ŊwɑꞋnɛ-Gɑŋntúu Yɛ́su Kɛlístɔ 3:25 - Kɑɑ Fí

²⁵ Yúu mi Sɛ́ kɑ pɔ́ ńdɔk ntsu-pɛŋɡɛ́mndʉ̈ɔ́Ꞌ ŋ́kɑꞋ kɑ pɔ́ yʉ́ʉ. Kɑɑ Sɛ́ kɑ ɡwɑtnɛ pɔ́p Ábɛlɛhɑ̂m pɔ́ yʉ́ʉ ɡúu kɑɑ ɛ̂yɑ́ pɔ́ ŋɡɔ: «Mɔ ńdɑ́Ꞌ ńdɛɛ pɔ nǔu njẅɛt yu lɑ́ ńníꞋ mbɔ́tnɛ nǔu mɛtsɛ́nndɑ́ tsʉʉ mi ɛ́ ndǔ tsɛ́tsɑ́Ꞌ.»

ŊwɑꞋnɛ-Gɑŋntúu Yɛ́su Kɛlístɔ 3:25 교차 참조

Lúkɑ́shi 1:72

Yɔ pɑ́Ꞌ pɔŋtʉ́m-Sɛ́ kɑ zɛnɛ nǔu pɛmɑ̂ɑŋɡɑpnjẅɛt pɛkŋɛ, ɛ́ pɛn ḿbɔ́ lɔ́Ꞌnɛ, kẅíitɛ kɑɑ yinɛ kwɑꞋ Sɛ́ pɔ́p pɛ pɔ́p kɑ ɡwɑtnɛ,

ŊwɑꞋnɛ-Gɑŋntúu Yɛ́su Kɛlístɔ 13:26

Pɔ̂l pɛn ńcú ŋɡɔ: «Pɔ́ɔpɛ́mɑ́, Sɛ́ cú yɔ nu pɔ mbɔ̌ pɛkŋɛ pɛtsʉʉ. Ɛ́ nɛlɔk ŋ́ɡɛ pɛkŋɛ luk. A túu yɔ nu mbɔ̌ pʉʉ ẅí pʉʉ pɔ́ɔ-Ábɛlɛhɑ́m, mbɑ mbɔ̌ pʉʉ ẅí pʉʉ pɔ́knɛ Sɛ́.»

ŊwɑꞋnɛ-Gɑŋntúu Yɛ́su Kɛlístɔ 2:39

MbíꞋŋɡɔ yúu mi Sɛ́ kɑ kɑꞋnɛ, ɑ kɑ pɔ́ ŋ́kɑꞋ mbɔ̌ pʉʉ, mbɑ mbɔ̌ mbɔ́ŋkʉ̈ɔ́ pʉ́ʉ. A kɑ pɔ́ ŋ́kɑꞋ mbɑ mbɔ̌ pʉɔ pinɛ pɔ́p nɑ́ŋnɛ ŋɡɑ sɛsɑ, ŋɡɔŋ pʉɔ tsʉʉ pi Tsɑpʉɔ Sɛ́ wɛkŋɛ ɡʉ ŋ́ɡɛ ɛ́fúŋ wɔ́p nɛtsʉ́Ꞌ pʉɔ pɛ́.»

Pʉɔ-Lɔ́mɑ 15:8

Ɛ́ yúu mi ɛ́ kɑ ɡɛnɛ Kɛlístɔ tɔ́ ɛ́fɑꞋ mbɔ̌ pɑyúdɑ, nɛɡɛ mɛnu mi Sɛ́ kɑ kɑꞋnɛ mbɔ̌ pɛmɑ̂ɑŋɡɑpnjẅɛt pɔ́p puutɛ. Ndʉ́ŋndʉŋ pɑ́Ꞌ mbɑ kʉ̈ɔ́ lɑ́ yi Sɛ́ cúnɛ ŋ́kɛ́ ḿbuutɛ puutɛ́nɛ.

Pʉɔ-Lɔ́mɑ 4:13

Yɛcɔ́ nu pɛn ḿbɔ́ ŋɡɔ Sɛ́ kɑ kɑꞋ mbɔ̌ Ábɛlɛhɑ̂m, mbɑ mbɔ̌ njẅɛt yɛ́ ŋɡɔ ɑ ɡʉ ńdɑ́Ꞌ ŋ́ɡɑ́ ŋɡɔŋ mbɔ̌ pɔ́p. Sɛ́ ŋ́kɑɑ ḿbɔ́ ŋ́kɑꞋ pɑ́Ꞌɑ, pɔ́ mbíꞋŋɡɔ Ábɛlɛhɑ̂m kɑ pɔ́ ŋ́ɡɛ yúu mi nɛpʉ́ʉ sɛ́ ḿbíkŋɛ pɔ́, ɛ́ kɑ fú pɔ nǔu pɑ́Ꞌ ɑ zɑ́pnɛ tʉ́m nǔu Sɛ́, Sɛ́ tsʉ́Ꞌ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́.

Ŋɡɑlɑ̂t 3:16

Ɛ́ mbɔ̌ Sɛ́ ḿbɛn ḿbɔ́ pɔ pɔ́Ꞌɔ. Sɛ́ kɑ kɑꞋ yúu mbɔ̌ Ábɛlɛhɑ̂m tɛ mbɑ mbɔ̌ ŋu ẅí Ábɛlɛhɑ̂m kɑ pɔ́ ŋ́ɡʉ ńdɑ́Ꞌ lɑ́ ḿbí wɛ́. ŊwɑꞋnɛ-Sɛ́ kɑ cú ŋɡɔ pɛ́ kɑ kɑꞋ mbɔ̌ pʉɔ pi ɑ kɑ pɔ́ ŋ́ɡʉ ŋ́ɡɛ lɑ ḿbí wɔ́p pɑ́Ꞌ ŋkɑ́ yi pʉɔ pi pɛ́ kɑ pɔ́ ŋ́kɑꞋ yîyɑ́ yúu ɛ́ pɔ́ yɔ́p ŋ́kɑɑ zɑ́ɑ zɑ́ɑnɛ pɔ́. Ŋɡɑ́ŋ ɛ́ kɑ pɔ́ pɔ nu tɑ́Ꞌ ŋu, mbíꞋŋɡɔ pɛ́ zɛɛ ɛ́fúŋ tsɛt ŋwɑꞋnɛ-Sɛ́ ŋɡɔ: Tɛ mbɑ mbɔ̌ ŋu ẅí ɔ ɡʉ ŋ́ɡɛ ḿbí wɛ́. Ẅîwɑ́ ŋu pɛn ḿbɔ́ Kɛlístɔ.

Ŋɡɑlɑ̂t 3:29

Pɑ́Ꞌ pʉʉ pʉɔ-Kɛlístɔ lɑ́, pʉʉ lɔk ḿbɔ́ njẅɛt-Ábɛlɛhɑ̂m, ḿbɔ́ pɑɡẅɛɛ yʉ́ʉ yúu nǔu yúu mi Sɛ́ kɑ kɑꞋnɛ.

Ŋɡɑlɑ̂t 3:8

ŊwɑꞋnɛ-Sɛ́ kɑ zɛɛ ńzɑ́Ꞌ njí ńnyɛt ŋɡɔ: Sɛ́ ɡʉ ńdɑ́Ꞌ ɛ́fú nǔu pɑ́Ꞌ pʉɔ pi pɔ́p kɑ́ pɔ́ pɑyúdɑ pɔ́, ɡʉ ńdɑ́Ꞌ ńzɑ́p tʉ́m nǔu wɛ́ ɑ pɛ́m wɔ́p pɑ́Ꞌ pʉɔ pi pɔ́p mbi yɛ́ ḿbɔ́ ndʉ́ŋndʉŋ. Ɛ́ yɛ́tɛ́ lɑ ŋwɑꞋnɛ-Sɛ́ kɑ zɑ́Ꞌ njí ńcẅi wɔ Ŋkʉʉ Sʉ́Ꞌnɛ mbɔ̌ Ábɛlɛhɑ̂m ŋɡɔ: Sɛ́ ɡʉ ńdɑ́Ꞌ ńdɛɛ nǔu ɡu ńníꞋ mbɔ́tnɛ nǔu mɛlɑ́Ꞌ tsʉʉ mi ɛ́ ndǔ tsɛ́tsɑ́Ꞌ.

Mɛnu ɛ́ ńdɑ́Ꞌ ńcẅɛt 14:6

M bɛn ńjʉ́ɔ wɛcɔ́ tɑ́Ꞌ Cʉ̈ɔꞋ-Sɛ́ pɔ́ tɛ tʉ́nɛfɑŋ ḿbɔ́ ńtɑt, ŋ́ɡẅɛɛ wɛcɔ́ Ŋkʉʉ sʉ́Ꞌnɛ ẅí ɛ́ wɛ kɛ́mɛ, pɑ́Ꞌ ɑ ɡʉ ŋ́ɡʉ ńcẅi mbɔ̌ pʉɔ pí pɔ́p ndǔ tsɛ́tsɑ́Ꞌ, tsɛt mbɑ wɛ́tɛ́ ŋɡɔŋ lɑ́, mbɔ̌ mbɑ yɛ́tɛ́ njẅɛtndɑ́ lɑ́, mbɔ̌ pɑsẅíŋɛ mbɑ yɛ́tɛ́ ntɛ́ sẅiŋɛ lɑ́, mbɔ̌ ntɛ́ nɛ́ ntɛ́ pʉɔmɛsɔŋ.

Mɛnu ɛ́ ńdɑ́Ꞌ ńcẅɛt 5:9

Pɛlʉ́m pɑ́, pɔ́p mɛyúumɛku mɑ́ pɔ́ ńzɔp zɔpŋki fí ńcú tsɛtú ŋɡɔ: Ɔ kuꞋ ŋu ẅí ḿbɔ́ ɔ cẅɛ́ɛ ŋwɑꞋnɛ, ŋ́kuꞋ ŋu ẅí ḿbɔ́ ɔ ŋíɛꞋ ŋɛmɛ-ŋwɑ́Ꞌ yi pɛ́ kɑ lɔknɛ ńdɑt. Pɛ́ kɑ jẅí wú ńdɔk ńnɔŋ pɔꞋ. Ɔ kɑ tswɛt mɛci mú ńdɔk ńtsúꞋ pʉɔ, ńtsúꞋ tɛ mbɑ pʉɔ pí pɔ́p nǔu yɛ́tɛ́ njẅɛtndɑ́ lɑ́, tɛ mbɑ pʉɔ pi pɔ́p sẅiŋɛ́nɛ yɛ́tɛ́ sẅiŋɛ lɑ́, tɛ mbɑ yɛ́tɛ́ ntɛ́ lɑ́, tɛ mbɑ pɛ́ wɛ́tɛ́ ŋɡɔŋ lɑ́, ńtsúꞋ wɔ́p pɔ́Ꞌɔ, pɔ́p pɛn mbɔ̌ Sɛ́.

Mɛnu ɛ́ ńdɑ́Ꞌ ńcẅɛt 7:9

N jʉ́ɔ mɔ mɛyúu tɛ ḿbɔ́tnɛ ńnɑ́ŋ, m bɛn ńjʉ́ɔ nɔɔ-lɑ́Ꞌ yi mbɔ ŋu pɔɔ sɑ́ŋ tɛ ńjí ndɛn pɔ́. Mbɔ pʉɔ fú nǔu mɛŋɡɔŋ tsʉʉ, ɛ́fú nǔu mɛnjẅɛt mɛnjẅɛt, ḿbɔ́ mɛntɛ́ mɛntɛ́, ɛ́sẅíŋɛ mɛsẅíŋɛ ntɛ́ ntɛ́ mi ɛ́ ndǔ tsɛ́tsɑ́Ꞌ. Pɔ́p kɑ tʉ́ʉ mbi kɔꞋ-nɛfɔɔ, mbɑ mbi Mɔ́ɔ-Njinjɔ, ḿmɑꞋ mɛfúfú ndẅí, ŋ́ɡẅɛɛ mɛzɑ́ŋ-nɛtʉ́ɔ,