36 Pɔ́pmɛ́ kɑ pɛ́t ńnɛn nɛnnɛ, ńcẅɛt nǔu yɛcɔ́ zʉꞋ, ŋki pɔ́ zúꞋu. Ŋu-Ɛ́tíyɔ́pîi ɛ̂wɑ́ cú mbɔ̌ Filîp ŋɡɔ: «Ŋki pʉ́ɔlɑ́, ɛ́ lɑɑ ḿbɔ́ kʉ̈ɔ́ kíꞋ tɛ pɛ́ pɔɔ wɑ́ɑ ŋki nuꞋ?»
Mɔ, ŋ ɡẅɛɛ yɑ́ɑ pɔ ndɑꞋ nɛnuꞋ wʉ́ʉ tsɛt ŋki, nɛlɔk ńnyɛt ŋɡɔ pʉʉ kúpmɛ mɑt. Lɑ́ ŋu ẅí ɑ nzʉʉ mɔ ḿbɔ́ ńtɔ́, ɡʉ ńtɔ́ yɛ́ ńníꞋ pʉɔ mbɔ̌ Zẅikŋɛ Lɛ́ɛnɛ́nɛ, ńníꞋ pʉɔ tsɛt múk. A tsɑ wɑ́ɑ, tɛ ŋ kɑ́ kuꞋ nɛsɔt mɛtɑp mɛ́ pɔ́.
ńtʉ́ʉ mbi pʉɔtsʉʉ, ḿbɛ́m mɛnu kɛpɔŋ mɔ́p, ɑ nuꞋ wɔ́p tsɛt ŋki-Juudɛŋ.
Jɑ̂ŋ pɔ́ yɛ́ Ɛnɔn, mbʉʉ Sɑlím ḿbɔ́ ńnuꞋ pʉɔ ŋki ɡúu, mbíꞋŋɡɔ ŋki kɑ pɔ́ zúꞋu tɛꞋ. Pʉɔ pɔ́ ńtɔ́, ɑ nuꞋ wɔ́p ŋki.
Yɛ́su pʉ̈ɔt ŋɡɔ: «Lɑ́ ɛ sẅíi wú, kwɑꞋ nɛ́nẅín, ɛ́ lɑɑ ḿbɔ́ ŋu pɔɔ kúu tsɛt nu-nɛfɔɔ-Sɛ́ kɛ́ pɔ́ yi ɑ lɛɛ nǔu ŋki, mbɑ Zẅikŋɛ Lɛ́ɛnɛ́nɛ lɑ pɛ́ pí wɛ́ fí fí pɔ́.
«Ŋkɔ̂ɔnɛ yi pɔ́p ńdɑ́Ꞌmɔ́ ńcẅɛ́ɛ Zẅikŋɛ Lɛ́ɛnɛ́nɛ pɑ́Ꞌ pɛk lɑ́, ɛ́ ńdɑɑ ḿbɔ́ ŋu pɛn ńtɔꞋ nɛnuꞋ wɔ́p ŋki kɛ kʉ̈ɔ́?»
[Filîp pʉ̈ɔt ŋɡɔ: «Ɔ lɑɑ ńzɑ́p tʉ́m yú nǔu Yɛ́su Kɛlístɔ, mbɔ yɛcɔ́ yúu kɛ́ kíꞋ wú pɔ́.» Ŋu-Ɛ́tíyɔ́pîi wɑ́ tsɔ́Ꞌ ŋɡɔ: «M bɛ́m ŋɡɔ Yɛ́su Kɛlístɔ mɔ́ɔ-Sɛ́.»]
Pɛ́ lɑ́Ꞌ Yɛ́su Kɛlístɔ ẅí ɑ kɑ tɔ́nɛ, pɛ́ nuꞋ wɛ́ tsɛt ŋki, ɑ ɡɛ ńtsẅɛt mɛci mɛ́, pɛ́ ŋkɑɑ nuꞋ wɛ́ pɔ ndɑꞋ tsɛt ŋki pɔ́, pɛ́ kɑ nuꞋ wɛ́ tsɛt ŋki, mbɑ tsɛt mɛci. Zẅikŋɛ-Sɛ́ nǔu ḿbɔ́ jʉ́njʉ́ɔ ŋɡɔ ɛ́ nu nɛ́nẅín. Zẅikŋɛ-Sɛ́ zɛɛ ḿbɔ́ pɔ nɛ́nẅín,
