24 Tɑ́tndɑ́-pɑpyɛ́p ZʉꞋ-nɔŋpɔꞋ pɔ́p pɛtɑ́tndɑ́-pɑnɔŋpɔꞋ zúꞋ yɔ nu ɛ́ kʉꞋnɛ wɔ́p. Pɔ́p pɔɔ jí yúu mi ɛ́ lɑ́Ꞌnɛ ŋ́ɡɛ ɡɑŋntúu-Yɛ́su pɔ́.
A ɡɔ́ɔ ŋ́kɛ́ ŋ́ɡʉ ńjʉ́ɔ Pɛtɑ́tndɑ́ pɑnɔ́ŋpɔꞋ pɔ́p pɑtʉ́ʉ mbi nǔu nɛpyɛ́p ndɑ́-nɛnɔŋpɔꞋ, pɔ́p pɛpɔ́p ŋ́kwɑŋɛ pɑꞋ ɑ ɡʉ ŋ́ɡɛ lɑ́ ɛ́fɛn Yɛ́su mbɔ̌ pɔ́p.
Yɛ́su ɡɔ́ɔ ŋ́kɛ́ ńcú mbɔ̌ pɛtɑ́tndɑ́-pɑnɔ́ŋpɔꞋ pɔ́p pɛtɑ́tndɑ́ pɑpyɛ́p ndɑ́-nɛnɔŋpɔꞋ pɔ́p pɛkɛ́m-lɑ́Ꞌ pinɛ pɔ́p tɔ́nɛ nɛɡẅɛɛ wɛ́ ŋɡɔ: «Pʉʉ ɡɔ́ ńtɔ́ nɛɡẅɛɛ wɑ́ɑ, ŋ́ɡẅɛɛ mɛníi-ntsɔ pɔ́p pɛsʉʉ pɑꞋ ŋkɑ́ yi pʉʉ ɡʉ ɡẅɛɛ tsɔ́ŋ pɑꞋnɛ ŋɡɔ ku?
Pɑfɑlísɑy jʉ́ɔ pɔ́Ꞌɔ, ńcú tsɛtsɛt pɔ́p ŋɡɔ: pʉʉ kɑ́ jʉ́ɔ? Yɛcɔ́ yúu mi ɛ́ lɑɑ ḿbɔ́ pɛkŋɛ ɡɛ kɑ́ pɔ́ ɡú pɔ́. Lɑ́Ꞌ tsʉꞋ ḿbɔ́ pɔ nzʉʉ yɛ́.
Ɛ́ puu ŋ́kʉꞋnɛ wɔ́p tɛꞋ. Pɔ́p kwɑŋɛ ḿbɛ́t kɛ́ mɛkŋɛ, ńtsʉ́Ꞌ shɔtnɛ ḿbíkŋɛ tsɛtsɛt pɔ́p pɔ ŋɡɔ: «Yɔ nu lɔk ńcú ŋɡɔ kʉ̈ɔ́?»
Pyɛ̂ pɔ́p Jɑ̂ŋ kɑ pɛ́t ńcú nu mbɔ̌ lɑ́Ꞌ cúnɛ, pɑnɔŋpɔꞋ ŋ́ɡɛ tɑ́tndɑ́-pɑpyɛ́p ZʉꞋ-nɔŋpɔꞋ pɔ́p pɑsɑdukɑy tɔ́.
Pɑzɑ́Ꞌntsɑŋ pɛn ńniitɛ ḿbɑpmɛ wɔ́p, ńnɑ́ wɔ́p pɔ́p ɡʉ. Mbɔ pɔ́p lɔɔ shʉ́ ẅi pɔ́p ɡʉ ɛ́fú nǔu ńdɔk ńnyɛt wɔ́p nɛ́ ŋɡʉ̈ɔ́Ꞌ, ḿbɔɔ jʉ́ɔ ntɛ́ lɑ́Ꞌ. MbíꞋŋɡɔ pʉɔ tsʉʉ kɑ pɔ́ ŋ́ɡɛ́mtɛ Sɛ́ nǔu yúu mi ɛ́ kɑ lɛɛnɛ.
«Pɛk ɡʉ tɛ ŋ́kúu zúꞋu, ńjʉ́ɔ mɛtsu-ndɑ́tsɑ́ŋ tsuŋ ḿbɔ́ mɛ́ jʉ́ɔꞋnɛ. Pɑpyɛ́p zʉꞋ kɛ́ ńtʉ́ʉ pɔ ntsundɑ́. Pɛk tsɔ́Ꞌ mɛtsundɑ́, ŋ́kúu tsɛtú, ŋ́kɛ́ mbɔɔ ŋu tsɛt ndɑ́ jʉ́ɔ.»
Wɛcɔ́ tɑ́Ꞌ ŋu ɡɔ́ɔ ńjɛ́Ꞌ ŋ́kúu ndɑ́, ńcú ŋɡɔ: «Pʉɔ pɑ́ pi pʉʉ kɑ níꞋnɛ wɔ́p ndɑ́tsɑ́ŋ lɑ́, pʉʉ jí ŋɡɔ pɔ́p ndǔ zɑ́n ZʉꞋ-nɔŋpɔꞋ, ḿbɔ́ ńzíꞋ lɑ́Ꞌ nɛ́ yúu.»
Tɑ́tndɑ́-pɑpyɛ́p zʉꞋ pɔ́p pʉɔ pɛ́ ɡʉ nɛlɔk wɔ́p ńtɔ́. Lɑ́ ŋ́kɛ́ ḿbɔɔ lɔk tʉʉ ŋ́ɡẅɛɛ wɔ́p pɔ́. MbíꞋŋɡɔ lɑ́Ꞌ kɑ pɔ́ zúꞋu tɛꞋ. Pɔ́p pɔ́ ḿbɔ́k pɑ́Ꞌ pɛ́ ɡʉ ńdɔk mɛŋɡɔꞋ ńtɛ́mtɛ wɔ́p ńjẅítɛ.
