Filipɛ 3:18 - Kɑɑ Fí

¹⁸ Pʉɔ tɛ ńzɑ́ɑ zɛɛ ḿbɔ́ tsɛtsɛt pɛkŋɛ, mɑt wɔp fí pɔ wɛ pʉɔ pi pɔ́p ŋíŋɛ nɛvú Kɛlístɔ nǔu tʉ́ mbɑ́ŋtɛ pɑ́ŋtɛ́nɛ ŋíŋɛ́nɛ. Ŋ kɑ zɛ ɛ́sẅíi wʉ́ʉ, tɛ mbɑ lɔ́Ꞌnɛ, m bɛn ḿbɔ́ ńcú tɛ ńdɔk pɔ ŋki-mík ńcú.

Filipɛ 3:18 교차 참조

Lúkɑ́shi 19:41

Yɛ́su ɡʉ tɛ ḿbɔ́ ŋ́kúu Yɛlúsɑlɛm, ńdíŋɛ tʉ́sɔŋ ńzɛ nɛkíi,

ŊwɑꞋnɛ-Gɑŋntúu Yɛ́su Kɛlístɔ 20:19

Ŋ kɑ fɑꞋ fɑꞋ-Tsɑpʉɔ kɛ́ ŋɑ́Ꞌ mbʉʉ, ŋ́ɡɔ fɑꞋ ḿbɔ́ ńdɑɑ, ḿbɔ́ ńjʉ́ɔ ŋɡʉ̈ɔ́Ꞌ, mbíꞋŋɡɔ pɑyúdɑ kɑ pɔ́ ndɔɔ nɛjẅí wɑ́ɑ.

Pʉɔ-Lɔ́mɑ 9:2

Yîyɑ́ nu ɛ́ ŋɡɔ n nɑ́ŋ kwɑꞋ nɛ́ nɛmʉk, ḿbɛn ḿbɔ́ ńzúꞋ kɛ́kɑ́ŋ tʉ́m mɔ ŋkɑ́ tsʉʉ mbi pɔ́ɔpɛ́mɑ́ pɑ́ɑ pɑyúdɑ.

1 Kɔlɛ̂ŋtɛ 1:18

Pɛ́ zɛɛ ńcú nu nǔu nɛvú-Kɛlístɔ nǔu tʉ́ mbɑ́ŋtɛ pɑ́ŋtɛ́nɛ ɛ́ pɔ́ mbɔ̌ pʉɔ pi pɔ́p nǔu sɛ̂ndúŋ nɛpɛ́ ḿbɔ́ pɔ nu-pɛpɑ́lɛ́, lɑ́ ŋ́kɛ́ ŋ́ɡʉ nǔu pɛkŋɛ pi pɛkŋɛ nǔu sɛ̂ndúŋ-luk, yîyɑ́ nu pɔ́ mbɔ̌ pɛkŋɛ ńdɔk ńdɛꞋlɛ pɔ mɛtʉʉ-Sɛ́.

1 Kɔlɛ̂ŋtɛ 6:9

Pʉʉ kɑ pɔ́ ńjí ŋɡɔ pʉɔ pi pɔ́p ɡẅɛɛnɛ mɑt kɛpɔŋ pɔ́p kɛ́ lɑ́Ꞌ ŋ́ɡẅɛɛ yɔ́p zʉꞋ tsɛt nu-nɛfɔɔ-Sɛ́ pɔ́ kɛ? N dɑꞋ pʉɔ pɑ́Ꞌ pi pɔ́p puutɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ pʉɔ pi pɔ́p ɡúꞋlɛ́nɛ yúu ŋɡɔ ɛ́ mɛsɛ́, mbɑ mbɛ́ɛnɛ pɔ́p pɑŋɡɛ́ pi pɔ́p ɡɛnɛ ɡɑp, mbɑ pɑɡɛ mɛnu shẅɛtshẅɛtnɛ, mbɑ mbɛ́ɛnɛ yi ɛ́ shɔtnɛ́nɛ ŋ́ɡɛ nu-ŋu mbɛ́ɛnɛ pɔ́p mɑŋɡɛ́ tsɛtsɛt pɔ́p kɛ pɑŋɡɛ́ ɔɔ, mbɑ pɛtsɔ́ŋ, kɛ pɑkɔŋ ŋkɑ́p tɛꞋ, pɔ́p pɛpɑ́lɛ́-mɛluꞋ, pɔ́p pɑsẅíŋɛ kɛpɔŋ nǔu mɛlík-pʉɔ, pɔ́p pɑɡẅɛɛ ńcẅɛ́ɛ, líkcɔ́ pʉʉ fúklɛ mbʉʉ yʉʉ nǔu mɔnɛ mɛnu kíi, pîpɑ́ pʉɔ kɛ́ lɑ́Ꞌ ŋ́kúu nǔu nu-nɛfɔɔ-Sɛ́ pɔ́.

2 Kɔlɛ̂ŋtɛ 11:13

Pʉɔ ɛ̂pɑ́ kɑ́ pɔ́ kwɑꞋ ɡɑŋntúu-Kɛlístɔ pɔ́, pɔ́p cɔtnu ŋɡɔ pɔ́p fɑꞋ fɑꞋ-Kɛlístɔ. Mbɔ pɔ́p kɑ ɡɛmɔ́ tɛ ḿbɔ́ yi pɛ́ lɑɑ ńjʉ́ɔ wɔ́p pɛ́ cú ŋɡɔ pɔ́p ɡɑŋntúu-Yɛ́su.

2 Kɔlɛ̂ŋtɛ 11:29

ḿbɔ́ yi ŋu-Kɛlístɔ lɑɑ ḿbɔ́t n zúꞋ ɛ́ pɔ́ pɔ pɑ́Ꞌ ŋkɑ́ yi m bɔ́t yɑ́ɑ lɑ́, ḿbɔ́ yi ŋu-Kɛlístɔ lɑɑ ŋ́ɡɛ nu kɛpɔŋ, ɛ́ ɡɑ́ɑnɛ wɑ́ɑ tɛꞋ.

2 Kɔlɛ̂ŋtɛ 2:4

Ŋ kɑ pɔ́ ŋ́ŋwɑꞋnɛ ŋwɑꞋnɛ ɛ̂yɑ́, ńdɔk pɔ ŋki-mík, tʉ́m yɑ́ɑ pɔ́ ńzɑ́ŋ tɛꞋ, mbʉʉ yɑɑ pɔ́ ńcitɛ, lɑ́ mɔ ŋ́kɑɑ ŋ́kɛ́ ḿbɔ́ ŋ́ŋwɑꞋnɛ ńdɔk ŋ́ɡɛ ŋɡɔ pʉʉ mʉk pɔ́. Ŋ kɑ pɔ́ ŋ́ŋwɑꞋnɛ pɔ́Ꞌɔ, pɔ nɛlɔk ńnyɛt wʉ́ʉ nɛ mɑ́mɑ́ ŋkɔŋɛ yi ŋ ɡẅɛɛnɛ nzʉʉ pʉʉ.

Ŋɡɑlɑ̂t 1:7

Ŋ kɑ́ pɔ́ ńdɔk ńcú ŋɡɔ yɛcɔ́ Ŋkʉʉ sʉ́Ꞌnɛ pɛn ḿbɔ́ ɡú pɔ́, pɛcɔ́ pʉɔ sɛ́ ḿbɔ́ ḿbúunɛ tú yʉ́ʉ, ḿbɔ́ ńdɔɔ nɛkúpmɛ Ŋkʉʉ Sʉ́Ꞌnɛ-Kɛlístɔ.

Ŋɡɑlɑ̂t 2:14

Lɑ́ ŋ kɑ pɔ́ tɛ ńjʉ́ɔ ŋɡɔ pɔ́p kɑ́ pɔ́ ńnɛn ndʉ́ŋndʉŋ nǔu pɑ́Ꞌ Ŋkʉʉ Sʉ́Ꞌnɛ zúꞋu ḿbɔ́ pɔ́Ꞌɔ pɔ́, ɛ sɑ́ɑnɛ sɑ́ɑnɛ́nɛ ńtʉ́ʉ mbi lɑ́Ꞌ, ńcú mbɔ̌ Pyɛ̂ ŋɡɔ: Gu ẅí ɔ ŋu-Pɑyúdɑ, ɔ kɑ́ nɑ́ŋ zɑꞋnɛ nǔu ntɛ́ yi pʉɔ pí pɔ́p kɑ́ pɔ́ pɑyúdɑ pɔ́ sɛ́ ńnɑ́ŋ pɔ́, lɑ́ ɔ ŋ́kɑɑ kɛ́ ńnɑ́ŋ pɑ́Ꞌ ŋu-Pɑyúdɑ pɔ́. Ɔ pɛn ńdɔɔ nɛfyɛ́t pʉɔ pí pɔ́p kɑ́ pɔ́ pɑyúdɑ pɔ́, nɛnɑ́ŋ pɑ́Ꞌ pɑyúdɑ mɛlɑ́Ꞌ kʉ̈ɔ́? Pɑyúdɑ, mbɑ pʉɔ pi pɔ́p kɑ́ pɔ́ pɑyúdɑ pɔ́ luk ńdɛɛ pɔ nǔu pɑ́Ꞌ pɔ́p zɑ́pnɛ tʉ́m nǔu Kɛlístɔ.

Ŋɡɑlɑ̂t 2:21

Ŋ kɑ́ pɔ́ ŋ́ɡʉ ḿbɛ́m, nu sʉ́Ꞌnɛ yi Sɛ́ kɑ lɔknɛ ŋ́ɡɑ́ fuꞋ yɑ́ɑ lɛɛ níinɛ pɔ́. N cú, mbíꞋŋɡɔ ɛ́ lɑɑ ḿbɔ́ yi mbɔ ŋu lɛɛ nǔu nu nɛpʉ́ʉ lɑ Sɛ́ tsʉ́Ꞌ ńdíŋɛ wɛ́ pɔ pɑ́Ꞌ ŋu ẅí ɑ ndʉ́ŋndʉŋ, mbɔ ɛ́ lɔk ḿbɔ́ ŋɡɔ Kɛlístɔ kɑ pfú pɔ níinɛ.

Ŋɡɑlɑ̂t 5:21

Pɑ́Ꞌ nɛtík lík nǔu yúu pʉɔ, pɑ́Ꞌ nɛnɔ́ mɛluꞋ tɛ ḿbɑ́, pɑ́Ꞌ nɛcúꞋlɛ nǔu ndíinɑ nɛkwɛ́t yúu ŋ́ɡɛ mɛnu sʉ́ʉ, mbɑ pɑ́Ꞌ nɛɡɛ mɛcɔ́ mɛyúu mi ɛ́ fínɛ mi pɛ́ tʉ́ʉnɛ lɑɑ. Ŋ kɑ zɛɛ ɛ́sẅíi wʉ́ʉ, ŋ ɡʉ ḿbɛn ɛ́sẅíi wʉ́ʉ ŋɡɔ: Pʉɔ pi pɔ́p ɡɛnɛ yɔ ntɛ́ mɛnu kɛ́ lɑ́Ꞌ ɡẅɛɛ zʉꞋ nǔu nu nɛfɔɔ Sɛ́ pɔ́.

Ŋɡɑlɑ̂t 6:12

Pʉɔ pi pɔ́p ɛ́fyɛ́t wʉ́ʉ fyɛ́tnɛ ŋɡɔ pʉʉ pɛ́m pɛ́ púꞋ wʉ́ʉ, ɛ́ pʉɔ pi pɔ́p lɔɔ pɔ nɛɡɛ yúu mi ɛ́ ɡʉ ḿbɔŋ pɑyúdɑ. Pɔ́p ɡɛ pɔ́Ꞌɔ, ńtsɑ́ɑ ŋɡɔ kɔɔ pɑyúdɑ kʉʉnɛ wɔ́p mbíꞋ ŋɡɔ pɔ́p tʉ́ʉ yɔ́p nǔu nu nɛvú-Kɛlístɔ nǔu tʉ́ mbɑ́ŋtɛ pɑ́ŋtɛ́nɛ.

Ŋɡɑlɑ̂t 6:14

ŋ́ɡʉ nǔu mɔ, mbɔ yúu mi ɛ́ lɑɑ ḿbɔ́ n dɔk ŋ́ŋɑ́Ꞌtɛ, ɛ́ pɔ́ pɔ pɑ́Ꞌ Tsɑpʉɔ wɛkŋɛ Yɛ́su Kɛlístɔ kɑ pfú nǔu tʉ́ mbɑ́ŋtɛ pɑ́ŋtɛ́nɛ lɑ́. Pɑ́Ꞌ ɑ kɑ pfúnɛ nǔu tʉ́ mbɑ́ŋtɛ pɑ́ŋtɛ́nɛ lɑ́, yúu yɔ ndǔmbí ɛ́ tsʉ́Ꞌ nɛjɔ́ŋ mɔ ḿbɔ́ pɔ pfú-yúu, ɛ́ ɡʉ nǔu mɔ m bɔ́ mbɔ̌ pɔ́p, mbɔ ŋ kɑ pfú mɔ́.

Ɛ́fɛ̂zɛ 4:17

Ɛ́ yúu mi ɛ́ ɡɛnɛ, m bɔ́ ńcú yɔ nu tɛ tsuŋ ńcú mbɔ̌ pʉʉ nǔu lík-Tsɑpʉɔ ŋɡɔ: Kɔɔ pʉʉ pɛn ŋ́ɡɛ yʉ́ʉ pɔ pɑ́Ꞌ pʉɔ pi pɔ́p kɑ́ jí Sɛ́ pɔ́ lɑ́. Pɔ́p ɡɛ pɔ yúu mi kwɑŋɛ yɔ́p yi ɛ́ kɑ́ cẅɛ́lɛ́ sẅiŋɛ wɔ́p ŋɡɔ pɔ́p ɡɛ.

Filipɛ 1:4

Ŋ ɡɔ́ ḿbúꞋ mbɔ́ mbɔ̌ Sɛ́ nǔu tú yʉ́ʉ ŋkɑ́ tsʉʉ, tʉ́m yɑ́ɑ pɔ́ ńtsɑ́ɑtɛ tsɑ́ɑtɛ́nɛ,

1 Tɛsɑlɔník 4:6

Lɑ́ ɛ́ ɡʉ nǔu nu-mɑŋɡɛ́, kɔɔ ŋu ɡɛ nu kɛpɔŋ nǔu mɔ́ɔmɑ́ wɛ, kɔɔ ɑ zɛɛ ɛ́fúklɛ wɛ́ mbɑ fúklɛ́nɛ, mbíꞋŋɡɔ Tsɑpʉɔ wɛkŋɛ ɡʉ ńdɑ́Ꞌ ńníꞋ ŋɡʉ̈ɔ́Ꞌ tú-pʉɔ pinɛ pɔ́p ɡɛnɛ pɔ́Ꞌɔ. Pɛk kɑ lɑ́Ꞌ ɛ́sẅíi wʉ́ʉ tɛ ńtsuŋ ɛ́sẅíi.

2 Tɛsɑlɔník 3:11

Pɛk pɛn ḿbɔ́ ńzúꞋ, pɛ́ cú ŋɡɔ pɛcɔ́ pʉɔ tsɛtsɛt pʉʉ ḿbɔ́k fɑꞋ pɔ́knɛ, ńjúk ɛ́sẅíi pɔ mɛnu mi ɛ́ kɑ́ pɔ́ ńdíŋɛ wɔ́p pɔ́.

2 Pyɛ̂ 2:10

A ŋ́ɡɛ ḿbɔ́ lɛ́Ꞌ ɛ̂yɑ́, ḿbiitɛ ńtsuŋ ńzɑ́p ŋɡʉ̈ɔ́Ꞌ pɔ tú-pʉɔ pi pɔ́p ńnɑ́ŋnɛ ŋ́ɡɛ yúu mi mbʉʉ yɔ́p tsʉ́ʉnɛ́nɛ wɔ́p nɛɡɛ, ńnɑ́ŋ ńtsɑ́ɑ mɛnu-ncɛ́llɛ́. Sɛ́ cú nu pɔ́p ɡwɑ́k ɡwɑ́knɛ. PɑzíꞋ pʉɔ nɛ́ cɔtnu, pɔ́p kwɛn nzɔꞋ yɔp tɛꞋ, ḿbɛ́m mɛ́m tɛ mbɔɔ pɔ́k nɛzɔɔtɛ mɛzẅikŋɛ mi ɛ́ ɡẅɛɛnɛ nɛɡúꞋ pɔ́.

Jẅidɛ 1:13

Pɔ́p pɑ́Ꞌ mɛnʉ́ʉ-ŋki mi ɛ́ sɛ́ ńtɛ́mɛ, mɛfɑꞋ-sʉ́ʉ mɔ́p sɑt zʉꞋ pɑ́Ꞌ mɛkyɑŋɛ mi ŋki lɔknɛ ɛ́sɑt zʉꞋ tsʉʉ lɑ́. Pɔ́p pɑ́Ꞌ pɛcʉ̈ɔ́Ꞌ-sɑŋ pi pɔ́p ɡɔ́ ḿbɔ́ ḿbúunɛ, mbɔ Sɛ́ kɑ niitɛ zʉꞋ yɔ́p tɑ́Ꞌ ŋkɑ́ tsɛt fɛ́m nzɛ́nzʉ́ʉ.