Ɛ́fɛ̂zɛ 4:28 - Kɑɑ Fí

²⁸ Pʉɔ pi pɔ́p ɡẅɛɛnɛ mɑt nɛjɔ mɛꞋ tsɔ́ŋ, ńtsʉ́Ꞌ ńdɔk mbɔ́ mɔ́p, ɛ́fɑꞋ tɛ ŋ́kíɛ ziꞋnɛ ńjí ŋɡɔ pɔ́p ɡʉ ŋ́ɡẅɛɛ yúu tɛ ńdɔk yɛcɔ́ ńcẅɛ́lɛ́ pʉɔ pi pɔ́p sɛ́ ńjɑ́k yɔ́p,

Ɛ́fɛ̂zɛ 4:28 교차 참조

Lúkɑ́shi 19:8

Pɔ́pmɛ́ ɡɛ ḿbɔ́ ndɑ́, Sɑkíyɔ tʉ́ʉ mbi yɛ́ ńcú ŋɡɔ: «Tsɑpʉɔ, mɔ ŋ́ɡɑptɛ yúu pɑ́ɑ nji yɛ́pɑ́, ŋ́ɡɑ́ tɑ́Ꞌ nji mbɔ̌ pɛkɛyúu, ḿbɔ́ yi ŋ kɑ lɔk ɡɑ́tɛ ńcẅɛ́ɛ yúu-ŋu, mbɔ mɔ ńtsɔ́Ꞌ ŋ́ɡɑ́ mbɔ̌ ŋɡɑŋ ŋkɑ́ yɛ́nɛ́kwɑ.»

Lúkɑ́shi 3:8

Pʉʉ kúp pɔ mɑt, ŋ́ɡɛ mɛnu sʉ́Ꞌnɛ mi ɛ́ nyɛtnɛ ŋɡɔ pʉʉ kúpmɛ. Pʉʉ pɑ́ɑ nɛlɔk ndɑꞋ ntsu wʉ́ʉ ńcú ŋɡɔ: Pɛk pɔ́ɔ-Ábɛlɛhɑm. Lɑ́ ŋ kɛ́ ɛ́sẅíi wʉ́ʉ: Sɛ́ kuꞋ nɛshɔt mɛŋɡɔꞋ mɔnɛ ńdɔk ŋ́ɡɛ njẅɛt-Ábɛlɛhɑ̂m.

Jɑ̂ŋ 12:6

Júdɑs ŋ́kɑ́ɑ ḿbɔ́ ńcú pɔ́Ꞌɔ, síi ḿbɔɔ ńtsɑ́ɑ pɛpúŋ pɔ́, lɑ́ ɑ kɑ pɔ́ ntsɔ́ŋ, mbíꞋŋɡɔ jʉ́ m̄bɔ́nɛ ŋ́ɡẅɛɛ mɔ́ɔpɑɑ-ŋkɑ́p yɔp pɛ́ Yɛ́su, pɛ́ pɔ́ níꞋ ŋkɑ́p tsɛtú ɑ jʉ̈ɔ.

Jɑ̂ŋ 13:29

Pɛcɔ́ pʉɔ pɔ́ ŋ́kwɑŋɛ ŋɡɔ ɑ cú ŋɡɔ Jẅidɑ ɡʉ ńzúu yɔ́p pɛ́ pɔ́p yúu-ndínɑ, Kɛ pɔ ŋɡɔ ɑ ɡɑ́ yúu mbɔ̌ pɛpúŋ ɔɔ, mbíꞋŋɡɔ jʉ́ m̄bɔ́nɛ ŋ́ɡẅɛɛ mɔ́ɔpɑɑ-ŋkɑ́p wɔp pɛ́pɔ́p.

Pʉɔ-Lɔ́mɑ 12:13

Yúu lɑɑ ńjɑ́k mbɔ̌ pɔ́ɔpɛ́mɑ́, pʉʉ pʉɔ-Kɛlístɔ, pʉʉ cẅɛ́lɛ́ wɔ́p. Pʉʉ ńnɑ́ŋ ńcẅɛ́ɛ pʉɔ-túu sʉ́Ꞌnɛ.

1 Kɔlɛ̂ŋtɛ 4:12

KwɑꞋ pɛk lɔk mbɔ́ mɛ́k ɛ́fɑꞋ fɑꞋ tɛ ńziꞋnɛ lɑ ŋ́ɡẅɛɛ yɛ́k yúu. Pɛ́ zɔɔtɛ wɛ́k lɑ́ pɛk tsɑ́ɑ pɔ nu sʉ́Ꞌnɛ nǔu pʉɔ. Pɛ́ kʉʉnɛ wɛ́k pɛk pɔɔ zɔŋ.

2 Kɔlɛ̂ŋtɛ 8:12

Ŋu ɡɑ́ yúu nɛ́ tʉ́m sʉ́Ꞌnɛ, Sɛ́ ɡɔ́ ḿbɛ́m yúu mi ŋɡɑŋ ɡɑ́nɛ, ɛ́fú pɔ nǔu yi ŋɡɑŋ ɡẅɛɛnɛ, ɑ kɛ́ fú nǔu yi ŋɡɑŋ kɑ́ ɡẅɛɛ pɔ́.

2 Kɔlɛ̂ŋtɛ 8:2

Ŋɡʉ̈ɔ́Ꞌ mɛntɛ́ mɛntɛ́ sɛ́ ŋ́kúu pʉɔ-Kɛlístɔ zúꞋu lɑ́, tʉ́m yɔ́p pɔ́ ńtsɑ́ɑtɛ tsɑ́ɑtɛ́nɛ tɛꞋ. Pɔ́p zɛɛ ḿbɔ́ pɔ pɛpúŋ tɛꞋ lɑ́, ŋ́ɡẅɛɛ tʉ́m sʉ́Ꞌnɛ nɛɡɑ́ yúu tɛ ɛ́ zɑ́ɑ zɑ́ɑnɛ.

Ŋɡɑlɑ̂t 6:10

Pɔ́Ꞌɔ lɑ́, pɛkŋɛ lɑɑ ḿbɛ́t ŋ́ɡẅɛɛ shʉ́, pɛkŋɛ ɡɛ nu sʉ́Ꞌnɛ mbɔ̌ pʉɔ tsʉʉ, ńtsuŋ ŋ́ɡɛ pɔ mbɔ̌ pɔ́ɔpɛ́mɑ́ pi pɛkŋɛ pɛpɔ́p zɑ́pnɛ tʉ́m nǔu Kɛlístɔ.

1 Timɔtɛ́ɛ 6:18

Cú mbɔ̌ pɔ́p ŋɡɔ pɔ́p ɡɛ nu sʉ́Ꞌnɛ. NɛfɑꞋ mɛfɑꞋ sʉ́Ꞌnɛ pɔ́ yɔ́p fuꞋ, ŋɡɔ pɔ́p zíꞋ nɛɡɑp pɔ́, ńdɔk yúu pɔ́p ńcẅɛ́lɛ́ pʉɔ.

Tîtɛ 3:14

Ɛ́ píkŋɛ ŋɡɔ pɔ́ɔpɛ́mɑ́ pɛkŋɛ nzʉʉ Kɛlístɔ ɡẅɛɛ nɛsɑ́Ꞌ tʉʉ ŋ́ɡɛ mɛnu sʉ́Ꞌnɛ, nɛlɔk ńcẅɛ́lɛ́ pʉɔ pi kwɑꞋ nu tʉ́ʉnɛ nǔu pɔ́p, kɔɔ pɔ́p pɔ́ pʉɔ kɛ pɛ́ ńdúꞋnɛ wɔ́p.

Tîtɛ 3:8

Mɛnu mɔnɛ mi ɛ fúnɛ nɛcú lɑɑ zúꞋu ḿbɔ́ pɔ́Ꞌɔ. M bɛn ḿbɔ́ ŋ́kɔŋ ŋɡɔ ɔ tsuŋ ɛ́sẅíi wɔ́p sʉ́Ꞌnɛ, ńjí ŋɡɔ pʉɔ tsʉʉ pi pɔ́p zɑ́pnɛ tʉ́m yɔ́p nǔu Sɛ́ ɡʉ ɛ́sɑ́Ꞌ tʉʉ nɛɡɛ mɛfɑꞋ sʉ́Ꞌnɛ, ɛ́ pɔ́ pɔ́Ꞌɔ, yúu mi ɔ zíꞋnɛ pɔŋ ḿbɛn ḿbɔ́ yúu mi ɛ́ ńcẅɛ́lɛ́ pʉɔmɛsɔŋ.