ŊwɑꞋnɛ-Gɑŋntúu Yɛ́su Kɛlístɔ 6:9 - Kɑɑ Fí

⁹ Pɛcɔ́ ntɑ́Ꞌ pʉɔ ɡɛ ńzɛ nɛzɔŋ nu yí Ɛtiyɛ̂n cúnɛ. Yɛcɔ́ ɡúŋ pɔ́ pɑyúdɑ pi pɔ́p fúnɛ Silɛ̂nɛ mbɑ Alɛkzɑŋndɛlîi, ḿbɔ́ pʉɔ pi pɔ́p tsɛtsɛt ndɑ́-cúꞋlɛ yi pɛ́ kɑ pɔ́ ɛ́fúŋ ŋɡɔ: «Ndɑ́-cúꞋlɛ-Pɑcẅɛtndɑ́-kwɑɑ.» Yɛcɔ́ ɡúŋ pɔ́ pɑyúdɑ pi pɔ́p fúnɛ tsɛt ŋɡɔŋ-Silisî mbɑ nǔu pɑk-ŋɡɔŋ Azîi.

ŊwɑꞋnɛ-Gɑŋntúu Yɛ́su Kɛlístɔ 6:9 교차 참조

Mɑtʉ̈ɔ 10:17

Pʉʉ lɑk tú yʉ́ʉ, mbíꞋŋɡɔ pʉɔmɛsɔŋ ɡʉ ŋ́ɡɛ ɛ́fɛn wʉ́ʉ pɛ́ ŋɑk wʉ́ʉ, ńdɔk ŋɡwɑɑ ńtswɑ́ɑ wʉ́ʉ tsɛt mɛndɑ́-cúꞋlɛ mɔ́p.

Mɑtʉ̈ɔ 23:34

Pʉʉ kɛ́ ńzúꞋ, ŋ ɡʉ ŋ́ɡɛ ńtúu pɛŋɡɛ́mndʉ̈ɔ́Ꞌ-Sɛ́, pɔ́p pɑjínu, pɔ́p pɑkyɛ́ꞌtɛ ŋwɑꞋnɛ-Sɛ́. Pʉʉ jẅítɛ pɛcɔ́, ŋ́kẅii pɛcɔ́ nǔu tʉ́ mbɑ́ŋtɛ pɑ́ŋtɛ́nɛ, ńtswɑ́ɑ pɛcɔ́ nɛ́ mɛŋɡwɑɑ tsɛt mɛndɑ́-cúꞋlɛ mʉ́ʉ, ɛ́fú mɛtʉ́sɔŋ mɛtʉ́sɔŋ ńnɑ́ɑ wɔ́p.

Mɑtʉ̈ɔ 27:32

Pɑlʉ̈ɔ́Ꞌntsɔ lɔk wɛ́ ɛ́fú tʉ́sɔŋ ńcẅɛt, ńnɛn tɛ ḿbuutɛ wɛcɔ́ ŋu Silɛ̂nɛ, pɛ́ fúŋ wɛ́ ŋɡɔ Símɔ, pɛ́ ɛ́fyɛ́t wɛ́ ŋɡɔ ɑ tíi tʉ́ mbɑ́ŋtɛ pɑ́ŋtɛ́nɛ-Yɛ́su.

Mɑ́lɛ́kúshi 13:9

Pʉʉ lɑk tú yʉ́ʉ, pɛ́ ɡʉ ŋ́ɡɛ ńdɔk wʉ́ʉ ŋ́ɡʉ zʉꞋ yí pɛ́ zɑ́Ꞌnɛ ntsɑŋ zúꞋu, ńtswɑ́ɑ wʉ́ʉ mbɑ tsɛt mɛndɑ́-cúꞋlɛ-pɑyúdɑ, ńdɔk wʉ́ʉ ŋ́ɡʉ mbi pɛŋɡɔ́mnɑɑ pɔ́p pɛfɔɔ-mɛlɑ́Ꞌ mɔnɛ, ŋɡɔ pʉʉ sẅíi nu yɑ́ɑ mbi pɔ́p.

Lúkɑ́shi 21:12

Mɔnɛ mɛnu ɡʉ ńzɛɛ ńdɑ́Ꞌ ŋ́ɡɔ ńtɔ́, pʉʉ piitɛ ńjʉ́ɔ pɛ́ ɡẅɛɛ wʉ́ʉ, ńnyɛt wʉ́ʉ nɛ ŋɡʉ̈ɔ́Ꞌ, ɛ́fɛn wʉ́ʉ, pɛ́ ŋɑk wʉ́ʉ mɛndɑ́-cúꞋlɛ-Pɑyúdɑ, ńníꞋ wʉ́ʉ tsɑ́ŋ. Pɛ́ ɡʉ ńdɑ́Ꞌ ŋ́ŋɑk wʉ́ʉ mbi pɛfɔɔ pɔ́p pɛŋɡɔ́mnɑɑ, mbíꞋŋɡɔ pʉʉ zúꞋ ntsu wɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 11:20

Lɑ́, pɛcɔ́ ntɑ́Ꞌ-pɑpɛ́m Yɛ́su tsɛtsɛt pɔ́p pi pɔ́p ḿbɔ́nɛ pʉɔ-Silɛ̂nɛ, mbɑ pɛ́ Shíipɛlɛ, ɡʉ tɛ ŋ́kúu Antíyɔshɛ ɡúu, ɛ́sẅíi nu-Ŋkʉʉ Sʉ́Ꞌnɛ-Tsɑpʉɔ Yɛ́su mbɑ mbɔ̌ pʉɔ pinɛ pɔ́p kɑ́ pɔ́ pɑyúdɑ pɔ́.

ŊwɑꞋnɛ-Gɑŋntúu Yɛ́su Kɛlístɔ 13:1

Ɛ́ m̄bɔ́ tsɛt cúlɛ-pʉɔ-Kɛlístɔ yi ɛ́ m̄bɔ́nɛ tʉ́sɔŋ-Antíyɔshɛ, pɛŋɡɛ́mndʉ̈ɔ́Ꞌ-Sɛ́ pɔ́ zúꞋu, ŋ́ɡɛ pɑzíꞋ pʉɔ nɛ́ nu-Sɛ́. Yɔ m̄bɔ́ Pɑnɛpɑ́ɑshi, ŋ́ɡɛ Símɛyɔ̂ŋ ẅí pɛ́ fúŋnɛ wɛ́ ŋɡɔ Shíshíŋu, ŋ́ɡɛ Lusius, mɔ́ɔ-pɑk-ŋɡɔŋ-Silɛ̂nɛ, ŋ́ɡɛ Mɑnɑyɛn ẅí pɔ́p Ɛlɔ̂dɛ ẅí ɑ m̄bɔ́nɛ ŋɡɔ́mnɑɑ Ŋɡɑlílíyɑ kɑ ɡúꞋnɛ, ḿbɛn ŋ́ɡɛ Sɔ̂l.

ŊwɑꞋnɛ-Gɑŋntúu Yɛ́su Kɛlístɔ 13:45

Pɑyúdɑ jʉ́ɔ ndɛn lɑ́Ꞌ yi ɛ́ kɔ́Ꞌnɛ, ŋ́kɔ́Ꞌ lɔ́ŋ, ńzɛ nɛsɑ shuk-nu yí Pɔ̂l pɔ́p Pɑnɛpɑ́ɑshi cúnɛ, ńzɛ nɛzɔɔtɛ wɔ́p.

ŊwɑꞋnɛ-Gɑŋntúu Yɛ́su Kɛlístɔ 15:23

Pɛ́ ɡɛ ŋwɑꞋnɛ yí pɔ́p ɡʉ ńdɔk ŋ́ɡʉ, ŋ́ŋwɑꞋnɛ tsɛtú ŋɡɔ: «Pɛk pɑpɛ́m Yɛ́su, pɔ́p pɑcẅɛ́ɛ mbi tsɛt cúlɛ-pʉɔ-Kɛlístɔ Yɛlúsɑlɛm, pɛk pɔ́ɔpɛ́mɑ́ pʉ́ʉ pɛk cɛꞋlɛ wʉ́ʉ pɛtsʉʉ, pʉʉ pɔ́ɔpɛ́mɑ́ pi pʉʉ kɑ́ pɔ́ pɑyúdɑ pɔ́, pʉʉ ẅi pʉʉ ńtswɛ́nɛ tʉ́sɔŋ-Antíyɔshɛ, tɛ mbɑ pɛcɔ́ pʉɔ pí pɔ́p nǔu pɑk-ŋɡɔŋ Siliyɑ, tɛ mbɑ pʉɔ pí pɔ́p nǔu pɑk-ŋɡɔŋ-Silísíyɑ.

ŊwɑꞋnɛ-Gɑŋntúu Yɛ́su Kɛlístɔ 15:41

A jɛ́Ꞌ wɛ Siliyɑ pɔ́p Silísî, ńnɛn ńníꞋ mɛtʉʉ mɛndɑ́-cúꞋlɛ nǔu nɛniitɛ ńzɑ́p tʉ́m yɔ́p nǔu Tsɑpʉɔ.

ŊwɑꞋnɛ-Gɑŋntúu Yɛ́su Kɛlístɔ 16:6

Pɔ̂l pɔ́p Sílɑs kɛ ḿbɔ́ ńnɛn nɛnnɛ, Zẅikŋɛ-Sɛ́ ɡɛ ńtɔꞋ wɔ́p nɛɡʉ tsɛt pɑk-ŋɡɔŋ Azîi ɛ́sẅíi nu-Sɛ́, Pɔ́p tsʉ́Ꞌ ńjɛ́Ꞌ tsɛt pɑk-ŋɡɔŋ Filíjîi pɔ́p wɛ Ŋɡɑlɑ̂t jɛ́Ꞌnɛ,

ŊwɑꞋnɛ-Gɑŋntúu Yɛ́su Kɛlístɔ 18:24

Wɛcɔ́ ŋu-Yúdɑ ẅí pɛ́ kɑ pínɛ wɛ́ Alɛkzɑŋndɛlîi, pɛ́ fúŋ wɛ́ ŋɡɔ Apɔlɔ́s tɔ́ Ɛ́fɛ̂zɛ, ḿbɔ́ ŋu ńcú nu ɛ́ ńcẅɛt, ḿbɛn ńjí ŋwɑꞋnɛ-Sɛ́ sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 19:10

ŋ́ɡɛ pɔ pɔ́Ꞌɔ, nǔu ŋɡuꞋlɑ́Ꞌ yɛ́pɑ́. Tɛ pʉɔ tsʉʉ pi pɔ́p ńtswɛ́nɛ tsɛt pɑk-ŋɡɔŋ-Azîi ɛ̂wɑ́, kɛ ɑ ŋu-Yúdɑ ɔɔ, kɛ ɑ kɑ́ pɔ́ ŋu-Yúdɑ pɔ́ ɔɔ, ɑ zúꞋ nu-Tsɑpʉɔ.

ŊwɑꞋnɛ-Gɑŋntúu Yɛ́su Kɛlístɔ 19:26

Lɑ́, pʉʉ sɛ́ ńjʉ́ɔ yʉ́ʉ ḿbɛn ḿbɔ́ ńzúꞋ yúu mi ŋu wɔ ẅí pɛ́ fúŋnɛ ŋɡɔ Pɔ̂l sɛ́ ńcú. A sɛ́ ɛ́sẅíi pʉɔ ŋɡɔ mɛsɛ́ mi pɛ́ lɔknɛ pɔ mbɔ́ ńniitɛ kɑ́ pɔ́ Sɛ́ pɔ́. A cú pɔ́Ꞌɔ, tɛ nɛzɑ́ɑ pʉɔ zɑꞋnɛ pɛ́m. Ɛ́ kɑ́ pɔ́ pɔ ndɑꞋ Ɛ́fɛ̂zɛ pɔ́. Ɛ́ tsʉ́Ꞌ pɔ mɔ́zʉꞋ ɛ́ pɔ́ pɔ pɑk-ŋɡɔŋ-Azîi tsʉʉ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 21:27

Lɛ́Ꞌ sɑɑmbɑ́ yi Pɔ̂l pɔ́p pʉɔ pɑ́ pɛ́nɛ́kwɑ lɔknɛ ḿbʉʉtɛ mbʉʉ tsʉ́Ꞌ ŋ́ɡʉ pɔ nɛkuꞋ. Pɔ́Ꞌɔ lɑ́, pɛcɔ́ pɑyúdɑ pi pɔ́p fúnɛ nǔu pɑk-ŋɡɔŋ-Azîi jʉ́ɔ Pɔ̂l pɔ́ ZʉꞋ-nɔŋpɔꞋ, pɔ́p mɑꞋ vɑꞋ tsɛtsɛt nɔɔ-lɑ́Ꞌ, ŋ́ɡẅɛɛ Pɔ̂l,

ŊwɑꞋnɛ-Gɑŋntúu Yɛ́su Kɛlístɔ 21:39

Pɔ̂l pʉ̈ɔt ŋɡɔ: «Mɔ ŋu-Yúdɑ, pɛ́ pí wɑ́ɑ tsɛt tʉ́sɔŋ-Tɑ́lsɔ, nǔu pɑk-ŋɡɔŋ-Silísíyɑ. Mɔ ŋu-tʉ́sɔŋ yi pɛ́ sɑ́ɑnɛ sɑ́ɑnɛ́nɛ ńjí lík yɛ́. Sɛ́sẅii, ɡɔ́ɔ ḿbɛ́m n cú nu mbɔ̌ lɑ́Ꞌ lɑ.»

ŊwɑꞋnɛ-Gɑŋntúu Yɛ́su Kɛlístɔ 22:19

N tsɔ́Ꞌ ŋɡɔ: “Tsɑpʉɔ, pɔ́p sɛ́ ńjí sʉ́Ꞌnɛ pɑ́Ꞌ ŋ kɑ pɔ́ ŋ́kɑ́t tsɛt mɛndɑ́-cúꞋlɛ mɔ́p ŋ́ɡẅɛɛ pʉɔ pi pɔ́p zɑ́pnɛ tʉ́m nǔu ɡu, ńníꞋ wɔ́p ndɑ́tsɑ́ŋ, ḿbɛn ŋ́ɡɛ pɛ́ lɔk ŋɡwɑɑ ńtswɑ́ɑ wɔ́p.

ŊwɑꞋnɛ-Gɑŋntúu Yɛ́su Kɛlístɔ 22:3

«Mɔ mɔ́ɔ-Yúdɑ. Pɛ́ pí wɑ́ɑ tʉ́sɔŋ-Tɑ́lsɔ, tsɛt ŋɡɔŋ-Silisî. Lɑ́ mbɔ ŋ kɑ ɡúꞋ pɔ Yɛlúsɑlɛm wɔ; lɑ́ Ŋɡɑmɑlíyɛ̂l pɔ́nɛ cícɑ wɑɑ. A kɑ ŋ́kẅiꞋ niitɛ ńzíꞋ wɑ́ɑ nɛ́ nɛpʉ́ʉ-pɛmɑ́ŋɡɑpnjẅɛt pɛk. Mɔ ḿbɔ́ ŋ́kúꞋlɛ nu-Sɛ́ kɛ́ kɑ́ɑ pɔ pɑ́Ꞌ pʉʉ pɛtsʉʉ ɡɛnɛ lɔ́Ꞌnɛ lɑ́.

ŊwɑꞋnɛ-Gɑŋntúu Yɛ́su Kɛlístɔ 23:34

Ŋɡɔ́mnɑɑ fúŋ ŋwɑꞋnɛ, ḿbíkŋɛ Pɔ̂l ŋɡɔ: «Ɔ fú nǔu yɛ́tɛ́ pɑk-ŋɡɔŋ?» Pɔ̂l pʉ̈ɔt ŋɡɔ: Ɛ fú nǔu ŋɡɔŋ-Silisî.

ŊwɑꞋnɛ-Gɑŋntúu Yɛ́su Kɛlístɔ 24:18

Pɔ́Ꞌɔ, ŋ kɑ pɔ́ tsɛt ZʉꞋ-nɔŋpɔꞋ, lɑ pɔ́p tɔ́ zúꞋu ńjʉ́ɔ wɑ́ɑ, ŋ́ɡɔ ḿbɔ́, mbɔ ŋ kɛ́ ɛ́fú nɛɡɛ yúu mi mɔ ńdɔk suk pʉ nǔu mɔ. Lɑ́Ꞌ ŋkɑɑ pɔ́ zúꞋu pɔ́. Yɛcɔ́ ntɑkŋɛ pɛn ŋ́kɛ́ ḿbɔɔ ńcẅɛt.

ŊwɑꞋnɛ-Gɑŋntúu Yɛ́su Kɛlístɔ 26:11

Ŋ kɑ pɔ́ ńdɛɛ tsɛt mɛndɑ́-cúꞋlɛ-pɑyúdɑ, ńnyɛt pʉɔ pɛ́ nɛ́ ŋɡʉ̈ɔ́Ꞌ. Ŋ kɑ pɔ́ ńtsʉ́ʉnɛ wɔ́p ŋɡɔ pɔ́p ńzɔɔtɛ lík-Yɛ́su. Ŋ kɑ puu ḿbɑɑ wɔ́p pɑɑnɛ tɛ ŋ́ɡʉ mbɑ tsɛt mɛtʉ́sɔŋ-lɑ́Ꞌ ndɛꞋ, ńdɔɔ wɔ́p, ńnyɛt wɔ́p nɛ́ ŋɡʉ̈ɔ́Ꞌ.»

ŊwɑꞋnɛ-Gɑŋntúu Yɛ́su Kɛlístɔ 6:10

Pɔ́p pɛpɔ́p pɔ́ ńzɔŋ pɔ́Ꞌɔ, wɛcɔ́ ŋu pɔɔ ŋɑk wɛ́ tɛ ńjʉ́ pɔ́, mbíꞋŋɡɔ Zẅikŋɛ-Sɛ́ kɑ pɔ́ ŋ́ɡɑ́ wɛ́ nɛ́ jínu nɛlɔk ńcú nu.

1 Kɔlɛ̂ŋtɛ 1:20

Jínu lɔk pɑ́Ꞌɑ ḿbɛn ḿbɔ́ ɡɔ́? Ŋkyɛ́Ꞌtɛ ŋwɑꞋnɛ-Sɛ́ pɔ́ ɡɔ́? Nzɔŋnu nǔu yɔ kɛm-njí pɔ́ yɛ́ ɡɔ́? Sɛ́ ŋkɑɑ kɛ́ ŋ́ɡɛ jínu-ndǔmbí tsʉ́Ꞌ mɛnu-pʉɔ pɔɔ?

Ŋɡɑlɑ̂t 1:21

Ŋ kɑ pɑ́ɑtɛ ŋ́ɡʉ tsɛt mɛlɑ́Ꞌ-ŋɡɔŋ-Silîi mbɑ tsɛt mɛ́ Silisîi,