21 Ɛ́ nǔu ŋkɔ̂ɔnɛ Yɛ́su kɛ́ ŋ́ɡẅɛɛ pɔ nɛnɑ́ŋ tʉ́nɛ́pú. Tɛ ńdɑ́Ꞌ ŋ́kúu lɛ́Ꞌ yi Sɛ́ ɡʉ ńdɑ́Ꞌ ŋ́ɡɛ kʉ̈ɔ́ lɑ́ shɔtnɛ ńtsʉ́Ꞌ ḿbɔ́ pɔ yi fí. Pɑ́Ꞌ ɑ kɑ lɑ́Ꞌnɛ ńdɔk ntsu kwɑꞋ pɑcẅiŋkʉʉ pɛ́ pi ɑ kɑ tsɔ́Ꞌnɛ ńcú tɛ ntí sɑk.
ɛ́ pɔ́ nu yinɛ ɑ kɑ lɑ́Ꞌ ńcú tɛ ntí ɡú, ɔ́ɔŋ, ɑ kɑ lɔk ntsu-pɛɡɛ́mndʉ̈ɔ́Ꞌ pɛ́ ńcú ŋɡɔ:
ńcú mbɔ̌ pɔ́p ŋɡɔ: «Pɑŋɡɑlíliyɑ, pʉʉ tʉ́ʉ ńdíŋɛ tʉ́nɛ́pú mɛlɑ́Ꞌ kʉ̈ɔ́? Yɛ́su pʉ́ɔlɑ́, mbɔ Sɛ́ fú mbɔ̌ pʉʉ ɛ́sɑ́Ꞌ wɛ́ ńdɔk ŋ́ɡʉ nɛ́ tʉ́nɛ́pú, ɑ ɡʉ ŋ́ɡɛ ḿbɛn ḿbɛn nzʉʉ pɔ nǔu ntɛ́ yi pʉʉ jʉ́ɔnɛ ɑ lɔk ŋ́ɡʉ lɑ́.»
Jʉ́ zɛɛnɛ ḿbɔ́ ŋu ẅí pɛŋɡɛ́mndʉ̈ɔ́Ꞌ-Sɛ́ pɛtsʉʉ kɑ pɔ́ ńdɛꞋlɛ, pɑ́Ꞌ pɔ́p kɑ pɔ́ ńcú ŋɡɔ mbɑ wɔ̌ lɑ́ ẅi ɑ zɑ́pnɛ tʉ́m yɛ́ nǔu Yɛ́su, Sɛ́ ɡʉ ńdikŋɛ mɛnu kɛpɔŋ-ŋɡɑŋ ŋ́ɡɑ́ mbɔ̌ wɛ́, ntɛ́ wɛ́.
Pɔ́Ꞌɔ lɑ́, pʉʉ kɛ́ ŋ́kúp mɑt wʉʉ, ḿbɛ́m Yɛ́su Kɛlístɔ. Sɛ́ likŋɛ mɛnu kɛpɔŋ mʉ́ʉ.
Ɛ́ lɛɛ pɔ́Ꞌɔ, Tsɑpʉɔ ɡɛ pʉʉ pɔ́ tsɛt mɔ́fíitɛ. A ɡɛ ńtúu Nzɑ́Ꞌŋkʉ ẅí ɑ kɑ zɑ́Ꞌnɛ njí ńtsɔ́Ꞌ wɛ́ ntɛ́ tú yʉ́ʉ, ɑ pɔ́ Yɛ́su.
Ɛ́ pɔ́ ŋɡɔ yɛcɔ́ lɛ́Ꞌ ɡʉ ńdɑ́Ꞌ ŋ́kuꞋ, ɑ fú ndɑ́-kwɑɑ ńcẅɛɛtɛ mbɑ kʉ̈ɔ́ lɑ́ yi ɑ kɑ niitɛ́nɛ, yɛcɔ́ yúu pɔɔ pɛn ńdyɔ́ nǔu pɔ́, mbɑ kʉ̈ɔ́ lɑ́ pɔ́ zʉꞋ yi pʉɔ-Sɛ́ zúꞋu tsɛt nɛɡúꞋ, yɛcɔ́ yúu lɔɔ ḿpfú zúꞋu pɔ́, yɛcɔ́ kɛ́ mbɔɔ lyɔ́.
Ɛ́ kɑ pɔ́ yɛcɔ́ ŋkɑ́, Sɛ́ cú nu mbɔ̌ pɛmɑ̂ɑŋɡɑpnjẅɛt pɛkŋɛ, nǔu mɛku tɛ ńzɑ́ɑ, mbɑ nǔu mɛntɛ́ tɛ ńzɑ́ɑ. Pɔ́Ꞌɔ, ńdɛɛ nǔu pɑcẅiŋkʉʉ pɛ́.
mbíꞋŋɡɔ mbɑ kʉ̈ɔ́ lɑ́ yi pɑcẅiŋkʉʉ-Sɛ́ kɑ cúnɛ, pɔ́p kɑ pɔ́ ŋ́ɡɔ ńcú, ɛ́ pɔɔ ɛ́fú nǔu jínu-ŋumɛsɔŋ pɔ́. Pɔ́p kɑ ɡɔ́ ḿbɔ́ ńcú nu yi Sɛ́ sɛ́ ŋ́kɔŋ ŋɡɔ ḿbɔ́ ńcú, Zẅikŋɛ Lɛ́ɛnɛ́nɛ tsʉ́ʉnɛ́nɛ wɔ́p lɑ pɔ́p cú.
Pʉʉ kẅíitɛ sẅiŋɛ yi pɑcẅiŋkʉʉ-Sɛ́ pɛ́ Lɛ́ɛnɛ́nɛ kɑ zɑ́Ꞌnɛ njí ńcú, mbɑ nɛpʉ́ʉ ni ɡɑŋntúu-Yɛ́su kɑ zíꞋnɛ wʉ́ʉ, ɛ́fú mbɔ̌ Tsɑpʉɔ ɑ pɔ́ ŋu ẅí ɑ ɡɛnɛ pɛkŋɛ luk.
Pʉʉ tʉ́nɛ́pú, pʉʉ tsɑ́ɑtɛ tsɑ́ɑtɛ́nɛ mbíꞋ pɑ́Ꞌ Bɑbilɔ̂n vunɛ sɛ́. Mbɑ pʉʉ pʉɔ-Sɛ́, pʉʉ ɡɑŋntúu nɛ pɑcẅiŋkʉʉ-Sɛ́, pʉʉ tsɑ́ɑtɛ yʉ́ʉ. MbíꞋŋɡɔ Sɛ́ ŋɑk wɛ́ nǔu nu kɛpɔŋ yi ɑ kɑ ɡɛnɛ nǔu pʉʉ.
Cʉ̈ɔꞋ-Sɛ́ pɑ́ɑtɛ ńcú ŋɡɔ: Mɛnu mɔnɛ kɑ́ pɔ́ mi ḿbɔ́ pɛ́ zúꞋ ḿmʉꞋlɛ pɔ́ ɛ́ nɛ́nẅín. Tsɑpʉɔ Sɛ́ ẅi jʉ́ lɔknɛ zẅikŋɛ yɛ́ ńtúu pɑcẅiŋkʉʉ pɛ́ kwɑꞋ jʉ́ túunɛ wɛ́ pɑ́Ꞌ ɑ ɡʉ ńnyɛt mbɔ̌ ɡɑŋfɑꞋ pɛ́ nɛ́ yúu mi ɛ́ ɡʉ ɛ́fɛ́Ꞌnɛ ńtɔ́.
