20 Lɑ́ Pyɛ̂ cú mbɔ̌ wɛ́ ŋɡɔ: «Tɛ pʉʉ ŋkɑ́p yu yîyɑ́ lɑkŋɛ, mbíꞋŋɡɔ ɔ pɑꞋnɛ ŋ́kwɑŋɛ ŋɡɔ ɛ́ lɑɑ ḿbɔ́ ɔ lɔk ŋkɑ́p ńzúu yúu mi Sɛ́ ɡɑ́nɛ mbɔ̌ pʉɔ níinɛ.
Pʉʉ ɡʉ ŋ́ɡɛ ɡɑŋɡɔɔ fíitɛ, ŋ́ɡɛ pɛpfú ńzẅíimɛ, ŋ́ɡɛ pɛɡɑŋkɑꞋ-pɑ́p fíitɛ, ńzuŋ mɛzẅikŋɛ kɛpɔŋ. Pɛ́ ɡɑ́ mbɔ̌ pʉʉ níinɛ, pʉʉ pɛn ŋ́ɡɑ́ yʉ́ʉ níinɛ.
MbíꞋŋɡɔ mɛkwɑŋɛ kɛpɔŋ zɛɛ ńcẅɛt pɔ tsɛt tʉ́m-ŋu, mîmɑ́ tsʉ́ʉnɛ́nɛ ŋu ɑ jẅí wɛcɔ́, ŋ́ɡɛ ɡɑp, mbɛ́ɛnɛ lɔɔ pɑŋɡɛ́, pɑŋɡɛ́ lɔɔ mbɛ́ɛnɛ, ɑ jʉ̈ɔ, ńcɔt nu zʉꞋ yí pɛ́ ŋɑknɛ mɛtsɑŋ zúꞋu, ŋ́ɡúunɛ ŋu.
A ńcẅɛ́ɛ ŋkɑ́p-sɔ́ɔ, ńdɔk ńzúu ŋkɑ́Ꞌ, ŋ́kúu zúꞋu, ḿvu sɛ́ mbi nɛ mbi. Tɛ nɛpɛm nɛ́ sɑ́Ꞌ. Mɛtɔ́ mɛ́ cẅɛt ɛ́sɑt zʉꞋ.
Yɛ́su pɔ́p pɑpɛ́m pi pɔ́p lɑ́Ꞌnɛ ńtɔ́ ńcɑklɛ Pyɛ̂, pɔ́p m̄bɔ́ pɑyúdɑ. Pɔ́p jʉ́ɔ yɔ nu ɛ́ kʉꞋnɛ wɔ́p tɛꞋ, pɑ́Ꞌ Sɛ́ ɡɑ́nɛ Zẅikŋɛ Lɛ́ɛnɛ́nɛ mbɔ̌ pʉɔ pí pɔ́p kɑ́ pɔ́ pɑyúdɑ pɔ́ pɔ pɑ́Ꞌ ɑ kɑ pɔ́ ŋ́ɡɑ́ mbɔ̌ pɔ́p ɡúu!
Sɛ́ lɔk pɔ́Ꞌɔ, ŋ́ɡɑ́ yɔ́p yúu mi pɛkŋɛ kɑ zɑ́pnɛ tʉ́m nǔu Tsɑpʉɔ Yɛ́su Kɛlístɔ, ɑ ɡɑ́ mbɔ̌ pɛkŋɛ lɑ́. N zɛɛ ḿbɔ́ yɑ́ɑ pɔ wɔ̌, tɛ ḿbɔ́ yi mbɔ n tɔꞋ Sɛ́ nɛɡɛ yúu?»
Pyɛ̂ pʉ̈ɔt mbɔ̌ pɔ́p ŋɡɔ: «Pʉʉ kúpmɛ mɑt. Wɛ́t ŋu lɑ́ nǔu pʉʉ pɛ́m pɛ́ nuꞋ wɛ́ ŋki nǔu lík-Yɛ́su Kɛlístɔ. Nɛpɔ́ yi Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́. Sɛ́ ɡɔ́ɔ ŋ́kɛ́ ŋ́ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ.
ŋ́ɡɔ ḿbʉ́ ńcú ŋɡɔ: «Pʉʉ ɡɛ ŋ kuꞋ yɑ́ɑ pɑ́Ꞌ m bɔ́ ńzɑ́p mbɔ́ tú-ŋu, Zẅikŋɛ-Sɛ́ kúu nǔu ŋɡɑŋ.»
Kɛ́ ŋ́kúpmɛ kwɑŋɛ kɛpɔŋ yi ɛ́ tʉ́m yú lɑ́, ńcɛꞋlɛ Tsɑpʉɔ kɛ mbɔ ɑ likŋɛ, ŋ́ɡɑ́ mbɔ̌ wu nǔu pɑ́Ꞌ ɔ zɛɛnɛ ŋ́kwɑŋɛ pɑ́Ꞌɑ lɑ́.
Lɑ́ ɛ́ ŋ́kɛ́ ŋ́ɡʉ nǔu pʉɔ pi pɔ́p kɔŋ nɛɡẅɛɛ yúu tɛ ɛ́ zɑ́ɑ zɑ́ɑnɛ, ɡʉ ḿvu tsɛt ŋkwɑꞋnɛ. Mɛyúu kɛpɔŋ mi pɔ́p tsɑ́ɑnɛ, ɛ́ minɛ ɛ́ pʉ́ʉpɛ ŋu pʉ́ʉpɛ́nɛ, ɛ́ ɡẅɛɛ wɔ́p pɑ́Ꞌ ɡwɑk lɑ́. Mîmɑ́ mɛyúu tsʉ́ʉnɛ́nɛ pʉɔmɛsɔŋ pɔ́p vu sɛ́, ŋ́kúu pɛ́.
Gwɛ́tkɑ́ɑ ɡẅɛɛ tʉ́n-ɡɔ̂l yʉ́ʉ mbɑ ŋkɑ́p yʉʉ. Pɛ́ ɡʉ ŋ́ɡɛ ɛ́fú pɔ nǔu ńjʉ́ɔ ŋɡɔ pʉʉ vu ntsɑŋ, mbɑp-mbʉʉ yʉʉ mɛ pɑ́Ꞌ ŋkɑ́ yi pɛ́ tɔɔ wʉ́ʉ múk lɑ́. Pʉʉ kɑ cúꞋlɛ́nɛ yúu mi ɛ́ cɔ́k ŋkɑ́p nǔu mɔ mɛlɛ́Ꞌlɑ́Ꞌ mi ɛ́ ndẅiknzʉʉ.
Pɑtɑ́ŋ mɛntɑ́ɑ pi pɔ́p kɑ fɛnnɛ yɔ́p yúu-mɛtɑ́ɑ mbɔ̌ wɛ́ lɑ ńdɔk ńtsʉ́Ꞌ ɡɑŋŋkɑ́p ɡʉ ŋ́ɡɛ ńtʉ́ʉ pɔ ŋɡɑ sɛsɑ, ḿbɔ́ ḿbɔ́k ŋɡʉ̈ɔ́Ꞌ yi ɛ́ kúunɛ wɛ́, ḿbɔ́ ŋ́kʉ́ɔꞋ nɛvú,
