ŊwɑꞋnɛ-Gɑŋntúu Yɛ́su Kɛlístɔ 28:15 - Kɑɑ Fí

¹⁵ Ɛ́ ɡɔ́ ḿbɔ́, mbɔ pɛk kɑ pɔ́ ńtɔ́ pɔ́ɔpɛ́mɑ́ pi pɔ́p tʉ́sɔŋ-Lɔ́mɑ zúꞋ, ńcẅɛt ńtɔ́ ńzɑ́Ꞌ wɛ́k. Pɛcɔ́ zɑ́Ꞌ wɛ́k ndǔ Mɛtɑ́ɑ-Apíyus, pɛcɔ́ zɑ́Ꞌ wɛ́k zʉꞋ yi pɛ́ fúŋnɛ ŋɡɔ Mɛndɑ́ Mɛ́ntɑ́t mi ɛ́ mɛ́ pɛɡʉʉ. Pɔ̂l kɑ pɔ́ tɛ ńjʉ́ɔ pɔ́ɔpɛ́mɑ́, ŋ́ɡɛ́mtɛ Sɛ́, ḿbɛn sʉk.

ŊwɑꞋnɛ-Gɑŋntúu Yɛ́su Kɛlístɔ 28:15 교차 참조

Jɑ̂ŋ 12:13

ŋ́ɡɔ́ɔ ŋ́kɛ́ ŋ́kʉ́ɔꞋ mɛzɑ́ŋ-nɛtʉ́ɔ, ńdɔk ńcẅɛt tʉ́sɔŋ, ŋ́ɡʉ nɛzɑ́Ꞌ wɛ́, ḿbɔ́ ńcú nɛ́ ŋɡi tɛnnɛ ŋɡɔ: «Ɔzɑ́nɑ» mbɔ́tnɛ mbɔ̌ fɔɔ ẅí ɑ lɔknɛ lík-tsɑpʉɔ ńtɔ́. Sɛ́ pɔ́nɛ fɔɔ Pɑíslɑyɛ̂l.

ŊwɑꞋnɛ-Gɑŋntúu Yɛ́su Kɛlístɔ 1:15

Ɛ́ ɡɛ ḿbɔ́ yɛcɔ́ lɛ́Ꞌ, pɔ́ɔpɛ́mɑ́ cúꞋlɛ sɛ́, tɛ ḿbɔ́ yúu pʉɔ ŋkʉ nɛ́ mɛɡɛ́mɛ́mbɑ́ Pyɛ̂ lɔ sɛ́, ńtʉ́ʉ tsɛtsɛt pɔ́p ńcú ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 10:23

Pyɛ̂ ɡɛ pɔ́p kúu ndɑ́, pɔ́p pɛpɔ́p lɛ́. Njí ɡɛ ŋ́kiɛ, Pyɛ̂ pɔ́p pʉɔ pɑ́ pɛtɑ́t cʉ́ɔ sɛ̂ndúŋ. Pɛcɔ́ ntɑ́Ꞌpʉɔ tsɛtsɛt pɔ́ɔpɛ́mɑ́ pɛ́ tʉ́sɔŋ-Jɔp ɡʉ ńcɑklɛ wɔ́p.

ŊwɑꞋnɛ-Gɑŋntúu Yɛ́su Kɛlístɔ 10:25

Pyɛ̂ tɔ́ tɛ ḿbɔ́ ŋ́kúu ndɑ́, Kɔ̂lnɛ́ɛ tɔ́ ńzɑ́Ꞌ wɛ́, ńnɔɔ mɛku yɛ́, ŋ́ɡɛ mɛkuꞋ mɛ́.

ŊwɑꞋnɛ-Gɑŋntúu Yɛ́su Kɛlístɔ 11:1

Gɑŋntúu-Yɛ́su, pɔ́p pɔ́ɔpɛ́mɑ́ pi pɔ́p Judɛ̂ lɛɛ tɛ ńzúꞋ pɛ́ pɔ́ ńcú ŋɡɔ, Pʉɔ pi pɔ́p kɑ́ pɔ́ pɑyúdɑ pɔ́ kɑ kɛ́ mɔ́ ḿbɛ́m yɔ́p nu-Sɛ́.

ŊwɑꞋnɛ-Gɑŋntúu Yɛ́su Kɛlístɔ 11:12

Zẅikŋɛ-Sɛ́ cú mbɔ̌ mɔ ŋɡɔ: Lɔ sɛ́ pʉʉ pɛ́pɔ́p ɡʉ, kɔɔ zɔŋ.» Pʉɔ pɛ́nɛ́túkú pɔnɛ pi n dɔknɛ wɔ́p ńtɔ́ zɑꞋnɛ lɑɑ, kɑ ɡʉ ńcɑklɛ wɑ́ɑ Sɛ́zɑlɛ̂. Pɛk pɛ́pɔ́p tɛmtɛ ŋ́kúu ndɑ́-Kɔ̂lnɛ́ɛ.

ŊwɑꞋnɛ-Gɑŋntúu Yɛ́su Kɛlístɔ 12:17

Pyɛ̂ mɑꞋtɛ pɔ́ ńdɔk ńcú ŋɡɔ pɔ́p nɑ́Ꞌ. Pɔ́p nɑ́Ꞌ, ɑ zɛ nɛpɛ́ɛtɛ ɛ́sẅíi wɔ́p pɑ́Ꞌ Tsɑpʉɔ lɑ́Ꞌnɛ ŋ́ɡɛ lɑ́ ɑ cẅɛt ndɑ́tsɑ́ŋ, ḿbɛn ńcú mbɔ̌ pɔ́p ŋɡɔ: «Pʉʉ ɡʉ ńdɛꞋlɛ yɔ nu, mbɔ̌ Jɑ̂k mbɑ mbɔ̌ pɛcɔ́ pɔ́ɔpɛ́mɑ́, ńcú pɔ́Ꞌɔ, ńcẅɛt, ŋ́ɡʉ nɛ́ zʉꞋ ndɛꞋ.»

ŊwɑꞋnɛ-Gɑŋntúu Yɛ́su Kɛlístɔ 21:5

Yîyɑ́ ŋɡɑp mɛ, pɛk pɛn ńcʉ́ɔ sɛ̂ndúŋ. Pʉɔ-Kɛlístɔ pɛtsʉʉ pɔ́p pɑŋɡɛ́ nɛ́ mbɔ́ŋkʉ̈ɔ́ pɔ́p ɡʉ ńcɑklɛ wɛ́k. Pɛk pɛpɔ́p ɡʉ tɛ ŋ́kúu mbʉʉ-ŋki kɛ́ lɑ, ŋ́kẅíꞋlɛ sɛ́, ńcɛꞋlɛ Sɛ́,

ŊwɑꞋnɛ-Gɑŋntúu Yɛ́su Kɛlístɔ 28:14

Ŋ́kúu zúꞋu, ńjʉ́ɔ pɛcɔ́ pɔ́ɔpɛ́mɑ́. Pɔ́p fúŋ wɛ́k ŋɡɔ pɛk pɛpɔ́p nɑ́ŋ njɛ́Ꞌ pɔ́p tɑ́Ꞌ ŋɡɑplɑ́Ꞌ. Yɔ pɑ́Ꞌ pɛk kɑ fúnɛ zúꞋu ńnɛn nɛ mɛku ŋ́kúu tʉ́sɔŋ-Lɔ́mɑ

Pʉɔ-Lɔ́mɑ 15:24

Mɔ sɛ́ ńjʉ́ɔ ŋkɔ̂ɔnɛ ŋɡɔ mɔ ŋ́ɡɔ́ ŋ́ɡʉ Ɛspɑ̂nɛ, ńtɔ́ lɑ́Ꞌ pʉʉ. Mɔ sɛ́ ńzɛɛ ńtsɑ́ɑ nɛɡɔ́ ńdɛɛ, ńjʉ́ɔ wʉ́ʉ, pʉʉ cẅɛ́lɛ́ wɑ́ɑ nɛɡʉ zúꞋu. Ɛ́ ɡʉ ŋ́ɡɛ ḿbɔ́ ŋɡɔ́ku ɔɔ pɛkŋɛ ɡɛ ńtɛmtɛ ńnɑ́Ꞌ ńnɑ́ŋ mɔ́zʉꞋ.

2 Kɔlɛ̂ŋtɛ 2:14

Lɑ́, pɛk ɡʉ ŋ́kɛ́ ŋ́ɡɑ́ pɔ pɑ́Ꞌlɑ́ mbɔ̌ Sɛ́, mbíꞋŋɡɔ pɛk lɑɑ ḿbɔ́ pɔ ɡɔ́ lɑ́, mbɔ ɑ ɡʉ ŋ́ɡɛ pɛk pɔ́ pɔ nǔu mɑ́nzɔŋ-Kɛlístɔ, mbɔ jʉ́ Kɛlístɔ jʉ́ ntsɔ. Jʉ́ Sɛ́ lɔk wɛ́k ŋ́ɡɛ pɛ́ jí Kɛlístɔ zʉꞋ tsʉʉ, pɑ́Ꞌ yúu mi pɛ́ tɔɔnɛ, jɑ́k kɔ́Ꞌ ɛ́sɑt zʉꞋ tsʉʉ lɑ́.

Ŋɡɑlɑ̂t 4:14

Ɛ́ kɑ pɔ́ ŋkɑ́ ɛ̂yɑ́, mbɔ ɡɔɔ tswɑ́ɑ wɑ́ɑ tɛꞋ tɛ m bʉ́k. Lɑ́ pʉʉ kɛ́ mbɔɔ wɑ́ɑ níŋɛ, ŋ́kɛ́ mbɔɔ wɑ́ɑ mɛꞋ. Tɛ ńtsʉ́Ꞌ pɔ́Ꞌɔ, mbɔ pʉʉ kɑ kúkŋɛ wɑ́ɑ pɔ pɑ́Ꞌ Cʉ̈ɔꞋ-Sɛ́, kɛ pɔ pɑ́Ꞌ Yɛ́su Kɛlístɔ lɑ́.

1 Tɛsɑlɔník 3:7

Pɔ́ɔpɛ́mɑ́, pɛk zúꞋ pɔ́Ꞌɔ, mɛnu zɛɛ ḿbɔ́ ɛ́fyɛ́t wɛ́k fyɛ́tnɛ, pɛk zɛɛ ḿbɔ́ ńjʉ́ɔ pɔ ŋɡʉ̈ɔ́Ꞌ lɑ́, nu yʉ́ʉ mbɑ wʉʉ nɛzɑ́p tʉ́m nǔu Sɛ́ níꞋ mɛtʉʉ mɛ́k níꞋnɛ.

Ɛ́bɛlʉʉ 13:3

Pʉʉ kẅíitɛ pʉɔ pi pɔ́p ndɑ́tsɑ́ŋ tɛ ɛ́ pɔ́ pɔ pɑ́Ꞌ ŋkɑ́ yi pʉʉ pɛ́pɔ́p tɛmtɛnɛ ḿbɔ́ ndɑ́tsɑ́ŋ lɑ́, ŋ́kẅíitɛ mbɑ pʉɔ pi pɛ́ sɛ́ ńnyɛt wɔ́p nɛ́ ŋɡʉ̈ɔ́Ꞌ pɑ́Ꞌ yi pɛ́ ńnyɛt pɔ wʉ́ʉ nɛ́ ŋɡʉ̈ɔ́Ꞌ lɑ́.