9 Pɛcɔ́ ɡɑŋɡɔɔ zúꞋ, ɛ́fú mɛshʉ́ mɛshʉ́ tsɛt ŋɡɔŋ ɛ̂wɑ́, ńtɔ́ ńjʉ́ɔ Pɔ̂l. A ɡɛ pɔ́p fíitɛ.
Ɛ́ pɔ́ pɔ́Ꞌɔ, pɛ́ lɔk lík yɛ́ ɛ́sɑt ŋɡɔŋ-Silii tsʉʉ. Pɛ́ pɔ́ ńdɔk pʉɔ tsʉʉ pinɛ mɛɡɔɔ ntɛ́ nɛ́ ntɛ́ m̄bɔ́nɛ nǔu pɔ́p, pʉɔ pinɛ mɛzẅikŋɛ kɛpɔŋ kɑ pɔ́ ḿbúunɛ wɔ́p, mbɑ pɑvu tú, pɔ́p ɡɑŋkẅíꞋlɛ ńtɔ́, Yɛ́su ɡɛ pɔ́p fíitɛ.
Pɔ́p pɛ́ pɔ́p ɡɛ ɛ́fú zúꞋu ńjɛ́Ꞌ tɛ ŋ́kúu tʉ́sɔŋ-Pɑfɔs. Ŋ́kúu zúꞋu ńcẅɛ́Ꞌnɛ wɛcɔ́ ŋu-pɑyúdɑ, pɛ́ fúŋnɛ wɛ́ ŋɡɔ Mbɑ̂l-Yɛ́su. A pɔ́ ŋɡɑŋnɛkɑŋ, ńjúk ńcɔt nu mbɔ̌ pʉɔ ŋɡɔ ɑ Ŋɡɛ́mdʉ̈ɔ́Ꞌ-Sɛ́.
Pʉɔ-zúꞋu kɑ ɡɛ mɛkuꞋ mɛ́k tɛꞋ. Tɛ lɛ́Ꞌ yi pɛk ḿbɔ́ ŋ́ɡʉ ŋ́ɡʉ, pɔ́p ɡɑ́ wɛ́k nɛ́ mbɑ kʉ̈ɔ́ lɑ́ yi ɛ́ lɑɑ ḿbɔ́ ɛ́ kúu ndúŋ-nɛnɛn ńcẅɛ́lɛ́ wɛ́k.
Ɛ́ ɡɔ́ ḿbɔ́ tɑ́t pɛ́ Pubilíyus ɛ̂wɑ́ nɔɔ ndɑ́, ḿbɔ́ ŋ́ɡɔɔ. Mbʉʉnút pɔ́ nǔu wɛ́, sɑɑkɔ́Ꞌ pɔ́ ŋ́ɡɛ wɛ́. Pɔ̂l ɡʉ ńjʉ́ɔ wɛ́, ńcɛꞋlɛ Sɛ́ ńzɑ́p mbɔ́ tú yɛ́, ŋ́ɡɛ ɑ fíitɛ.
Gɑŋntúu kɑ pɔ́ ŋ́ɡɛ mɛnu mɑ̌ɑmɑɑnɛ pɔ́p mɛŋkʉꞋnɛ mɛnu mɛntɛ́ mɛntɛ́ tsɛtsɛt lɑ́Ꞌ. Pɔ́p pʉɔ-Kɛlístɔ pɛtsʉʉ kɑ pɔ́ ńtɔ́ ńcúꞋlɛ nǔu zʉꞋ yí pɛ́ kɑ pɔ́ ɛ́fúŋ ŋɡɔ tɛtɑ́ɑ-Sɑlɛmɔ.
Pɛ́ kɑ ɡʉɔꞋlɛ nu yɔ́p ɡʉɔꞋlɛnɛ tɛ pɛ́ lɔk mɛkúu pɔ́p pɛmɑ́tɑ ńtíi pɛŋɡɔɔ ńnɔŋ wɔ́p ŋkɑŋ-sɛ̂ndúŋ nɛpɔ́ yi Pyɛ̂ ɡʉ ŋ́ɡɔ ńdɛɛ, mɔ́jíjʉŋ wɛ tɛ́mɛ nǔu wɛcɔ́.
