Ɛ́bɛlʉʉ 10:1 - Kɑɑ Fí

¹ Mɛndɛ́ndɑ́k mi ɛ́ nǔu Nɛpʉ́ʉ-Mɔ̌sɛ̂ɛ zɛɛ ḿbɔ́ pɔ jʉ́jʉ́ŋ-mɛyúu sʉ́Ꞌnɛ mi Sɛ́ kɑ ɡɛnɛ pɑ́Ꞌ ɛ́ ɡʉ ńdɑ́Ꞌ ńtɔ́, ɛ́ kɑ́ lɔk ḿbɔ́ kwɑꞋ mîmɑ́ mɛyúu pɔ́. Ɛ́ yúu mi ɛ́ ŋ́ɡɛ, mbɔ nɛpʉ́ʉ ɛ̂nɑ́ pɔɔ lɔk nu pɔꞋ ẅí ɛ́ ḿbɔ́ ḿbíkŋɛ ŋɡɔ pɛ́ lɔk ńtɔ́ mbi Sɛ́ ŋɡuꞋ tsʉʉ, ɛ́ kɛ́ ḿbɔ́ pɔ tɑ́Ꞌ ntɛ́, ńdɔk ŋ́ɡɛ pʉɔ pi pɔ́p sɛ́ ńtsɑ́ɑ nɛkẅɛ́Ꞌlɛ ńtɔ́ nɛ́ nɛjɔ́ŋ Sɛ́, kuꞋ nɛpɔ́ pʉɔ kɛ́ lɔ́Ꞌ pɔ́.

Ɛ́bɛlʉʉ 10:1 교차 참조

Pʉɔ-Lɔ́mɑ 8:3

Nɛpʉ́ʉ-Mɔ̌sɛ̂ɛ ŋ́kɑɑ kuꞋ nɛɡɛ yîyɑ́ yúu pɔ́, mbíꞋŋɡɔ ŋumɛsɔŋ kɑ lɔk pɑ́Ꞌ ɑ zɑŋɛ zɑŋɛ́nɛ ńtɑɑtɛ. Lɑ́ Sɛ́ kɑ kɛ́ ŋ́ɡɛ yîyɑ́ yúu, ńtsʉ́Ꞌ nɛɡɛ, ńtúu kwɑꞋ Mɔ́ɔ nɛ ɑ shɔtnɛ ńtsʉ́Ꞌ ŋumɛsɔŋ, ḿbɔ́ ŋumɛsɔŋ ẅi ɑ ŋɡɑŋmɛfɑɑnɛ nǔu pɑ́Ꞌ ɑ ɡʉ ńcẅɛɛtɛ wɛ́ tsɛt nu kɛpɔŋ. Sɛ́ kɑ lɔk pɔ́Ꞌɔ, ńjẅí mɛtʉʉ-nu kɛpɔŋ yi ɛ́ sɑ́Ꞌnɛ pʉɔmɛsɔŋ.

Kɔlɔsíyɛ̂ŋ 2:17

Mîmɑ́ mɛyúu lɔk ḿbɔ́ pɔ jʉ́jʉ́ŋ-yúu mi ɛ́ sɛ́ ńtɔ́. KwɑꞋ nɛ́nẅín ɑ Kɛlístɔ.

Ɛ́bɛlʉʉ 10:22

Pɔ́Ꞌɔ lɑ́, pɛkŋɛ pɔ́ kẅɛ́Ꞌlɛ mbʉʉ nɛ́ nɛjɔ́ŋ Sɛ́, ŋ́ɡẅɛɛ tʉ́m ẅi ɛ́ nɛ́nẅín, ḿbɛn ńzɑ́p tʉ́m nǔu Sɛ́ kwɑꞋ sʉ́Ꞌnɛ, mbíꞋŋɡɔ Yɛ́su kɑ lɔk mɛci mɛ́ ɛ́suk tʉ́m yɛkŋɛ tɛ ɛ́ pɔɔ ḿbɛn ḿbɔ́ ŋ́ŋɑk wɛkŋɛ pɔ́, ɑ kɑ lɔk ŋki ẅi ɛ́ sɛ́ ńdɛ́ɛnɛ ɛ́suk mbʉʉ yɛkŋɛ.

Ɛ́bɛlʉʉ 7:11

Nɛpʉ́ʉ-Pɑíslɑyɛ̂l píkŋɛ ŋɡɔ pɛ́ lɔk pɔ pʉɔ-njẅɛt-Lɛ́vi ŋ́ɡɛ pɑnɔŋpɔꞋ. Pɔ́p pɔ́ pɑnɔŋpɔꞋ nǔu ntɛ́ yi Álɔŋ kɑ pɔ́nɛ yɛ́. Yúu kɑ pɔ́ pɛ́Ꞌnɛ mbɔɔ jɑ́k nǔu yɔ́p ntɛ́ nɛnɔŋ pɔꞋ pɔ́, mbɔ nɛnɑ́ wɔ́p, ńtsʉ́Ꞌ ńdɔɔ pɔ wɛcɔ́ nɔŋpɔꞋ pɔ nǔu ntɛ́ yɛ́ Mɛlkisɛdɛk kɑ pɔ́ ŋ́ɡʉ cẅɛ́lɛ́ nǔu kʉ̈ɔ́?

Ɛ́bɛlʉʉ 8:5

FɑꞋ yi pîpɑ́ pɑnɔŋpɔꞋ fɑꞋnɛ, ɛ́ lɔk ḿbɔ́ pɔ fʉꞋ, ńdɔk ḿbɔ́ pɔ jʉ́jʉ́ŋ nǔu kwɑꞋ nu yi ɛ́ tʉ́nɛ́pú. Ɛ́ lɔk pɔ́Ꞌɔ, ḿbɔ́ pɑ́Ꞌ Sɛ́ kɑ nyɛtnɛ Mɔ̌sɛ̂ɛ pɑ́Ꞌ ɑ ɡʉ ŋ́ɡɛ ŋkɑ́ yi ɑ kɑ pɔ́ ŋ́ɡʉ nʉk ntɑp-Sɛ́, Sɛ́ kɑ cú mbɔ̌ wɛ́ ŋɡɔ: «Lʉŋtɛ pɔ nǔu yi ŋ kɑ nyɛtnɛ wú ndǔ nɛŋkɔ́Ꞌ lɑ́».

Ɛ́bɛlʉʉ 9:11

Ɛ́ kɛ́ ḿbɔ́ nǔu ŋkɔ̂ɔnɛ, mbɔ Kɛlístɔ kɑ tɔ́ ḿbɔ́ nɔŋpɔꞋ wɛ ɡwɛ́ nǔu yúu sʉ́Ꞌnɛ yi ɛ́ sɛ́ ńtɔ́. A kɑ ɡɔ́ ńtɔ́, ńjɛ́Ꞌ tsɛt yɛcɔ́ ntɑp, ɛ́ pɔ́ ẅi ɛ́ tsuŋ ŋ́ɡúꞋ ńdɛɛ wɛcɔ́ wɑ́, yɛcɔ́ yúu pɛn ŋ́kɛ́ ḿbɔɔ ńjɑ́k nǔu pɔ́, ɛ́ ŋ́kɑɑ pɔ́ ẅi pʉɔ kɑ lɔknɛ mbɔ́ mɔ́p ńniitɛ pɔ́, ɛ́ lɔk ḿbɔ́ ŋɡɔ ẅîwɑ́ ntɑp kɑ́ pɔ́ tsɛt yɔ mbí yi pɛ́ kɑ niitɛ niitɛ́nɛ pɔ́.

Ɛ́bɛlʉʉ 9:23

Ɛ́ lɑɑ ḿbɔ́ yi ɛ́ kɑ pɔ́ ḿbíkŋɛ ŋɡɔ pɛ́ lɔk ntɛ́ yi pɛ́ lɛ́Ꞌlɛ́nɛ lɑ́, ńcẅɛɛtɛ lɔ́Ꞌ nǔu yúu mi pɛ́ kẅíinɛ, ɛ́ pɔ́ mi pɛ́ kɑ pɔ́ ńdɔk fʉꞋnɛ mi ɛ́ tʉ́nɛ́pú fʉꞋnɛ́nɛ, mbɔ ɛ́ ɡʉ nǔu kwɑꞋ mîmɑ́ mɛyúu mi ɛ́ tʉ́nɛ́pú, ɛ́ píkŋɛ ŋɡɔ pɛ́ nɔŋ pɔꞋ ẅí ɛ́ pɔŋnɛ ńdɛɛ ẅîwɑ́.

Ɛ́bɛlʉʉ 9:25

A ŋ́kɑɑ kúu zúꞋu pɑ́Ꞌ ɑ ɡʉ ńdɔk tú yɛ́ nɔŋ pɔꞋ mɛŋkɑ́ tɛ ńzɑ́ɑ, pɑ́Ꞌ nɔŋpɔꞋ wɛ ɡwɛ́ kɑ pɔ́ ŋ́kúu tsɛt kwɑꞋ zʉꞋ-Sɛ́, mɛŋɡuꞋ mɛŋɡuꞋ, ńdɔk mɛci-nɑɑ ńnɔŋ pɔꞋ pɔ́.