16 Pɛk kúu tʉ́sɔŋ-Lɔ́mɑ pɛ́ pɛ́m ŋɡɔ Pɔ̂l pɔ́p tɑ́Ꞌ ndʉ̈ɔ́Ꞌntsɔ ẅi ɑ ɡʉ ḿbɔ́ ḿbyɛ́p wɛ́ ɡʉ ńtswɛ́ zʉꞋ yi Pɔ̂l kɔŋnɛ.
ŋ́ɡʉ tɛ ŋ́kúu zúꞋu, ńjʉ́ɔ wɛcɔ́ ŋu-Yúdɑ ẅi pɛ́ fúŋnɛ wɛ́ ŋɡɔ Akilɑs. Mbɔ pɛ́ kɑ pí wɛ́ tsɛt pɑk-ŋɡɔŋ-Pɔ̂ŋ. Pɔ́p nzwɛ́ wɛ Pɛlɛsîl pɛ́t lɑ́ ńtɔ́, ɛ́fú nɛ́ ŋɡɔŋ-Itɑlî. Mbɔ Kɑ́sɑ Kɛlɔ̂dɛ kɑ cú ŋɡɔ pɑyúdɑ tsʉʉ fú tʉ́sɔŋ-Lɔ́mɑ ŋ́ɡʉ. Pɔ̂l ɡʉ ŋ́ɡwɑ́ wɔ́p.
Mɔnɛ mɛnu kɑ lɛɛ, Pɔ̂l zɑ́p ŋɡɔ ɑ ɡʉ ŋ́ɡʉ Yɛlúsɑlɛm, ŋ́ɡɔ ŋ́ɡʉ ńdɛɛ tsɛt pɑk-ŋɡɔŋ-Mɑsɛ́ndwɑn pɔ́p Akɑ̂y, ḿbɔ́ ńcú ŋɡɔ: «Ɛ́ sɛ́ ḿbíkŋɛ ŋɡɔ n dɑɑ ŋ́ɡʉ tɛ ŋ́kúu zúꞋu, m bɛn ŋ́ɡʉ Lɔ́mɑ.»
Pɑfú Filíjîi pɔ́p Pɑnfílî pɔ́p Ɛɡíptɔ, pɑfú Silɛ̂nɛ nǔu pɑk-ŋɡɔŋ-Líbîi, pɑfú Lɔ́mɑ mbɔ́ ńnɑ́ŋ zɑ́Ꞌnɛ pɔ́ pɔ sɛ́.
Ɛ́ ɡɛ ḿbɔ́ nɛtúꞋ, Tsɑpʉɔ tɔ́ ńcú mbɔ̌ Pɔ̂l ŋɡɔ: «Sɑ́Ꞌ pɔ mɛtʉʉ. Ɔ kɑ cú ŋu ẅi mɔ jʉ́ Yɛlúsɑlɛm wɔ. Ɛ́ pɛn ḿbɔ́ ḿbíkŋɛ ŋɡɔ ɔ pɛn ńcú ŋu ẅi mɔ jʉ́ tʉ́sɔŋ-Lɔ́mɑ.»
ńcú pɔ́Ꞌɔ, ḿbɛn ńcú mbɔ̌ tɑ́tndɑ́-ntsɔ ŋɡɔ ɑ lɔk Pɔ̂l ŋ́ɡʉ ńdẅɛꞋ ndɑ́tsɑ́ŋ, ḿbɔɔ kɛ́ ŋ́kút wɛ́ pɔ́, ḿbɔɔ kɛ́ ńtɔꞋ pɛsúu pɛ́ nɛtɔ́ ńcẅɛ́lɛ́ wɛ́ pɔ́.
Njí ɡɛ ŋ́ɡɔ ŋ́kiɛ, pɛk kúu tʉ́sɔ-Sidɔŋ. Julíyus ɡẅɛɛ tʉ́m sʉ́Ꞌnɛ nǔu Pɔ̂l tɛ ńnɑ́ wɛ́ ɑ cẅɛt tsɛt kɑnúꞋ ŋ́ɡʉ ŋ́ɡwɑ́ pɛsúu pɛ́ pɔ́p kúu ńcẅɛ́lɛ́ wɛ́.
Pɔ̂l jʉ́ɔ pɔ́Ꞌɔ, ńcú mbɔ̌ tɑ́tndɑ́-ntsɔ-Pɑlɔ́mɑ pɔ́p pɑlʉ̈ɔ́Ꞌntsɔ ŋɡɔ: «Pʉɔ pɔ́nɛ lɑɑ mbɔɔ nɑ́ŋ pɔ tsɛt mɑ́mɑ́ kɑnúꞋ pɔ́, mbɔ pʉʉ kɛ́ luk pɔ́.»
Lɑ́, tɑ́tndɑ́-ntsɔ pɛn mbɔɔ ḿbɔ́ ŋ́kɔŋ ŋɡɔ pɛ́ jẅí Pɔ̂l pɔ́, ńtɔꞋ wɔ́p nɛɡɛ yúu mi pɔ́p kwɑŋɛ́nɛ, ńcú mbɔ̌ pʉɔ pi pɔ́p jí nɛpúꞋ ŋki ŋɡɔ pɔ́p piitɛ ŋ́kúu ŋki, ḿbúꞋ ŋki ńcẅɛt ŋɡɑ́ŋ.
Mɑŋɡɛ́ ẅí ɔ sɛ́ ńjʉ́ɔ lɑ́, ɑ lɔk ḿbɔ́ mɑ́mɑ́ tʉ́sɔŋ ẅi ɛ́ sɑ́Ꞌnɛ pɛfɔɔ pi pɔ́p ndǔ tsɛ́tsɑ́Ꞌ.
Yɔ zʉꞋ yi ɛ́ píkŋɛ́nɛ ŋɡɔ jínu cẅɛt jínu yi ŋu ɡẅɛɛnɛ nɛlɔk ńzúꞋ yúu mi pɛ́ cúnɛ yɛ́tɛ́. Mɛtú ɛ̂mɑ́ sɑɑmbɑ́ lɔk ḿbɔ́ mɛŋkɔ́Ꞌ sɑɑmbɑ́ mi wɔnɛ mɑŋɡɛ́ nɑ́ŋnɛ ndǔ,
