ŊwɑꞋnɛ-Gɑŋntúu Yɛ́su Kɛlístɔ 27:21 - Kɑɑ Fí

²¹ Pʉɔ nɑ́ŋ njí nǔu mɛlɛ́Ꞌ tɛńzɑ́ɑ. Pɔ̂l lɔ sɛ́, ńtʉ́ʉ mbi pʉɔ tsʉʉ ńcú ŋɡɔ: «Pɛsúu pɑ́ɑ, pʉʉ ḿbɔ́ pɛ́Ꞌɛ ńzúꞋ ntsu wɑ́ɑ, mbɔ pɛkŋɛ ŋkɑɑ kɛ́ ɛ́fú Kɛlɛ̂t ŋ́ɡʉ zʉꞋ pɔ́. Mbɔ mɑ́mɑ́ kɑnúꞋ ŋkɑɑ pʉ́ʉpɛ, yúu-mɛtɑ́ɑ pɛn ŋ́kɛ́ mbɔɔ kúu pɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 27:21 교차 참조

ŊwɑꞋnɛ-Gɑŋntúu Yɛ́su Kɛlístɔ 27:12

Ńzɛɛ ŋ́ɡɔ ḿbɔ́, zʉꞋ nɛtʉ́ʉ pɛmɑ́mɑ́ kɑnúꞋ yi ɛ́ zúꞋu pɔɔ lii zʉꞋ yi ɛ́ lɑɑ ḿbɔ́ pʉɔ tswɛ́ zúꞋu nǔu ŋkɑ́-fɛ́m tɛ nu pɔŋ wɔ́p pɔ́. Ɛ́ lɛɛ pɔ́Ꞌɔ, pʉɔ pɛtsʉʉ pi pɔ́p ḿbɔ́nɛ tsɛt mɑ́mɑ́ kɑnúꞋ tsʉ́Ꞌ ńzɑ́p pɔ ŋɡɔ pɛ́ fú zúꞋu ŋ́ɡʉ, ḿbɔ́ ŋ́kwɑŋɛ ŋɡɔ ɛ́ lɑɑ ŋ́ɡɑ́ shʉ́, pɔ́p ɡʉ tɛ ŋ́kúu nǔu zʉꞋ nɛtʉ́ʉ pɛmɑ́mɑ́ kɑnúꞋ yi ɛ́ tsɛt ŋɡɔŋ-Kɛlɛ̂t ɛ̂wɑ́ pɛ́ fúŋ ŋɡɔ Fɛnís. Fɛnís pɔ́ tʉ́sɔŋ ẅí nɛlẅí-tsɛ́tsɑ́Ꞌ kɑ tɔ́ zúꞋu ńcẅɛt, yɛcɔ́ sɑ́k-tʉ́sɔŋ pɔ́ ńdíŋɛ ɡúŋ-Mbɛ́ nɛm yi kɔŋ, yɛcɔ́ líŋɛ ɡúŋ-Mbɛ́ nɛm yi ntsʉ́ʉ. Pɔ́p tsɑ́ɑ pɔ́Ꞌɔ, nɛkúu zúꞋu ńdɑ́Ꞌ ńnɑ́ŋ tɛ ŋkɑ́-fɛ́m lɛɛ.

ŊwɑꞋnɛ-Gɑŋntúu Yɛ́su Kɛlístɔ 27:13

Ŋkwɑŋɛ pɔ́Ꞌɔ, mɔ́ɔ mɔ́ fɛfʉ̈ɔt nɑ́Ꞌ ɛ́fú shʉ́ ntsʉ́ʉ ńzɛ nɛtsʉꞌnɛ, pʉɔ-mɑ́mɑ́ kɑnúꞋ jí yɔ́p pɔ ŋɡɔ nu yi pɔ́p kwɑŋɛ́nɛ ɡʉ ńnɛn, ŋ́ɡɔ́ɔ ńcẅɛɛtɛ mɑ́mɑ́ tʉ́n yi ɛ́ ɡẅɛɛnɛ kɑnúꞋ ŋki, ńtíi mɑ́mɑ́ kɑnúꞋ ńdɔk mbɑ́ŋtɛ pɔ kwɑꞋ mbʉʉ-ŋɡɔŋ-Kɛlɛ̂t.

ŊwɑꞋnɛ-Gɑŋntúu Yɛ́su Kɛlístɔ 27:20

Fɛ́m kɛ́ ńtsʉꞋnɛ pɔ pɔ́Ꞌɔ, nǔu mɛlɛ́Ꞌ tɛ ńzɑ́ɑ. Pɛ́ pɔɔ pɛn ńjʉ́ɔ lík-nɛm pɔ́, ŋ́kɛ́ ḿbɔɔ pɛn ńjʉ́ɔ cʉ̈ɔ́Ꞌ-sɑŋ pɔ́. Ɛ́ pɔ́ pɔ́nɛ tɛ pɛk pɔɔ pɛn ńjí ŋɡɔ pɛk ɡʉ ńduk pɔ́.

ŊwɑꞋnɛ-Gɑŋntúu Yɛ́su Kɛlístɔ 27:7

Fɛfʉ̈ɔt ɡɛ pɛk lɔk mɛlɛ́Ꞌlɑ́Ꞌ tɛ ńzɑ́ɑ, ŋ́kɛ́ ńnɛn pɔ ndɑ̌ɑ ndɑɑ. Tɛ ŋ́ɡɔ ńjʉ́ɔ tʉ́sɔŋ-Sníidɛ, mbɔ pɛk jʉ́ɔ ŋɡʉ̈ɔ́Ꞌ tɛꞋ. Fɛ́m tɔꞋ wɛ́k nɛɡʉ ndʉ́ŋndʉŋ tɛ ndɑꞋ. Pɛk tsʉ́Ꞌ ḿbɑŋtɛ ńdɔk pɔ Shʉ́-kɛlɛ̂tɛ ŋ́ɡʉ, ɛ́ pɛn ḿbɔ́ yɛcɔ́ ŋɡɔŋ ẅi ŋki kɑ zɛmɛnɛ ńníꞋ sɔŋ. Pɛk kúu zúꞋu, ńnɑ́Ꞌ ńdʉ̈ɔ́Ꞌ fɛ́m ńdɔk wɛ Sɑlɛmɔnɛ, ŋ́ɡʉ. Ɛ́ pɔ́ zʉꞋ-tsɛ́tsɑ́Ꞌ-Kɛlɛ̂t yi ɛ́ kɑ sẅiklɛnɛ ŋ́kúu ŋki.