ŊwɑꞋnɛ-Gɑŋntúu Yɛ́su Kɛlístɔ 4:17 - Kɑɑ Fí

¹⁷ Lɑ́, pɛkŋɛ vukŋɛ wɔ́p, ḿbɑpmɛ wɔ́p, ŋɡɔ kɔɔ pɔ́p pɛn ŋ́kẅiꞋ ńdɔk lík-Yɛ́su ńcú nu mbɔ̌ wɛcɔ́ sɑ̌ɑ ŋu lɑ́Ꞌ zɑꞋnɛ. Ɛ́ lɛɛ pɔ́Ꞌɔ, yɔ nu pɔɔ pɛn ɛ́sɑt zʉꞋ pɔ́.»

ŊwɑꞋnɛ-Gɑŋntúu Yɛ́su Kɛlístɔ 4:17 교차 참조

Mɑtʉ̈ɔ 27:64

Ɛ́ pɔ́Ꞌɔ, lɑ́ pɛk sɛ́ ḿbíkŋɛ ŋɡɔ ɔ cú pɑlʉ̈ɔ́Ꞌntsɔ pyɛ́p nɛshi tɛ ŋ́kúu nǔu mbɑ́ɑtɛ lɛ́Ꞌ pɛtɑ́t. Tɛ ɛ́ pɔɔ pɔ́Ꞌɔ pɔ́, mbɔ ḿbɔ́ ɡɑŋku pɛ́ tɔ́ ńjɔ pfú yɛ́, ŋ́ɡɔ́ɔ ŋ́kɛ́ ŋ́ɡʉ ɛ́sẅíi lɑ́Ꞌ ŋɡɔ ɑ zẅíimɛ nǔu nɛvú! Yîyɑ́ cɔtnu mɛkŋɛ ḿbʉ́k tɛ ńtsɑ yi mbi.

Mɑtʉ̈ɔ 9:30

Mík mɔ́p ɡɔ́ɔ ŋ́kɛ́ ńjʉ́ɔ zʉꞋ. Yɛ́su tɔꞋ wɔ́p tɛ ḿbʉ́ʉ ŋɡɔ: «Ḿbɑ́ɑ wʉ́ʉ nɛkɛ́ ŋ́ɡɛ tɛ ŋu jí pɑ́Ꞌ ɛ́ lɛɛnɛ.»

Jɑ̂ŋ 15:21

«Pɔ́p ɡʉ ŋ́ɡɛ pɔ́Ꞌɔ nǔu pʉʉ mbíꞋŋɡɔ pʉʉ pʉɔ pɑ́ɑ, pɔ́p pɛn ŋ́kɛ́ ḿbɔɔ ḿbɔ́ ńjí ŋu ẅí ɑ kɑ túunɛ wɑ́ɑ pɔ́.»

ŊwɑꞋnɛ-Gɑŋntúu Yɛ́su Kɛlístɔ 4:21

Pɑzɑ́Ꞌntsɑŋ pɛn ńniitɛ ḿbɑpmɛ wɔ́p, ńnɑ́ wɔ́p pɔ́p ɡʉ. Mbɔ pɔ́p lɔɔ shʉ́ ẅi pɔ́p ɡʉ ɛ́fú nǔu ńdɔk ńnyɛt wɔ́p nɛ́ ŋɡʉ̈ɔ́Ꞌ, ḿbɔɔ jʉ́ɔ ntɛ́ lɑ́Ꞌ. MbíꞋŋɡɔ pʉɔ tsʉʉ kɑ pɔ́ ŋ́ɡɛ́mtɛ Sɛ́ nǔu yúu mi ɛ́ kɑ lɛɛnɛ.

ŊwɑꞋnɛ-Gɑŋntúu Yɛ́su Kɛlístɔ 5:24

Tɑ́tndɑ́-pɑpyɛ́p ZʉꞋ-nɔŋpɔꞋ pɔ́p pɛtɑ́tndɑ́-pɑnɔŋpɔꞋ zúꞋ yɔ nu ɛ́ kʉꞋnɛ wɔ́p. Pɔ́p pɔɔ jí yúu mi ɛ́ lɑ́Ꞌnɛ ŋ́ɡɛ ɡɑŋntúu-Yɛ́su pɔ́.

ŊwɑꞋnɛ-Gɑŋntúu Yɛ́su Kɛlístɔ 5:28

«Pɛk ŋkɑɑ tɔꞋ wʉ́ʉ nɛpɛn ńzíꞋ nu-ŋu wɑ́ mbɔ̌ pʉɔ pɔɔ? Pʉʉ pɛn ńdɔk nu yɛ́ ɛ́sɑt Yɛlúsɑlɛm tsʉʉ. Pʉʉ kɑ lɔɔ pɑꞋnɛ ŋɡɔ pɛ́ ɡɔ́ pɛk jí nu nǔu nɛvú wɛ pɔ́ ɔɔ?»

Ɛ́fɛ̂zɛ 6:9

Pʉʉ pɛtɑ́t-puꞋ pʉʉ ɡẅɛɛ yʉ́ʉ pɛkwɑɑ pʉʉ nɛ́ tʉ́m sʉ́Ꞌnɛ. Kɔɔ pʉʉ vukŋɛ wɔ́p vukŋɛnɛ. Pʉʉ jí ŋɡɔ pʉʉ pɛ́ pɔ́p tɛmtɛ ŋ́ɡẅɛɛ pɔ tɑ́Ꞌ ŋu ẅí ɑ sɑ́Ꞌnɛ wʉ́ʉ pɛpɔ́p ɑ pɔ́ tʉ́nɛ́pú. A kɛ́ ḿbɔɔ ŋ́ɡẅɛɛ tɔŋ tsɛtsɛt pʉɔmɛsɔŋ pɔ́.

1 Tɛsɑlɔník 1:8

Sẅiŋɛ-tsɑpʉɔ kɑ zɛɛ ɛ́fú pɔ tsɛtsɛt pʉʉ, ńjʉ́ pɑk-ŋɡɔŋ-Mɑsɛndwɑn mbɑ yɛ́ Akɑ̂y. Lɑ́ pɛ́ kɛ́ ḿbɔ́ zʉꞋ tsʉʉ ńjí ntɛ́ yi pʉʉ lɔknɛ ńzɑ́p tʉ́m nǔu Sɛ́, tɛ ḿbɔ́ pɛk pɔɔ pɛn ɛ́sẅíi ŋu sẅíinɛ pɔ́.

1 Pyɛ̂ 2:23

Pɛ́ kɑ zɔɔtɛ wɛ́, ɑ kɛ́ ḿbɔɔ tsɔ́Ꞌ. A kɑ pɔ́ ńjʉ́ɔ ŋɡʉ̈ɔ́Ꞌ, ŋ́kɛ́ mbɔɔ ŋu vukŋɛ, ńnɑ́ yɛ́ nu tsʉʉ pɔ nǔu mbɔ́-ŋu ẅí ɑ zɑ́Ꞌnɛ ntsɑŋ ndʉ́ŋndʉŋ.