36 Pʉʉ kẅíitɛ pɑ́Ꞌ Tɛdɑs kɑ kwɑŋɛ ŋɡɔ ɑ ŋu tɛꞋ ńcẅɛt, ńcúꞋlɛ pʉɔ yúu ŋkʉ yɛ́nɛ́kwɑ nǔu yɛ nɔɔ, pɛ́ jẅí wɛ́, pɔ́p sɑtnɛ tɛ ḿmɛ, ɛ́sɑt zʉꞋ.
mbíꞋŋɡɔ pɛnzɑ́Ꞌŋkʉ pɛ́ cɔtnu, pɔ́p pɛŋɡɛ́mndʉ̈ɔ́Ꞌ-Sɛ́ pɛ́ cɔtnu ɡʉ ńdɑ́Ꞌ ńcẅɛt, ńnyɛt mɛmɑ́ mɛlii, ŋ́ɡɛ mɛŋkʉꞋnɛ mɛnu nɛlɔk fu pʉɔ tɛ ńzɑ́ɑ, tɛ ḿbɔ́ yi pɔ́p ḿbɔ́ pɛ́Ꞌnɛ ŋ́kuꞋ, mbɔ ɛ́ lɑɑ ḿbɔ́ pɔ́p fu mbɑ pʉɔ pínɛ Sɛ́ kɑ tsɔ́Ꞌnɛ.»
Pɔ́Ꞌɔ lɑ́, pɛ́ lɑɑ ńcú mbɔ̌ pʉʉ ŋɡɔ: «Pʉʉ jʉ́ɔ, Nzɑ́Ꞌŋkʉ pʉ́ɔlíinɛ kɔ̂ŋtɛt, kɔɔ pʉʉ ɡʉ zúꞋu, ńcú mbɔ̌ pʉʉ ŋɡɔ: Pʉʉ jʉ́ɔ, ɑ pʉ́ɔ ńdʉɔmɛ zɑꞋnɛ, kɔɔ pʉʉ pɛ́m.»
MbíꞋŋɡɔ pʉɔ tɛ ńzɑ́ɑ ɡʉ ŋ́ɡɛ tík lík yɑ́ɑ mbi, mbɑ wɔ̌ lɑ́ nǔu pɔ́p pɔ́ cú ŋɡɔ: «A Nzɑ́Ꞌŋkʉ, ńcú pɔ́Ꞌɔ ńdɔk fu pʉɔ tɛ ńzɑ́ɑ.»
Ńjí ŋɡɔ ɔ lɔk ḿbɔɔ pɔ́ ŋu-Ɛɡíptɔ wɑ́ ẅi ɑ kɑ tɔ́nɛ zɑꞋnɛ, ńnɔŋ nzɔŋɛ, ńcúꞋlɛ pʉɔ ntsɑ́Ꞌ yɛ́nɛ́kwɑ ńdɔk ńcʉ́ɔ kɔ̂ŋtɛt lɑ́ pɔ́ kɛkʉ̈ɔ́?»
Gɑŋntúu-Yɛ́su cẅɛt, Ŋɡɑmɑlíyɛ̂l cú ŋɡɔ: «Pɑíslɑyɛ̂l, pʉʉ lɑk tú yʉ́ʉ nǔu nu yí pʉʉ lɔɔnɛ nɛɡɛ nǔu pʉɔ pɑ́lɑ́.
Wɛcɔ́ ŋu pɔ́ tʉ́sɔŋ-Sɑmɑlîi ɛ̂wɑ́, lík yɛ́ pɔ́ ŋɡɔ Símɔ̂ŋ. Yɛ́ fɑꞋ pɔ́ nɛɡɛ nɛkɑŋ. Pʉɔ-Sɑmɑlîi pɔ́ ńdíŋɛ wɛ́ ḿmɑɑ mɑɑnɛ. A pɔ́ ŋɡɔ ɑ mɑ́mɑ́ ŋu,
Ɛ́ ɡʉ nǔu pʉɔ pí pɛ́ kɑ pɔ́ ńdíŋɛ wɔ́p ŋɡɔ pɔ́p pɛlʉ́m, mbɔ pɔ́p ŋ́kɑɑ kɛ́ ńjʉ́ɔ ŋɡɔ pɔ́p ɡʉ ŋ́kẅiꞋ yɛcɔ́ yúu nǔu nu yí n cúnɛ pɔ́. Yúu mi pɔ́p kɑ zɛɛnɛ ḿbɔ́ yɛ́tɛ́ ŋkɑ́mbi pɔɔ líŋɛ wɑ́ɑ nǔu yɛcɔ́ nu pɔ́. MbíꞋŋɡɔ Sɛ́ lɔɔ ŋ́ɡɛ tɔŋ nǔu pʉɔmɛsɔŋ pɔ́.
Ŋu lɑɑ ŋ́kwɑŋɛ ŋɡɔ ɑ yúu, kɛ́ pɔ́ yɛ́tɛ́, mbɔ ɑ shɔtnɛ ɛ́fúklɛ túmbʉʉ yɛ́.
Pɔ́p lɔk yúu mi pɔ́p zíꞋnɛ pʉɔ ŋ́ŋɑ́Ꞌlɛ, lɑ́ ɛ́ pɔ́ pɔ fɑ́k fɛ̌ɛ yi ɛ́ zɔtnɛ. Pɔ́p cú mbɔ̌ pʉɔ ŋɡɔ mbɔ ŋu ɡɛ kʉ̈ɔ́ lɑ́ yi ŋumɛsɔŋ tsɑ́ɑnɛ, lɑ́ ɛ́ pɔ́ nu sʉ́ʉ. Pɔ́p lɔk pɔ́Ꞌɔ, ɛ́shuŋ pʉɔ pi pɔ́p kɑ pɛ́t ńcẅɛt tsɛtsɛt pʉɔ pi pɔ́p nǔu sɛ̂ndúŋ kɛpɔŋ,
Pʉɔ tɛ ńzɑ́ɑ cʉ́ɔ nzʉʉ pɔ́p ńtsʉ́Ꞌ ŋ́ɡɛ pɔ mɛnu sʉ́ʉ. Pɛ́ lɛɛ nǔu pɔ́p, ńzɔɔtɛ sɛ̂ndúŋ-nu yi ɛ́ nɛ́nẅín.
Pʉɔ ɛ̂pɑ́ nɑ́ŋ ŋkɑ́ tsʉʉ nu pɔ́ ńzɑ́ŋ wɔ́p zɑ́ŋnɛ, ḿbɔ́ ŋ́kíi ŋɡʉ̈ɔ́Ꞌ yɔp, ńnɑ́ŋ ŋ́ɡɛ pɔ yúu mi mbʉʉ yɔp sɛ́ ńtsʉ́ʉnɛ wɔ́p nɛɡɛ, pɔ́p ŋkɑ́ tsʉʉ ɛ́sẅíi pɔ sẅiŋɛ yi pɔ́p lɔk ŋ́ŋɑ́Ꞌtɛ ŋɑ́Ꞌtɛ́nɛ, ḿbɔ́ ńdẅɑklɛ ŋu ḿbɔ́ ńjí pii yi pɔ́p ɡʉ ńjʉ́ nǔu wɛ́.
Zẅikŋɛ Lɛ́ɛnɛ́nɛ tɔ́ ńjʉ́ wɑ́ɑ, Cʉ̈ɔꞋ-Sɛ́ wɑ́ tíi wɑ́ɑ ńdɔk ŋ́ɡʉ nǔu yɛcɔ́ kɔ̂ŋtɛt. N jʉ́ɔ wɛcɔ́ mɑŋɡɛ́ ńnɑ́ŋ ndǔ wɛcɔ́ nɑɑ, ɑ pɑŋ ŋɡɔ ɡʉ̂ʉŋ, mɛlík lɔk ńzɔɔtɛ Sɛ́ pɑ́tɛ mbʉʉ nɑɑ ɛ̂wɑ́, mɛtú mɛ́ pɔ́ sɑɑmbɑ́, mɛndɔ́ŋ mɛ́ pɔ́ nɛɡɛ́m.
Mbɔ pɛ́ kɑ ŋwɑꞋnɛ yɛcɔ́ lík nǔu nɛzíi nɛ́. Nɛjí yúu mi ɛ́ lɔknɛ ńcú tɛn tɛꞋ. Lík ɛ̂yɑ́ lɔk ḿbɔ́ ŋɡɔ mɑ́mɑ́ tʉ́sɔŋ-Mbɑbilɔ̂nɛ, mɑ́ pɛ́ pɑɡɛɡɑp mbɑ ntɛ́ ntɛ́ mɛnu kɛpɔŋ mi ɛ́ ndǔ tsɛ́tsɑ́Ꞌ.
