1 Sɔ̂l kɑ pɔ́ ŋkɑ́ ɛ̂yɑ́, ḿbɛ́t nzʉʉpɑpɛ́m Tsɑpʉɔ Yɛ́su, ńzɑ́Ꞌ pɔ ŋkwɑɑ ŋɡɔ ɑ ɡʉ ńjẅítɛ wɔ́p, ŋ́ɡʉ ńjʉ́ɔ Tɑ́tndɑ́-pɑnɔŋpɔꞋ,
ɛ́shuŋ wɛ́, ńdɔk wɛ́ ɛ́fú tʉ́sɔŋ ńcẅɛt, ńzɛ nɛlɔk mɛŋɡɔꞋ ńtɛ́mtɛ wɛ́ nɛjẅí wɛ́. Ɛ́ ɡɔ́ ḿbɔ́, mbɔ pʉɔ pi pɔ́p lɑ́Ꞌnɛ ńzúꞋ sẅiŋɛ-Ɛtiyɛ̂n, lɑ́Ꞌ ɛ́sɔt mɛndẅí-fɑ́k mɔ́p, ńdẅɛꞋ mbɔ̌ wɛcɔ́ mɔ́ɔsuu ẅí pɛ́ fúŋnɛ wɛ́ ŋɡɔ Sɔ̂l.
Sɔ̂l pɔ́ ɛ́sɑ́Ꞌ yɛ́ tʉʉ pɔ nɛpík cúꞋlɛ-pɑpɛ́m Yɛ́su, ḿbɔ́ ŋ́kúu mɛndɑ́ mɛndɑ́ ńdɔɔ pɑpɛ́m Yɛ́su, ŋ́ɡẅɛɛ mbɛ́ɛnɛ pɔ́p pɑŋɡɛ́, ɛ́shuŋ wɔ́p ŋ́ɡɑ́ pɛ́ mɑꞋ wɔ́p ndɑ́tsɑ́ŋ.
mbíꞋŋɡɔ mɔ tsɛtsɛt ɡɑŋntúu ḿbɔ́ wɛ nzʉʉ. N zɛɛ ŋ́kɛ́ mbɔɔ kuꞋ nɛpɔ́ yi mbɔ pɛ́ fúŋ wɑ́ɑ nɛ́ ŋɡɑŋntúu pɔ́, mbíꞋŋɡɔ ŋ kɑ nyɛt cúꞋlɛ-pʉɔ Sɛ́ nɛ́ ŋɡʉ̈ɔ́Ꞌ.
KwɑꞋ pʉʉ kɑ zɛɛ ńzúꞋ pɑ́Ꞌ ŋ kɑ pɔ́ ŋ́ɡɛ pɔ́Ꞌɔ, ŋkɑ́ yi ŋ kɑ pɛ́t ḿbɔ́ ŋ́ɡúꞋlɛ Sɛ́ nǔu ntɛ́ yɛ́ pɑyúdɑ. Pʉʉ sɛ́ ńjí ntɛ́ yi ŋ kɑ pɔ́ ńdɔk ɛ́sɑ́Ꞌ tʉʉ ńtsɔ́Ꞌ ku-cúꞋlɛ-pʉɔ-zẅikŋɛ kɛpɔŋ ḿbɛn ńdɔɔ nɛpík wɔ́p pɔ́Ꞌɔ.
Ŋ kɑ pɔ́ ńníꞋ tʉʉ nǔu nɛpʉ́ʉ tɛꞋ, tɛ ńtsɔ́Ꞌ ku-pʉɔ-Kɛlístɔ kɛpɔŋ. NɛkúꞋlɛ nɛpʉ́ʉ-lɑ́Ꞌ kɑ pɔ́nɛ pɛ́Ꞌnɛ ḿbɔ́ ńdɛꞋlɛ ŋɡɔ ŋu fɑɑnɛ, mbɔ ɛ́ lɑɑ ḿbɔ́ ɛ sẅíi wʉ́ʉ ŋɡɔ mɔ ŋ́kɑɑ fɑɑnɛ.
Tɛ mbɑ pɑ́Ꞌ ɛ́ kɑ pɔ́ yɛcɔ́ ŋkɑ́, ɛ sẅiŋɛ nǔu wɛ́ kɛpɔŋ, ńtsɔ́Ꞌ ku-pʉɔ pɛ́ kɛpɔŋ, ńzɔɔtɛ Sɛ́. A kɑ tsɑ́ɑ mɛjʉ́ŋ mɑ́ɑ, mbíꞋŋɡɔ ŋ kɑ pɔ́ ŋ́ɡɛ kɛ́ jí yúu mi ŋ ɡɛnɛ, mbɔ mɔ ŋ́kɑɑ zɑ́p tʉ́m nǔu wɛ́ pɔ́.
