7 Tsɛtsɑ́Ꞌ-ŋútlɑ́Ꞌ túmbʉ́ʉ pɔ́ mbʉʉ zúꞋu. Pɛ́ fúŋ ŋɡɑŋ nɛ́ Pubilíyus. A jʉ́ɔ wɛ́k, ŋ́kúkŋɛ wɛ́k pɑ́Ꞌ pɛsúu pɛ́ lɑ́. Pɛk nɑ́ŋ njɛ́Ꞌ yɛ́ lɛ́Ꞌ pɛtɑ́t.
A pɔ́ ŋu nǔu pʉɔ pi pɔ́p nɛjɔ́ŋ-ŋɡɔ́mnɑɑ Sɛlɡẅís Pɔlɔs. Ŋɡɔ́mnɑɑ ɛ̂wɑ́ pɔ́ ŋu ŋ́ɡẅɛɛ jínu tɛꞋ. A cú pɛ́ ɡʉ ɛ́fúŋ Pɑnɛpɑ́ɑshi pɔ́p Sɔ̂l ŋ́ɡɑ́ mbɔ̌ wɛ́, mbíꞋŋɡɔ ɑ kɑ pɔ́ ńtsɑ́ɑ nɛzúꞋ nu-Sɛ́.
Ɛ́ ɡɔ́ ḿbɔ́ yɛcɔ́ ŋkɑ́, Ŋɡɑlíyɔn tsʉ́Ꞌnɛ ŋɡɔ́mnɑɑ nǔu pɑk-ŋɡɔŋ-Pɑlɔ́mɑ yi pɛ́ fúŋnɛ ŋɡɔ Akɑ̂y. Pɑyúdɑ nɑ́ŋ tɛ ńdɔ sɛ́ nzʉʉ Pɔ̂l, ŋ́ɡẅɛɛ wɛ́ ńdɔk ŋ́ɡʉ zʉꞋ yi pɛ́ ŋɑknɛ ntsɑŋ zúꞋu, ɛ́fɛn wɛ́,
Ḿbɛn ŋ́kẅiꞋ ńcú ŋɡɔ: «Pʉʉ pɛn ńniitɛ pɛcɔ́ pɛlʉ̈ɔ́ pinɛ Pɔ̂l ɡʉ ŋ́kɔ́Ꞌ ndǔ ńdɔk ńnɛn, ḿbɛn ŋ́ɡʉ ńcɑklɛ wɛ́ mbi ŋɡɔ́mnɑɑ Fɛlɛshi tɛ ɡi pɔɔ wɛ́ kɑ.»
Pɑlɑ́Ꞌ ɛ̂pɑ́, ɡɛ nu sʉ́Ꞌnɛ nǔu pɛk tɛ ńniitɛ mɑ́mɑ́ múk, ɛ́fúŋ wɛ́k ŋɡɔ pɛk tɔ́ ńzɔ́k. Ɛ́ ɡɔ́ ḿbɔ́, mbɔ mbʉŋ zɛ nɛlɔ́, fɑ́k pɛn ḿbɔ́ ŋ́kɔ́.
Pʉɔ pɑ́ pɔ́ ńzẅíꞋlɛ ŋɡɔ Pɔ̂l ɡʉ ŋ́kɔ́Ꞌtɛ mbɑ nɛjʉ́ɔ ɑ vukŋɛ vukŋɛ́nɛ ḿvu ḿpfú, ńzɛ nɛpyɛ́p, ḿbyɛ́p pyɛ́pnɛ ńjʉ́ɔ yɛcɔ́ yúu pɔɔ Pɔ̂l ɡɛ. Pɔ́p shɔtnɛ sẅiŋɛ ńcú ŋɡɔ: «A wɛcɔ́ sɛ́!»
Ɛ́ ɡɔ́ ḿbɔ́ tɑ́t pɛ́ Pubilíyus ɛ̂wɑ́ nɔɔ ndɑ́, ḿbɔ́ ŋ́ɡɔɔ. Mbʉʉnút pɔ́ nǔu wɛ́, sɑɑkɔ́Ꞌ pɔ́ ŋ́ɡɛ wɛ́. Pɔ̂l ɡʉ ńjʉ́ɔ wɛ́, ńcɛꞋlɛ Sɛ́ ńzɑ́p mbɔ́ tú yɛ́, ŋ́ɡɛ ɑ fíitɛ.
Ɛ́ píkŋɛ ŋɡɔ ɑ pɔ́ ẅí pʉɔ sɛ́ ḿbɛ́m wɛ́ mbíꞋ mɛfɑꞋ sʉ́Ꞌnɛ mɛ́, ɑ pɔ́ ẅi ɑ cúꞋlɛ́nɛ mbɔ́ŋkʉ̈ɔ́ pɛ́ sʉ́Ꞌnɛ, ḿbɔ́ ẅi ɑ ŋ́kúkŋɛ́nɛ pɛɡʉʉ njɛ́Ꞌ yɛ́, ẅí ɑ ɛ́suknɛ mɛku-pʉɔ-Kɛlístɔ, ḿbɔ́ ẅi ɑ ńcẅɛ́lɛ́nɛ pɛɡɑŋŋɡʉ̈ɔ́Ꞌ, ḿbɛn ḿbɔ́ ẅi ɑ ɡɛnɛ pɔ nu sʉ́Ꞌnɛ.
Kɔɔ pʉʉ likŋɛ nɛkúkŋɛ pɛɡʉʉ pi pɔ́p tɔ́nɛ njɛ́Ꞌ pʉʉ, pɛcɔ́ pʉɔ kɑ lɑ́Ꞌ ŋ́kúkŋɛ pɛɡʉʉ kúkŋɛ́nɛ, tɛ ńdɑ́Ꞌ lɛ́Ꞌ ŋ́kúkŋɛ pɛcʉ̈ɔ́Ꞌ-Sɛ́ kɛ́ jí.
