Kɔlɔsíyɛ̂ŋ 1:29 - Kɑɑ Fí

²⁹ Pʉʉ zúꞋ yúu mi m pfúnɛ nǔu. Ŋ kɛ́ ńdɔk pɔ mɛtʉʉ mi ɛ́ fúnɛ mbɔ̌ Kɛlístɔ lɑ ɛ́fɑꞋ yɔ fɑꞋ. Mîmɑ́ mɛtʉʉ tsuŋ ḿbɔ́ sɔŋ mbʉʉ mɔ ḿbɔ́ ɛ́fɑꞋ.

Kɔlɔsíyɛ̂ŋ 1:29 교차 참조

Lúkɑ́shi 13:24

«Pʉʉ lɔ́ɔ shʉ́ pɔ nɛtɔ́k nǔu ntsundɑ́ ẅi ɛ́ kʉ́ʉpɛ kʉ́ʉbɛ́nɛ. Pʉʉ jí sʉ́Ꞌnɛ ŋɡɔ pʉɔ tɛ ńzɑ́ɑ ɡɛ ńdɑ́Ꞌ ńdɔ́ɔ nɛkúu tsɛtú lɑ́ ḿbɛn ŋ́kɛ́ ḿbɔɔ kuꞋ.»

Pʉɔ-Lɔ́mɑ 15:20

Lɑ́, ŋ kɑ sɑ́Ꞌ tʉʉ nɛ́ kɛ́ ńcẅi Ŋkʉʉ Sʉ́Ꞌnɛ pɔ zʉꞋ yi pɛ́ zɛɛ mbɔɔ Kɛlístɔ zúꞋu kẅii, ḿbɔ́k nɛkút ndɑ́ nǔu cʉ́ndɑ́ yi wɛcɔ́ ŋu ndɛꞋ kɑ nɔŋnɛ.

Pʉɔ-Lɔ́mɑ 15:30

Pɔ́ɔpɛ́mɑ́ pɑ́ɑ, ɛ́ lɛɛ nǔu Tsɑpʉɔ wɛkŋɛ Yɛ́su Kɛlístɔ mbɑ nǔu pɑ́Ꞌ Zẅikŋɛ Lɛ́ɛnɛ́nɛ sɛ́ ŋ́ɡɛ pɛkŋɛ ɡẅɛɛ ŋkɔŋɛ tsɛtsɛt pɛkŋɛ lɑ́, mɔ ḿbúꞋ mbɔ́ mbɔ̌ pʉʉ ŋɡɔ pʉʉ lɔk nɛcɛꞋlɛ Sɛ́ ńcẅɛ́lɛ́ wɑ́ɑ. Pʉʉ cɛꞋlɛ Sɛ́ nǔu tú yɑ́ɑ, ńtsʉ́Ꞌ nɛcɛꞋlɛ, ḿbúꞋ mbɔ́ nɛ́ ŋɡɔŋ tʉ́m yʉ́ʉ tsʉʉ,

1 Kɔlɛ̂ŋtɛ 12:11

Tɑ́Ꞌ Zẅikŋɛ Lɛ́ɛnɛ́nɛ, pɔ yɛ́tɛ́ ɡɛnɛ mîmɑ́ mɛnu, ḿbɔ́ ŋ́ɡɑ́ fuꞋ níinɛ mbɑ wɛ́tɛ́ ŋu pɑ́Ꞌ Zẅikŋɛ kɔŋnɛ.

1 Kɔlɛ̂ŋtɛ 12:6

Mɛndúŋ nɛlɔk ɛ́fɑꞋ mɛfɑꞋ mɛntɛ́ mɛntɛ́. Lɑ́ tɑ́Ꞌ Sɛ́ wɛ́mɔ́Ꞌ ɡɑ́nɛ mɛtʉʉ mbɔ̌ mbɑ wɛ́tɛ́ ŋu lɑ́.

1 Kɔlɛ̂ŋtɛ 15:10

Ɛ́ kɑ kɛ́ ńdɛɛ pɔ nǔu pɑ́Ꞌ Sɛ́ ɡɑ́nɛ fuꞋ níinɛ yɑ́ɑ, ńnɑ́ŋ ńcẅɛ́lɛ wɑ́ɑ lɑ́ n tsʉ́Ꞌ yúu mi mɔ yɛ́tɛ́ lɑɑ. Yîyɑ́ ntɛ́ nɛɡɑ́ fuꞋ níinɛ yɑ́ɑ ŋkɑɑ lɛɛ níinɛ pɔ́, ɛ fɑꞋ fɑꞋ ńdɛɛ pɛcɔ́ ɡɑŋntúu, lɑ́ mɔ kɑ́nɛ pɔ́ ńdɔk mɑ́ɑ mɛtʉʉ ɛ́fɑꞋ pɔ́. Sɛ́ cẅɛ́lɛ́nɛ wɑ́ɑ ŋ́ɡɑ́ mɛtʉʉ n dɔk ɛ́fɑꞋ.

2 Kɔlɛ̂ŋtɛ 11:23

Kɛ pɔ pɑ́Ꞌ pɔ́p pɑfɑꞋ fɑꞋ-Kɛlístɔ? M bɔ́ ńcú nu kwɑꞋ pɑ́Ꞌ pɑ́lɛ́ lɑ́, ńcú ŋɡɔ mɔ ŋu ẅi ɛ fɑꞋnɛ fɑꞋ-Kɛlístɔ tɛ ńdɛɛ wɔ́p pɛ́tsʉʉ, ńcú pɔ́Ꞌɔ, ɛ́fú nǔu pɑ́Ꞌ ŋ kɑ kíɛ ziꞋnɛ ńdɛɛ wɔ́p, ɛ́fú nǔu ndɛn ẅi ŋ kɑ kúunɛ tsɑ́ŋ ńdɛɛ wɔ́p, ɛ́fú nǔu ndɛn ẅí pɛ́ kɑ tswɑ́ɑnɛ wɑ́ɑ ńdɛɛ wɔ́p, ɛ́fú nǔu ndɛn mɛŋkɑ́ tɛ ńzɑ́ɑ mi nɛvú kɑ nʉknɛ wɑ́ɑ ńdɛɛ wɔ́p,

2 Kɔlɛ̂ŋtɛ 13:3

Pɑ́Ꞌ pʉʉ kɛ́ ḿbɔ́ ńdɔɔ nɛjʉ́ɔ yúu mi ɛ́ nyɛtnɛ ŋɡɔ nu yí ɛ́ cẅɛtnɛ ntsu mɔ ɛ́ fú mbɔ̌ Kɛlístɔ lɑ́, pʉʉ ɡʉ ŋ́kɛ́ ŋ́ɡɛ ńjʉ́ɔ. Pʉʉ jí ŋɡɔ Kɛlístɔ kɑ́ pɔ́ ńzɔɔtɛ wʉ́ʉ pɔ́. A sɛ́ ńnyɛt mɛtʉʉ mɛ́ tsɛtsɛt pʉʉ.

2 Kɔlɛ̂ŋtɛ 5:9

Ɛ́ lɛɛ pɔ́Ꞌɔ, yúu mi pɛk sɛ́ ńtsɑ́ɑ nɛɡɛ tɛꞋ, ɛ́ nɛɡɛ yúu mi ɛ́ pɔŋnɛ wɛ́. Kɛ pɔ pɑ́Ꞌ pɛk tsɛt yɔ mbʉʉ ɔɔ, kɛ pɔ pɑ́Ꞌ pɛk cẅɛtnɛ tsɛtú ɔɔ,

2 Kɔlɛ̂ŋtɛ 6:5

kɛ pɔ ŋkɑ́ yi pɛ́ sɛ́ ńtswɑ́ɑ wɛ́k ɔɔ, kɛ pɔ ŋkɑ́ yi pɛ́ níꞋnɛ wɛ́k tsɑ́ŋ ɔɔ, kɛ pɔ ŋkɑ́ yi pɛ́ tsʉ́ʉnɛ́nɛ lɑ́Ꞌ ḿmɑꞋ nzʉʉ pɛk ɔɔ, kɛ nǔu ŋkɑ́ yi pɛk tʉ́ʉnɛ nǔu mɛfɑꞋ mi ɛ́ tɛn tɛnnɛ ɔɔ, kɛ nǔu ŋkɑ́ yi pɛk sɛ́ ńdɛ́ kɛ́ lɛ́ ɔɔ, mbɑ nǔu ŋkɑ́ yi pɛk sɛ́ ńnɑ́ŋ kɛ́ ŋ́kwɛ́t yúu.

Ɛ́fɛ̂zɛ 1:19

Mɔ sɛ́ ḿbɛn ḿbúꞋ mbɔ́ mbɔ̌ wɛ́ ŋɡɔ ɑ ɡɛ pʉʉ jí ŋɡɔ mɛtʉʉ mɛ́ ɡúꞋ ńdɛɛ mɛtʉʉ tsʉʉ, mbɑ ŋɡɔ ɑ ɡɛ pʉʉ jí pɑ́Ꞌ mîmɑ́ mɛtʉʉ tɔ́ɔtɛ́nɛ wɛkŋɛ pɑzɑ́p tʉ́m nǔu wɛ́ pɔ́Ꞌɔ.

Ɛ́fɛ̂zɛ 3:20

Jʉ́ Sɛ́, kuꞋ nɛɡɛ mbɑ kʉ̈ɔ́ lɑ́ nǔu pɛkŋɛ, ŋ́ɡɛ tɛ ńtsuŋ ńdɛɛ pɑ́Ꞌ pɛkŋɛ sɛ́ ńdɔ́ɔ, mbɑ pɑ́Ꞌ pɛkŋɛ sɛ́ ŋ́kwɑŋɛ. A ɡɔ́ ŋ́ɡɛ ńdɔk pɔ mɛtʉʉ mɛ́ mi ɛ́ fɑꞋnɛ tsɛt mɛtʉ́m mɛkŋɛ.

Ɛ́fɛ̂zɛ 3:7

Sɛ́ kɑ ɡɑ́ pɔ fuꞋ fɛ̌ɛ yɑ́ɑ lɑ ŋ́ɡɛ m bɔ́ ŋɡɑŋfɑꞋ nɛcẅi Ŋkʉʉ Sʉ́Ꞌnɛ. A kɑ lɔk pɔ mɛtʉʉ mɛ́ lɑ ŋ́ɡɛ pɔ́Ꞌɔ.

Filipɛ 1:27

Yúu ɡwɛ́ yi pʉʉ ɡẅɛɛnɛ nɛɡɛ ɛ́ ŋɡɔ, pʉʉ nɛn pɔ pɑ́Ꞌ Ŋkʉʉ Sʉ́Ꞌnɛ-Yɛ́su Kɛlístɔ sɛ́ ḿbíkŋɛ. Nǔu ntɛ́ yi n dɑɑ ńtɔ́ ńjʉ́ɔ wʉ́ʉ, ńzɛɛ mbɔɔ tɔ́, ŋ kɛ́ ḿbɔ́ ńzúꞋ pɔ pɑ́Ꞌ pɛ́ cúnɛ ŋɡɔ pʉʉ pɛ́t ŋ́ɡẅɛɛ pɔ tɑ́Ꞌ ntsu, ḿbɔ́ ńdɔk pɔ tɑ́Ꞌ tʉ́m ńdʉ̈ɔ́Ꞌ ntsɔ-pɛ́mtʉ́m, nɛpɔ́ yi pʉʉ ɡʉ ńdɑt mbʉʉ yʉʉ nǔu nu yi pʉʉ kɑ pɛ́mnɛ, yi ɛ́ fúnɛ nǔu Ŋkʉʉ Sʉ́Ꞌnɛ.

Filipɛ 1:30

Yîyɑ́ ŋɡʉ̈ɔ́Ꞌ ɛ́ ntsɔ ẅí pʉʉ sɛ́ ḿmɑꞋ, mbɔ pʉʉ kɑ jʉ́ɔ pɑ́Ꞌ m mɑꞋnɛ yɑ́ɑ. Mɔ sɛ́ ḿbɛ́t ḿmɑꞋ pɔ wɛ́tɛ́.

Filipɛ 2:13

Sɛ́ zɛɛ ḿbɔ́ ɛ́fɑꞋ tsɛt tʉ́m yʉʉ nɛpɔ́ yi pʉʉ ɡʉ ŋ́kɔŋ ḿbɛn ŋ́ɡɛ yúu mi ɛ́ pɔŋnɛ wɛ́.

Filipɛ 2:16

nɛlɔk Ŋkʉʉ Sʉ́Ꞌnɛ ńtɔ́ mbɔ̌ pɔ́p. Ɛ́ lɑ́Ꞌ lɛ́Ꞌ yi Kɛlístɔ ḿbɛn ńtɔ́, n diŋɛ wʉ́ʉ, nu yʉ́ʉ pɔŋ wɑ́ɑ. Mbɑ wɔ̌ lɑ́ jʉ́ɔ ŋɡɔ mɛfɑꞋ mi ŋ kɑ jʉ́ɔnɛ ŋɡʉ̈ɔ́Ꞌ ɛ́fɑꞋ ɛ́ ŋkɑɑ lɛɛ níinɛ pɔ́.

Kɔlɔsíyɛ̂ŋ 2:1

Mɔ sɛ́ ŋ́kɔŋ ŋɡɔ pʉʉ jí ŋɡɔ ntsɔ ẅí mɔ sɛ́ ḿmɑꞋ ɛ́ tɛn. M mɑꞋ ẅîwɑ́ ntsɔ nǔu tú yʉ́ʉ, mbɑ nǔu tú-pʉɔ-Kɛlístɔ pi pɔ́p Lɑɔdisɛ́, mbɑ nǔu tú pɛcɔ́ pʉɔ-Kɛlístɔ tɛ ńzɑ́ɑ pi pɔ́p ŋ́kɑɑ mɔ́ wɑ́ɑ jʉ́ɔ.

Kɔlɔsíyɛ̂ŋ 2:12

Ɛ́ kɑ pɔ́ ŋkɑ́ yi pɛ́ kɑ nuꞋnɛ wʉ́ʉ tsɛt ŋki, pɛ́ kɑ pɔ́ pɔ́Ꞌɔ, ńdɔk ńtɛmtɛ wʉ́ʉ pɛ́ Kɛlístɔ ńníꞋ tsɛt nɛshi, pʉʉ pɛ́ pɔ́p pɛn ńtɛmtɛ ńzẅíimɛ nǔu nɛvú, mbíꞋŋɡɔ pʉʉ pɛ́mnɛ ŋɡɔ Sɛ́ ẅí ɑ kɑ zẅíimɛ́nɛ Yɛ́su nǔu nɛvú, ɑ ɡẅɛɛ tʉʉ nɛlɔk ŋ́ɡɛ pʉʉ ńzẅíimɛ yʉ́ʉ ɡúu.

Kɔlɔsíyɛ̂ŋ 4:12

Ɛpɑfɑlɑs ẅí ɑ ŋu lɑ́Ꞌ wʉʉ, cɛꞋlɛ wʉ́ʉ. Yɔ ŋu ẅí ɑ fɑꞋnɛ fɑꞋ-Yɛ́su Kɛlístɔ, ńnɑ́ŋ ŋɡɔŋ ŋkɑ́ tsʉʉ ḿbɔ́ ńdɔk nɛcɛꞋlɛ Sɛ́, ḿmɑꞋ ntsɔ nǔu tú yʉ́ʉ. A ɡɛ pɔ́Ꞌɔ, nɛpɔ́ yi pʉʉ ɡʉ tɛntɛ nǔu nu-Yɛ́su, yɛcɔ́ yúu pɔɔ pɛn ńjɑ́k nǔu pʉʉ pɔ́, pʉʉ ńnɑ́ŋ ŋɡɔŋ ŋkɑ́ tsʉʉ, ḿbɛ́m pɔ nɛɡɛ yúu mi Sɛ́ sɛ́ ŋ́kɔŋ ŋɡɔ pʉʉ ɡɛ.

1 Tɛsɑlɔník 2:9

Pʉʉ kẅíitɛ pɑ́Ꞌ ɛ́ kɑ pɔ́nɛ ŋkɑ́ yi pɛk kɑ pɔ́ ńcẅi Ŋkʉʉ Sʉ́Ꞌnɛ mbɔ̌ pʉʉ lɑ́, pɛk pɛn ɛ́fɑꞋ tɛ ŋ́kɑ́ɑ, lɑ ŋ́ɡẅɛɛ yúu kwɛ́tnɛ. Pɛk kɑ pɔ́ ɛ́fɑꞋ nɛnɛm ɛ́fɑ́Ꞌ nɛtúꞋ. Pɛk ŋkɑɑ kɔŋ nɛtsʉ́Ꞌ piꞋ mbɔ̌ wɛcɔ́ ŋu wʉʉ pɔ́.

2 Tɛsɑlɔník 3:8

Pɛk ŋ́kɑɑ ńjʉ́ yúupɛjʉ́-ŋu níinɛ pɔ́, pɛk kɑ fɑꞋ tɛ ŋ́kíɛ ziꞋnɛ lɑ ńjʉ́ yúu, ɛ́fɑꞋ nɛtúꞋ mbɑ nɛnɛm ḿbɔ́k nɛtsʉ́Ꞌ pʉɔ pi pʉʉ ɡʉ ńjúk ńzẅík wɔ́p zẅíknɛ.

2 Timɔtɛ́ɛ 2:10

Ɛ́ yúu mi ɛ́ ɡɛnɛ m bɔ́ ńjʉ́ɔ ŋɡʉ̈ɔ́Ꞌ pɔ ŋɡɔ́ku ɔɔ, mbíꞋ pʉɔ pi Sɛ́ tsɔ́Ꞌnɛ wɔ́p ńdɔk ŋ́ɡɛ pʉɔ pɛ́, sʉk sʉknɛ, ńjí ŋɡɔ Yɛ́su Kɛlístɔ ɡʉ ŋ́ɡɛ pɔ́p luk yɔ́p. Pɔ́p fu pɔ́Ꞌɔ, ŋ́kúu tsɛt nɛŋwɑ́ŋɛ-luk kɛ́mɛ.

Ɛ́bɛlʉʉ 12:4

Pʉʉ zɛɛ ḿbɛ́t pɔ kɛ́ lɔk pɑ́Ꞌ pʉʉ sɛ́ ńdʉꞋ nu kɛpɔŋ, ḿbyɛ́p ntsɔ tɛ pɛ́ tswɛt mɛci mʉ́ʉ.

Ɛ́bɛlʉʉ 13:21

Ɛ́ pɔŋ ŋɡɔ Sɛ́ mbɔ́tnɛ ɛ̂wɑ́, ɡɛ pʉʉ kuꞋ nɛɡɛ nu sʉ́Ꞌnɛ nɛpɔ́ yi pʉʉ ɡʉ ŋ́ɡɛ pɔ yúu mi ɑ sɛ́ ŋ́kɔŋ. Ɛ́ pɔŋ ŋɡɔ jʉ́ Sɛ́ fú nǔu Yɛ́su Kɛlístɔ, ŋ́ɡɛ yúu mi ɛ́ pɔŋnɛ wɛ́ pɔ́ nǔu pɛkŋɛ. NɛɡúꞋ pɔ́ mbɔ̌ Yɛ́su Kɛlístɔ nǔu mɛŋɡuꞋ mɛŋɡuꞋ! Ɛ́ pɔ́Ꞌɔ.

Mɛnu ɛ́ ńdɑ́Ꞌ ńcẅɛt 2:3

Pʉʉ sɛ́ ɛ́sɑ́Ꞌ tʉʉ. Pʉʉ kɑ jʉ́ɔ ŋɡʉ̈ɔ́Ꞌ ntɛ́ wɑ́ɑ, ŋ́kɛ́ ḿbɔɔ kɑ́ɑ.