39 Pɔ́p kɑ pɔ́ tɛ ɛ́fú ŋki ńcẅɛt, Zẅikŋɛ-Tsɑpʉɔ lɔk Filîp ŋ́ɡʉ tɛ ŋu-Ɛ́tíyɔ́pîi pɔɔ pɛn ńjʉ́ɔ wɛ́ pɔ́, ŋ́kɛ́ ŋ́ɡɔ ḿbɛn ńcʉ́ɔ sɛ̂ndúŋ, ńnɛn ńtsɑ́ɑtɛ tsɑ́ɑtɛ́nɛ.
Yɛ́su pɛn ńcú ŋɡɔ: «Nu-nɛfɔɔ-Sɛ́ pɛn ḿbɔ́ pɔ pɑ́Ꞌ yɛcɔ́ yúu tʉʉndɛn yi ɛ́ lʉɔmɛ́nɛ tsɛt wɛcɔ́ ŋkɑ́Ꞌ, ŋu pɔ́ tɛ ńjʉ́ɔ, ḿbɛn ńdẅɛꞋ, ńdɔk nɛtsɑ́ɑtɛ ŋ́kʉɔ ŋ́ɡʉ ɛ́fɛn yúu pɛ́ tsʉʉ, ńdɔk ŋkɑ́p ńtɔ́ ńzúu ẅîwɑ́ ŋkɑ́Ꞌ.
ńnuꞋ wɛ́ ŋki. Yɛ́su pɔ́ tɛ ńcẅɛt, ntsu-tʉ́nɛ́pú tsɔ́Ꞌnɛ ńtʉ́ʉ. A jʉ́ɔ Zẅikŋɛ-Sɛ́ fú tʉ́nɛ́pú ńcúŋ ḿbɔ́ pɑ́Ꞌ puutɛ lɑ́, ńtɔ́ ńnɑ́ŋ nǔu wɛ́.
Yɛ́su pɔ́ ɛ́fú ŋki ńcẅɛt, ńjʉ́ɔ ntsu-tʉ́nɛ́pú ɡɔ́ɔ ńtsɔ́Ꞌnɛ ńtʉ́ʉ, Zẅikŋɛ Lɛ́ɛnɛ́nɛ cúŋ, ḿbɔ́ pɑꞋ puutɛ lɑ́, ńtɔ́ ńtʉ́ʉ nǔu wɛ́.
Ɛ́ kɛ ŋ́ɡʉ nǔu pʉɔ-Kɛlístɔ pɛ́ Antíyɔshɛ, pɔ́p tsʉ́Ꞌ tʉ́sɔŋ ɛ̂wɑ́, Zẅikŋɛ Lɛ́ɛnɛ́nɛ jʉ́ wɔ́p, pɔ́p nɑ́ŋ tsɛt tsɑ́ɑtɛ.
A pɛn ńdɔk wɔ́p pɛ́pɑ́ ḿbʉ́ʉ ŋ́ɡʉ ndɑ́ yɛ, ŋ́ɡɑ́ yúu pɔ́p jʉ́. Pɔ́p pɛ́ njẅɛtndɑ́ yɛ tsɑ́ɑtɛ, mbíꞋŋɡɔ pɔ́p zɑ́b tʉ́m yɔ́p nǔu Sɛ́.
Zẅikŋɛ-Sɛ́ cú mbɔ̌ Filîp ŋɡɔ: «Nɑ́ɑnɛ kɑ́lɛ́k ẅí.»
Ŋ́ɡɔ́ɔ ńcú, pɛ́ ɡɛ kɑ́lɛ́k tʉ́ʉ. Pɔ́p Filîp tɛmtɛ ḿpfúu, ńcúŋ, ŋ́kúu ŋki. Filîp ɡɔ́ɔ ŋ́kɛ́ ńnuꞋ wɛ́ ŋki.
Pɛ́ pɔ́ tsɛt yîyɑ́ tʉ́sɔŋ, ńtsʉ́Ꞌ ńtsɑ́ɑtɛ tsɑ́ɑtɛ́nɛ tɛꞋ.
Jʉ́ Yɛ́su kɑ tsɔ́Ꞌnɛ sɛ̂ndúŋ lɑ Sɛ́ ɡɑ́ fuꞋ níinɛ yɛkŋɛ pɑ́Ꞌɑ, tɛ ɛ́ tsʉ́Ꞌ ŋ́ɡɔ́ ḿbɔ́ pɔ mbɔ̌ pɛkŋɛ pɔ́Ꞌɔ ɛ́fú nǔu pɑ́Ꞌ pɛkŋɛ zɑ́pnɛ tʉ́m nǔu jʉ́ Yɛ́su. Pɛkŋɛ pɑ́Ꞌɑ tsɑ́ɑtɛ pɔ́ tʉ́m pɛkŋɛ tɛꞋ, mbíꞋŋɡɔ pɛkŋɛ nɑ́ŋ ḿbɔ́ ńzẅíꞋlɛ pɑ́Ꞌ Sɛ́ ɡʉ ŋ́ɡɛ ŋ́ɡɑp yúu mi ɛ́ nǔu nɛɡúꞋ wɛ, ŋ́ɡɑ́ yɛkŋɛ.
Pɛkŋɛ pɔ́nɛ pʉɔ pi pɛ́ kɑ tsuŋnɛ ḿbúꞋ wɔ́p. Zẅikŋɛ ɡɛnɛ pɛkŋɛ ɡúꞋlɛ Sɛ́. Pɛkŋɛ lɔk pɔ Yɛ́su Kɛlístɔ ńtsɑ́ɑtɛ, kɔɔ pɛkŋɛ zɑ́p tʉ́m pɔ nǔu yúu mi pɛkŋɛ ɡɛnɛ.
Ŋ ɡʉ ńcú mbɔ̌ pʉʉ ŋɡɔ tʉ́m yʉ́ʉ nɑ́ŋ ńtsɑ́ɑtɛ tsɑ́ɑtɛ́nɛ, mbíꞋŋɡɔ pʉʉ pʉɔ-Tsɑpʉɔ. M bɛn ńzɛ́plɛ ńcú mbɔ̌ pʉʉ ŋɡɔ, tʉ́m yʉ́ʉ nɑ́ŋ ńtsɑ́ɑtɛ tsɑ́ɑtɛ́nɛ.
Lɑ́ pʉʉ tsɛm pɔ nzɔꞋ yʉʉ, ńcú pɔ mɛnu mí pʉʉ ɡʉ ŋ́ɡɛ ŋ́ɡɛ. Yîyɑ́ ntɛ́ nɛŋɑ́Ꞌlɛ kɑ́ pɔŋ.
