33 ŋ́kúu zúꞋu, ńjʉ́ɔ wɛcɔ́ ŋu, pɛ́ fúŋ yɛ́ ŋɡɔ Ɛ́nɛ́ɛ. Mbɔ ɑ nɔɔ kúu-ɡɔɔ ŋɡuꞋ yɛ́nɛ́fɔ́m, ḿbɔ́ ŋɡɑŋkẅíꞋlɛ.
Ɛ́ pɔ́ pɔ́Ꞌɔ, pɛ́ lɔk lík yɛ́ ɛ́sɑt ŋɡɔŋ-Silii tsʉʉ. Pɛ́ pɔ́ ńdɔk pʉɔ tsʉʉ pinɛ mɛɡɔɔ ntɛ́ nɛ́ ntɛ́ m̄bɔ́nɛ nǔu pɔ́p, pʉɔ pinɛ mɛzẅikŋɛ kɛpɔŋ kɑ pɔ́ ḿbúunɛ wɔ́p, mbɑ pɑvu tú, pɔ́p ɡɑŋkẅíꞋlɛ ńtɔ́, Yɛ́su ɡɛ pɔ́p fíitɛ.
Wɛcɔ́ mɑŋɡɛ́ pɔ́ yɛ́ tsɛtsɛt, ḿbɔ́ ŋ́ɡɔɔ, ŋ́ɡẅɛɛ ɡɔɔ mɑ́sɔ́ɔ, mbɔ ɛ́ ɡɑ́nɛ wɛ́ ɡɑ́nɛnɛ ŋɡuꞋ ntsɔ̌ppɑ́ nɛ́ nɛɡɛ́m.
Yɛ́su píkŋɛ Tɑ́-mɔ́ɔ ŋɡɔ: «Yɔ ɡɔɔ pɑꞋɑ ḿbɔ́ nǔu mɔ́ɔ tɛ ɛ́fú shʉ́n?» A cú ŋɡɔ: «Tɛ ɛ́fú ŋkɑ́ mbɔ́ŋkʉ̈ɔ́.»
Ŋ́ɡʉ nǔu mɑŋɡɛ́ wɔ ẅí ɑ nǔu njẅɛt-Ábɛlɛhɑ̂m, mbɔ Sɑ́ttɑ kɑ ɡɔ́ɔ ŋ́kút wɛ́, tɛ ɛ́ ŋkɔ̂ɔnɛ ńdɔk ḿbɔ́ ŋɡuꞋ ntsɔ̌pɛ́nɛ́fɔ́m nɛ́ nɛɡɛ́m, ɛ́ ŋ́kɑɑ ḿbɔ́ ḿbíkŋɛ ŋɡɔ ŋ kíɛꞋ ŋkʉ kɛpɔŋ nǔu wɛ lɔ́Ꞌnɛ, mbɑ pɑꞋ yɔ lɛ́Ꞌnji pɔ́ ɔɔ?»
Wɛcɔ́ ŋu pɔ́ zúꞋu, mbɔ ɑ ɡɔɔ ɡɔɔnɛ ŋɡuꞋ ntsɔ̌pɛ́nɛ́fɔ́m nɛ́ mɛɡɛ́mɛ́ntɑ́t.
Yɛ́su ɡɛ ḿbɔ́ ńdɛɛ yɛcɔ́ zʉꞋ, ńjʉ́ɔ wɛcɔ́ fʉmík, mbɔ pɛ́ kɑ pí wɛ́ ɑ pɔ́ pɔ fʉ.
Lɑ́ ŋ́ɡʉ nǔu pɑ́Ꞌ ɛ́ ɡɛnɛ lɑ́ ɑ pɔ́ ńjʉ́ɔ zʉꞋ ŋkɔ̂ɔnɛ, mbɔ pɛk kɑ́ jí nu nǔu pɔ́. Kɛ wɔ̌ lɑ́Ꞌnɛ ŋ́ɡɛ mík mɛ́ ŋíɛꞋnɛ ɔɔ, mbɔ pɛk pɛn kɛ́ ḿbɔɔ ńjí pɔ́. Pʉʉ píkŋɛ wɛ́, ɑ kɑ́ pɛ́t ḿbɔ́ pɔ mɔ́ɔ nɛcú nu yí ɛ́ líŋɛ́nɛ wɛ́ pɔ́.»
Ɛ́ ḿbɔ́ tʉ́sɔŋ-Listɛlɛ, wɛcɔ́ ŋɡɑŋkẅíꞋlɛ pɔ́ zúꞋu. Mbɔ pɛ́ kɑ ɡɔ́ ḿbí wɛ́ ɑ pɔ́ pɔ kʉ̈ɔ́. Mbɔ ɑ ŋ́kɑɑ mɔ kɑ́ nɛn.
Ɛ́ ɡɔ́ ḿbɔ́, mbɔ pɛ́ kɑ pɔ́ ńtíi wɛcɔ́ ŋɡɑŋkẅíꞋlɛ ńdɔk ńtɔ́ lɛ́Ꞌ tsʉʉ, ńtsẅíkŋɛ wɛ́ ntsupuꞋ ẅi pɛ́ fúŋnɛ ŋɡɔ: «Ntsundɑ́-mɛsuu» Pɑ́Ꞌ ɑ ɡʉ ńdɔɔ yúu mbɔ̌ pʉɔ pi pɔ́p lɛɛnɛ zúꞋu ŋ́ɡʉ tsɛt ZʉꞋ-nɔŋpɔꞋ. Ẅîwɑ́ ŋu pɔ́ ẅi pɛ́ kɑ ɡɔ́ ḿbí wɛ́ ɑ pɔ́ pɔ ŋɡɑŋkẅíꞋlɛ.
Ɛ́ pɛn ŋ́ɡɔ ḿbɔ́ ŋu ẅí ɑ kɑ fíitɛ́nɛ nǔu ntɛ́ yi mɑ̌ɑmɑɑnɛ lɑɑ, lɛɛ mɔ ŋɡuꞋ mɛɡɛ́mɛ́nɛ́kwɑ.
Pyɛ̂ ɡɛ ḿbɔ́ yɛcɔ́ ŋ́kɑ́ ḿbɔ́ ńnɛn tsɛt lɑ́Ꞌ, ḿbɔ́ yɛcɔ́ lɛ́Ꞌ, ŋ́ɡʉ njɛ́Ꞌ-pɑpɛ́m-Yɛ́su pi pɔ́p tswɛ́nɛ Lidɑ,
Pyɛ̂ cú mbɔ̌ wɛ́ ŋɡɔ: «Ɛ́nɛ́ɛ, Yɛ́su Kɛlístɔ ɡɛ ɔ fíitɛ. Lɔ sɛ́, kwɑꞋ ɡu niitɛ́nɛ kúu wú.» Ɛ́nɛ́ɛ ɡɔ́ɔ ńdɔ sɛ́.
