ŊwɑꞋnɛ-Gɑŋntúu Yɛ́su Kɛlístɔ 4:26 - Kɑɑ Fí

²⁶ Pɛfɔɔ ndǔ tsɛ́tsɑ́Ꞌ sɛ́ ńniitɛ ntsɔ, pɑsɑ́Ꞌlɑ́Ꞌ pɛn ḿbɔ́ ńcúꞋlɛ yɔ́p ńtɑ́ŋ ŋɡɔ pɔ́p ɡʉ ńdʉ̈ɔ́Ꞌ Tsɑpʉɔ Sɛ́ nɛ́ ntsɔ, mbɑ ŋu ẅí ɑ kɑ zɔ́Ꞌnɛ wɛ́ ńdɔk ŋ́ɡɛ fɔɔ.

ŊwɑꞋnɛ-Gɑŋntúu Yɛ́su Kɛlístɔ 4:26 교차 참조

Lúkɑ́shi 4:18

«Zẅikŋɛ-Tsɑpʉɔ nǔu mɔ, mbíꞋŋɡɔ ɑ kɑ zɔ́Ꞌ wɑ́ɑ, ńtúu wɑ́ɑ ŋɡɔ ŋ ɡʉ, ɛ́sɑ́Ꞌ Ŋkʉʉ sʉ́Ꞌnɛ mbɔ̌ ɡɑŋɡʉ̈ɔ́Ꞌ, ńtúu wɑ́ɑ ŋɡɔ ŋ ɡʉ ɛ́sɑ́Ꞌ mbɔ̌ ɡɑŋtsɑ́ŋ ńcú ŋɡɔ: Pɛ́ ɡʉ ńcẅɛɛtɛ wɔ́p ndɑ́-kwɑɑ, ńtúu wɑ́ɑ ŋɡɔ ŋ ɡʉ, ŋ́ɡɛ pɛfʉmík jʉ́ɔ zʉꞋ, ŋɡɔ ŋ ɡʉ, ńtɔ́ɔtɛ nzʉʉ pʉɔ pinɛ pɛ́ sɛ́ ɛ́fyɛ́t wɔ́p,

ŊwɑꞋnɛ-Gɑŋntúu Yɛ́su Kɛlístɔ 10:38

Pʉʉ pɛn ḿbɔ́ ńjí ŋɡɔ Sɛ́ kɑ ɡɑ́ mɛtʉʉ-Zẅikŋɛ Lɛ́ɛnɛ́nɛ mbɔ̌ Yɛ́su mɔ́ɔ-Nɑ̌zɑlɛt ńdɔk pɔ́Ꞌɔ, ńcɔꞋ wɛ́ ḿbɛn ḿbɔ́ ńtʉ̈ɔ́Ꞌlɛ wɛ́. A ɡʉ zʉꞋ tsʉʉ, ḿbɔ́ ŋ́ɡɛ mɛnu sʉ́Ꞌnɛ, ḿbɔ́ ńcẅɛ́ɛ pʉɔ tsʉʉ pí pɔ́p ḿbɔ́nɛ ɡɑŋtsɑ́ŋ nǔu mbɔ́-Sɑ́ttɑ mbíꞋŋɡɔ Sɛ́ kɑ pɔ́ nɛ́ jʉ́.

Ɛ́bɛlʉʉ 1:9

Ɔ kɔŋ nu yi ɛ́ tʉ́ʉnɛ ndʉ́ŋndʉŋ, ḿbɑɑ yi ɛ́ kɑ́ tʉ́ʉ.» Ɛ́ yúu mi ɛ́ ɡɛnɛ pɛ́ jí, mɔ Sɛ́ wu kɑ zɔ́Ꞌnɛ wú ńdɔk wú ŋ́ɡɛ yúu, mbʉʉ yu pɔŋ nǔu tɛꞋ. Ŋ kɑ ɡɑ́ fuꞋ yú ńdɛɛ yɛ́ ɡɑŋku pú.

Mɛnu ɛ́ ńdɑ́Ꞌ ńcẅɛt 11:15

Cʉ̈ɔꞋ-Sɛ́ mbɑ́ɑtɛ sɑɑmbɑ́ tɔ́ŋ wɛ́ ntɑŋ. Pɛ́ zúꞋ mɛŋɡi pɔ́ tʉ́nɛ́pú ńdɔk ŋɡi tɛnnɛ ńcú ŋɡɔ: «Nɛsɑ́Ꞌ mbí tsʉ́Ꞌ ḿbɔ́ pɔ nǔu mbɔ́-Tsɑpʉɔ wɛkŋɛ mbɑ nǔu mbɔ́-Nzɑ́Ꞌŋkʉ ẅi ɑ kɑ tsɔ́Ꞌnɛ.» Ẅîwɑ́ nɛsɑ́Ꞌ ɡʉ ńdɑ́Ꞌ ḿbɔ́ nǔu mɛŋɡuꞋ mɛŋɡuꞋ.

Mɛnu ɛ́ ńdɑ́Ꞌ ńcẅɛt 12:10

M bɛn ŋ́kɛ́ ńzúꞋ wɛcɔ́ ŋu lɔk ŋɡi tɛnnɛ, ɛ́fú tʉ́nɛ́pú ḿbɔ́ ńcú ŋɡɔ: «Ɛ́ pʉ́ɔlɑɑ, mbɔ ŋkɑ́ yi pɛ́ ɡʉ ńduk kuꞋ. Ɛ́ pʉ́ɔlɑɑ, mbɔ ŋkɑ́ yi Sɛ́ wɛkŋɛ ɡʉ ńnyɛt mɛtʉʉ mɛ́, jʉ́ tsʉ́Ꞌnɛ ɛ́sɑ́Ꞌ pʉɔ ɛ́ kuꞋ. Ɛ́ pʉ́ɔlɑɑ, mbɔ ŋkɑ́ yi Nzɑ́Ꞌŋkʉ wɛ ẅí ɑ kɑ tsɔ́Ꞌnɛ ɡʉ ńnyɛt mɛ́ mɛtʉʉ kuꞋ. MbíꞋŋɡɔ pɛ́ tsʉ́ʉ ŋu ẅí ɑ ḿbɔ́ ńjúk ńtʉ́ʉ mbi Sɛ́ wɛkŋɛ nɛnɛm pɔ́p nɛtúꞋ, ɛ́fɛn pɔ́ɔpɛ́mɑ́ pɛkŋɛ. Pɛ́ tsʉ́ʉ wɛ́ ḿmɑꞋ ndǔ tsɛ́tsɑ́Ꞌ.»

Mɛnu ɛ́ ńdɑ́Ꞌ ńcẅɛt 17:17

MbíꞋŋɡɔ Sɛ́ kɑ kwɑŋɛ yúu ńníꞋ tsɛt tʉ́m pɔ́p pɑ́Ꞌ pɔ́p ɡʉnɛ tsʉ́Ꞌ ŋ́ɡɛ yúu mi ɑ kɑ kwɑŋɛ́nɛ. Ɛ́ pɔ́ pɑ́Ꞌ mɛndɔ́ŋ ɛ̂mɑ́ nɛɡɛ́m ɡʉ ŋ́ɡẅɛɛ tɑ́Ꞌ kwɑŋɛ, ńcúꞋlɛ nɛfɔɔ nɔ́p ŋ́ɡɑ́ mbɔ̌ nɑɑ, ɛ́ pɔ́ pɔ mbɔ̌ wɛ́ tɛ ńdɑ́Ꞌ ŋ́kúu lɛ́Ꞌ yi yúu mi Sɛ́ kɑ cúnɛ puutɛ́nɛ.