Biblia Todo Logo
온라인 성경

- 광고 -




Ɛ́bɛlʉʉ 10:29 - Kɑɑ Fí

29 Tɛ ɛ́ lɑɑ ḿbɔ́ pɔ́Ꞌɔ, mbɔ pʉʉ kwɑŋɛ yʉ́ʉ ŋɡɔ ŋɡʉ̈ɔ́Ꞌ yi ɛ́ sɛ́ ḿbíkŋɛ ŋɡɔ pɛ́ zɑ́p tú ŋu ẅi ɑ lɔknɛ mɔ́ɔ-Sɛ́ ɛ́fúŋ yɑ́ yúu ɡʉ ńdɑ́Ꞌ ḿbɔ́ pɑꞋ? Pɛ́ lɑ́Ꞌ ŋu ẅí ɑ ɡwɑ́knɛ nu mɛci mi Sɛ́ lɔknɛ ŋ́ɡwɑt kɑɑ, ɛ́ pɔ́ mi pɛ́ kɑ lɔknɛ ŋ́ɡɛ ɑ tsʉ́Ꞌ ŋu-Sɛ́, ɑ ŋu ẅi ɑ zɔɔtɛ Zẅikŋɛ Lɛ́ɛnɛ́nɛ yi ɛ́ ɡɛnɛ pɛkŋɛ jí pɑ́Ꞌ tʉ́m Sɛ́ pɔŋnɛ nzʉʉ pɛkŋɛ pɔ́Ꞌɔ.

장을 참조하십시오 복사




Ɛ́bɛlʉʉ 10:29
40 교차 참조  

MbíꞋŋɡɔ yɔ mɛci mɑ́ɑ, ɛ́ mɛci mí Sɛ́ lɔknɛ ŋ́ɡwɑt kɑɑ, ɛ́ mi ɛ́ tswɛtnɛ nǔu tú-pʉɔ tɛ ńzɑ́ɑ, pɑ́Ꞌ Sɛ́ ɡʉ ńdɔk ńdikŋɛ mɛnu kɛpɔŋ mɔ́p.


Kɔɔ pʉʉ ɡɑ́ yúu mi ɛ́ yɛ́ Sɛ́, mbɔ̌ mvú mbɔ pɔ́p ḿbɛn ɛ́shɔtnɛ ńnɛ́mtɛ wʉ́ʉ. Kɔɔ pʉʉ mɑꞋ túkcí yʉ́ʉ mbi mɛnjínɑɑ. Mbɔ Pɔ́p ɡʉ ńnʉŋtɛ nɛ́ mɛku.


ńjʉ́ɔ ɡɑŋku-Yɛ́su pɔ́ ńjʉ́ yúu nɛ́ lɔ́Ꞌ nǔu mbɔ́ mɔ́p, mbɔ́ mi pɔ́p kɑ́ suk.


«Ŋu lɑɑ ɛ́sẅíŋɛ kɛpɔŋ nǔu Mɔ́ɔ-ŋu, mbɔ Sɛ́ ɡɛ ńdɑ́Ꞌ ńdikŋɛ ŋ́ɡɑ́ mbɔ̌ wɛ́, lɑ́ ŋ́kɛ́ ńzɔɔtɛ Zẅikŋɛ Lɛ́ɛnɛ́nɛ, mbɔ pɛ́ kɛ́ pɛn ńdɑ́Ꞌ ńdikŋɛ ŋ́ɡɑ́ mbɔ̌ ŋɡɑŋ pɔ́.»


mɔ m bɛn ńtʉ́ʉ pɑ́Ꞌɑ ḿbɔ́ ŋu ẅí Tɑ̌ɑ mɔ Sɛ́ kɑ tsɔ́Ꞌnɛ ńtúu ndǔ yɔ mbí, mbíꞋŋɡɔ n cúnɛ ŋɡɔ mɔ mɔ́ɔ-Sɛ́, pʉʉ cú ŋɡɔ n zɔɔtɛ Sɛ́?


Ŋ́ɡʉ nǔu mɔ, ŋ ɡɑ́ mbʉʉ yɑɑ mbɔ̌ ɡu ntɛ́ wɔ́p, ńjí ŋɡɔ pɔ́p ɡʉ ɛ́fú nǔu nu nɛ́nẅín, ńtsʉ́Ꞌ pʉɔ pú tɛ ɛ́sẅíi nu.


Ɛtiyɛ̂n kɑ pɛ́ɛtɛ tɛ ɛ́ kuꞋ, ɑ cú mbɔ̌ pɑsɑ́Ꞌlɑ́Ꞌ ŋɡɔ: «Pʉʉ tʉʉ tú tɛꞋ. Tʉ́m yʉ́ʉ pɔ́p kwɑŋɛ nu yʉ́ʉ pɔ́ pɔ wɛ pʉɔ pi pɔ́p kɑ́ jí Sɛ́ pɔ́. Pʉʉ pɛn mɔ́ ńdʉꞋ nu yí Zẅikŋɛ-Sɛ́ cúnɛ, ńdɔk ŋ́ɡɛ pɔ pɑ́Ꞌ pɛmɑ́ŋɡɑpnjẅɛt pʉ́ʉ.


Pʉʉ lɑɑ ŋ́ɡɛ pɑ́Ꞌɑ, mbɔ Sɛ́ ẅí ɑ ɡɑ́nɛ mɔ́fíitɛ, ɡʉ ḿmɑꞋ Sɑ́ttɑ sɛ́, pʉʉ lɔk mɛku ńnʉŋtɛ wɛ́. Tsɑpʉɔ wɛkŋɛ Yɛ́su Kɛlístɔ pɔ́ ḿbɔ́ nɛ́ pʉʉ.


Ɛ́ yúu mi ɛ́ ɡɛnɛ pɛ́ cú ŋɡɔ ŋu lɑɑ ŋ́kwɛ́t mbɛlɛ̂ɛt-Tsɑpʉɔ, kɛ ńnɔ́ pɔ ntúꞋ yɛ́ nɛ́ ŋɡwɑ́k ɔɔ, mbɔ ŋɡɑŋ fɑɑnɛ nu nǔu mbɑp-mbʉʉ, mbɑ nǔu mɛci-Tsɑpʉɔ.


mbíꞋŋɡɔ ŋu lɑɑ ŋ́kwɛ́t mbɛlɛ̂ɛt, ńnɔ́ ntúꞋ, kɛ́ pɔ́ ŋ́kẅíitɛ yúu mi ɛ́ lɔknɛ ńcú, mbɔ ŋɡɑŋ lɔk ɛ́fúŋ ntsɑŋ ńníꞋ nǔu wɛ́.


Kɛlístɔ zɛɛ ŋ́ɡẅɛɛ nɛpɔ́ ɛ́sɑ́Ꞌ mbí tɛ ŋ́kúu ŋkɑ́ yi Tɑ́t wɛ lɔknɛ pɛɡɑŋ mbuu pɛ́ ŋ́ɡɛ zʉꞋ yi jʉ́ Kɛlístɔ ɡʉ tík mɛku mɛ́ zúꞋu.


Ɛ́ zɛɛ ḿbɔ́ tsɛt ŋwɑꞋnɛ-Sɛ́, Sɛ́ cú ŋɡɔ: «A lɔk mbɑ kʉ̈ɔ́ lɑ́ ŋ́ɡɛ ntíknɛ mɛku-Kɛlístɔ». Sɛ́ cú pɔ́Ꞌɔ, pɑ́Ꞌɑ, ɛ́ pɔɔ ńdɔk ḿbɔ́ ŋɡɔ jʉ́ Sɛ́ ɡʉ ńdɑ́Ꞌ ḿbɔ́ nǔu mbɔ́-Kɛlístɔ pɔ́, mbíꞋŋɡɔ Sɛ́ zɛɛnɛ ŋ́ɡɑ́ mɛtʉʉ mbɔ̌ Kɛlístɔ lɑ ɑ lɔk ɛ́sɑ́Ꞌ mbɑ kʉ̈ɔ́ lɑ́.


Ɛ́ pɑ́Ꞌ pɛcɔ́ pʉɔ tsɛtsɛt pʉʉ kɑ zɛɛ ḿbɔ́ pɔ́Ꞌɔ. Lɑ́ Sɛ́ kɑ suk mîmɑ́ mɛnu nǔu pʉʉ, ńdɔk wʉ́ʉ ŋ́ɡɛ pʉɔ pɛ́. Sɛ́ wɛkŋɛ kɑ lɔk Zẅikŋɛ yɛ́ ŋ́ɡɛ pʉʉ tsʉ́Ꞌ ḿbɔ́ pɔ pʉɔ pi pɔ́p ndʉ́ŋndʉŋ mbi yɛ́ ntɛ́ Tsɑpʉɔ Yɛ́su Kɛlístɔ. Pʉʉ ɡẅɛɛ mbʉʉ yʉʉ lɑ ńjí ŋɡɔ pʉʉ ńdɔk ŋ́ɡúꞋlɛ Tsɑpʉɔ.


Kɔɔ pʉʉ ɡɛ Zẅikŋɛ Lɛ́ɛnɛ́nɛ yi Sɛ́ kɑ lɔknɛ ńcʉ̈ɔꞋ lii nǔu pʉʉ jʉ́ɔ ŋɡʉ̈ɔ́Ꞌ. A kɑ pɔ́ ńdɔk ńnyɛt ŋɡɔ pʉʉ pʉɔ pɛ́, ḿbɛn ńdɔk ńnyɛt ŋɡɔ lɛ́Ꞌ ɡʉ ńdɑ́Ꞌ ḿbɔ́, ɑ tɛmtɛ ńtsúꞋ wɛkŋɛ, pɛkŋɛ tɛmtɛ ńduk.


ŋ́ɡɛ pɔ́Ꞌɔ, ńdɔk ɛ́fɑk cúꞋlɛ yɛ́ ŋ́ɡɑ́ mbɔ̌ Sɛ́. Ɛ́ ɡɔ́ ḿbɔ́, mbɔ ɑ lɔk ŋki ɛ́suk wɔ́p, ḿbɛn ńdɔk sẅiŋɛ ńcẅɛɛtɛ lɔ́Ꞌ nǔu pɔ́p.


Kɛlístɔ kɑ ɡɛ yúu mi Sɛ́ sɛ́ ŋ́kɔŋ. A kɑ ɡɑ́ túmbʉʉ yɛ́ tɑ́Ꞌ ŋkɑ́ ɛ́ kuꞋ. A lɔk pɔ́Ꞌɔ, ŋ́ɡɛ pɛkŋɛ kuꞋ pʉɔ-Sɛ́.


Pɔ́Ꞌɔ lɑ́, pʉʉ pɑ́ɑ nɛlʉꞋ nɛzẅíꞋlɛ nu yi ɛ́ cẅɛtnɛ ntsu-ŋu ẅí ɑ sɛ́ ńcú nu mbɔ̌ pʉʉ, mbíꞋŋɡɔ ḿbɔ́ yi pɛ́ kɑ níꞋ ntsɑŋ tú-pʉɔ pi pɔ́p kɑ lʉꞋnɛ nɛzúꞋ nu yi Mɔ̌sɛ̂ɛ kɑ pɔ́ ndǔ tsɛ́tsɑ́Ꞌ ḿbɔ́ ŋ́kɑ́k nɛtúutɛ nɔ́p nǔu, mbɔ pɛkŋɛ lɑɑ tɛ́m ŋkwɛn mbɔ̌ Sɛ́ ẅí ɑ tʉ́nɛ́pú, ḿbɔ́ ɛ́sẅíi wɛkŋɛ nɛ nu, mbɔ ɛ́ ŋ́ɡɛ pɑ́Ꞌ lɑ́ pɛkŋɛ pɔɔ kúu pɔ ŋɡʉ̈ɔ́Ꞌ yi ɛ́ lɛɛ yîyɑ́ pɔ́.


Sɛ́ ẅí mbɔ́tnɛ fúnɛ mbɔ̌ wɛ́, ɑ kɑ ɡɛ Yɛ́su, Tsɑpʉɔ wɛkŋɛ fú lɑ́Ꞌ-pɛpfú ŋ́kɔ́Ꞌ. Jʉ́ Tsɑpʉɔ wɛkŋɛ kɑ lɔk pɑ́Ꞌ ɑ tswɛtnɛ mɛci mɛ́, Sɛ́ lɔk ŋ́ɡwɑt kɑɑ yi ɛ́ kɛ́ lɑ́Ꞌ ḿmɛ pɔ́, ńtsʉ́Ꞌ mbyɛ́p mbí wɛ ɡwɛ́, pɑ́Ꞌ ɑ ɡʉ ḿbyɛ́p njinjɔ yɛ́.


Yɛ́su ẅí ɑ zɛɛnɛ ŋ́ɡɛ pʉɔ kuꞋ pʉɔ-Sɛ́ mbɑ pʉɔ pi ɑ ɡɛ mɔ́ pɔ́p kuꞋ, pɔ́p pɛpɔ́p tɛmtɛ ḿbɔ́ pɔ pʉɔ tɑ́Ꞌ ŋu. Ɛ́ yúu mi ɛ́ ɡɛnɛ sʉ́ʉ pɔɔ kɔ́ wɛ́ nɛfúŋ wɔ́p ŋɡɔ pɔ́ɔpɛ́mɑ́ pɛ́ pɔ́.


Pɑ́Ꞌ ɛ́ kɑ pɔ́ pɔ́Ꞌɔ lɑ́, pɛkŋɛ lɑɑ ŋ́ɡwɑ́k nu nǔu mɑ́mɑ́ nu yi Sɛ́ kɑ ɡɛnɛ pɛkŋɛ luk, mbɔ Sɛ́ ŋ́ɡɛ pɑ́Ꞌ tɛ ńnɑ́ wɛkŋɛ? Tsɑpʉɔ Yɛ́su nɛ́ túmbʉʉ yɛ́ kɑ piitɛ ńzɛ nɛcú nu ɛ̂yɑ́. Pʉɔ pi pɔ́p kɑ zúꞋnɛ ntsu wɛ́, ɡʉ ńtsuŋ ɛ́sẅíi wɛkŋɛ ŋɡɔ ɛ́ kwɑꞋ mɑ́mɑ́ nu.


Pɑ́Ꞌ pɛkŋɛ ɡẅɛɛnɛ tɑ́Ꞌ NɔŋpɔꞋ wɛ ɡwɛ́ ẅí ɑ kwɑꞋ ẅîwɑ́ lɑ́, ẅi ɑ kɑ ɡʉnɛ tɛ ŋ́kúu nɛjɔ́ŋ Sɛ́ ntɛ́ wɛkŋɛ lɑ́, ɑ pɔ́ Yɛ́su, ḿbɔ́ mɔ́ɔ-Sɛ́ lɑ́, pɛkŋɛ kúꞋlɛ nu yi pɛ́ kɑ sẅíinɛ wɛkŋɛ, pɛkŋɛ zɑ́p tʉ́m nǔu, ḿbɛn ḿbɔ́ ɛ́sẅíi yîyɑ́ nu mbɔ̌ pɛcɔ́ pʉɔ.


Pɛ́ ɡẅɛɛ nɛnɑ́ mbíꞋŋɡɔ pʉɔ pi Sɛ́ ɡɛnɛ, pɔ́p jʉ́ɔ zʉꞋ fúk, ŋ́ɡɛ ńtɛ́m ŋkwɛn mbɔ̌ Sɛ́, ɛ́ tɛn pɑ́Ꞌ ɛ́ lɑɑ ḿbɔ́ ŋu ɛ́sẅíi wɔ́p nɛ́ nu tɛ pɔ́p pɛn ḿbɛn mbɔ̌ Sɛ́. Pɛ́ cú pʉɔ pɑ́Ꞌ pi pɔ́p kɑ zẅíꞋnɛ yúu mi Sɛ́ fúnɛ tʉ́nɛ́pú ŋ́ɡɑ́ pɔ níinɛ. Sɛ́ ɡɑ́ Zẅikŋɛ Lɛ́ɛnɛ́nɛ mbɔ̌ pɔ́p, pɔ́p zẅíꞋ sẅiŋɛ-sɛ́ tɛ ńzúꞋ pɑ́Ꞌ ɛ́ pɔŋnɛ, ḿbɛn ńjí mbɑ pɑ́Ꞌ mɛtʉʉ mi ɛ́ ɡʉ ńdɑ́Ꞌ lɑ ńtɔ́ pɔ́nɛ. Pɔ́p lɑɑ ŋ́kʉɔ Sɛ́, mbɔ ɛ́ tɛn pɑ́Ꞌ ḿbɔ́ pɛ́ ɡɛ tɛ pɔ́p pɛn ḿbɛn mbɔ̌ Sɛ́, mbíꞋŋɡɔ pɔ́p lɔk nɛɡɛ pɔ́Ꞌɔ, ḿbɛn ŋ́kẅíi mɔ́ɔ-Sɛ́ nǔu tʉ́ mbɑ́ŋtɛ pɑ́ŋtɛ́nɛ, ńtsɔ́Ꞌ wɛ́ ńtík pɛ́ zɔɔtɛ wɛ́.


Ɛ́ kɑ pɔ́ yɛcɔ́ ŋkɑ́, pɛ́ tswɛt mɛci pʉ̈ɔp, kɛ mɛ́ pɛlúu-pɛfɔŋ ɔɔ, kɛ pfú yi ɛ́ fúnɛ nǔu mɔ́ɔ-fɔŋ ẅí pɛ́ tɔɔnɛ ɔɔ, ńtsẅɛtɛ mîmɑ́ mɛyúu nǔu pʉɔ pi ntsɛ́llɛ́ nu kɛpɔŋ nǔu pɔ́p, ɛ́ ɡɛ lɔ́Ꞌ mɛ nǔu mbʉʉ yɔp tɛ pɔ́p kuꞋ nɛpɛn ŋ́ɡúꞋlɛ Sɛ́.


Mɔnɛ mɛci-kɑɑ minɛ Sɛ́ cúnɛ ŋɡɔ kɔɔ pʉʉ lɑ́Ꞌ ńdɔk ḿmɑꞋ kwɑŋɛ,


Yɛ́su Kɛlístɔ ẅi ɑ jʉ́njʉ́ɔ wɛ nɛ́nẅín, ḿbɔ́ nduŋmbi mɔ́ɔ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ, ḿbɔ́ Fɔɔ ńtsɑ pɛfɔɔ pí pɔ́p ndǔ tsɛ́tsɑ́Ꞌ, ḿbɔ́ ŋ́ɡɑ́ fuꞋ níinɛ yʉ́ʉ, ḿbɛn ḿbɔ́ ńníꞋ mɔ́fíitɛ tʉ́m pʉʉ. Jʉ́ Kɛlístɔ kɔŋ wɛkŋɛ tɛꞋ, ɑ kɑ lɔk mɛci mɛ́ ŋ́kíɛꞋ ŋkʉ mɛnu kɛpɔŋ nǔu pɛkŋɛ.


우리를 팔로우하세요:

광고


광고