ŊwɑꞋnɛ-Gɑŋntúu Yɛ́su Kɛlístɔ 27:12 - Kɑɑ Fí

¹² Ńzɛɛ ŋ́ɡɔ ḿbɔ́, zʉꞋ nɛtʉ́ʉ pɛmɑ́mɑ́ kɑnúꞋ yi ɛ́ zúꞋu pɔɔ lii zʉꞋ yi ɛ́ lɑɑ ḿbɔ́ pʉɔ tswɛ́ zúꞋu nǔu ŋkɑ́-fɛ́m tɛ nu pɔŋ wɔ́p pɔ́. Ɛ́ lɛɛ pɔ́Ꞌɔ, pʉɔ pɛtsʉʉ pi pɔ́p ḿbɔ́nɛ tsɛt mɑ́mɑ́ kɑnúꞋ tsʉ́Ꞌ ńzɑ́p pɔ ŋɡɔ pɛ́ fú zúꞋu ŋ́ɡʉ, ḿbɔ́ ŋ́kwɑŋɛ ŋɡɔ ɛ́ lɑɑ ŋ́ɡɑ́ shʉ́, pɔ́p ɡʉ tɛ ŋ́kúu nǔu zʉꞋ nɛtʉ́ʉ pɛmɑ́mɑ́ kɑnúꞋ yi ɛ́ tsɛt ŋɡɔŋ-Kɛlɛ̂t ɛ̂wɑ́ pɛ́ fúŋ ŋɡɔ Fɛnís. Fɛnís pɔ́ tʉ́sɔŋ ẅí nɛlẅí-tsɛ́tsɑ́Ꞌ kɑ tɔ́ zúꞋu ńcẅɛt, yɛcɔ́ sɑ́k-tʉ́sɔŋ pɔ́ ńdíŋɛ ɡúŋ-Mbɛ́ nɛm yi kɔŋ, yɛcɔ́ líŋɛ ɡúŋ-Mbɛ́ nɛm yi ntsʉ́ʉ. Pɔ́p tsɑ́ɑ pɔ́Ꞌɔ, nɛkúu zúꞋu ńdɑ́Ꞌ ńnɑ́ŋ tɛ ŋkɑ́-fɛ́m lɛɛ.

ŊwɑꞋnɛ-Gɑŋntúu Yɛ́su Kɛlístɔ 27:12 교차 참조

ŊwɑꞋnɛ-Gɑŋntúu Yɛ́su Kɛlístɔ 2:11

Pɔ́p pɑyúdɑ pi pɔ́p lɛ́nɛ nǔu mɛlɛ́Ꞌ mɔnɛ. Pɛcɔ́ pʉɔ tsɛtsɛt pɛkŋɛ pɔ́ pɑyúdɑ píŋɡup, pɛcɔ́ pɔ́ pʉɔ pi pɔ́p kɑ pɛ́mnɛ nu-Sɛ́-pɑyúdɑ. Kɛ́ tʉ́ʉ pɑfú Kɛlɛ̂t pɔ́p Alɑ́bîi. Ɛ́ ɡɛ ŋɡɔ́ku pɛkŋɛ pɛtsʉʉ zúꞋ kwɑꞋ nǔu mɛsẅíŋɛ mɛkŋɛ mi ɛ́ mɛntɛ́ mɛntɛ́, pɑ́Ꞌ pʉɔ pɔnɛ cúnɛ pɑ́Ꞌ mɛfɑꞋ-Sɛ́ ɡúꞋnɛ pɔ́Ꞌɔ?»

ŊwɑꞋnɛ-Gɑŋntúu Yɛ́su Kɛlístɔ 27:13

Ŋkwɑŋɛ pɔ́Ꞌɔ, mɔ́ɔ mɔ́ fɛfʉ̈ɔt nɑ́Ꞌ ɛ́fú shʉ́ ntsʉ́ʉ ńzɛ nɛtsʉꞌnɛ, pʉɔ-mɑ́mɑ́ kɑnúꞋ jí yɔ́p pɔ ŋɡɔ nu yi pɔ́p kwɑŋɛ́nɛ ɡʉ ńnɛn, ŋ́ɡɔ́ɔ ńcẅɛɛtɛ mɑ́mɑ́ tʉ́n yi ɛ́ ɡẅɛɛnɛ kɑnúꞋ ŋki, ńtíi mɑ́mɑ́ kɑnúꞋ ńdɔk mbɑ́ŋtɛ pɔ kwɑꞋ mbʉʉ-ŋɡɔŋ-Kɛlɛ̂t.

ŊwɑꞋnɛ-Gɑŋntúu Yɛ́su Kɛlístɔ 27:21

Pʉɔ nɑ́ŋ njí nǔu mɛlɛ́Ꞌ tɛńzɑ́ɑ. Pɔ̂l lɔ sɛ́, ńtʉ́ʉ mbi pʉɔ tsʉʉ ńcú ŋɡɔ: «Pɛsúu pɑ́ɑ, pʉʉ ḿbɔ́ pɛ́Ꞌɛ ńzúꞋ ntsu wɑ́ɑ, mbɔ pɛkŋɛ ŋkɑɑ kɛ́ ɛ́fú Kɛlɛ̂t ŋ́ɡʉ zʉꞋ pɔ́. Mbɔ mɑ́mɑ́ kɑnúꞋ ŋkɑɑ pʉ́ʉpɛ, yúu-mɛtɑ́ɑ pɛn ŋ́kɛ́ mbɔɔ kúu pɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 27:7

Fɛfʉ̈ɔt ɡɛ pɛk lɔk mɛlɛ́Ꞌlɑ́Ꞌ tɛ ńzɑ́ɑ, ŋ́kɛ́ ńnɛn pɔ ndɑ̌ɑ ndɑɑ. Tɛ ŋ́ɡɔ ńjʉ́ɔ tʉ́sɔŋ-Sníidɛ, mbɔ pɛk jʉ́ɔ ŋɡʉ̈ɔ́Ꞌ tɛꞋ. Fɛ́m tɔꞋ wɛ́k nɛɡʉ ndʉ́ŋndʉŋ tɛ ndɑꞋ. Pɛk tsʉ́Ꞌ ḿbɑŋtɛ ńdɔk pɔ Shʉ́-kɛlɛ̂tɛ ŋ́ɡʉ, ɛ́ pɛn ḿbɔ́ yɛcɔ́ ŋɡɔŋ ẅi ŋki kɑ zɛmɛnɛ ńníꞋ sɔŋ. Pɛk kúu zúꞋu, ńnɑ́Ꞌ ńdʉ̈ɔ́Ꞌ fɛ́m ńdɔk wɛ Sɑlɛmɔnɛ, ŋ́ɡʉ. Ɛ́ pɔ́ zʉꞋ-tsɛ́tsɑ́Ꞌ-Kɛlɛ̂t yi ɛ́ kɑ sẅiklɛnɛ ŋ́kúu ŋki.

ŊwɑꞋnɛ-Gɑŋntúu Yɛ́su Kɛlístɔ 27:8

Pɛk pɔ́ ńnɛn mɛmbʉʉ-ŋki-Kɛlɛ̂t, ńjʉ́ɔ ŋɡʉ̈ɔ́Ꞌ tɛꞋ, ŋ́ɡʉ tɛ ŋ́kúu nǔu yɛcɔ́ zʉꞋ yi pɛ́ fúŋnɛ ŋɡɔ: Nɛtʉ́ʉ mɑ́mɑ́ kɑnúꞋ wɛ Sʉ́Ꞌnɛ, ɛ́ pɔ́ Shʉ́-tʉ́sɔŋ-Lɑsɛ́ɛ.

Tîtɛ 1:12

KwɑꞋ wɛcɔ́ ŋu-ŋɡɔŋ-Kɛlɛ̂t ẅí ɑ mbɔ̌ pɔ́p ḿbɔ́ pɑ́Ꞌ ŋɡɛ́mndʉ̈ɔ́Ꞌ, ɑ kɑ cú ŋɡɔ: «Pʉɔ-Kɛlɛ̂t pɔ́ pɔ ɡɑŋcɔtnu, ḿbɔ́ pɔ pɛpɑ́lɛ́ mɛnɑɑ, ḿbɔ́ pɔ pɛlɔ́ŋ, yɔ́p nu pɔ́ pɔ yúu mi ɛ́ ɡʉ ŋ́kúu nɛpɛm pɔ́p.»

Tîtɛ 1:5

Ŋ kɑ nɑ́ wú ŋɡɔŋ-Kɛlɛ̂t nɛpɔ́ yi ɔ ɡʉ ńtsʉ́Ꞌ mɛkŋɛ ńtɛ́ɛ cúꞋlɛ-pʉɔ Kɛlístɔ, ḿbɛn ńzɑ́p pɑcẅɛ́ɛmbi tsɛt mbɑ wɛ́t tʉ́sɔŋ lɑ́, ńtsʉ́Ꞌ nɛzɑ́p, ńzɑ́p pɔ pɑ́Ꞌ ŋ kɑ cúnɛ mbɔ̌ ɡu.