ŊwɑꞋnɛ-Gɑŋntúu Yɛ́su Kɛlístɔ 3:14 - Kɑɑ Fí

¹⁴ Pʉʉ kɑ muŋɛ ŋu ẅí Sɛ́ kɑ tsɔ́Ꞌnɛ, ɑ pɔ́ ndɑꞋ ŋu ẅí ɑ ndʉ́ŋndʉŋ, ḿbɛn ḿbúꞋ mbɔ́ mbɔ̌ pilɑ́tu ŋɡɔ ɑ nɑ́ njẅíŋu mbɔ̌ pʉʉ.

ŊwɑꞋnɛ-Gɑŋntúu Yɛ́su Kɛlístɔ 3:14 교차 참조

Mɑtʉ̈ɔ 27:20

Pɛtɑ́tndɑ́-pɑnɔŋpɔꞋ pɔ́p pɛkɛ́m-lɑ́Ꞌ pɔ́ ńtsʉ́ʉnɛ lɑ́Ꞌ ŋɡɔ pɔ́p píkŋɛ ŋɡɔ Pilɑtɔ tsɔ́Ꞌ pɔ Pɑnɛpɑ́ɑshi ŋ́ɡɛ pɛ́ jẅí Yɛ́su.

Mɑ́lɛ́kúshi 1:24

«Yɛ́su mɔ́ɔ-Nɑ̌zɑlɛt, pɛkŋɛ ɡẅɛɛ kʉ̈ɔ́? Ɔ kɑ fɑ́ɑ ńtɔ́ pɔ nɛpík wɛ́k? Mɔ sɛ́ ńjí wú. Ɔ fú nɛjɔ́ŋ Sɛ́.»

Mɑ́lɛ́kúshi 15:11

Pɛtɑ́tndɑ́-pɑnɔŋpɔꞋ zúꞋ ɑ cú pɔ́Ꞌɔ, pɔ́p tsʉ́ʉnɛ lɑ́Ꞌ ŋɡɔ pɔ́p píkŋɛ ŋɡɔ Pilɑtɔ cẅɛɛtɛ pɔ Pɑnɛpɑ́ɑshi ŋ́ɡɑ́ mbɔ̌ pɔ́p.

Mɑ́lɛ́kúshi 15:7

Ɛ́ ɡɔ́ ḿbɔ́ ŋkɑ́ yîyɑ́, wɛcɔ́ ŋu pɔ́ ndɑ́tsɑ́ŋ, pɛ́ fúŋ wɛ́ ŋɡɔ Pɑnɛpɑ́ɑshi, pɔ́p pɛcɔ́ pʉɔ pɛ́ pɔ́ zúꞋu, mbɔ pɔ́p pɛpɔ́p kɑ mɑꞋ vɑꞋ tʉ́sɔŋ, tɛ ńjẅí ŋu.

Lúkɑ́shi 1:35

Cʉ̈ɔꞋ-Sɛ́ pʉ̈ɔt mbɔ̌ wɛ́ ŋɡɔ: «Zẅikŋɛ Lɛ́ɛnɛ́nɛ ɡʉ ńcúŋ ŋ́kúu nǔu wu, Sɛ́ ẅi ɑ piꞋnɛ mbɑ kʉ̈ɔ́ lɑ́ ńdɔk nɛ́ mɛtʉʉ mɛ́ ŋ́kẅíipɛ wú tɛ yɔ nu puutɛ. Ɛ́ lɛɛtɛ pɔ́Ꞌɔ, lɑ pɛ́ ɡɛ ɛ́fúŋ mɔ́ɔ ẅi ɔ ɡʉ ḿbí ŋɡɔ Ndɛ́ɛnɛ Lɛ́ɛnɛ́nɛ, ḿbɛn ɛ́fúŋ wɛ́ ŋɡɔ mɔ́ɔ-Sɛ́.

Lúkɑ́shi 23:25

Ńnɑ́ ŋu ẅí pɔ́p kɑ pɔ́ ḿbíkŋɛ. Ŋu ẅí ɑ kɑ kúunɛ tsɑ́ŋ ntɛ́ vɑꞋ mbɑ nɛjẅí ŋu, ḿbɛn ŋ́kúu nǔu Yɛ́su, ńtsʉ́Ꞌ ŋ́ɡɑ́ wɛ́ mbɔ̌ pɔ́p ŋɡɔ pɔ́p lɔk wɛ́ ŋ́ɡʉ ŋ́ɡɛ yúu mi pɔ́p ḿbɔ́ ŋ́kɔŋ nɛɡɛ.

Jɑ̂ŋ 16:10

Pʉɔ-ndǔmbi jʉ́ɔ ŋɡɔ pɔ́p sɛ́ ɛ́fɑɑnɛ nǔu nu ndʉ́ŋndʉŋ, mbíꞋŋɡɔ mɔ sɛ́ ḿbɛn nɛ́ nɛjɔ́ŋ Tɑ̌ɑ mɔ, pʉʉ pɔɔ pɛn ńjʉ́ɔ wɑ́ɑ pɔ́.

Jɑ̂ŋ 18:40

Pɔ́p pɛn ŋ́ɡɑ́ ɡwɑ́t, ńcú ŋɡɔ: «Ŋɡɑ́ŋ, kɔɔ tsɔ́Ꞌ wɑ́ ŋu, tsɔ́Ꞌ pɔ Bɑlɑbɑs, ńcú pɑ́Ꞌnɛ Bɑlɑbɑs ɛ̂wɑ́ pɔ́ kwɑꞋ ntʉʉ ntsɔ́ŋ.»

ŊwɑꞋnɛ-Gɑŋntúu Yɛ́su Kɛlístɔ 13:28

ńjɑ́k yúu mi pɔ́p ɡʉ ńdɛɛ nǔu ŋ́ɡɛ pɛ́ jẅí wɛ́, ŋ́ɡʉ ńjʉ́ɔ Pilɑtɔ ŋɡɔ ɑ kɛ́ ńjẅí wɛ́ jẅínɛ.

ŊwɑꞋnɛ-Gɑŋntúu Yɛ́su Kɛlístɔ 2:27

mbíꞋŋɡɔ ɛ́ lɑɑ ḿbɔ́ ɔ pɔɔ mɛꞋ wɑ́ɑ lɑ́Ꞌ-pɛpfú pɔ́, ḿbɛn ŋ́kɛ́ mbɔɔ pɛ́m ŋɡɔ ŋu ẅí ɔ kɑ tsɔ́Ꞌnɛ wɛ́ lʉ̈ɔ́ tsɛt nɛshi pɔ́.

ŊwɑꞋnɛ-Gɑŋntúu Yɛ́su Kɛlístɔ 22:14

A pɛn ńcú ŋɡɔ: Sɛ́ pɛmɑ́ŋɡɑpnjẅɛt pɛkŋɛ ɡɔ́ɔ ńzɑ́Ꞌ njí ńtsɔ́Ꞌ wú, nɛ́ lɔk wú ŋ́ɡɛ ŋu ẅi ɑ ɡʉ ńjí yúu mi ɑ kɑ ńzɑ́pnɛ nɛɡɛ, mbɑ nɛɡɛ ɔ jʉ́ɔ ŋu ẅi ɑ ndʉ́ŋndʉŋ zɛ́nɛjʉ́, mbɑ nɛzúꞋ ŋɡi-ẅîwɑ́ ŋu.

ŊwɑꞋnɛ-Gɑŋntúu Yɛ́su Kɛlístɔ 4:27

Ɛ́ kwɑꞋ nu. Ɛlɔ̂dɛ pɔ́p Pɔ́ŋntí Pilɑ́tu cúꞋlɛ tsɛt tʉ́sɔŋ yɔ pɔ́p pɑtúu tɛ mbɑ mɛcɔ́ mɛtsɛ́nndɑ́-Íslɑyɛ̂l, ńcúꞋlɛ pɔ́Ꞌɔ, nɛlʉ̈ɔ́Ꞌ Yɛ́su, ŋɡɑŋfɑꞋ wu ẅí ɔ kɑ tsɔ́Ꞌnɛ, ńzɔ́Ꞌ wɛ́.

ŊwɑꞋnɛ-Gɑŋntúu Yɛ́su Kɛlístɔ 5:28

«Pɛk ŋkɑɑ tɔꞋ wʉ́ʉ nɛpɛn ńzíꞋ nu-ŋu wɑ́ mbɔ̌ pʉɔ pɔɔ? Pʉʉ pɛn ńdɔk nu yɛ́ ɛ́sɑt Yɛlúsɑlɛm tsʉʉ. Pʉʉ kɑ lɔɔ pɑꞋnɛ ŋɡɔ pɛ́ ɡɔ́ pɛk jí nu nǔu nɛvú wɛ pɔ́ ɔɔ?»

ŊwɑꞋnɛ-Gɑŋntúu Yɛ́su Kɛlístɔ 7:52

Sẅíinɛ wɑ́ɑ nɛ lík-Ŋɡɛ́mndʉ̈ɔ́Ꞌ-Sɛ́ ẅi pɛtɑ̌ɑ ŋkɑɑ wɛ́ kʉʉnɛ. Pɔ́p kɑ jẅítɛ pʉɔ pi pɔ́p kɑ zɑ́Ꞌnɛ njí ḿbɔ́ ḿbʉ́ ŋɡɔ ŋu ẅí ɑ ndʉ́ŋndʉŋ zɛ́nɛjʉ́ ɡʉnɛ ŋ́ɡɛ ńtɔ́. Ŋu ndʉ́ŋndʉŋ ɛ̂wɑ́ ɑ Yɛ́su, ɑ kɑ kɛ́ mɔ́ ńtɔ́, pʉʉ wɔ jẅí wɛ́.

2 Kɔlɛ̂ŋtɛ 5:21

Pɑ́Ꞌ ndɔɔ kɑ pɔ́ tú pɛkŋɛ lɑ́, Sɛ́ kɑ tíi mɛnu kɛpɔŋ mɛkŋɛ, ńzɑ́p tú-Kɛlístɔ, mbɔ ɑ ŋkɑɑ yɛcɔ́ nu kɛpɔŋ ɡẅɛɛ. A kɑ ɡɛ pɔ́Ꞌɔ, pɑ́Ꞌ pɛkŋɛ ɡʉ ńdɔk nɛlɑt mbʉʉ nǔu Kɛlístɔ, ḿbɔ́ pʉɔ pi pɔ́p mbɔ̌ Sɛ́ ḿbɔ́ ndʉ́ŋndʉŋ.

Jɑ̂k 5:6

Pʉʉ kɑ zɑ́p mɛnu tú-pɑkɛfɑɑnɛ, ńjẅítɛ wɔ́p, pɔ́p kɛ́ mbɔɔ nyɛt yɛcɔ́ tʉʉ mbi pʉʉ pɔ́.

1 Pyɛ̂ 3:18

Kɛlístɔ kɑ zɛɛ ńjʉ́ɔ yɛ́ ŋɡʉ̈ɔ́Ꞌ tɛ ḿpfú nɛlɔk ńjɛ́p mɛnu kɛpɔŋ-pʉɔmɛsɔŋ, ŋ́kɛ́ ḿpfú ndɑꞋ tɑ́Ꞌ ŋkɑ́, ɛ́ kuꞋ. Jʉ́ kɛ́ fɑɑnɛ ḿpfú ntɛ́ ɡɑŋ-mɛfɑɑnɛ, pɔ́Ꞌɔ, nɛlɔk wʉ́ʉ ńtɔ́ mbi Sɛ́. Pɛ́ kɑ jẅí mbɑp-mbʉʉ yɛ, lɑ Zẅikŋɛ Lɛ́ɛnɛ́nɛ ɡɛ ɑ pɛn ḿbɔ́ ɡú.

1 Jɑ̂ŋ 2:1

Mbɔ́ŋkʉ̈ɔ́ pɑ́ɑ, ŋ ŋwɑꞋnɛ mɔnɛ mɛnu nɛpɔ́ yi pʉʉ ɡʉ ŋ́ɡẅɛɛ shʉ́ tɛ mbɔɔ ɡɛ nu kɛpɔŋ pɔ́. Lɑ́ ḿbɔ́ yi ŋu lɑɑ ŋ́ɡɛ nu kɛpɔŋ, mbɔ pɛkŋɛ ɡẅɛɛ wɛkŋɛ ŋu nɛjɔ́ŋ Tɑ̌ɑ, ɑ pɔ́ Yɛ́su Kɛlístɔ, jʉ́ ẅi ɑ ndʉ́ŋndʉŋ mbi Sɛ́.

Mɛnu ɛ́ ńdɑ́Ꞌ ńcẅɛt 3:7

Ɔ ŋ́ŋwɑꞌnɛ mɛnu mɔnɛ, ńtúu ŋ́ɡɑ́ mbɔ̌ Cʉ̈ɔꞋ-Sɛ́ ẅi ɑ líŋɛ́nɛ cúꞋlɛ-pʉɔ-Kɛlístɔ yi ɛ́ tʉ́sɔŋ-Filɑdɛlfîi. Ŋ́ŋwɑꞌnɛ ŋɡɔ: Ŋu ẅí ɑ Ndɛ́ɛnɛ Lɛ́ɛnɛ́nɛ, ḿbɔ́ nɛ́nẅín, jʉ́ ẅi ɑ ɡẅɛɛnɛ tsɔ́Ꞌ-Fɔɔ Ndɑvît, jʉ́ ẅi ɑ tsɔ́Ꞌnɛ ntsundɑ́ ŋu pɔɔ kuꞋ nɛjɔ́Ꞌ pɔ́, ńjʉ́ɔꞋ ŋu pɔɔ kuꞋ nɛtsɔ́Ꞌ pɔ́, ɑ sɛ́ ńcú ŋɡɔ: