Kɔlɔsíyɛ̂ŋ 3:8 - Kɑɑ Fí

⁸ Lɑ́, ɛ́ kɛ́ ḿbɔ́ ŋkɔ̂ɔnɛ ḿbɔ́ ḿbíkŋɛ ŋɡɔ pʉʉ cẅɛɛtɛ mîmɑ́ mɛnu nǔu pʉʉ ḿmɛꞋ. Pɛ́ lɑ́Ꞌ ŋu wʉʉ nɛzɑ́ŋ lɔ́ŋ, ŋu wʉʉ nɛnɑ́ŋ cɔ́k lɔ́ŋ, ŋu wʉʉ nɛzɑ́Ꞌ ŋkwɑɑ-ŋu, ŋu wʉʉ nɛtɑ́ŋ pɔ zɔɔ, sẅiŋɛ kɛpɔŋ nɛpɛn ńcẅɛt ntsu pʉʉ.

Kɔlɔsíyɛ̂ŋ 3:8 교차 참조

Mɑtʉ̈ɔ 5:22

Lɑ́ n cú yɑ́ɑ mbɔ̌ pʉʉ ŋɡɔ: «Ŋu lɑɑ ńzɑ́ŋ lɔ́ŋ nǔu mɔ́ɔmɑ́ wɛ, mbɔ pɛ́ ɡẅɛɛ nɛlɔk wɛ́ ŋ́ɡʉ mbi nzɑ́Ꞌmɛntsɑŋ. Ŋu ẅí ɑ fúŋnɛ mɔ́ɔmɑ́ wɛ nɛ́ ɡʉɡʉʉ, pɛ́ ɡẅɛɛ nɛlɔk wɛ́ ẅi ɑ fúŋnɛ ŋ́ɡʉ mbi-cúꞋlɛ-pɑsɑ́Ꞌlɑ́Ꞌ. Ŋu ẅí ɑ fúŋnɛ mɔ́ɔmɑ́ wɛ ŋɡɔ pʉ̈ɔt ɔ kɛ́jísɛ́, ɑ kuꞋ ŋu ẅí ḿbɔ́ Sɛ́ mɑꞋ wɛ́ múk.

Mɑ́lɛ́kúshi 7:22

ḿbɔ́ ŋ́ɡɛ ɡɑ́ɑ, ḿbɔ́ ŋ́ɡẅɛɛ kɛ́ɡʉ̈ɔꞋ, ŋ́ɡẅɛɛ shíshí tʉ́m, ŋ́ɡẅɛɛ fúklɛ, ŋ́kúu nɛjúk kɛpɔŋ, ŋ́kɔ́Ꞌ lɔ́ŋ, ńtík sɔ́ɔ tú-ŋu, ŋ́ŋɑ́Ꞌ mbʉʉ, ńdʉꞋ ntík tsʉʉ.

Pʉɔ-Lɔ́mɑ 13:13

Pɛkŋɛ ɡẅɛɛ tsẅɛ́ sʉ́Ꞌnɛ nǔu pɑ́Ꞌ ɛ́ sɛ́ ḿbíkŋɛ ŋɡɔ pɛ́ ɡẅɛɛ pɔ́Ꞌɔ, ŋkɑ́ yi zʉꞋ sɛ́ ɛ́fúk, ḿbɑ́ɑ nɛkwɛ́t yúu kɛ nɛ́ nɔ́ mɛluꞋ pɔ́ nɛ́ ɡɛɡʉʉ, ḿbɑ́ɑ nɛ́ puutɛ mbɑ wɔ̌ lɑ́ pɛkŋɛ pɛpɔ́p nɔɔ nɔɔnɛ, ḿbɑ́ɑ yúu mi sʉ́ʉ ɡʉ kɔ́ wɛkŋɛ nǔu, ḿbɑ́ɑ nɛtɑ́k mɛfɛꞋ, ḿbɑ́ɑ kɛ́ɡʉ̈ɔꞋ.

1 Kɔlɛ̂ŋtɛ 3:3

mbíꞌŋɡɔ mbʉʉ yʉ́ʉ pɛ́t ɛ́sɑ́Ꞌ wʉ́ʉ, kɛ́ɡʉ̈ɔꞋ zɛɛ ḿbɛ́t ḿbɔ́ pɔ tsɛtsɛt pʉʉ, pʉʉ pɛ́t ńzɔŋ nu zɔŋnɛ. Mbʉʉ yʉ́ʉ kɑ́nɛ pɔ́ ńdɔk ḿbɛ́t ɛ́sɑ́Ꞌ wʉ́ʉ pɔ́ ɔɔ? Pʉʉ kɑ́ pɔ́ ńdɔk pɔ́Ꞌɔ, ḿbɛ́t ŋ́ɡɛ pɔ pɑ́Ꞌ pʉɔ ndǔmbí ɡɛnɛ pɔ́ ɔɔ?

2 Kɔlɛ̂ŋtɛ 12:20

N zɛɛ ḿbɔ́ ḿbɔ́k pɑꞋ m bɔ́ ŋɡɔ ńtɔ́ lɑ́Ꞌ pʉʉ, ńjʉ́ɔ pʉʉ pɔɔ pɔ́ nǔu ntɛ́ yi mɔ sɛ́ ŋ́kɔŋ pɔ́. Mɔ yɑ́ɑ ɡúu mbɔɔ pɔ́ nǔu ntɛ́ yi pʉʉ sɛ́ ŋ́kɔŋ pɔ́. Mɔ sɛ́ ḿbɔ́k ŋɡɔ mbɔ ŋ ɡɔ́ ńtɔ́ mɛntsu mɛntsu pɔ́ tsɛtsɛt pʉʉ, kɛ́ɡʉ̈ɔꞋ pɔ́ zúꞋu, cʉ́ɔk pɔ́ zúꞋu, nɛzɔŋ zʉꞋ pɔ́ zúꞋu, nɛkẅíi ŋu kɛpɔŋ pɔ́ zúꞋu, sẅíitɛ pɔ́ zúꞋu, ŋɑ́Ꞌlɛ mbʉʉ pɔ́ zúꞋu, ntɑ́kŋɛ pɔ́ zúꞋu.

Ŋɡɑlɑ̂t 5:15

Lɑ́ ḿbɔ́ yi pʉʉ lɑɑ ḿbɔ́ ŋ́ɡɛ pɑ́Ꞌ mɛnɑɑ tɛt ḿbɔ́ ńnɛ́mtɛ mɛmbʉʉ mʉ́ʉ ńníꞋ mɛfʉ́ŋ, pʉʉ lɑk tú yʉ́ʉ, mbíꞋŋɡɔ pʉʉ pɔ́Ꞌɔ, ńtsʉ́Ꞌ ńdɔɔ pɔ nɛpʉ́ʉpɛ mɛmbʉʉ mʉ́ʉ.

Ŋɡɑlɑ̂t 5:20

Pɑ́Ꞌ nɛɡúꞋlɛ yúu ŋɡɔ ɛ́ mɛsɛ́, pɑ́Ꞌ nɛɡẅɛɛ nɛkɑŋ, pɑ́Ꞌ nɛji mbuu, pɑ́Ꞌ nɛtɑ́k mɛfɛꞋ, pɑ́Ꞌ nɛɡẅɛɛ kɛ́ɡʉ̈ɔꞋ, pɑ́Ꞌ nɛcʉ̈ɔ́k, pɑ́Ꞌ nɛlɔɔ pɔ nɛtʉ́ʉ mbi nǔu mbɑ kʉ̈ɔ́ lɑ́, pɑ́Ꞌ nɛnɑ́ŋ pɔ fyɑkŋɛ fyɑkŋɛ́nɛ, pɑ́Ꞌ nɛɡɛ tɔŋ.

Ŋɡɑlɑ̂t 5:26

Kɔɔ pɛkŋɛ ŋɑ́Ꞌtɛ mbʉʉ, Kɔɔ pɛkŋɛ tɑ́k fɛꞋ tsɛtsɛt pɛkŋɛ, kɔɔ pɛkŋɛ ɡẅɛɛ kɛ́ɡʉ̈ɔꞋ tsɛtsɛt pɛkŋɛ. A 5.9 ɛ́ pɔ́ ŋɡɔ: Mɔ́zʉꞋ fɛntɛ ɡɛ fɑlîn tsɛpnɛ kɔ́Ꞌ.

Ɛ́fɛ̂zɛ 4:22

mbɔ ɛ́ sɛ́ ḿbíkŋɛ ŋɡɔ pʉʉ cẅɛt nǔu ndwɛn mɑt ẅí pɛ́ kɑ lɔknɛ ḿbí wʉ́ʉ, ndʉ́ŋndʉŋ pɑ́Ꞌ ŋu ɛ́sɔt ndwɛn ndẅí nǔu wɛ́ ḿmɛꞋ lɑ́. Ẅîwɑ́ mɑt ɛ́ ẅí ɑ ḿbɔ́ ńdɛɛ nǔu mɛyúu kɛpɔŋ mi ɑ ḿbɔ́ ńtsɑ́ɑ, ŋ́kẅiꞋ ḿbʉ́k pʉ́knɛ. Mîmɑ́ mɛyúu kɛpɔŋ pɔ́ mi ɛ́ ɛ́fúklɛ́nɛ ŋu fúklɛ́nɛ.

Ɛ́fɛ̂zɛ 4:25

Ɛ́ lɑɑ ḿbɔ́ pɔ́Ꞌɔ, pʉʉ mɛꞋ cɔtnu. Ŋu cú pɔ nu nɛ́nẅín mbɔ̌ pɔ́ɔpɛ́mɑ́ pɛ́, mbíꞋŋɡɔ pɛkŋɛ tɛmtɛ ḿbɔ́ pɔ mɛkɛm-tɑ́Ꞌ mbʉʉ yɛ́mɔ́Ꞌ.

Ɛ́fɛ̂zɛ 4:26

Pʉʉ lɑɑ ńzɑ́ŋ lɔ́ŋ, pʉʉ pɑ́ɑ nɛɡɛ nu kɛpɔŋ, ḿbɑ́ɑ nɛm nɛɡɔ́ ḿbɔ́t, zɑ́ŋ lɔ́ŋ pɛ́t tʉ́m pʉʉ.

Ɛ́fɛ̂zɛ 4:29

ḿbɑ́ɑ mbɑ tɑ́Ꞌ sẅiŋɛ kɛpɔŋ nɛcẅɛt ntsu pʉʉ. Pʉʉ cú pɔ nu yi ɛ́ ɡʉ cẅɛ́lɛ́ nǔu yîyɑ́ ŋkɑ́, ɛ́ pɔ́ pɔ sẅiŋɛ sʉ́Ꞌnɛ yi ɛ́ ɡʉ cẅɛ́lɛ́ pɛcɔ́ pʉɔ pɔ́p nɛkẅiꞋ ńzɑ́p tʉ́m nǔu Sɛ́. Pʉʉ cú pɔ nu yi ɛ́ ɡʉ cẅɛ́lɛ́ mbɑ wɔ̌ lɑ́ nǔu pʉɔ pi pɔ́p sɛ́ ńzẅíꞋlɛ.

Ɛ́fɛ̂zɛ 5:4

Ɛ́ kɑ́ pɔ́ ḿbíkŋɛ ŋɡɔ pʉʉ sẅiŋɛ ḿmɛk mɛknɛ pɔ́, tɛ mbɑ nɛmɑꞋ kwɑŋɛ nǔu yɛcɔ́ ntɛ́, pɔ́p nɛɡɛ yɛcɔ́ ntɛ́ mɛɡɑɑ. Ɛ́ pɔŋ ŋɡɔ sẅiŋɛ ɡɔ́ ńcẅɛt ntsu pʉʉ, pʉʉ lɔk ŋ́ɡɛ́mtɛ pɔ Sɛ́ nǔu yúu mi ɑ ɡɛnɛ mbɔ̌ pʉʉ.

Kɔlɔsíyɛ̂ŋ 3:5

Pɑ́Ꞌ ɛ́ pɔ́Ꞌɔ lɑ́, pʉʉ jẅí mɑt kɛpɔŋ wɛ ndǔ tsɛ́tsɑ́Ꞌ ẅí ɛ́ nǔu pʉʉ. Pɛ́ cú yúu pɑ́Ꞌ mbɛ́ɛnɛ nɛfúŋ pɑŋɡɛ́, pɑŋɡɛ́ nɛlɔɔ mbɛ́ɛnɛ, yúu pɑ́Ꞌ nu-mpfuꞋ, yúu pɑ́Ꞌ tʉ́m-ŋu nɛnɑ́ŋ ɛ́shí, pɑ́Ꞌ nɛɡẅɛɛ yɛcɔ́ ntɛ́ nɛtsɑ́ɑ yúu, pɑ́Ꞌ nɛtík tʉ́m nǔu yúu, mbíꞋŋɡɔ nɛtík tʉ́m nǔu yúu, ɛ́ pɛn ḿbɔ́ pɔ yɛcɔ́ ntɛ́ nɛɡúꞋlɛ yúu ŋɡɔ ɛ́ Sɛ́.

Kɔlɔsíyɛ̂ŋ 3:9

Pɑ́Ꞌ pʉʉ cẅɛɛtɛ mɔ́ mɑt pɔ́p mɛnu mɛ́ nǔu pʉʉ tɛ ḿmɛꞋ lɑ́, kɔɔ cɔtnu pɛn ḿbɔ́ tsɛtsɛt pʉʉ.

1 Timɔtɛ́ɛ 1:13

Tɛ mbɑ pɑ́Ꞌ ɛ́ kɑ pɔ́ yɛcɔ́ ŋkɑ́, ɛ sẅiŋɛ nǔu wɛ́ kɛpɔŋ, ńtsɔ́Ꞌ ku-pʉɔ pɛ́ kɛpɔŋ, ńzɔɔtɛ Sɛ́. A kɑ tsɑ́ɑ mɛjʉ́ŋ mɑ́ɑ, mbíꞋŋɡɔ ŋ kɑ pɔ́ ŋ́ɡɛ kɛ́ jí yúu mi ŋ ɡɛnɛ, mbɔ mɔ ŋ́kɑɑ zɑ́p tʉ́m nǔu wɛ́ pɔ́.

1 Timɔtɛ́ɛ 1:20

Ɛ́ tsɛtsɛt pîpɑ́ pʉɔ, Himɛnɛ̂ pɔ́p Lɑksɑ́ndɑ pɔ́ zúꞋu. Ŋ kɑ níꞋ pɔnɛ pʉɔ pɛ́pɑ́ nǔu mbɔ́-Sɑ́ttɑ. Nɛpɔ́ yi pɔ́p ɡʉ ŋ́kúu mbɔ̌ wɛ́, ńzíꞋ pɑ́Ꞌ pɔ́p kɛ́ pɛn ńjúk ḿbɔ́ ḿbʉ́ʉpɛ lík-Sɛ́ pɔ́.

Ɛ́bɛlʉʉ 12:1

Ɛ́ ɡʉ nǔu pɛkŋɛ, pʉɔ ɛ̂pɑ́ pɛtsʉʉ tʉ̈ɔ́Ꞌlɛ wɛkŋɛ ńníꞋ sɔŋ, ḿbɔ́ ńnyɛt wɛkŋɛ nɛ́ sɛ̂ndúŋ. Pɔ́Ꞌɔ lɑ́, pɛkŋɛ ńtsʉ́ʉ mbɑ kʉ̈ɔ́ lɑ́ yi ɛ́ sɛ́ ńtɑɑtɛ wɛkŋɛ ḿmɛꞋ, kɛ́ likŋɛ mɛnu kɛpɔŋ mí ɛ́ ɡẅɛɛnɛ wɛkŋɛ tɛ ńtsɑ ńtsʉ́Ꞌ mɑt. Pɛkŋɛ mɛꞋ, ńtɑ́ɑmɛ yɛkŋɛ ndʉ́ɔlɛ́ yi Sɛ́ cúnɛ ŋɡɔ mbɔ pɛkŋɛ tɑ́ɑmɛ. Pɛkŋɛ pɔ́ tɛ ḿbɔ́ ŋ́kʉɔ kɔɔ pɛkŋɛ kɑ́ɑ.

Jɑ̂k 2:7

Pɔ́p kɑ́ nɛ́ sẅiŋɛ kɛpɔŋ nǔu Yɛ́su Kɛlístɔ ẅi Sɛ́ kɑ ɡɑ́nɛ lík yɛ́ mbɔ̌ pʉʉ pɔ́ ɔɔ?

1 Pyɛ̂ 2:1

Pɔ́Ꞌɔ lɑ́, pʉʉ mɛꞋ mɛnu kɛpɔŋ tsʉʉ, kɔɔ pʉʉ pɛn ɛ́fúklɛ pʉɔ, kɔɔ pʉʉ pɛn ḿbɔ́ pɛŋkɔŋmík, kɔɔ pʉʉ pɛn ŋ́ɡẅɛɛ kɛ́ɡʉ̈ɔꞋ nǔu yúu-pʉɔ, kɔɔ pʉʉ pɛn sẅíitɛ nǔu pʉɔ.

2 Pyɛ̂ 2:18

Pɔ́p lɔk yúu mi pɔ́p zíꞋnɛ pʉɔ ŋ́ŋɑ́Ꞌlɛ, lɑ́ ɛ́ pɔ́ pɔ fɑ́k fɛ̌ɛ yi ɛ́ zɔtnɛ. Pɔ́p cú mbɔ̌ pʉɔ ŋɡɔ mbɔ ŋu ɡɛ kʉ̈ɔ́ lɑ́ yi ŋumɛsɔŋ tsɑ́ɑnɛ, lɑ́ ɛ́ pɔ́ nu sʉ́ʉ. Pɔ́p lɔk pɔ́Ꞌɔ, ɛ́shuŋ pʉɔ pi pɔ́p kɑ pɛ́t ńcẅɛt tsɛtsɛt pʉɔ pi pɔ́p nǔu sɛ̂ndúŋ kɛpɔŋ,

2 Pyɛ̂ 2:7

A kɑ fú zúꞋu ńcẅɛɛtɛ Lɔ̂t. A pɔ́ ŋu ẅí ɑ kɑ pɔ́ ŋ́ɡɛ pɔ yúu mi ɛ́ ndʉ́ŋndʉŋ mbi jʉ́ Sɛ́, tɛ ńjʉ́ɔ tsẅɛ́ kɛpɔŋ, pɔ́p mɛnu sʉ́ʉ mi pʉɔ pɛtʉ́sɔŋ ɛ̂pɑ́ kɑ pɔ́ ɛ́fʉꞋ tɛ ɛ́sɑ́Ꞌ sɑ́Ꞌnɛ, ɛ́ tsuŋ ḿbʉ́k wɛ́ tɛꞋ.

Jẅidɛ 1:13

Pɔ́p pɑ́Ꞌ mɛnʉ́ʉ-ŋki mi ɛ́ sɛ́ ńtɛ́mɛ, mɛfɑꞋ-sʉ́ʉ mɔ́p sɑt zʉꞋ pɑ́Ꞌ mɛkyɑŋɛ mi ŋki lɔknɛ ɛ́sɑt zʉꞋ tsʉʉ lɑ́. Pɔ́p pɑ́Ꞌ pɛcʉ̈ɔ́Ꞌ-sɑŋ pi pɔ́p ɡɔ́ ḿbɔ́ ḿbúunɛ, mbɔ Sɛ́ kɑ niitɛ zʉꞋ yɔ́p tɑ́Ꞌ ŋkɑ́ tsɛt fɛ́m nzɛ́nzʉ́ʉ.

Jẅidɛ 1:8

Pʉɔ pi pɔ́p kɑ sɔ́nɛ ŋ́kúu tsɛtsɛt pʉʉ ɡɛ pɔ pɑ́Ꞌ pʉɔ pi pɔ́p kɑ pɔ́ tsɛt mîmɑ́ mɛtʉ́sɔŋ. Mɛnu-njʉɔ mɔ́p ɡɛ pɔ́p lɔk mbʉʉ yɔp ŋ́ɡɛ mɛnu kɛpɔŋ. Sɛ́ cú nu pɔ́p ɡwɑ́k ɡwɑ́knɛ. Pɔ́p zɔɔtɛ pɛcɔ́Ꞌ-Sɛ́, ɡɑŋnɛɡúꞋ.

Mɛnu ɛ́ ńdɑ́Ꞌ ńcẅɛt 16:9

ZʉꞋ kɛ ŋ́ɡɔ́ɔ ńtɔɔnɛ tɔɔnɛnɛ tɛ ńtɔɔ pʉɔmɛsɔŋ. Pɔ́p zɔɔtɛ lík-Sɛ́, ẅí jʉ́ ɡɛnɛ lɑ pɔ́p jʉ́ɔ yɔ ŋɡʉ̈ɔ́Ꞌ ntɛ́ nɛ́ ntɛ́, ŋ́ɡɛ pɔ́Ꞌɔ, ŋ́kɛ́ mbɔɔ kúpmɛ mɑt wɔ́p ŋ́ɡɑ́ nɛɡúꞋ mbɔ̌ Sɛ́ pɔ́.