15 Pɔ́p ɡʉ ŋ́kúu zúꞋu, ńcɛꞋlɛ Sɛ́ nǔu tú-pîpɑ́ pʉɔ-Sɑmɑlîi nɛlɔk ŋ́ɡɛ ŋɡɔ Sɛ́ níꞋ Zẅikŋɛ yɛ́ nǔu pɔ́p,
KwɑꞋ nɛ́nẅín, m bɛn ɛ́sẅíi wʉ́ʉ ŋɡɔ: «Pʉɔ pɛ́pɑ́ tsɛtsɛt pʉʉ lɑɑ ḿbɔ́ tɑ́Ꞌ ntsu ndǔ tsɛ́tsɑ́Ꞌ zɑꞋnɛ, ńdɔ́ɔ pɔ kʉ̈ɔ́ lɑ́ mbɔ̌ Tɑ̌ɑ mɔ ẅí ɑ tʉ́nɛ́pú, mbɔ ɑ ɡʉ ŋ́ɡɑ́ mbɔ̌ pɔ́p.
ḿbíkŋɛ wɔ́p ŋɡɔ: «Pʉʉ kɑ pɔ́ tɛ ńzɑ́p tʉ́m nǔu Yɛ́su pɛ́Ꞌɛ tɛ Sɛ́ ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ?» Pɔ́p pʉ̈ɔt ŋɡɔ: «Pɛk ŋkɑɑ mɔ zɛɛ ńzúꞋ pɑ́Ꞌ pɛ́ kẅíinɛ yɛcɔ́ Zẅikŋɛ Lɛ́ɛnɛ́nɛ pɔ́.»
Pyɛ̂ pʉ̈ɔt mbɔ̌ pɔ́p ŋɡɔ: «Pʉʉ kúpmɛ mɑt. Wɛ́t ŋu lɑ́ nǔu pʉʉ pɛ́m pɛ́ nuꞋ wɛ́ ŋki nǔu lík-Yɛ́su Kɛlístɔ. Nɛpɔ́ yi Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́. Sɛ́ ɡɔ́ɔ ŋ́kɛ́ ŋ́ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ.
Ɛ́ yúu mi ɛ́ ɡɛnɛ lɑ ŋu ẅí ɑ sẅíŋɛ́nɛ sẅiŋɛ yi pɛ́ kɑ́ pɔ́ ńjí pɔ́, ɑ ɡẅɛɛ nɛcɛꞋlɛ Sɛ́ ŋɡɔ ɑ lɔk nɛkyɛ́Ꞌtɛ ḿbɛn ŋ́ɡɑ́ fuꞋ níinɛ yɛ́,
N zɛɛ ḿbɔ́ ńjí ŋɡɔ ŋɡʉ̈ɔ́Ꞌ yi ɛ́ kɑ kúunɛ wɑ́ɑ ɡʉ ńtɔ́ ńtsʉ́Ꞌ ŋ́ɡɛ n duk luknɛ. N duk pɔ́Ꞌɔ, ńdúꞋnɛ ntɛ́ yi pʉʉ sɛ́ ńdɔk ḿbúꞋ mbɔ́ mbɔ̌ Sɛ́, ḿbɛn ńdúꞋnɛ Zẅikŋɛ-Yɛ́su Kɛlístɔ yi ɛ́ sɛ́ ńtɔ́ɔtɛ wɑ́ɑ.
