31 Yúu mi ḿbɔ́ ŋu ńnɑ́ŋ ḿbɔ́k tɛꞋ, ɛ́ nɛvu ntsɑŋ mbi Sɛ́ ẅi ɑ pɔ́ pɔ ɡú!
Kɔɔ pʉʉ pɔ́k pʉɔmɛsɔŋ, pɔ́p kuꞋ pɔ ndɑꞋ nɛjẅí mbɑp-mbʉʉ, ḿbɛn ŋ́kɛ́ mbɔɔ kuꞋ nɛkuu zẅikŋɛ pɔ́. Pʉʉ pɔ́k pɔ ndɑꞋ Sɛ́, mbíꞌŋɡɔ ḿbɔ́ ɑ tɛmtɛ mbɑp-mbʉʉ pɔ́p zẅikŋɛ ŋ́ɡwɛ́tnɛ, ḿbɛn ŋ́kuꞋ nɛmɑꞋ tsɛt múk.
Símɔ Pyɛ̂ pʉ̈ɔt ŋɡɔ: «Ɔ Nzɑ́Ꞌŋkʉ, mɔ́ɔ-Sɛ́ ẅi ɑ ɡú.»
Lɑ́ mɔ ɛ́sẅíi wʉ́ʉ ŋu ẅi pʉʉ ɡẅɛɛ nɛpɔ́k wɛ́: Pʉʉ pɔ́k pɔ ndɑꞋ Sɛ́ mbíꞋŋɡɔ ḿbɔ́ ɑ jẅí ŋu, ḿbɛn ŋ́kuꞋ nɛmɑꞋ wɛ́ tsɛt múk. Ɛ́ pɔ́Ꞌɔ lɑ́, n cú ŋɡɔ pʉʉ pɔ́k pɔ ndɑꞋ Sɛ́.
Tsɛ́tsɑ́Ꞌ ɡʉ ńdɑ́Ꞌ mbuu ńtsʉꞋnɛ nǔu mɛzʉꞋ tɛ ńzɑ́ɑ, ɡwɑ́Ꞌ pɔ́p cʉ́ vu tsɛt mɛpɑk-ŋɡɔŋ tɛ ńzɑ́ɑ. Mɛtɛn mɛnu ɡɛ, mɛyúu mi pɛ́ ɡʉ ńjʉ́ɔ ḿbɔ́k pɔ́knɛ ńcẅɛt nɛpú.»
Tsuŋ ńzúꞋ ŋkɔ̂ɔnɛ, Tsɑpʉɔ Sɛ́ zɑ́p pɔ́ yɛ́ nǔu ɡu. Ɔ ɡʉ fʉ tɛ ɛ́ nɑ́Ꞌ ńnɑ́ŋ, ɔ pɔɔ pɛn ńjʉ́ɔ lík-nɛm pɔ́.» Ńcú pɔ́Ꞌɔ, mík Ɛlímɑs sʉ́ʉ. A tsʉ́Ꞌ ḿbɔ́ pɔ tsɛt nzɛ́nzʉ́ʉ, ńzɛ nɛshɔtnɛ ńzɛmɛ zʉꞋ, ńdɔɔ ŋu ẅí ɑ ɡʉ ŋ́ɡẅɛɛ pɔ́ yɛ́.
Pɑ́Ꞌ pɛk sɛ́ ńjí yúu mi pɛ́ fúŋnɛ ŋɡɔ nɛpɔ́k Tsɑpʉɔ lɑ́, pɛk nɑ́ŋ ńdɔɔ pɔ shʉ́, ŋ́ɡɛ pʉɔ tsuŋ ńjí pʉɔ pi pɛk pɛ́tɛ. Sɛ́ sɛ́ ńtsuŋ ńjí pʉɔ pi pɛk pɛ́tɛ, mɔ sɛ́ ŋ́kwɑŋɛ ŋɡɔ pʉʉ tsɛt tʉ́m pʉ́ʉ ḿbɔ́ ńtsuŋ ńjí ŋu wi mɔ wɛ́tɛ́.
Pɛkŋɛ tsʉ́Ꞌ ŋ́ɡẅɛɛ pɔ nɛɡɔ́ ńzẅíꞋlɛ yúu mi ɛ́ sɛ́ ńtɔ́, ḿbɛn ḿbɔ́ ŋ́ɡwɛt, yîyɑ́ yúu pɔ́ ŋɡɔ pɛ́ ɡʉ ŋ́ɡɛ ŋ́ŋɑk pʉɔmɛsɔŋ mbɑ ŋɡɔ, ŋkʉꞋnɛ pɛmúk ɡʉ ŋ́ɡɛ ńtɔɔ pɑtʉʉtú mbɔ̌ Sɛ́.
MbíꞋŋɡɔ Sɛ́ wɛkŋɛ, ɛ́ múk ẅi ɛ́ tɔɔnɛ yúu tsʉʉ yi ɛ́ mbɔ̌ wɛ́ ḿbɔ́ yɛ kɛpɔŋ.
Pɔ́Ꞌɔ lɑ́, mbɑ̌ɑ pɔ́ɔpɛ́mɑ́ pɑ́ɑ, pʉʉ lɑk tú yʉ́ʉ, kɔɔ tʉ́m wɛcɔ́ ŋu wʉ́ʉ tɛn ndʉꞋ tɛ ɛ́fú nǔu Sɛ́ ẅí ɑ pɔ́ pɔ ɡú ńjɛ́p tʉ́m yɛ́.
