Kɔlɔsíyɛ̂ŋ 1:15 - Kɑɑ Fí

¹⁵ Pɛ́ ŋ́kɑɑ mɔ́ jʉ́ɔ Sɛ́ pɔ́, lɑ́ Mɔ́ɔ nɛ ẅí pɛ́ kɑ jʉ́ɔnɛ wɛ́ ɑ pɔ́ pɔ Sɛ́ tɛ ḿmɛ. Jʉ́ tʉ́ʉnɛ túmbi nǔu mbɑ kʉ̈ɔ́ lɑ́ yi Sɛ́ kɑ pɔ́ɔnɛ.

Kɔlɔsíyɛ̂ŋ 1:15 교차 참조

Jɑ̂ŋ 1:1

Píimbí kɑ ɡɔ́ ńzɛ, sẅiŋɛ pɔ́ pɔ ɡú, yîyɑ́ sẅiŋɛ pɔ́p Sɛ́ m̄bɔ́nɛ ɡú. Ɛ́ pɛn ḿbɔ́ pɔ Sɛ́.

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Jɑ̂ŋ 1:18

Wɛcɔ́ ŋu ŋkɑɑ Sɛ́ jʉ́ɔ, lɑ́ ndɑꞋ Mɔ́ɔ wɛ́mɔ́Ꞌ ẅi ɑ sɛ́ ḿbɔ́ nɛjɔ́ŋ Tɑ̌ɑ, kɑ ɡɛnɛ pɛ́ jí wɛ́.

Jɑ̂ŋ 14:9

Yɛ́su cú mbɔ̌ wɛ́ ŋɡɔ: «Filîp, pɛkŋɛ nɑ́ŋ ndɛn wɔ, ɔ pɛ́t pɔ kɛ́ jí wɑ́ɑ kíi? Ŋu ẅí ɑ jʉ́ɔnɛ wɑ́ɑ lɑ́, ɑ jʉ́ɔ Tɑ̌ɑ mɔ. Ɔ ɡɛ pɑ́Ꞌ lɑ́ ŋɡɔ nyɛt wɛ́k nɛ́ Tɑ́t wu ɛ̂wɑ́?

Jɑ̂ŋ 15:24

«Mɔ ḿbɔ́ pɛ́Ꞌnɛ ŋ́kɛ́ mbɔɔ ɡɛ mɛfɑꞋ mí wɛcɔ́ ŋu ŋkɑɑ zɛɛ ŋ́ɡɛ tsɛtsɛt pɔ́p pɔ́ pɔ́, mbɔ pɔ́p ŋkɑɑ ɡẅɛɛ mɛnu kɛpɔŋ pɔ́. Lɑ́ ɛ́ nǔu ŋkɔ̂ɔnɛ yí pɔ́p jʉ́ɔnɛ lɑ́, pɔ́p kɛ́ ḿbɛn ḿbɔ́ ḿbɑɑ wɑ́ɑ pɑɑnɛ mbɑ Tɑ̌ɑ mɔ.»

Jɑ̂ŋ 3:16

MbíꞋŋɡɔ ntɛ́ yi Sɛ́ kɑ lɔknɛ ŋ́kɔŋ píimbí pɔ́Ꞌɔ kɑ pɔ́ tɛ ɑ ɡɑ́ Mɔ́ɔ nɛ wɛ́mɔ́Ꞌ, nɛpɔ́ yi wɛ́t ŋu lɑ́ ẅi ɑ zɑ́pnɛ tʉ́m yɛ́ nǔu Mɔ́ɔ nɛ ɛ̂wɑ́, kɛ́ lɑ́Ꞌ ńtíi ndɔɔ kɛ́mɛ pɔ́, ɑ ɡʉ ńdɑ́Ꞌ ŋ́ɡẅɛɛ pɔ luk kɛ́mɛ.

Pʉɔ-Lɔ́mɑ 8:29

MbíꞋŋɡɔ pʉɔ pi Sɛ́ kɑ zɑ́Ꞌnɛ njí ńtsɔ́Ꞌ wɔ́p, ɑ kɑ pɛn ńzɑ́Ꞌ njí ńzɑ́p ŋɡɔ mɔ́yúu ɡʉ ńdɑ́Ꞌ ḿbɔ́ ŋ́kúpmɛ nǔu pɔ́p kúpmɛ́nɛ, tɛ pɔ́p fí Mɔ́ɔ nɛ. Ɛ́ lɛɛ pɔ́Ꞌɔ, Mɔ́ɔ nɛ pɔ́ wɛ ndʉ́m nǔu nɔɔ-pɔ́ɔpɛ́mɑ́ pɛ́ pi pɔ́p zɑ́ɑ zɑ́ɑnɛ.

2 Kɔlɛ̂ŋtɛ 4:4

ɛ́ pɑzúꞋ nu-Sɛ́ kɛ́ zɑ́p tʉ́m nǔu, pi sɛ́ wɛ yɔ mbí kɑ kɛ́mɔ́ ńjʉ́ɔꞋ jínu yɔ́p ńdɔk ńtɔ́Ꞌ wɔ́p nɛjʉ́ɔ kyɛꞌ yi ɛ́ fúnɛ nǔu Ŋkʉʉ sʉ́Ꞌnɛ. Pɔ́Ꞌɔ, pɔ́p pɔɔ jí pɑ́Ꞌ nɛŋwɑ́ŋɛ-Kɛlístɔ pɔ́nɛ pɔ́. Jʉ́ Kɛlístɔ pɑ́Ꞌ Sɛ́ pɔ́nɛ.

2 Kɔlɛ̂ŋtɛ 4:6

mbíꞋŋɡɔ Sɛ́ ẅi ɑ kɑ cúnɛ ŋɡɔ: «Ɛ́ pɔŋ ŋɡɔ kyɛꞌ, ɛ́ kyɛꞌ zʉꞋ tsɛt nzɛ́nzʉ́ʉ», jʉ́ nɛ́ tú yɛ́ kɑ kɛ́ ńtɔ́ ŋ́kyɛꞋ mɛtʉ́m mɛ́k, nɛɡɛ pɛk jí pɑ́Ꞌ nɛŋwɑ́ŋɛ wɛ pɔ́nɛ, ɛ́ nɛŋwɑ́ŋɛ ẅi pɛ́ sɛ́ ńjʉ́ɔ nǔu shʉ́-Kɛlístɔ.

Filipɛ 2:6

A ŋkɑɑ lɔk pɑ́Ꞌ ɑ Sɛ́ tɛ ḿmik, ńcʉŋɛ nǔu nɛpɔ́ ẅi pɔ́p Sɛ́ ɡʉ ŋ́kɛ́ ńnɑ́ŋ pɔ tɑ́Ꞌ zʉꞋ pɔ́.

Kɔlɔsíyɛ̂ŋ 1:13

A kɑ sɑꞋ wɛkŋɛ mbɔ̌ mɛtʉʉ-nzɛnzʉ́ʉ, ńcɑklɛ wɛkŋɛ ńníꞋ tsɛt nu-nɛfɔɔ-Mɔ́ɔ nɛ, ɑ kɔŋ Mɔ́ɔ nɛ ɛ̂wɑ́ tɛꞋ.

1 Timɔtɛ́ɛ 1:17

MɛkuꞋ pɔ́p ɡúꞋlɛ ńdɑ́Ꞌ ḿbɔ́ mɛŋɡuꞋ mɛŋɡuꞋ, pɔ mbɔ̌ fɔɔ ẅí ɑ ɡʉ ńdɑ́Ꞌ ḿbɔ́ pɔ ɡú. Jʉ́ ẅí ɑ ndɑ́Ꞌ Sɛ́, ḿbɔ́ kɛpfú, ḿbɔ́ ẅi pɛ́ kɑ́ pɔ́ ńjʉ́ɔ wɛ́ nɛ́ lík pɔ́. Ɛ́ pɔ́Ꞌɔ.

1 Timɔtɛ́ɛ 6:16

A ndɑꞋ jʉ́ zɛ́nɛjʉ́ ẅi ɑ kɛpfú. A ńnɑ́ŋ nǔu zʉꞋ yi ɛ́ ŋwɑŋɛ́nɛ tɛ ḿbɔ́ ŋumɛsɔŋ pɔɔ kẅɛ́Ꞌlɛ tɛ ḿbɑ́ɑtɛ zúꞋu pɔ́. Ŋu ŋkɑɑ mɔ́ zɛɛ ńjʉ́ɔ wɛ́ pɔ́, ḿbɔ́ ŋu pɔɔ kuꞋ nɛjʉ́ɔ wɛ́ pɔ́. Ɛ́ pɔŋ ŋɡɔ mɛkuꞋ mɛ́ mbɑ nɛfɔɔ nɛ́ lɑ́Ꞌ ḿbɔ́ pɔ ɡú. Ɛ́ pɔ́Ꞌɔ.

Ɛ́bɛlʉʉ 1:3

Pɛ́ fú pɔ nǔu mɔ́ɔ wɔ lɑ ńjʉ́ɔ pɑ́Ꞌ nɛɡúꞋ Sɛ́ kɛ́ ndẅiklɛ pɔ́Ꞌɔ. Ɛ́ lɑɑ ḿbɔ́ yi Sɛ́ ŋɡɔ́ku ɔɔ, mbɔ mɔ́ɔ nɛ pɛn ḿbɔ́ yɛ́ pɔ kwɑꞋ pɔ́Ꞌɔ. A jʉ́ ẅi ɑ lɔk pɔ mɛtʉʉ mi ɛ́ nǔu sẅiŋɛ yɛ́, ńtɔ́ɔtɛ mbɑ kʉ̈ɔ́lɑ́ yi ɛ́ ndǔmbí tsʉʉ. A kɑ pɔ́ tɛ ŋ́ɡɛ yúu mi Sɛ́ sɛ́ ɛ́fú nǔu ńdikŋɛ mɛnu kɛpɔŋ pʉɔmɛsɔŋ tɛ ɛ́ ḿmɛ, ŋ́ɡʉ nɛ́ tʉ́nɛ́pú, ńnɑ́ŋ nǔu ɡúŋ-pɔ́-Sɛ́ yi tʉʉ, jʉ́ Sɛ́ ẅí ɑ sɑ́Ꞌnɛ mbɑ kʉ̈ɔ́lɑ́.

Ɛ́bɛlʉʉ 1:6

Lɑ́ ɛ́ kɑ kɛ́ ŋ́ɡʉ ŋkɑ́ yi Sɛ́ kɑ pɔ́ ŋ́ɡʉ ŋ́ɡɛ Mɔ́ɔ nɛ ẅí jʉ́ pɔ́nɛ túmbi nǔu mbɑ kʉ̈ɔ́lɑ́ tɔ́ ndǔmbí, jʉ́ Sɛ́ cú ŋɡɔ: «Ɛ́ pɔŋ ŋɡɔ pɛcʉ̈ɔ́Ꞌ pɛ́ jʉ́ Sɛ́ pɛ́tsʉʉ ɡúꞋlɛ wɛ́,»

Ɛ́bɛlʉʉ 11:27

Ɛ́ kɑ fú pɔ nǔu pɑ́Ꞌ ɑ kɑ zɑ́pnɛ tʉ́m yɛ́ nǔu Sɛ́, lɑ́ fɔɔ Ɛ́ɡíptɔ zɛ nɛzɑ́ŋ lɔ́ŋ, ɑ fú zúꞋu ńcẅɛt ŋ́ɡʉ kɛ́ pɔ́k yúu mi ḿbɔ́ ɑ ɡɛ nǔu wɛ́. Tʉ́m yɛ́ tɛntɛ tɛntɛnɛ, mbíꞋŋɡɔ ɛ́ kɑ pɔ́ ŋkɑ́ yi ɑ sɛ́ ńdɔk mík ńjʉ́ɔ Sɛ́ ẅi ḿbɔ́ ŋu pɔɔ wɛ́ jʉ́ɔ.

Mɛnu ɛ́ ńdɑ́Ꞌ ńcẅɛt 3:14

Ɔ ŋwɑꞌnɛ mɛnu mɔnɛ, ńtúu ŋ́ɡɑ́ mbɔ̌ Cʉ̈ɔꞋ-Sɛ́ ẅi ɑ líŋɛ́nɛ cúꞋlɛ-pʉɔ-Kɛlístɔ yi ɛ́ tʉ́sɔŋ-Lɑɔdisɛ́. Ŋwɑꞌnɛ ŋɡɔ: Ŋu ẅí lík yɛ́ ŋɡɔ ɛ́ pɔ́ꞌɔ, ɑ pɔ́ jʉ́njʉ́ɔ wɛ kɛ́ kúpmɛ sẅiŋɛ, ẅi ɑ cúnɛ nu yí ɛ́ nɛ́nẅín, ẅi jʉ́ nzɛnɛ nǔu kʉ̈ɔ́ lɑ́ yi Sɛ́ kɑ niitɛ́nɛ, ɑ sɛ́ ńcú ŋɡɔ: