ŊwɑꞋnɛ-Gɑŋntúu Yɛ́su Kɛlístɔ 3:19 - Kɑɑ Fí

¹⁹ Pɔ́Ꞌɔ lɑ́, pʉʉ kɛ́ ŋ́kúp mɑt wʉʉ, ḿbɛ́m Yɛ́su Kɛlístɔ. Sɛ́ likŋɛ mɛnu kɛpɔŋ mʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 3:19 교차 참조

Mɑtʉ̈ɔ 13:15

MbíꞋŋɡɔ tʉ́m pʉɔ-lɑ́Ꞌ pɔ́nɛ kɑ sʉk pɔ́p kɑ zʉnɛ mɛtúutɛ́ mɔ́p, ŋ́kẅíipɛ mík mɔ́p, ńdɔk ḿbɔɔ ŋ́kɔŋ nɛlɔk mík mɔ́p ńjʉ́ɔ zʉꞋ pɔ́, nɛlɔk mɛtúutɛ́ mɔ́p ńzúꞋ nu pɔ́, tʉ́m yɔ́p pɔɔ pɑ́klɛ. Pɔ́p pɔɔ kɔŋ nɛkúpmɛ mɑt wɔp pɔ́, ńdɔk ḿbɔɔ ŋ́kɔŋ ŋɡɔ ŋ ɡɛ pɔ́p fíitɛ pɔ́.»

Mɑtʉ̈ɔ 18:3

ńcú ŋɡɔ: «Tsʉ́Ꞌnɛ ɛ sẅíi wʉ́ʉ, kwɑꞋ nɛ́nẅín, pʉʉ lɑɑ mbɔɔ kúpmɛ mɑt wʉʉ, tɛ ńtsʉ́Ꞌ ḿbɔ́ pɔ pɑ́Ꞌ mbɔ́ŋkʉ̈ɔ́ pɔ́, mbɔ pʉʉ kɛ́ lɑ́Ꞌ ŋ́kúu tsɛt nu-nɛfɔɔ-Sɛ́ pɔ́.

Lúkɑ́shi 1:16

A ŋ́ɡɛ ŋ́ɡɛ pʉɔ-islɑyɛ̂l tɛ ńzɑ́ɑ shɔt tʉ́m yɔ́p, ḿbɛn mbɔ̌ Tsɑpʉɔ Sɛ́ wɔp.

Lúkɑ́shi 22:57

Pyɛ̂ lʉꞋ, ńcú mbɔ̌ wɛ́ ŋɡɔ: «Mɑŋɡɛ́ wɔ, ŋ kɑ́ pɔ́ ńjí wɛ́ pɔ́!»

ŊwɑꞋnɛ-Gɑŋntúu Yɛ́su Kɛlístɔ 1:6

Gɑŋntúu kɑ cúꞋlɛ pɔ́Ꞌɔ, ḿbíkŋɛ Yɛ́su ŋɡɔ: «Ndɛ, yɔ lɔk ḿbɔ́ ŋkɑ́ yi ɔ ɡʉ ŋ́ɡɛ lɑ nɛfɔɔ pɛn mbɔ̌ Íslɑɛ̂l kɛkʉ̈ɔ́?»

ŊwɑꞋnɛ-Gɑŋntúu Yɛ́su Kɛlístɔ 11:18

Pɑpɛm Yɛ́su pi pɔ́p Pɑyúdɑ zúꞋ mɛnu mɔnɛ, ḿbɔ́tnɛ ńnɑ́ŋ, ḿbɛn ḿbɔ́ ŋ́ɡɑ́ pɑꞋlɑ́ mbɔ̌ Sɛ́ ńcú ŋɡɔ: «Ɛ́ pʉ̈ɔ́lɑ́ yi Sɛ́ kɑ ɡɑ́ shʉ́ mbɑ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, nɛkúpmɛ mɑt, ɑ ɡɛ pɔ́p ɡẅɛɛ luk kɛ́mɛ.»

ŊwɑꞋnɛ-Gɑŋntúu Yɛ́su Kɛlístɔ 11:21

Tsɑpʉɔ pɔ́ ńtɔ́ɔtɛ wɔ́p tɔ́ɔtɛnɛ, pʉɔ tɛ ńzɑ́ɑ pɔ́ ńzɑ́p tʉ́m nǔu Tsɑpʉɔ Yɛ́su, ḿbɔ́ ɛ́shɔtnɛ ńtsʉ́Ꞌ pʉɔ pɛ́.

ŊwɑꞋnɛ-Gɑŋntúu Yɛ́su Kɛlístɔ 15:3

Cúlɛ-pʉɔ-Kɛlístɔ yi Antíyɔshɛ ɛ̂wɑ́ ɡɑ́ yúu mi ɛ́ sɛ́ ḿbíkŋɛ mbɔ̌ pɔ́p nɛlɔk ńcʉ́ɔ sɛ̂ndúŋ. Pɔ́p lɛɛ tsɛt pɑk-ŋɡɔŋ-Fɛnisîi, mbɑ tsɛt wɛ Sɑmɑlîi, ńnɛn ḿbɔ́ ńcú mbɔ̌ pʉɔ-Kɛlístɔ pɛ́ zúꞋu ŋɡɔ pʉɔ pi pɔ́p kɑ́ pɔ́ pɑyúdɑ pɔ́ kɑ kɛ́ mɔ́ shɔtnɛ tɛ ńtsʉ́Ꞌ ḿbɔ́ pɔ nzʉʉ Tsɑpʉɔ, pɔ́ɔpɛ́mɑ́ zúꞋ ńtsɑ́ɑtɛ tɛꞋ.

ŊwɑꞋnɛ-Gɑŋntúu Yɛ́su Kɛlístɔ 17:26

A kɑ fú nǔu tɑ́Ꞌ ŋu wɛ́mɔ́Ꞌ, ŋ́ɡɛ mɛlɑ́Ꞌ mɛlɑ́Ꞌ, nɛlɔk ŋ́ɡɛ ŋɡɔ pʉɔmɛsɔŋ nɑ́ŋ zʉꞋ tsʉʉ ndǔ tsɛ́tsɑ́Ꞌ. Ńzɑ́Ꞌ njí ńzɑ́p mɛkɛm-ŋkɑ́ mɔ́p mbɑ mɛzʉꞋ mi pɔ́p ɡʉ ńdɑ́Ꞌ ńnɑ́ŋ zúꞋu.

ŊwɑꞋnɛ-Gɑŋntúu Yɛ́su Kɛlístɔ 2:38

Pyɛ̂ pʉ̈ɔt mbɔ̌ pɔ́p ŋɡɔ: «Pʉʉ kúpmɛ mɑt. Wɛ́t ŋu lɑ́ nǔu pʉʉ pɛ́m pɛ́ nuꞋ wɛ́ ŋki nǔu lík-Yɛ́su Kɛlístɔ. Nɛpɔ́ yi Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́. Sɛ́ ɡɔ́ɔ ŋ́kɛ́ ŋ́ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ.

ŊwɑꞋnɛ-Gɑŋntúu Yɛ́su Kɛlístɔ 28:27

Ɔ́ɔŋ, pʉɔ-ŋɡɔŋ wɔ kɑ́ pɔ́ ŋ́kɔŋ nɛzúꞋ yɛcɔ́ yúu pɔ́. Pɔ́p kɑ zʉʉnɛ mɛtúutɛ́ mɔ́p, pɔ́p kɑ tsɛ́t mík mɔ́p. Pɔ́p kɑ́ pɔ́ ŋ́kɔŋ nɛlɔk mík mɔ́p ńjʉ́ɔ zʉꞋ pɔ́, ŋ́kɛ́ mbɔɔ pɔ́ ŋ́kɔŋ nɛlɔk mɛtúutɛ́ mɔ́p ńzúꞋ pɔ́. Pɔ́p jʉ́ɔꞋ tʉ́m yɔ́p mbíꞋŋɡɔ pɔ́p ŋ́kɔŋ nɛzúꞋ pɔ́, ŋ́kɛ́ ŋ́ɡɛtɛ pɔ pɔ́Ꞌɔ, ńjí ŋɡɔ pɔ́p kɛ́ pɛn mbɔ̌ mɔ Sɛ́, ŋ ɡɛ pɔ́p fíitɛ pɔ́.»

ŊwɑꞋnɛ-Gɑŋntúu Yɛ́su Kɛlístɔ 3:20

Ɛ́ lɛɛ pɔ́Ꞌɔ, Tsɑpʉɔ ɡɛ pʉʉ pɔ́ tsɛt mɔ́fíitɛ. A ɡɛ ńtúu Nzɑ́Ꞌŋkʉ ẅí ɑ kɑ zɑ́Ꞌnɛ njí ńtsɔ́Ꞌ wɛ́ ntɛ́ tú yʉ́ʉ, ɑ pɔ́ Yɛ́su.

ŊwɑꞋnɛ-Gɑŋntúu Yɛ́su Kɛlístɔ 3:21

Ɛ́ nǔu ŋkɔ̂ɔnɛ Yɛ́su kɛ́ ŋ́ɡẅɛɛ pɔ nɛnɑ́ŋ tʉ́nɛ́pú. Tɛ ńdɑ́Ꞌ ŋ́kúu lɛ́Ꞌ yi Sɛ́ ɡʉ ńdɑ́Ꞌ ŋ́ɡɛ kʉ̈ɔ́ lɑ́ shɔtnɛ ńtsʉ́Ꞌ ḿbɔ́ pɔ yi fí. Pɑ́Ꞌ ɑ kɑ lɑ́Ꞌnɛ ńdɔk ntsu kwɑꞋ pɑcẅiŋkʉʉ pɛ́ pi ɑ kɑ tsɔ́Ꞌnɛ ńcú tɛ ntí sɑk.

Pʉɔ-Lɔ́mɑ 11:25

Pɔ́ɔpɛ́mɑ́ pɑ́ɑ, mɔ sɛ́ ŋ́kɔŋ ŋɡɔ pʉʉ jí yúu mi ɛ́ nǔu yɔ nu, mbɔ ɛ́ kɑ zɛɛ ḿbɔ́ yi lʉɔmɛ́nɛ, ḿbɔ́k wʉ́ʉ nɛkwɑŋɛ ŋɡɔ pʉʉ pɑjínu. Yîyɑ́ yúu ŋɡɔ yɛcɔ́ ɡúŋ-pɑíslɑyɛ̂l sɛ́ ńtʉʉ tú mbɔ̌ Sɛ́ ŋkɔ̂ɔnɛ, lɑ́ ɛ́ kɛ́ lɑ́Ꞌ ḿbɔ́ pɔ pɔ́Ꞌɔ pɔ́. Pɔ́p ɡʉ ńtʉʉ tú tɛ kúu ŋkɑ́ yi pʉɔ tsʉʉ pi Sɛ́ kɑ tsɔ́Ꞌnɛ, pɔ́p pɛn mbɔɔ pɑyúdɑ pɔ́, ɡʉ ńcʉ́ɔ nzʉʉ wɛ́.

2 Tɛsɑlɔník 1:10

Ɛ́ ɡʉ ńdɑ́Ꞌ ḿbɔ́ pɔ́Ꞌɔ, nǔu lɛ́Ꞌ yi Tsɑpʉɔ ɡʉ ńdɑ́Ꞌ ńtɔ́, ɛ́ pɔ́ nǔu yîyɑ́ lɛ́Ꞌ ɡwɛ́, pʉɔ pɛ́ pɔ́ ŋ́ɡɑ́ mɛkuꞋ mɛ́, pʉɔ pi pɔ́p zɑ́pnɛ tʉ́m nǔu wɛ́ tsʉʉ pɔ́ ŋ́ɡúꞋlɛ wɛ́. Pʉʉ pɔ́ yʉ́ʉ tsɛtsɛt pɔ́p, mbíꞋŋɡɔ pʉʉ kɑ pɛ́m nu yɛ́ yi pɛk kɑ sẅíinɛ wʉ́ʉ.

2 Tɛsɑlɔník 1:7

ŋ́ɡɑ́ mɔ́fíitɛ mbɔ̌ pʉʉ pi pʉʉ sɛ́ ńjʉ́ɔ ŋɡʉ̈ɔ́Ꞌ ŋkɔ̂ɔnɛ lɑɑ, ḿbɛn ŋ́ɡɑ́ mbɑ mbɔ̌ pɛk ɡúu. Mɔnɛ mɛnu ɡʉ ńdɑ́Ꞌ ńdɛɛtɛ ŋkɑ́ yi Tsɑpʉɔ wɛkŋɛ Yɛ́su Kɛlístɔ ɡʉ ńdɑ́Ꞌ ɛ́fú tʉ́nɛ́pú ńcẅɛt, ńnyɛt mbʉʉ yɛ. Pɔ́p pɛcʉ̈ɔ́Ꞌ pɛ́ pi pɔ́p ɡẅɛɛnɛ mɛtʉʉ tɛꞋ pɔ́nɛ.

2 Timɔtɛ́ɛ 2:25

A ɡẅɛɛ nɛlɔk mbɔ́tnɛ ńdɛꞋlɛ yúu mbɔ̌ pʉɔ pi ɑ cúnɛ nu pɔ́p kúp pɔ shʉ́-nu yîyɑ́. Líkcɔ́ Sɛ́ ɡʉ ŋ́ɡɑ́ shʉ́ mbɔ̌ pîpɑ́ pʉɔ pɔ́p kúpmɛ yɔp ntɛ́ nɛsɑ́ŋ nu, ɛ́fú pɔ́Ꞌɔ, ńjí nu yi ɛ́ nɛ́nẅín,

Ɛ́bɛlʉʉ 4:1

Lɑ́ nɛpɔ́ ẅi Sɛ́ kɑ kɑꞋnɛ mɔ́fíitɛ ẅi ḿbɔ́ pʉɔ kúu tsɛtú pɛ́t pɔ ɡú. Pɑ́Ꞌ ẅîwɑ́ ŋkʉʉ pɛn ḿbɔ́ wɛkŋɛ lɑ́, pʉʉ pɑ́ɑ pɑ́Ꞌ ḿbɔ́ wɛcɔ́ tɑ́Ꞌ ŋu tsɛtsɛt pʉʉ lɑ́Ꞌ ḿbɔɔ tsɛtú kúu.

1 Pyɛ̂ 2:25

Ɛ́ pɔ́ ŋɡɔ pʉʉ kɑ pɔ́ yɛcɔ́ ŋkɑ́ mbɔ́ ŋ́kɑ́t ḿbúunɛ pɑ́Ꞌ mɛnjinjɔ mi ɛ́ fɑɑnɛ sɛ̂ndúŋ. Lɑ́ pʉʉ kɑ kɛ́mɔ́ ḿbɛn nzʉʉ, ńcʉ́ɔ nzʉʉ-ŋu ẅí ɑ sɛ́ ńdíŋɛ wʉ́ʉ, jʉ́ sɛ́nɛ́ ḿbyɛ́p wʉ́ʉ.

2 Pyɛ̂ 3:8

Lɑ́ pɛsúu pɑ́ɑ pɛ́ tʉʉndɛn, yɛcɔ́ tɑ́Ꞌ yúu ɡú yi ɛ́ kɑ́ pɔŋ ŋɡɔ pʉʉ likŋɛ pɔ́. Ɛ́ mbɔ̌ Tsɑpʉɔ tɑ́Ꞌ lɛ́Ꞌ pɔ́ pɑ́Ꞌ ŋɡuꞋ ntsɑ́Ꞌ, ŋɡuꞋ ntsɑ́Ꞌ pɔ́ pɑ́Ꞌ tɑ́Ꞌ lɛ́Ꞌ.

Mɛnu ɛ́ ńdɑ́Ꞌ ńcẅɛt 21:4

A ɡʉ ŋ́ɡɛ ńtuk ŋki-mík mɔ́p tsʉʉ. Nɛvú kɛ́ ɡɛ ḿbɛn ḿbɔ́ ɡú pɔ́. Pɛ́ pɔɔ pɛn ńdɑɑ nɛvú pɔ́. Pɛ́ pɔɔ pɛn ŋ́kíi pɔ́. Pɛ́ pɔɔ pɛn ńjʉ́ɔ ŋɡʉ̈ɔ́Ꞌ pɔ́. Ɛ́ mbíꞋŋɡɔ ŋɡɔŋ lwɛn kɑ mɛ mɔ́.»