ŊwɑꞋnɛ-Gɑŋntúu Yɛ́su Kɛlístɔ 28:2 - Kɑɑ Fí

² Pɑlɑ́Ꞌ ɛ̂pɑ́, ɡɛ nu sʉ́Ꞌnɛ nǔu pɛk tɛ ńniitɛ mɑ́mɑ́ múk, ɛ́fúŋ wɛ́k ŋɡɔ pɛk tɔ́ ńzɔ́k. Ɛ́ ɡɔ́ ḿbɔ́, mbɔ mbʉŋ zɛ nɛlɔ́, fɑ́k pɛn ḿbɔ́ ŋ́kɔ́.

ŊwɑꞋnɛ-Gɑŋntúu Yɛ́su Kɛlístɔ 28:2 교차 참조

Mɑtʉ̈ɔ 10:42

Mɔ ɛ́sẅíi wʉ́ʉ, kwɑꞋ nɛ́nẅín, ŋu ɡɑ́ pɔ ndɑꞋ ntúꞋ-ŋki ẅí ɛ́ sɛ́ ŋ́ɡẅɛɛ mbɔ̌ mɔ́yúu mɔ́ɔ, ńdɔk pɑ́Ꞌ ẅîwɑ́ mɔ́ɔ ŋɡɑŋku wɑɑ ŋ́ɡɑ́, mbɔ yɛ́ tsɔ́ꞋfɑꞋ ŋ́ɡʉ ńdɑ́Ꞌ ḿbɛ́ pɔ́.

Jɑ̂ŋ 18:18

Ɛ́ ɡɔ́ ḿbɔ́, mbɔ ɡɑŋfɑꞋ pɔ́p pɑpyɛ́p ndɑ́-nɔŋpɔꞋ lɑ́Ꞌ ńniitɛ múk. Fɑ́k pɔ́ ŋ́kɔ́, pɔ́p pɔ́ ńzɔ́k múk. Pyɛ̂ tʉ́ʉ yɛ́ pɔ́p pɛ́ pɔ́p pɔ́ ńzɔ́k múk.

ŊwɑꞋnɛ-Gɑŋntúu Yɛ́su Kɛlístɔ 27:3

Njí ɡɛ ŋ́ɡɔ ŋ́kiɛ, pɛk kúu tʉ́sɔ-Sidɔŋ. Julíyus ɡẅɛɛ tʉ́m sʉ́Ꞌnɛ nǔu Pɔ̂l tɛ ńnɑ́ wɛ́ ɑ cẅɛt tsɛt kɑnúꞋ ŋ́ɡʉ ŋ́ɡwɑ́ pɛsúu pɛ́ pɔ́p kúu ńcẅɛ́lɛ́ wɛ́.

ŊwɑꞋnɛ-Gɑŋntúu Yɛ́su Kɛlístɔ 28:3

Pɛ́ pɔ́ ńzɔ́k múk, Pɔ̂l ŋwɑt ɡɛ́ɡɛ́ tsẅíi nɛmɑꞋ múk. Nɔ́ pɔ́ tsɛtú, ńzúꞋ jɑ́k-múk, ńnɛ́m pɔ́ yɛ́ ńcʉŋɛ nǔu.

ŊwɑꞋnɛ-Gɑŋntúu Yɛ́su Kɛlístɔ 28:4

Pʉɔ-lɑ́Ꞌ ɛ̂pɑ́ jʉ́ɔ pɑ́Ꞌ nɔ́ cʉŋɛ́nɛ nǔu pɔ́ yɛ́, ɛ́shɔtnɛ ńcú tsɛtsɛt pɔ́p ŋɡɔ: «Ŋu wɔ ɡʉ ŋ́ɡɛ ŋɡɔ́ku ɔɔ, ḿbɔ́ njẅíŋu. A luk ŋki lɑ́, sɛ́ wɛk Jẅitis jʉ́ɔ ŋɡɔ ɑ kɛ́ nɑ́ wɛ́ ɑ pɔ́ ɡú pɔ́.»

Pʉɔ-Lɔ́mɑ 1:14

Sɛ́ kɑ ɡɑ́ yɔ fɑꞋ mbɔ̌ mɔ, ɛ́ yɛ́tɛ́ lɑ ŋ ɡẅɛɛ nɛcẅi Ŋkʉʉ Sʉ́Ꞌnɛ mbɔ̌ pʉɔ pɛtsʉʉ, mbɔ̌ pʉɔ pi pɔ́p kɑ zíꞋnɛ jínu mbɑ pinɛ pɔ́p ŋkɑɑ zíꞋ, mbɑ pɑjí ŋwɑꞋnɛ mbɑ pɑkɛ́jí.

Pʉɔ-Lɔ́mɑ 14:1

Pɔ́ɔpɛ́mɑ́ pɑ́ɑ, pʉʉ sɛ́ ńjí ŋɡɔ ɛ́ tsɛtsɛt pɛkŋɛ, pɛcɔ́ pʉɔ lɔk pɑ́Ꞌ pɔ́p sɛ́ ńzúꞋ yɔ́p nu-Sɛ́, ḿbɔ́ ńdʉ́ɔꞋtɛ yɛcɔ́ yúu, pʉʉ kúꞋlɛ wɔ́p kúꞋlɛ́nɛ kɔɔ pʉʉ pɛpɔ́p zɔŋ nu nǔu yɔ́p yúu mi pɔ́p sɛ́ ŋ́kwɑŋɛ.

Pʉɔ-Lɔ́mɑ 14:3

Ŋu ẅí ɑ jʉ́ɔ mbɑ kʉ̈ɔ́ lɑ́ ŋ́kwɛ́t yɛ́ kwɛ́tnɛ, pɑ́ɑ nɛkʉ́ʉnɛ ŋu ẅí ɑ kɑ́ pɔ́ ŋ́kwɛ́t yúu tsʉʉ pɔ́. Ŋu ẅí ɑ kɑ́ kwɛ́t yúu tsʉʉ pɔ́ pɑ́ɑ nɛtɔ́ lɔ́Ꞌ ŋu ẅí ɑ jʉ́ɔ yɛ́ mbɑ kʉ̈ɔ́ lɑ́ ŋ́kwɛ́t yɛ́ kwɛ́tnɛ mbíꞋŋɡɔ Sɛ́ kúkŋɛ wɛ́ ɡúu.

Pʉɔ-Lɔ́mɑ 2:27

Pʉɔ pi pɛ́ kɑ pínɛ wɔ́p mbɔɔ wɔ́p púꞋ, pɔ́p pɛn ḿbɔ́ ŋ́ɡɛ yúu mi nɛpʉ́ʉ-Mɔ̌sɛ̂ɛ sɛ́ ḿbíkŋɛ, pɔ́p ɡʉ́ ńdɑ́Ꞌ tɔ́ mɛlɔ́Ꞌ mʉ́ʉ, pʉʉ pi pʉʉ fɑɑnɛ mîmɑ́ mbʉ́ʉ, lɑ́ mbɔ pɛ́ kɑ ŋwɑꞋnɛ ŋ́ɡɑ́ mbɔ̌ pʉʉ, pʉʉ pɛn ḿbɔ́ pʉɔ pi pɛ́ kɑ púꞋnɛ wɔ́p.

1 Kɔlɛ̂ŋtɛ 14:11

Lɑ́ ḿbɔ́ yi ŋu lɑɑ ḿbɔ́ ńcú nu mbɔ̌ mɔ, m bɛn mbɔɔ ḿbɔ́ ńjí sẅiŋɛ yɛ́ pɔ́, mbɔ mɔ mbi yɛ́ ḿbɔ́ pɔ ŋɡʉʉ, ɑ pɛn ḿbɔ́ yɛ́ mbi mɔ, ḿbɔ́ pɔ ŋɡʉʉ.

2 Kɔlɛ̂ŋtɛ 11:27

ńjúk ɛ́fɑꞋ mɛfɑꞋ mi ɛ́ tɛnnɛ tɛ ńzúꞋ ŋ́kɑ́ɑ tɛꞋ, ńjúk ńdɛ́ kɛ́ lɛ́. Nji júk ńzɑ́ŋ wɑ́ɑ, ɡɑ́k yɑ́ɑ júk ɛ́shí, ḿbɔ́ yɛcɔ́ ŋkɑ́, yúu pɛjʉ́ ḿmɛ mbɔ̌ mɔ, fɑ́k ɡɔ́ ŋ́kɔ́ wɑ́ɑ, mbɔ n jɑ́k ndẅí.

Kɔlɔsíyɛ̂ŋ 3:11

Pɔ́Ꞌɔ lɑ́, kɔɔ tɔŋ pɛn ḿbɔ́ tsɛtsɛt pʉʉ tɛ ḿbɔ́ pɛ́ cú ŋɡɔ: «Yɔ ŋu-Ŋɡɛlɛk, yɔ pɔ́ ŋu-pɑyúdɑ pɔ́. Pɛ́ pɔɔ pɛn ńcú ŋɡɔ yɔ ŋu ẅí pɛ́ kɑ púꞋnɛ wɛ́, yɔ pɔ́ ŋu ẅí pɛ́ ŋ́kɑɑ wɛ́ púꞋ pɔ́. Kɛ pɔ nɛpɛn ńcú ŋɡɔ wɔ kɑ zíꞋ ŋwɑꞋnɛ, wɔ pɔɔ zíꞋ pɔ́. Pɛ́ kɛ́ ḿbɔɔ pɛn ńcú ŋɡɔ wɔ ŋu ŋkwɑɑ, wɔ pɔɔ ŋkwɑɑ pɔ́. Kɛlístɔ tsʉ́Ꞌ ḿbɔ́ yʉ́ʉ nu tsʉʉ, ḿbɔ́ tʉ́m pʉʉ pɛtsʉʉ.»

Ɛ́bɛlʉʉ 13:2

Kɔɔ pʉʉ likŋɛ nɛkúkŋɛ pɛɡʉʉ pi pɔ́p tɔ́nɛ njɛ́Ꞌ pʉʉ, pɛcɔ́ pʉɔ kɑ lɑ́Ꞌ ŋ́kúkŋɛ pɛɡʉʉ kúkŋɛ́nɛ, tɛ ńdɑ́Ꞌ lɛ́Ꞌ ŋ́kúkŋɛ pɛcʉ̈ɔ́Ꞌ-Sɛ́ kɛ́ jí.