11 Tsɑpʉɔ pɛn ŋɡɔ: «Ɔ ɡʉ ńdɔ sɛ́ ŋ́ɡʉ nǔu ndúŋ ẅi pɛ́ fúŋnɛ ŋɡɔ ndúŋ ndʉ́ŋndʉŋ, ŋ́kúu ndɑ́ wɛcɔ́ Jẅidɑ, ḿbíkŋɛ wɛ́ nɛ́ ŋu ẅí pɛ́ fúŋnɛ wɛ́ ŋɡɔ Sɔ̂l, ɑ pɔ́ mɔ́ɔ-tʉ́sɔŋ-Tɑ́lsɔ. A zúꞋu ḿbɔ́ ńcɛꞋlɛ Sɛ́.
Yɛ́su pʉ̈ɔt mbɔ̌ wɛ́ ŋɡɔ, ɔ pɛ́Ꞌnɛ ńjí fuꞋ yí Sɛ́ ɡɑ́nɛ, ḿbɛn ńjí ŋu ẅí ɑ cúnɛ mbɔ̌ ɡu ŋɡɔ: «Gɑ́ ŋki n nɔ́, mbɔ ɡu tsʉ́Ꞌnɛ ńdɔ́ɔ ŋki nɔ́nɛ mbɔ̌ wɛ́, ɑ ɡɑ́ wú ŋki ẅí ɛ́ ɡɑ́nɛ luk.»
Kɔ̂lnɛ́ɛ pɛ́ɛtɛ ɛ́sẅíi wɛ́k ŋɡɔ: Jʉ́ lɑ́Ꞌnɛ ḿvukŋɛ ńjʉ́ɔ Cʉ̈ɔꞋ-Sɛ́ tʉ́ʉ mbi yɛ́, tsɛt ndɑ́ yɛ, ńcú mbɔ̌ wɛ́ ŋɡɔ, túu pʉɔ pɔ́p ɡʉ Jɔp, ńcú, wɛcɔ́ ŋu ẅi ɑ zúꞋu, pɛ́ fúŋ wɛ́ ŋɡɔ Símɔ̂ŋ, ḿbɛn ɛ́fúŋ wɛ́ ŋɡɔ Pyɛ̂ tɔ́.
Pɑnɛpɑ́ɑshi pɛn ŋ́ɡʉ tʉ́sɔŋ-Tɑ́lsɔ, nɛlɔɔ Sɔ̂l,
Ɛ́ ŋ́kɛ́ ḿbɔ́ pɔ́Ꞌɔ, pʉɔ tsʉʉ pinɛ pɔ́p kíinɛ ɛ́fúŋ Tsɑpʉɔ, pɔ́p luk.
Pɔ̂l pʉ̈ɔt ŋɡɔ: «Mɔ ŋu-Yúdɑ, pɛ́ pí wɑ́ɑ tsɛt tʉ́sɔŋ-Tɑ́lsɔ, nǔu pɑk-ŋɡɔŋ-Silísíyɑ. Mɔ ŋu-tʉ́sɔŋ yi pɛ́ sɑ́ɑnɛ sɑ́ɑnɛ́nɛ ńjí lík yɛ́. Sɛ́sẅii, ɡɔ́ɔ ḿbɛ́m n cú nu mbɔ̌ lɑ́Ꞌ lɑ.»
«Mɔ mɔ́ɔ-Yúdɑ. Pɛ́ pí wɑ́ɑ tʉ́sɔŋ-Tɑ́lsɔ, tsɛt ŋɡɔŋ-Silisî. Lɑ́ mbɔ ŋ kɑ ɡúꞋ pɔ Yɛlúsɑlɛm wɔ; lɑ́ Ŋɡɑmɑlíyɛ̂l pɔ́nɛ cícɑ wɑɑ. A kɑ ŋ́kẅiꞋ niitɛ ńzíꞋ wɑ́ɑ nɛ́ nɛpʉ́ʉ-pɛmɑ́ŋɡɑpnjẅɛt pɛk. Mɔ ḿbɔ́ ŋ́kúꞋlɛ nu-Sɛ́ kɛ́ kɑ́ɑ pɔ pɑ́Ꞌ pʉʉ pɛtsʉʉ ɡɛnɛ lɔ́Ꞌnɛ lɑ́.
Kɛ́ ŋ́kúpmɛ kwɑŋɛ kɛpɔŋ yi ɛ́ tʉ́m yú lɑ́, ńcɛꞋlɛ Tsɑpʉɔ kɛ mbɔ ɑ likŋɛ, ŋ́ɡɑ́ mbɔ̌ wu nǔu pɑ́Ꞌ ɔ zɛɛnɛ ŋ́kwɑŋɛ pɑ́Ꞌɑ lɑ́.
Wɛcɔ́ cʉ̈ɔ́Ꞌ-Tsɑpʉɔ ɡɛ ńtɔ́, ńcú mbɔ̌ Filîp ŋɡɔ: «Lɔ sɛ́ ńdɔk shʉ́ ntsʉ́ʉ ŋ́ɡʉ, ńcúŋ nǔu sɛ̂ndúŋ ẅi ɛ́ fúnɛ Yɛlúsɑlɛm ŋ́ɡʉ nɛ́ Ŋɡɑzɑ. Pɛ́ kɑ́ pɔ́ fɛ́Ꞌnɛ ńdɛɛ zúꞋu pɔ́.»
Pɔ́ɔpɛ́mɑ́ pɔ́ tɛ ńjí pɔ́Ꞌɔ, ńdɔk Sɔ̂l ŋ́ɡʉ Sɛ́zɑlɛ̂ ńcɑklɛ, ŋ́kúu zúꞋu ŋ́ɡɛ ɑ lɔk wɛ tʉ́sɔŋ-Tɑ́lsɔ ŋ́ɡʉ.
