ŊwɑꞋnɛ-Gɑŋntúu Yɛ́su Kɛlístɔ 7:32 - Kɑɑ Fí

³² «A mɔ Sɛ́-pɛmɑ̂ɑŋɡɑpnjẅɛt pʉ́ʉ, Sɛ́-Ábɛlɛhɑ̂m, Sɛ́-Ɛ́sɑk, ḿbɛn ḿbɔ́ Sɛ́-Yɑkɔ̂p.» Mɔ̌sɛ̂ɛ zúꞋ ḿbɔ́k, ńzɛ nɛɡwɛt. Mbɔɔ pɛn ŋ́kɔŋ nɛlíŋɛ zʉꞋ ɛ̂yɑ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 7:32 교차 참조

Mɑtʉ̈ɔ 17:6

Gɑŋku-Yɛ́su ɡɔ́ɔ ńzúꞋ yɔ nu, ḿvu sɛ́, ɛ́sɔp shʉ́ wɔ́p sɛ́, ḿbɔ́ ḿbɔ́k tɛꞋ.

Mɑtʉ̈ɔ 22:32

«Mɔ Sɛ́-Ábɛlɛhɑ̂m, ḿbɔ́ Sɛ́-Ɛsɑk, ḿbɔ́ Sɛ́ Yɑkɔ̂p pɔ́ ɔɔ? Sɛ́ Sɛ́-pʉɔntʉʉ.» Yɛ́su pɛn ńcú ŋɡɔ: «Sɛ́ kɑ́ pɔ́ Sɛ́-pɛpfú-pʉɔ pɔ́, Sɛ́ Sɛ́-pʉɔntʉʉ.»

Mɑtʉ̈ɔ 22:46

Ɛ́ ɡʉ tsɛtsɛt pɑfɑlísɑy, ŋu pɔɔ kuꞋ nɛsii ḿbʉ̈ɔt pɔ tɑ́Ꞌ nu nǔu nu yí Yɛ́su píkŋɛ́nɛ pɔ́. Ɛ́ fú lɛ́Ꞌ ɛ̂yɑ́ ŋu pɔɔ pɛn, ŋ́ɡẅɛɛ sʉktʉ́m, nɛpíkŋɛ wɛ́ nɛ́ yɛcɔ́ nu pɔ́.

Lúkɑ́shi 5:8

Simɔ̂ŋ Pyɛ̂ jʉ́ɔ yɔ nu jʉ́ɔnɛ, tɛ ŋ́ɡʉ ńnɔɔ mɛku-Yɛ́su, ŋ́ɡẅɛɛ mɛkẅíꞋlɛ mɛ́, ńcú mbɔ̌ wɛ́ ŋɡɔ: «Tsɑpʉɔ, sɛ́sẅíi, fú nɛjɔ́ŋ mɔ ŋ́ɡʉ! Mɔ pɑ́Ꞌ ḿbɔ́ ŋu kɛpɔŋ.»

ŊwɑꞋnɛ-Gɑŋntúu Yɛ́su Kɛlístɔ 3:13

Ɛ́ pɔ́ pɔ ŋɡɔ Sɛ́-Ábɛlɛhɑ̂m, ḿbɔ́ Sɛ́-Ɛsɑk, mbɑ wɛ Yɑkɔ̂p, mbɔ Sɛ́-pɛmɑ̂ɑŋɡɑpnjẅɛt pɛkŋɛ, kɑ ɡɑ́nɛ nɛɡúꞋ mbɔ̌ ŋɡɑŋfɑꞋ wɛ Yɛ́su. Mbɔ pʉʉ kɑ fɛn wɛ́ mbɔ̌ pɑsɑ́Ꞌlɑ́Ꞌ, ḿmuŋɛ wɛ́ mbi Pilɑ́tu. Lɑ́, mbɔ ɑ kɑ ŋɑk ntsɑŋ Yɛ́su ɛ̂wɑ́ tɛ ńzɑ́p ŋɡɔ pɛ́ nɑ́ wɛ́.

ŊwɑꞋnɛ-Gɑŋntúu Yɛ́su Kɛlístɔ 7:31

Mɔ̌sɛ̂ɛ jʉ́ɔ ẅîwɑ́ múk, ɛ́ kʉꞋnɛ wɛ́. A kẅɛ́Ꞌlɛ nɛ́ mbi ḿbɔ́ ńdíŋɛ, ńzúꞋ ŋɡi-Tsɑpʉɔ cú mbɔ̌ wɛ́ ŋɡɔ:

Ɛ́bɛlʉʉ 11:16

Wɛcɔ́ nɛɡɛ pɔ́Ꞌɔ ŋkɑɑ kɛ́ ḿbɛn ḿbɔ́ ɡú mbɔ̌ pɔ́p pɔ́, mbíꞋŋɡɔ pɔ́p kɑ tsʉ́Ꞌ ńtsɑ́ɑ pɔ yɛcɔ́ lɑ́Ꞌ yi ɛ́ pɔŋnɛ ńdɛɛ yîyɑ́, lɑ́Ꞌ yi ɛ́ tʉ́nɛ́pú. Ɛ́ yúu mi ɛ́ ɡɛnɛ Sɛ́ lɔk pɔ tsɑ́ɑtɛ ḿbɛ́m ŋɡɔ pɔ́p fúŋ wɛ́ ŋɡɔ Sɛ́ yɔp. A kɑ zɛɛ ńniitɛ tɑ́Ꞌ tʉ́sɔŋ ḿbɔ́ ńdɔk ńzẅíꞋlɛ wɔ́p.

Mɛnu ɛ́ ńdɑ́Ꞌ ńcẅɛt 1:17

N jʉ́ɔ wɛ́ pɔ́Ꞌɔ, ḿvu mɛku wɛ́, ńtsʉ́Ꞌ ńnɔɔ zúꞋu, ńtsʉ́Ꞌ ḿbɔ́ pɔ pɑ́Ꞌ mpfú. A zɑ́p pɔ́ yɛ́ yi tʉʉ nǔu mɔ, ńcú ŋɡɔ: «Kɔɔ pɛn ńcʉ̈ɔꞋ, mɔ Nduŋmbi, ḿbɔ́ ndẅiknzʉʉ.