22 Lɑ́, ɛ́ kɛ́ ḿbɔ́ ŋkɔ̂ɔnɛ pɑ́Ꞌɑ, mɔ sɛ́ ḿbíkŋɛ wʉ́ʉ ŋɡɔ pʉʉ sʉk. MbíꞋŋɡɔ sɑ̌ɑ ŋu wʉʉ ŋ́ɡʉ ḿpfú pɔ́. Yúu mi ɛ́ ɡʉ ḿbɛ́ pɔ́ pɔ ndɑꞋ mɑ́mɑ́ kɑnúꞋ.
Ɛ́ ɡɛ ḿbɔ́ nɛtúꞋ, Tsɑpʉɔ tɔ́ ńcú mbɔ̌ Pɔ̂l ŋɡɔ: «Sɑ́Ꞌ pɔ mɛtʉʉ. Ɔ kɑ cú ŋu ẅi mɔ jʉ́ Yɛlúsɑlɛm wɔ. Ɛ́ pɛn ḿbɔ́ ḿbíkŋɛ ŋɡɔ ɔ pɛn ńcú ŋu ẅi mɔ jʉ́ tʉ́sɔŋ-Lɔ́mɑ.»
Pɛsúu pɑ́ɑ, pʉʉ sʉk! N tɛ́m ŋkwɛn yɑɑ ŋ́ɡɑ́ mbɔ̌ Sɛ́. Nu yi Sɛ́ lɑ́Ꞌnɛ ńcú mbɔ̌ mɔ lɑɑ, ɛ́ ɡʉ ḿbuutɛ pɔ́Ꞌɔ.
Pɔ̂l jʉ́ɔ pɔ́Ꞌɔ, ńcú mbɔ̌ tɑ́tndɑ́-ntsɔ-Pɑlɔ́mɑ pɔ́p pɑlʉ̈ɔ́Ꞌntsɔ ŋɡɔ: «Pʉɔ pɔ́nɛ lɑɑ mbɔɔ nɑ́ŋ pɔ tsɛt mɑ́mɑ́ kɑnúꞋ pɔ́, mbɔ pʉʉ kɛ́ luk pɔ́.»
Ɛ́ yúu mi ɛ́ ɡɛnɛ lɑ́, n cú ŋɡɔ pʉʉ kwɛ́t yúu. MbíꞋŋɡɔ yɛ́tɛ́ ɡʉnɛ ŋ́ɡɛ lɑ́ mbʉʉ yʉʉ tɛntɛ pʉʉ luk. Yɛcɔ́ yúu ŋ́ɡʉ ŋ́ɡɛ wʉ́ʉ pɔ́, tɛ mbɑ tɑ́Ꞌ nuk-tú yʉʉ ŋ́ɡʉ ḿbɛ́ pɔ́.
Pʉɔ tsʉʉ ɡɔ́ɔ ŋ́kɛ́ sʉk. Mbɑ wɔ̌ lɑ́ kwɛ́t yɛ́.
Ḿbɛn ŋɡɔ pɛcɔ́ pʉɔ ɡɔ́ ńcẅɛt yɔ́p, kɛ ńcʉŋɛ pɔ nǔu mɛkɛm-pɛlɑ́ŋ ɔɔ, kɛ nǔu mɛkɛm yúu mi ɛ́ tsɔ́Ꞌtɛnɛ nǔu mɑ́mɑ́ kɑnúꞋ ɔɔ. Yɔ pɑ́Ꞌ ɛ́ kɑ lɛɛnɛ pɔ́Ꞌɔ, pʉɔtsʉʉ fú ŋki ŋ́kɔ́Ꞌ tɛ wɛcɔ́ ŋu pɔɔ pfú.
