58 ɛ́shuŋ wɛ́, ńdɔk wɛ́ ɛ́fú tʉ́sɔŋ ńcẅɛt, ńzɛ nɛlɔk mɛŋɡɔꞋ ńtɛ́mtɛ wɛ́ nɛjẅí wɛ́. Ɛ́ ɡɔ́ ḿbɔ́, mbɔ pʉɔ pi pɔ́p lɑ́Ꞌnɛ ńzúꞋ sẅiŋɛ-Ɛtiyɛ̂n, lɑ́Ꞌ ɛ́sɔt mɛndẅí-fɑ́k mɔ́p, ńdẅɛꞋ mbɔ̌ wɛcɔ́ mɔ́ɔsuu ẅí pɛ́ fúŋnɛ wɛ́ ŋɡɔ Sɔ̂l.
Pɔ́p lɔ sɛ́ pɛtsʉʉ, ŋ́ɡẅɛɛ Yɛ́su ńdɔk wɛ́ ɛ́fú tʉ́sɔŋ, ńcẅɛt tɛ ŋ́kúu ndǔ tú-nɛŋkɔ́Ꞌ, zʉꞋ yi pɛ́ kɑ kútnɛ tʉ́sɔŋ wɔp zúꞋu, ḿbɔ́ ńdɔɔ nɛfu ndǔ nɛŋkɔ́Ꞌ ńtsʉ́ʉ wɛ́ ḿmɑꞋ tsɛt fúꞋ.
Pɛ́ kɑ ɡɔ́ ńtswɛt mɛci Ɛtiyɛ̂n mbɔ ɑ kɑ pɔ́ ɛ́sẅíi pʉɔ nɛ́ nu yi ɑ jínɛ nǔu ɡu, m bɔ́ yɑ́ɑ sɛ́. Pɛk pʉɔ pi pɔ́p kɑ jẅínɛ wɛ́ kɑ pɔ́ tɑ́Ꞌ ntsu; lɑ́ pɔ́p pɔ́ ńtɛ́mtɛ wɛ́ nɛ́ mɛŋɡɔꞋ ńjẅí, m bɔ́ ḿbyɛ́p mɛndẅí mɔ́p.”
ŋ́ɡɛ pɑ́Ꞌɑ, ḿbɔ́ ńdítɛ ŋɡuŋ, ḿbɔ́ ɛ́sɑ mɛndẅí mɔ́p, ŋ́ŋwɑt pɛ́pɛ́p ḿmɑꞋ tʉ́.»
Ŋ kɑ pɔ́ ńtsɔ́Ꞌ ku pɑnɛn nǔu sɛ̂ndúŋ-Yɛ́su kɛpɔŋ. Ŋ́ɡɛ pɛ́ ɡẅɛɛ mbɛ́ɛnɛ pɔ́p pɑŋɡɛ́ ḿmɑꞋ ndɑ́tsɑ́ŋ, tɛ mbɑ pɑ́Ꞌ pɛ́ lɑɑ ḿbɔ́ pɛ́ tɔ́ zúꞋu ńjẅí wɔ́p jẅínɛ.
Ɛ́ yúu mi ŋ kɑ ɡɛnɛ tʉ́sɔŋ-Yɛlúsɑlɛm. Ŋ kɑ ɡẅɛɛ pʉɔ-Yɛ́su tɛ pɔ́p zɑ́ɑ zɑ́ɑnɛ, ḿmɑꞋ ndɑ́tsɑ́ŋ, ńzɛɛ ŋ́ɡɔ ŋ́ɡɛ pɔ́Ꞌɔ, pɛtɑ́tndɑ́-pɑnɔŋpɔꞋ zɛɛnɛ ḿbɔ́ ńtúu wɑ́ɑ nɛ́ mɛŋwɑꞋnɛ. Pɛ́ pɔ́ tɛ ḿbɔ́ ŋ́ɡʉ ńjẅítɛ wɔ́p n zɑ́p wɑɑ ntsu nǔu.
Pɔ́p jʉ́ɔ kɛ́kɑ́ŋ, ɛ́fúŋ pʉɔ, ńcú mbɔ̌ pɔ́p ŋɡɔ pɔ́p cú ŋɡɔ pɔ́p kɑ zúꞋ pɑ́Ꞌ Ɛtiyɛ̂n sẅiŋɛnɛ kɛpɔŋ nǔu Mɔ̌sɛ̂ɛ mbɑ nǔu Sɛ́.
Pîpɑ́ pʉɔ lɔk mbɑ pɛcɔ́ ɡɑŋcɔtnu, ŋ́ɡʉ zúꞋu. Pɔ́p tɔ́ ńcú ŋɡɔ: «Ŋu wɔ júk pɔ nɛsẅíŋɛ kɛpɔŋ nǔu ndɑ́-nɔŋpɔꞋ yɛkŋɛ yi ɛ́ Yɛlúsɑlɛm wɔ, mbɑ nǔu nɛpʉ́ʉ-Mɔ̌sɛ̂ɛ.
Pɔ́p zúꞋ pɔ́Ꞌɔ, ńzʉʉnɛ mɛtúutɛ́ mɔ́p, ŋ́ɡíɛt nɛ́ tʉʉ, ńjɛ́Ꞌ ḿbʉ̈ɔtnɛ nǔu wɛ́,
Ɛ́ kɑ fú lɛ́Ꞌ ɛ̂yɑ́, pɛ́ zɛ nɛnyɛt nɔɔ-pɑpɛ́m Yɛ́su nɛ́ ŋɡʉ̈ɔ́Ꞌ Yɛlúsɑlɛm tɛꞋ. Pɔ́p kʉɔ, ɛ́sɑt zʉꞋ nǔu shʉ́ Judɛ̂ pɔ́p Sɑmɑlîi tɛ ɛ́ tsʉ́Ꞌ pɔ ndɑꞋ ɡɑŋntúu-Yɛ́su Yɛlúsɑlɛm.
