pɔꞋ ẅí pɛ́ nɔŋnɛ mbi ɡu mbíꞋ nu kɛpɔŋ pɔ́, mîmɑ́ mɛyúu kɑ́ pɔŋ wú pɔ́, lɑ́ ɛ́ kɛ́ ḿbɔ́ pɔ mɛyúu mi nɛpʉ́ʉ sɛ́ ḿbíkŋɛ ŋɡɔ pɛ́ ɡɛ».

Ɛ́bɛlʉʉ 9:9

Ɛ́ mbɔ̌ pɛkŋɛ nǔu ŋkɔ̂ɔnɛ ḿbɔ́ lii yi pɛ́ lɔknɛ nyɛt wɛkŋɛ nɛ nu. Yîyɑ́ nu pɔ́ ŋɡɔ: Yúu mi pɛ́ ɡɑ́nɛ mbɔ̌ Sɛ́ pɔ́p pɔꞋ ẅi pɛ́ nɔŋnɛ mbi yɛ́, ḿbɔ́ ɛ́ pɔɔ ɡɛ tɛ tʉ́m-ŋu ẅí ɑ ɡúꞋlɛ́nɛ Sɛ́ nǔu yîyɑ́ ntɛ́, kɛ́ ḿbɛ́t ḿbɔ́ ŋ́ŋɑk wɛ́ ŋɑknɛ pɔ́.

1 Jɑ̂ŋ 3:5

Pʉʉ sɛ́ ńjí ŋɡɔ Yɛ́su Kɛlístɔ kɑ tɔ́ nɛjɛ́p mɛnu kɛpɔŋ, yɛcɔ́ nu kɛpɔŋ pɛn ŋ́kɛ́ mbɔɔ nǔu wɛ́ pɔ́.