ŊwɑꞋnɛ-Gɑŋntúu Yɛ́su Kɛlístɔ 4:36 - Kɑɑ Fí

³⁶ Wɛcɔ́ ŋu pɔ́ zúꞋu, lík yɛ́ pɔ́ ŋɡɔ Yɔsɛ̂p, ḿbɔ́ ŋu nǔu njẅɛt-Lɛ́vi, mbɔ pɛ́ kɑ pí wɛ́ ŋɡɔŋ-Shíipɛlɛ. Gɑŋntúu kɑ pɔ́ ḿbɛn ɛ́fúŋ wɛ́ ŋɡɔ Pɑnɛpɑ́ɑshi, ɛ́ lɔk ńcú ŋɡɔ: «Ŋu ẅí ɑ níꞋnɛ mɛtʉʉ-pʉɔ.»

ŊwɑꞋnɛ-Gɑŋntúu Yɛ́su Kɛlístɔ 4:36 교차 참조

Mɑ́lɛ́kúshi 3:17

yɔ pɔ́ Jɑ̂k pɔ́p mɔ́ɔmɑ́ wɛ Jɑ̂ŋ, pɔ́p pɔ́ mbɔ́ŋkʉ̈ɔ́ Zɛbɛ́dɛ̂. Yɛ́su cẅi lík yɔ́p ŋɡɔ Mbwɑnɛ̂ɡɛ́s, ɛ́ lɔk ńcú ŋɡɔ, pɔ́ɔ-nɛfɑŋ ni ɛ́ kwɛnɛ́nɛ.

ŊwɑꞋnɛ-Gɑŋntúu Yɛ́su Kɛlístɔ 11:30

Mbɑ wɔ̌ lɑ́ mɔɔtɛ pɑɑ yɛ́. Pɛ́ cúꞋlɛ ŋ́ɡɑ́ mbɔ̌ Pɑnɛpɑ́ɑshi pɔ́p Sɔ̂l. Pɔ́p lɔk ŋ́ɡʉ nɛɡɑ́ mbɔ̌ pɑcẅɛ́ɛ mbi tsɛt cúꞋlɛ-pʉɔ-Kɛlístɔ-Judɛ̂ ɛ̂wɑ́.

ŊwɑꞋnɛ-Gɑŋntúu Yɛ́su Kɛlístɔ 12:25

Pɑnɛpɑ́ɑshi pɔ́p Sɔ̂l pɔ́ tɛ ḿmik yɔ́p fɑꞋ yi pɛ́ lɑ́Ꞌnɛ ńtúu wɔ́p nǔu Yɛlúsɑlɛm, ŋ́ɡɔ ḿbɛn Antíyɔshɛ ńdɔk Jɑ̂ŋ ẅí pɛ́ fúŋnɛ wɛ́ ŋɡɔ Mɑ́lɛ́kúshi ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 13:1

Ɛ́ m̄bɔ́ tsɛt cúlɛ-pʉɔ-Kɛlístɔ yi ɛ́ m̄bɔ́nɛ tʉ́sɔŋ-Antíyɔshɛ, pɛŋɡɛ́mndʉ̈ɔ́Ꞌ-Sɛ́ pɔ́ zúꞋu, ŋ́ɡɛ pɑzíꞋ pʉɔ nɛ́ nu-Sɛ́. Yɔ m̄bɔ́ Pɑnɛpɑ́ɑshi, ŋ́ɡɛ Símɛyɔ̂ŋ ẅí pɛ́ fúŋnɛ wɛ́ ŋɡɔ Shíshíŋu, ŋ́ɡɛ Lusius, mɔ́ɔ-pɑk-ŋɡɔŋ-Silɛ̂nɛ, ŋ́ɡɛ Mɑnɑyɛn ẅí pɔ́p Ɛlɔ̂dɛ ẅí ɑ m̄bɔ́nɛ ŋɡɔ́mnɑɑ Ŋɡɑlílíyɑ kɑ ɡúꞋnɛ, ḿbɛn ŋ́ɡɛ Sɔ̂l.

ŊwɑꞋnɛ-Gɑŋntúu Yɛ́su Kɛlístɔ 13:15

Pɛ́ fúŋ sẅíŋɛ-Sɛ́ tsɛt ŋwɑꞋnɛ-nɛpʉ́ʉ mbɑ tsɛt mɛŋwɑꞋnɛ-pɛŋɡɛ́mndʉ̈ɔ́Ꞌ-Sɛ́, ɛ́fúŋ tɛ ḿbɔ́tnɛ ńnɑ́ŋ, pɛlʉ́m tsɛt yîyɑ́ ndɑ́-cúꞋlɛ túu pɛ́ ɡʉ ḿbíkŋɛ wɔ́p ŋɡɔ: «Pɔ́ɔpɛ́mɑ́, pʉʉ lɑɑ ŋ́ɡẅɛɛ sẅiŋɛ nɛlɔk ńníꞋ mɛtʉʉ pʉɔ, pʉʉ ɡɑ́.»

ŊwɑꞋnɛ-Gɑŋntúu Yɛ́su Kɛlístɔ 13:2

Yɛcɔ́ lɛ́Ꞌ, pɔ́p kɔŋ kɔŋnɛ ńnɑ́ŋ njí ńcɛꞋlɛ Sɛ́. Zẅikŋɛ Lɛ́ɛnɛ́nɛ cú mbɔ̌ pɔ́p ŋɡɔ: «Pʉʉ ɛ́fɑk Pɑnɛpɑ́ɑshi pɔ́p Sɔ̂l, ńnɑ́ wɔ́p, pɔ́p fɑꞋ fɑꞋ yí ŋ kɑ tsɔ́Ꞌnɛ wɔ́p ntɛ́ yɛ́tɛ́.»

ŊwɑꞋnɛ-Gɑŋntúu Yɛ́su Kɛlístɔ 13:4

Zẅikŋɛ Lɛ́ɛnɛ́nɛ túu Pɑnɛpɑ́ɑshi pɔ́p Sɔ̂l pɔ́Ꞌɔ, pɔ́p ɡʉ nɛ́ Sɛlɛsi zʉꞋ mɛkɑnúꞋ ḿbɔ́ ńtʉ́ʉ. Ɛ́fú zúꞋu ŋ́kúu wɛcɔ́ mɑ́mɑ́ kɑnúꞋ ŋ́ɡʉ nɛ́ Shíipɛlɛ, ɛ́ pɔ́ ŋɡɔŋ ẅi ŋki kɑ zɛmɛnɛ ńníꞋ sɔŋ.

ŊwɑꞋnɛ-Gɑŋntúu Yɛ́su Kɛlístɔ 15:12

Pyɛ̂ cú tɛ ḿbɔ́tnɛ ńnɑ́ŋ, pʉɔ tsʉʉ nɑ́Ꞌ. Pɛ́ tsʉ́Ꞌ ńzẅíꞋlɛ pɔ nu yi Pɑnɛpɑ́ɑshi pɔ́p Pɔ̂l cúnɛ. Pɔ́p pɔ́ ḿbɛ́ɛtɛ mɛnu mɑ̌ɑmɑɑnɛ pɔ́p mɛŋkʉꞋnɛ mɛnu mi Sɛ́ kɑ lɔknɛ wɔ́p ŋ́ɡɛ, tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ɛ́sẅíi wɔ́p.

ŊwɑꞋnɛ-Gɑŋntúu Yɛ́su Kɛlístɔ 15:2

Pɔ̂l pɔ́p Pɑnɛpɑ́ɑshi lʉꞋ. Pɔ́p pɛ́ pɔ́p zɛ ńzɔŋ, ŋ́kɛ́ mbɔɔ pɔ́ tɑ́Ꞌ ntsu pɔ́. Ɛ́ lɛɛ wɔ́p tɛ pɔ́p ɡɑɑpɛ tsɛtsɛt, pɔ́p tsʉʉ zɑ́p ŋɡɔ, ɛ́ lɑɑ ḿbɔ́ Pɔ̂l pɔ́p Pɑnɛpɑ́ɑshi, ŋ́ɡɛ pɛcɔ́ ntɑ́Ꞌpʉɔ ɡʉ Yɛlúsɑlɛm, ńjʉ́ɔ pɑpɛ́m Yɛ́su pɔ́p pɑcẅɛ́ɛ mbi tsɛt cúlɛ-pʉɔ-Kɛlístɔ nɛpɔ́ yi pɔ́p pɛ́ pɔ́p ɡʉ ɛ́sɑ́ŋ nu ŋ́ɡɑ́ nǔu.

ŊwɑꞋnɛ-Gɑŋntúu Yɛ́su Kɛlístɔ 15:37

Ŋ́ɡɔ́ ḿbɔ́ mbɔ Pɑnɛpɑ́ɑshi ḿbɔ́ ŋ́kɔŋ ŋɡɔ pɔ́pmɛ lɔk Jɑ̂ŋ ẅí pɛ́ pɛnnɛ ɛ́fúŋ wɛ́ ŋɡɔ Mɑ́lɛ́kúshi lɑ́ ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 15:39

Pɔ̂l pɔ́p Pɑnɛpɑ́ɑshi zɔŋ zɔŋnɛ, ḿbɔɔ zúꞋnɛ, ɛ́ tɛn ŋ́ɡɔ́ ńdẅiklɛ tsɛtsɛt pɔ́p fɑkŋɛ. Pɑnɛpɑ́ɑshi lɔk Jɑ̂ŋ Mɑ́lɛ́kúshi ŋ́ɡʉ. Pɔ́pmɛ kúu mɑ́mɑ́ kɑnúꞋ ŋ́ɡʉ nɛ́ Shíipɛlɛ.

ŊwɑꞋnɛ-Gɑŋntúu Yɛ́su Kɛlístɔ 21:16

Pɛcɔ́ ntɑ́Ꞌpʉɔ-Kɛlístɔ pɛ́ Sɛ́zɑlɛ̂ ɡʉ ńcɑklɛ wɛ́k, ŋ́kúu sɛ̂ndúŋ ńdɔk wɛ́k ŋ́ɡʉ njɛ́Ꞌ wɛcɔ́ ŋu pɛ́ fúŋnɛ wɛ́ ŋɡɔ Nɑɑsɔŋ. A pɔ́ ŋu ŋɡɔŋ-Shíipɛlɛ, mbɔ ɑ kɑ zɑ́p tʉ́m yɛ́ nǔu Yɛ́su tɛ mbɔ ntí sɑk. Pɛk ɡʉ zúꞋu pɔ́Ꞌɔ, nɛlɛ́ njɛ́Ꞌ yɛ.

ŊwɑꞋnɛ-Gɑŋntúu Yɛ́su Kɛlístɔ 21:3

Ńnɛn nɛnnɛ tɛ ḿbɔ́ ńjʉ́ɔ Shíipɛlɛ, ɛ́ pɔ́ ŋɡɔŋ ẅi ŋki kɑ zɛmɛnɛ ńníꞋ sɔŋ, pɛk lɔk yi ɡúŋ ntsʉ́ʉ, ŋ́kɛ́ ńnɛn nɛnnɛ tɛ ńtsʉ́Ꞌ nɛkúu ŋɡɔŋ-Silii, ńnɑ́ tsɛ́tsɑ́Ꞌ nǔu ɡúŋ-pɔ́ ŋkẅɛpmɛ, ḿbɑŋtɛ nǔu ɡúŋ-pɔ́ tʉʉ. Ɛ́ pɔ́ zʉꞋ yi pɑtɑ́ŋ mɛtɑ́ɑ ɡʉ ńtʉ́ʉ zúꞋu, ŋ́kɔk yúu-mɛtɑ́ɑ tsɛt mɑ́mɑ́ kɑnúꞋ.

ŊwɑꞋnɛ-Gɑŋntúu Yɛ́su Kɛlístɔ 27:4

Pɛk pɛn ɛ́fú nǔu yîyɑ́ tʉ́sɔŋ tɛ ḿbɔ́ ŋ́ɡʉ, fɛfʉ̈ɔt fú mbi nɛ́ mbi ńtɔꞋ mɑ́mɑ́ kɑnúꞋ nɛɡʉ ndʉ́ŋndʉŋ. Pɛk lʉ́ɔꞋ fɛfʉ̈ɔt ńdɔk shʉ́ wɛ Shíipɛlɛ ŋ́ɡʉ, ɛ́ pɔ́ yɛcɔ́ ŋɡɔŋ, mbɔ ŋki kɑ zɛmɛ ńníꞋ sɔŋ.

ŊwɑꞋnɛ-Gɑŋntúu Yɛ́su Kɛlístɔ 9:27

Ɛ́ pɔ́ tɛ Pɑnɛpɑ́ɑshi lɔk wɛ́ ŋ́ɡʉ, ńtɔ́ ńnyɛt wɛ́ mbɔ̌ ɡɑŋntúu-Yɛ́su, ńtɔ́ ńnyɛt wɛ́, ḿbɛ́ɛtɛ ɛ́sẅíi wɔ́p ŋɡɔ Sɔ̂l kɑ jʉ́ɔ Tsɑpʉɔ Yɛ́su sɛ̂ndúŋ-Ndɑ́mɑ́s, tɛ kwɑꞋ Tsɑpʉɔ cú nu mbɔ̌ wɛ́, Pɑnɛ́pɑ́ɑshi pɛn ɛ́sẅíi wɔ́p pɑ́Ꞌ Sɔ̂l kɑ lɔknɛ lík-Yɛ́su ńcẅi Ŋkʉʉ Sʉ́Ꞌnɛ Ndɑmɑs kɛ́ pɔ́k.

1 Kɔlɛ̂ŋtɛ 14:3

Lɑ́ ɛ́ ɡʉ nǔu ŋu ẅí ɑ cẅi Ŋkʉʉ ẅí ɛ́ fúnɛ mbɔ̌ Sɛ́, ɑ cú nu mbɔ̌ pʉɔmɛsɔŋ, ńdɔk ńcẅɛ́lɛ wɔ́p pɔ́p kẅiꞋ ńzɑ́p tʉ́m nǔu Sɛ́, ńdɔk ńníꞋ mɛtʉʉ mɔ́p mbɑ nɛlɔk ńníꞋ tʉ́m yɔ́p.

1 Kɔlɛ̂ŋtɛ 9:6

Kɛ ɛ́ pɔ́ pɔ ŋɡɔ pɛk Pɑnɛpɑ́ɑshi zɛ́nɛ pɛk ɡẅɛɛnɛ nɛlɔɔ lɑ ńjʉ́ ɔɔ?

Ŋɡɑlɑ̂t 2:1

N dɑ́Ꞌ ŋ́ɡɛ ŋɡɔ ḿbɛn Yɛlúsɑlɛm, mbɔ ɛ́ lɛɛ mɔ́ ŋɡuꞋ ntsɔ̌pɛ́nɛ́kwɑ nɛ́ nɛɡɛ́m, ŋ́ɡɔ ḿbɛn pɔ́Ꞌɔ, pɛk Pɑnɛpɑ́ɑshi pɔ́nɛ, ḿbɛn ńdɔk mbɑ Titɛus ŋ́ɡʉ.

Ŋɡɑlɑ̂t 2:13

Pɛcɔ́ pɔ́ɔpɛ́mɑ́ pi pɔ́p kɑ pɔ́ Antíyɔshɛ ḿbɔ́ pɑyúdɑ, pɛn ńcẅɛt yɔ́p pɛŋkɔŋmík pɑ́Ꞌ Pyɛ̂. Ɛ́ pɔ́ pɔ́nɛ tɛ kwɑꞋ Pɑnɛpɑ́ɑshi pɛn ŋ́ɡɛ yɛ́ pɔ pɔ́Ꞌɔ.

Ŋɡɑlɑ̂t 2:9

Jɑ̂k, Pyɛ̂ mbɑ Jɑ̂ŋ, pʉɔ pi pɛ́ kɑ pɔ́ ńdíŋɛ wɔ́p pɑ́Ꞌ mɛntɔ́ɔ tsɛt cúꞋlɛ-pʉɔ-Kɛlístɔ lɑ́, ŋ kɑ pɔ́ tɛ ńjí ŋɡɔ Sɛ́ kɑ tsuŋnɛ ɛ́fɛ́ɛ yɔ fɑꞋ mbɔ̌ mɔ, ŋ́ɡɑ́ pɔ mbɔ̌ pɛk Pɑnɛpɑ́ɑshi, nɛlɔk ńdɛꞋlɛ ŋɡɔ pɛk pɛ́pɔ́p tɑ́Ꞌ ntsu nǔu fɑꞋ-Sɛ́. Pɔ́Ꞌɔ, pɛk ɡẅɛɛ nɛɡʉ tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ńcẅi Ŋkʉʉ Sʉ́Ꞌnɛ, pɔ́p ɡúu ŋ́ɡɛ Pyɛ̂ ɡẅɛɛ nɛɡʉ tsɛtsɛt pɑyúdɑ ńcẅi.

Kɔlɔsíyɛ̂ŋ 4:10

Alistɑk ẅí pɛknɛ tɛmtɛ́nɛ ḿbɔ́ ndɑ́tsɑ́ŋ cɛꞋlɛ wʉ́ʉ. Mɑ́lɛ́kúshi ẅí ɑ mɔ́ɔmɑ́-Pɑnɛpɑ́ɑshi pɛn ḿbúꞋ mbɔ́ mbɔ̌ pʉʉ ɡúu. Ŋ kɑ zɛɛ ŋ́kẅíi wɛ́ mbɔ̌ pʉʉ. A lɑɑ ŋ́kúu zɑ́Ꞌɑ, pʉʉ kúkŋɛ wɛ́ sʉ́Ꞌnɛ.