9 Mbɑ mɔ yɑ́ɑ, ŋ kɑ pɔ́ ŋ́kwɑŋɛ ŋɡɔ, ŋ ɡʉ ńdɔk ntsɔ ńdʉ̈ɔ́Ꞌ Yɛ́su mɔ́ɔ-tʉ́sɔŋ-Nɑ̌zɑlɛt, nǔu mɛshʉ́ tsʉʉ.
«Pɔ́p ɡʉ ŋ́ɡɛ pɔ́Ꞌɔ nǔu pʉʉ mbíꞋŋɡɔ pʉʉ pʉɔ pɑ́ɑ, pɔ́p pɛn ŋ́kɛ́ ḿbɔɔ ḿbɔ́ ńjí ŋu ẅí ɑ kɑ túunɛ wɑ́ɑ pɔ́.»
Lɑ́ Pɔ̂l tsɔ́Ꞌ ŋɡɔ: «Pʉʉ lɔk nɛlɑɑ ńdɔk ḿvukŋɛ wɑ́ɑ mɛlɑ́Ꞌ kʉ̈ɔ́. N tʉ́ʉ pɑ́Ꞌɑ, mbɔ mɔ niitɛ mbʉʉ yɑɑ tɛ ḿbɔ́ yi pɛ́ lɑɑ ŋ́kúu Yɛlúsɑlɛm, ŋ́kút wɑ́ɑ kútnɛ, ńjẅí wɑ́ɑ jẅínɛ ntɛ́ Ndɛ wɛkŋɛ Yɛ́su m bɔɔ lʉꞋ.»
«Mɔ mɔ́ɔ-Yúdɑ. Pɛ́ pí wɑ́ɑ tʉ́sɔŋ-Tɑ́lsɔ, tsɛt ŋɡɔŋ-Silisî. Lɑ́ mbɔ ŋ kɑ ɡúꞋ pɔ Yɛlúsɑlɛm wɔ; lɑ́ Ŋɡɑmɑlíyɛ̂l pɔ́nɛ cícɑ wɑɑ. A kɑ ŋ́kẅiꞋ niitɛ ńzíꞋ wɑ́ɑ nɛ́ nɛpʉ́ʉ-pɛmɑ́ŋɡɑpnjẅɛt pɛk. Mɔ ḿbɔ́ ŋ́kúꞋlɛ nu-Sɛ́ kɛ́ kɑ́ɑ pɔ pɑ́Ꞌ pʉʉ pɛtsʉʉ ɡɛnɛ lɔ́Ꞌnɛ lɑ́.
Ŋ kɑ pɔ́ ńtsɔ́Ꞌ ku pɑnɛn nǔu sɛ̂ndúŋ-Yɛ́su kɛpɔŋ. Ŋ́ɡɛ pɛ́ ɡẅɛɛ mbɛ́ɛnɛ pɔ́p pɑŋɡɛ́ ḿmɑꞋ ndɑ́tsɑ́ŋ, tɛ mbɑ pɑ́Ꞌ pɛ́ lɑɑ ḿbɔ́ pɛ́ tɔ́ zúꞋu ńjẅí wɔ́p jẅínɛ.
M bíkŋɛ ŋɡɔ ɑ ɡu wɔ̌ Ndɛ? Tsɑpʉɔ pʉ̈ɔt ŋɡɔ: “Mɔ Yɛ́su, mɔ́ɔ-Nɑ̌zɑlɛt. Ɔ tsɔ́Ꞌ pɑꞋnɛ pɔ ku yɑ́ɑ kɛpɔŋ.”
Pɛk kɑ jʉ́ɔ ŋu wɔ ɑ pɔ́ ŋu ẅi ɛ́ lɑɑ ḿbɔ́ pɛ́ pɔ́k wɛ́ tɛꞋ. A sɛ́ ḿmɑꞋ ntɑkŋɛ tsɛtsɛt pɑyúdɑ tsʉʉ, zʉꞋ tsʉʉ ndǔ tsɛ́tsɑ́Ꞌ. A pɑ́Ꞌɑ ḿbɔ́ tɑ́tndɑ́-pɛcɔ́ pɑfɑk mbʉʉ pi pɛ́ fúŋnɛ wɔ́p ŋɡɔ Nɑzɑlɛyɛ̂ŋ.
Pɔ́ɔpɛ́mɑ́ pɑ́ɑ, n tsuŋ ḿbɔ́ ńjí sʉ́Ꞌnɛ ŋɡɔ yúu pʉʉ pɛ́ pɛfɔɔ pʉ́ʉ kɑ ɡɛnɛ nǔu Yɛ́su kɑ lɔk ḿbɔ́ pɔ ɡʉʉnɛ.
Pyɛ̂ cú mbɔ̌ wɛ́ ŋɡɔ: «Ŋ kɑ́ ɡẅɛɛ sɑ̌ɑ ŋkɑ́p pɔ́, ŋ́kɛ́ mbɔɔ tʉ́n-ŋɡɔ̂l ɡẅɛɛ, lɑ́ yúu mi ŋ ɡẅɛɛnɛ, mɔ ŋ́ɡɑ́ mbɔ̌ ɡu. N cú nǔu lík-Yɛ́su Kɛlístɔ mɔ́ɔ-Nɑ̌zɑlɛt: Lɔ sɛ́ ńnɛn.»
Sɔ̂l kɑ pɔ́ ŋkɑ́ ɛ̂yɑ́, ḿbɛ́t nzʉʉpɑpɛ́m Tsɑpʉɔ Yɛ́su, ńzɑ́Ꞌ pɔ ŋkwɑɑ ŋɡɔ ɑ ɡʉ ńjẅítɛ wɔ́p, ŋ́ɡʉ ńjʉ́ɔ Tɑ́tndɑ́-pɑnɔŋpɔꞋ,
KwɑꞋ mɔ ŋ ɡʉ ńzɛɛ ŋ́ɡɛ ŋɡɔ, ɑ jí ndɛn ŋɡʉ̈ɔ́Ꞌ yi ɑ ɡʉ ńjʉ́ɔ ntɛ́ nu yɑ́ɑ.»
N tsuŋ ḿbɔ́ ńjí ŋɡɔ, pɔ́p tsuŋ ḿbɔ́ ŋ́kɔŋ nɛfɑꞋ fɑꞋ-Sɛ́ pɔ nɛ́ zɑŋɛ mbʉʉ, lɑ́ pɔ́p kɑ́ pɔ́ ńzúꞋ kwɑꞋ sɛ̂ndúŋ pɔ́.
Ŋ kɑ pɔ́ ńníꞋ tʉʉ nǔu nɛpʉ́ʉ tɛꞋ, tɛ ńtsɔ́Ꞌ ku-pʉɔ-Kɛlístɔ kɛpɔŋ. NɛkúꞋlɛ nɛpʉ́ʉ-lɑ́Ꞌ kɑ pɔ́nɛ pɛ́Ꞌnɛ ḿbɔ́ ńdɛꞋlɛ ŋɡɔ ŋu fɑɑnɛ, mbɔ ɛ́ lɑɑ ḿbɔ́ ɛ sẅíi wʉ́ʉ ŋɡɔ mɔ ŋ́kɑɑ fɑɑnɛ.
Tɛ mbɑ pɑ́Ꞌ ɛ́ kɑ pɔ́ yɛcɔ́ ŋkɑ́, ɛ sẅiŋɛ nǔu wɛ́ kɛpɔŋ, ńtsɔ́Ꞌ ku-pʉɔ pɛ́ kɛpɔŋ, ńzɔɔtɛ Sɛ́. A kɑ tsɑ́ɑ mɛjʉ́ŋ mɑ́ɑ, mbíꞋŋɡɔ ŋ kɑ pɔ́ ŋ́ɡɛ kɛ́ jí yúu mi ŋ ɡɛnɛ, mbɔ mɔ ŋ́kɑɑ zɑ́p tʉ́m nǔu wɛ́ pɔ́.
