ŊwɑꞋnɛ-Gɑŋntúu Yɛ́su Kɛlístɔ 8:1 - Kɑɑ Fí

¹ Ɛ́ kɑ fú lɛ́Ꞌ ɛ̂yɑ́, pɛ́ zɛ nɛnyɛt nɔɔ-pɑpɛ́m Yɛ́su nɛ́ ŋɡʉ̈ɔ́Ꞌ Yɛlúsɑlɛm tɛꞋ. Pɔ́p kʉɔ, ɛ́sɑt zʉꞋ nǔu shʉ́ Judɛ̂ pɔ́p Sɑmɑlîi tɛ ɛ́ tsʉ́Ꞌ pɔ ndɑꞋ ɡɑŋntúu-Yɛ́su Yɛlúsɑlɛm.

ŊwɑꞋnɛ-Gɑŋntúu Yɛ́su Kɛlístɔ 8:1 교차 참조

Mɑtʉ̈ɔ 22:6

Pɛcɔ́ ɡẅɛɛ pɛtsiindɑ́ fɔɔ ɛ̂pɑ́, ŋ́ɡɑ́ɑnɛ wɔ́p, ńjẅítɛ wɔ́p.

Mɑtʉ̈ɔ 23:34

Pʉʉ kɛ́ ńzúꞋ, ŋ ɡʉ ŋ́ɡɛ ńtúu pɛŋɡɛ́mndʉ̈ɔ́Ꞌ-Sɛ́, pɔ́p pɑjínu, pɔ́p pɑkyɛ́ꞌtɛ ŋwɑꞋnɛ-Sɛ́. Pʉʉ jẅítɛ pɛcɔ́, ŋ́kẅii pɛcɔ́ nǔu tʉ́ mbɑ́ŋtɛ pɑ́ŋtɛ́nɛ, ńtswɑ́ɑ pɛcɔ́ nɛ́ mɛŋɡwɑɑ tsɛt mɛndɑ́-cúꞋlɛ mʉ́ʉ, ɛ́fú mɛtʉ́sɔŋ mɛtʉ́sɔŋ ńnɑ́ɑ wɔ́p.

Mɑtʉ̈ɔ 5:13

Pʉʉ pɔ́nɛ ŋɡwɑ́ŋ ndǔ mbí. Ŋɡwɑ́ŋ pɛ́Ꞌnɛ ḿbɔ́ yi ɛ́ lɑɑ ńtsʉ́Ꞌ ńdɛpɛlɛ lɛpɛlɛ́nɛ, mbɔ ɛ́ lɑɑ ḿbɔ́ pɛ́ ɡɛ ŋɡɔ́ku lɑ ɛ́ pɛn ńdʉʉ? Ɛ́ pɔɔ pɛn ŋ́kuꞋ nǔu yɛcɔ́ nu pɔ́, pɛ́ tsʉ́Ꞌ ŋ́ɡẅɛɛ pɔ nɛpʉ̈ɔt píi, pɛ́ lɔk mɛku ńnʉŋtɛ.

Jɑ̂ŋ 15:20

Pʉʉ kẅíitɛ nu yí ŋ kɑ cúnɛ mbɔ̌ pʉʉ ŋɡɔ: «mɔ́ɔ-fɑꞋ kɑ́ ɡúꞋ ńdɛɛ tɑ́fɑꞋ wɛ pɔ́, ɛ́ lɑɑ ḿbɔ́ yi pɔ́p kɑ pɑɑ wɑ́ɑ, mbɔ pɔ́p ɡʉ ḿbɛn ḿbɑɑ wʉ́ʉ ɡúu pɔ pɔ́Ꞌɔ, ḿbɔ́ yi pɔ́p kɑ ɡẅɛɛ sẅiŋɛ yɑ́ɑ, mbɔ pɔ́p ɡʉ ḿbɛn ŋ́ɡẅɛɛ yʉ́ʉ pɔ pɔ́Ꞌɔ.»

Jɑ̂ŋ 16:2

Pɛ́ ɡʉ ŋ́ɡɛ ɛ́fú tsɛt mɛndɑ́-cúꞋlɛ-Pɑyúdɑ ńzuŋ wʉ́ʉ. Ɛ́ pɔɔ pɔ́ pɔ ndɑꞋ pɔ́Ꞌɔ pɔ́. Ŋkɑ́ sɛ́ ŋ́kuꞋ pɑ́Ꞌ ŋu ɡʉ ŋ́ɡɛ ḿbɔ́ ńjẅí tɑ́Ꞌ ŋu tsɛtsɛt pʉʉ, ŋ́kwɑŋɛ ŋɡɔ ɑ nɔŋ pɔ pɔꞋ mbi Sɛ́.

ŊwɑꞋnɛ-Gɑŋntúu Yɛ́su Kɛlístɔ 1:8

Pʉʉ ńjí pɔ ndɑꞋ ŋɡɔ Zẅikŋɛ-Sɛ́ ɡʉ ŋ́ɡɛ ńtɔ́ nǔu pʉʉ, ŋ́ɡɑ́ wʉ́ʉ nɛ́ mɛtʉʉ. Pʉʉ lɔk ŋ́kuꞋ nɛsẅíŋɛ mbɑ kʉ̈ɔ́ lɑ́ yi pʉʉ jínɛ nǔu mɔ! Ńzɛ Yɛlúsɑlɛm ɛ́sẅíi sẅíinɛ ḿmɛk Judɛ̂. Ḿbɛn ɛ́fú Sɑmɑlîi, ɛ́sẅíi sẅíinɛ ŋ́kúu zʉꞋ yi tsɛ́tsɑ́Ꞌ lẅiklɛ́nɛ zúꞋu.»

ŊwɑꞋnɛ-Gɑŋntúu Yɛ́su Kɛlístɔ 13:1

Ɛ́ m̄bɔ́ tsɛt cúlɛ-pʉɔ-Kɛlístɔ yi ɛ́ m̄bɔ́nɛ tʉ́sɔŋ-Antíyɔshɛ, pɛŋɡɛ́mndʉ̈ɔ́Ꞌ-Sɛ́ pɔ́ zúꞋu, ŋ́ɡɛ pɑzíꞋ pʉɔ nɛ́ nu-Sɛ́. Yɔ m̄bɔ́ Pɑnɛpɑ́ɑshi, ŋ́ɡɛ Símɛyɔ̂ŋ ẅí pɛ́ fúŋnɛ wɛ́ ŋɡɔ Shíshíŋu, ŋ́ɡɛ Lusius, mɔ́ɔ-pɑk-ŋɡɔŋ-Silɛ̂nɛ, ŋ́ɡɛ Mɑnɑyɛn ẅí pɔ́p Ɛlɔ̂dɛ ẅí ɑ m̄bɔ́nɛ ŋɡɔ́mnɑɑ Ŋɡɑlílíyɑ kɑ ɡúꞋnɛ, ḿbɛn ŋ́ɡɛ Sɔ̂l.

ŊwɑꞋnɛ-Gɑŋntúu Yɛ́su Kɛlístɔ 13:36

Ɛ́ ɡʉ nǔu fɔɔ Ndɑvît, mbɔ ɑ kɑ ɡɛ yúu mi Sɛ́ kɑ cúnɛ ŋɡɔ ɑ ɡɛ nǔu yɛ́ ŋkɑ́, ŋ́ɡɛ ḿpfú. Pɛ́ níꞋ pfú yɛ́ zʉꞋ yí pɛ́ kɑ níꞋnɛ yi pɛtɑ́t pɛ́ zúꞋu. A lʉ̈ɔ́ tsɛt nɛshi.

ŊwɑꞋnɛ-Gɑŋntúu Yɛ́su Kɛlístɔ 2:47

Pɔ́p kɑ pɔ́ ŋ́ɡúꞋlɛ Sɛ́ tɛꞋ. Lɑ́Ꞌ tsʉʉ kɔŋ yɔ́p ntɛ́ nɛnɑ́ŋ. Ɛ́ pɔ́ lɛ́Ꞌ tsʉʉ, Tsɑpʉɔ pɔ́ ńdɔk pʉɔ pi ɑ ɡɛnɛ pɔ́p luk, ńdɔk ŋ́kẅiꞋ nɔɔ yɔ́p.

ŊwɑꞋnɛ-Gɑŋntúu Yɛ́su Kɛlístɔ 22:20

Pɛ́ kɑ ɡɔ́ ńtswɛt mɛci Ɛtiyɛ̂n mbɔ ɑ kɑ pɔ́ ɛ́sẅíi pʉɔ nɛ́ nu yi ɑ jínɛ nǔu ɡu, m bɔ́ yɑ́ɑ sɛ́. Pɛk pʉɔ pi pɔ́p kɑ jẅínɛ wɛ́ kɑ pɔ́ tɑ́Ꞌ ntsu; lɑ́ pɔ́p pɔ́ ńtɛ́mtɛ wɛ́ nɛ́ mɛŋɡɔꞋ ńjẅí, m bɔ́ ḿbyɛ́p mɛndẅí mɔ́p.”

ŊwɑꞋnɛ-Gɑŋntúu Yɛ́su Kɛlístɔ 26:10

Ɛ́ yúu mi ŋ kɑ ɡɛnɛ tʉ́sɔŋ-Yɛlúsɑlɛm. Ŋ kɑ ɡẅɛɛ pʉɔ-Yɛ́su tɛ pɔ́p zɑ́ɑ zɑ́ɑnɛ, ḿmɑꞋ ndɑ́tsɑ́ŋ, ńzɛɛ ŋ́ɡɔ ŋ́ɡɛ pɔ́Ꞌɔ, pɛtɑ́tndɑ́-pɑnɔŋpɔꞋ zɛɛnɛ ḿbɔ́ ńtúu wɑ́ɑ nɛ́ mɛŋwɑꞋnɛ. Pɛ́ pɔ́ tɛ ḿbɔ́ ŋ́ɡʉ ńjẅítɛ wɔ́p n zɑ́p wɑɑ ntsu nǔu.

ŊwɑꞋnɛ-Gɑŋntúu Yɛ́su Kɛlístɔ 5:18

Pɔ́p pɛpɔ́p túu pʉɔ, pɔ́p ɡẅɛɛ ɡɑŋntúu ńníꞋ wɔ́p ndɑ́tsɑ́ŋ yi pɛ́ kɑ pɔ́ ńníꞋ ɡɑŋtsɑ́ŋ tsʉʉ zúꞋu.

ŊwɑꞋnɛ-Gɑŋntúu Yɛ́su Kɛlístɔ 5:20

«Pʉʉ ɡʉ ńtʉ́ʉ ndǔ zɑ́n yi ɛ́ tsɛt ZʉꞋ-nɔŋpɔꞋ ɛ́sẅíi lɑ́Ꞌ nɛ́ mɛnu mi ɛ́ líŋɛ́nɛ luk fí.»

ŊwɑꞋnɛ-Gɑŋntúu Yɛ́su Kɛlístɔ 5:33

Pɛkɛ́m zúꞋ pɑ́Ꞌ pɔ́p cúnɛ pɔ́Ꞌɔ, ńzɑ́ŋ lɔ́ŋ, ńzɛ nɛkwɑŋɛ nɛjẅí ɡɑŋntúu-Yɛ́su.

ŊwɑꞋnɛ-Gɑŋntúu Yɛ́su Kɛlístɔ 5:40

ɛ́fúŋ ɡɑŋntúu-Yɛ́su, ńcú pɛ́ lɔk ŋɡwɑɑ ńtswɑ́ɑ wɔ́p. Pɔ́p tɔꞋ wɔ́p nɛpɛn ńdɔk lík-Yɛ́su ńcú nu, ŋ́ɡɛ ńnɑ́ wɔ́p pɔ́p ɡʉ.

ŊwɑꞋnɛ-Gɑŋntúu Yɛ́su Kɛlístɔ 7:38

Mɔ̌sɛ̂ɛ pɛnnɛ ḿbɔ́ ŋu ẅí ɑ ḿbɔ́nɛ ŋkɑ́ yi pɛmɑ́ŋɡɑpnjẅɛt pɛkŋɛ kɑ cúꞋlɛ́nɛ kɔ̂ŋtɛt m̄bɔ́ ńtʉ́ʉ tsɛtsɛt Cʉ̈ɔꞋ-Sɛ́ pɔ́p mɑ̂ɑŋɡɑpnjẅɛt wɛkŋɛ. Cʉ̈ɔꞋ-Sɛ́ sẅiŋɛ mbɔ̌ wɛ ḿbɔ́ ńníꞋ nu mbɔ̌ wɛ́ ndǔ nɛŋkɔ́Ꞌ Sinɑyi. KwɑꞋ jʉ́ Mɔ̌sɛ̂ɛ kɑ cẅɛ́ɛ sẅiŋɛ ɛ̂yɑ́ yi ɛ́ ɡɛnɛ pɛ́ pɔ́ ɡú nɛɡɑ́ mbɔ̌ pɛkŋɛ.

ŊwɑꞋnɛ-Gɑŋntúu Yɛ́su Kɛlístɔ 7:54

Pɑsɑ́Ꞌlɑ́Ꞌ kɑ zúꞋ pɔ́Ꞌɔ, ŋ́kwɛ́t mɛsɔŋ mɔ́p. Pɔ́p lɔ sɛ́ nzʉʉ Ɛtiyɛ̂n.

ŊwɑꞋnɛ-Gɑŋntúu Yɛ́su Kɛlístɔ 7:58

ɛ́shuŋ wɛ́, ńdɔk wɛ́ ɛ́fú tʉ́sɔŋ ńcẅɛt, ńzɛ nɛlɔk mɛŋɡɔꞋ ńtɛ́mtɛ wɛ́ nɛjẅí wɛ́. Ɛ́ ɡɔ́ ḿbɔ́, mbɔ pʉɔ pi pɔ́p lɑ́Ꞌnɛ ńzúꞋ sẅiŋɛ-Ɛtiyɛ̂n, lɑ́Ꞌ ɛ́sɔt mɛndẅí-fɑ́k mɔ́p, ńdẅɛꞋ mbɔ̌ wɛcɔ́ mɔ́ɔsuu ẅí pɛ́ fúŋnɛ wɛ́ ŋɡɔ Sɔ̂l.

ŊwɑꞋnɛ-Gɑŋntúu Yɛ́su Kɛlístɔ 8:14

Gɑŋntúu-Yɛ́su ɡɛ ńnɑ́ŋ Yɛlúsɑlɛm, ńzúꞋ pɑ́Ꞌ pʉɔ-Sɑmɑlîi pɛ́mnɛ sẅíŋɛ-Sɛ́, ńtúu Pyɛ̂ pɔ́p Jɑ̂ŋ mbɔ̌ pɔ́p.

ŊwɑꞋnɛ-Gɑŋntúu Yɛ́su Kɛlístɔ 8:2

Ɛ́ kɑ ɡɔ́ ḿbɔ́, mbɔ pɛcɔ́ pʉɔ pí pɔ́p ɡɛnɛ mɛkuꞋ-Sɛ́ kɑ níꞋ pfú-Ɛtiyɛ̂n tsɛt nɛshi, ḿbɛn ńdɑɑ nɛvú nɛ́ tɛꞋ.

ŊwɑꞋnɛ-Gɑŋntúu Yɛ́su Kɛlístɔ 8:4

Pɑpɛ́m Yɛ́su pi pɔ́p kɑ sɑtnɛ zʉꞋ, ɡʉ zʉꞋ tsʉʉ tsɛt lɑ́Ꞌ, ńnɛn ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ.

ŊwɑꞋnɛ-Gɑŋntúu Yɛ́su Kɛlístɔ 8:5

Filîp ɡʉ tsɛt yɛcɔ́ tʉ́sɔŋ-Sɑmɑlîi, ŋ́kúu zúꞋu, ɛ́sɑ́Ꞌ nu-Nzɑ́Ꞌŋkʉ.

ŊwɑꞋnɛ-Gɑŋntúu Yɛ́su Kɛlístɔ 9:31

Ɛ́ pɔ́ ŋkɑ́ yîyɑ́, ŋɡɔŋ pɑpɛ́m Yɛ́su tsʉʉ nɑ́ŋ tsɛt mɔ́fíitɛ. Pɛ́ pɔɔ pɛn ŋ́ɡɑ́ɑnɛ wɔ́p nǔu pɑk-ŋɡɔŋ-Judɛ̂ pɔ́. Tɛ mbɑ tsɛt pɑk-ŋɡɔŋ-Ŋɡɑlilɛɛ tɛ mbɑ Sɑmɑlîi. Pɔ́p pɛtsʉʉ pɔ́ ńtɔ́ɔtɛ mɛmbʉʉ mɔ́p, ŋ́kẅiꞋ ńtɛntɛ, ḿbɔ́ ńzúꞋ ntsu-Tsɑpʉɔ. Zẅikŋɛ-Sɛ́ pɛn ḿbɔ́ ńtɔ́ɔtɛ wɔ́p, ḿbɛn ŋ́ɡɛ ndɛn wɔ́p kẅiꞋ ńzɑ́ɑ.

Pʉɔ-Lɔ́mɑ 1:32

Pɔ́p sɛ́ ńtsuŋ ńjí ŋɡɔ ɛ́ mbɔ̌ Sɛ́, pʉɔ pi pɔ́p ɡẅɛɛnɛ mɔnɛ mɛmɑt, pɔ́p pʉɔ pi pɔ́p tʉ́ʉnɛ pɑ́Ꞌ pɛ́ ɡʉ ńdɑ́Ꞌ ńjẅí wɔ́p jẅínɛ. Lɑ́, pɔ́p kɑ́ fɑɑnɛ mɔnɛ mɛnu fɑɑnɛ́nɛ ndɑꞋ pɔ́, pɔ́p pɛn ńníꞋ mɛtʉʉ-pʉɔ pi pɔ́p sɛ́ ɛ́fɑɑnɛ yɔ́p mîmɑ́ mɛnu ɡúu.

Filipɛ 1:12

Pɔ́ɔpɛ́mɑ́, pʉʉ jí ŋɡɔ ŋɡʉ̈ɔ́Ꞌ yi ɛ́ kɑ kúunɛ wɑ́ɑ, ɛ́ kɑ ɡɛ ŋɡɔ Ŋkʉʉ Sʉ́Ꞌnɛ kẅiꞋ ɛ́sɑt pɔ zʉꞋ,

Ɛ́bɛlʉʉ 11:27

Ɛ́ kɑ fú pɔ nǔu pɑ́Ꞌ ɑ kɑ zɑ́pnɛ tʉ́m yɛ́ nǔu Sɛ́, lɑ́ fɔɔ Ɛ́ɡíptɔ zɛ nɛzɑ́ŋ lɔ́ŋ, ɑ fú zúꞋu ńcẅɛt ŋ́ɡʉ kɛ́ pɔ́k yúu mi ḿbɔ́ ɑ ɡɛ nǔu wɛ́. Tʉ́m yɛ́ tɛntɛ tɛntɛnɛ, mbíꞋŋɡɔ ɛ́ kɑ pɔ́ ŋkɑ́ yi ɑ sɛ́ ńdɔk mík ńjʉ́ɔ Sɛ́ ẅi ḿbɔ́ ŋu pɔɔ wɛ́ jʉ́ɔ.