20 Ɛ́ ɡʉ nǔu pɛk, mbɔ ɛ́ lɑɑ ḿbɔ́ pɛk pɔɔ nɑ́Ꞌ nǔu nu yí pɛk kɑ zúꞋnɛ ḿbɛn ńjʉ́ɔ pɔ́.»
ŋ́ŋwɑꞋnɛ kwɑꞋ pɑ́Ꞌ pʉɔ pi pɔ́p kɑ jʉ́ɔnɛ pɑ́Ꞌ nu yɔ kɑ zɛnɛ, ḿbɛn ńjʉ́ɔ pɑ́Ꞌ ɛ́ kɑ nɛnnɛ pɔ́Ꞌɔ.
Pʉʉ ńjí pɔ ndɑꞋ ŋɡɔ Zẅikŋɛ-Sɛ́ ɡʉ ŋ́ɡɛ ńtɔ́ nǔu pʉʉ, ŋ́ɡɑ́ wʉ́ʉ nɛ́ mɛtʉʉ. Pʉʉ lɔk ŋ́kuꞋ nɛsẅíŋɛ mbɑ kʉ̈ɔ́ lɑ́ yi pʉʉ jínɛ nǔu mɔ! Ńzɛ Yɛlúsɑlɛm ɛ́sẅíi sẅíinɛ ḿmɛk Judɛ̂. Ḿbɛn ɛ́fú Sɑmɑlîi, ɛ́sẅíi sẅíinɛ ŋ́kúu zʉꞋ yi tsɛ́tsɑ́Ꞌ lẅiklɛ́nɛ zúꞋu.»
Sílɑs pɔ́p Timɔtɛ̂ɛ ɡɛ ḿbɔ́ tɛ ɛ́fú pɑk-ŋɡɔŋ-Mɑsɛ́ndwɑn ńtɔ́, Pɔ̂l tsʉ́Ꞌ ńníꞋ tú yɛ́ pɔ ndɑꞋ nɛsẅíi nu-Sɛ́, ḿbɔ́ ńniitɛ ŋ́kyɛ́Ꞌtɛ, ɛ́sẅíi pɑyúdɑ ŋɡɔ Yɛ́su pɔ́nɛ Nzɑ́Ꞌŋkʉ ẅi pɔ́p tswɛ́nɛ ḿbyɛ́p.
Nzɑ́Ꞌŋkʉ ɑ Yɛ́su. Sɛ́ kɑ zẅíimɛ wɛ́ nǔu nɛvú, pɛk wɔ pɛtsʉʉ sɛ́ ɛ́sẅíi yɔ nu, ɛ́ pɔ́ nu yí pɛk kɑ jʉ́ɔnɛ.
Zẅikŋɛ-Lɛ́ɛnɛ́nɛ jʉ́ wɔ́p pɛ́tsʉʉ. Pɔ́p zɛ nɛsẅíŋɛ mɛsẅíŋɛ-mɛlɑ́Ꞌ ndɛꞋ, ɛ́sẅíi pɑ́Ꞌ Zẅikŋɛ Lɛ́ɛnɛ́nɛ ɡɑ́nɛ mɛtʉʉ ŋɡɔ pɔ́p sẅiŋɛ pɔ́Ꞌɔ.
Ɔ zɛɛ ńtʉ́ʉ pɑ́Ꞌɑ, ŋ́ɡẅɛɛ nɛɡʉ zʉꞋ tsʉʉ ndǔ tsɛ́tsɑ́Ꞌ, ɛ́sẅíi pʉɔ nɛ́ nu yi ɔ jínɛ nǔu ŋu ndʉ́ŋndʉŋ ɛ̂wɑ́, yi ɔ jʉ́ɔnɛ, mbɑ yi ɔ zúꞋnɛ.
Pʉʉ kɑ ɡɛ pɔ́Ꞌɔ, ńjẅí ŋu ẅi jʉ́ ɡɛnɛ lɑ pɛ́ pɔ́ ɡú. Lɑ́ Sɛ́ kɛ́ ńzẅíimɛ wɛ́ nǔu nɛvú tɛ pɛk jʉ́ɔ wɛ́ nɛ́ mík mɛ́k, pɛk sɛ́ ɛ́sɑ́Ꞌ ɛ́sẅíi wʉ́ʉ.
Pɛk cú pɑ́Ꞌɑ ḿbɔ́ pɑjʉ́ ńjʉ́ɔ nǔu mɔnɛ mɛnu. Zẅikŋɛ Lɛ́ɛnɛ́nɛ yi Sɛ́ sɛ́ ŋ́ɡɑ́ mbɔ̌ pʉɔ pi pɔ́p sɛ́ ńzúꞋ ntsu wɛ́ tsʉ́ʉnɛ́nɛ wɛk nɛcú.»
