ŊwɑꞋnɛ-Gɑŋntúu Yɛ́su Kɛlístɔ 26:6 - Kɑɑ Fí

⁶ Ŋkɔ̂ɔnɛ, yúu mi pɛ́ ŋɑknɛ wɑ́ɑ nǔu ɛ́ pʉ̈ɔ́lɑ́: Ḿbɔ́ yi Sɛ́ kɑ kɑꞋ nu mbɔ̌ pɛmɑ́ŋɡɑpnjẅɛt pɛkŋɛ, m bɛn ḿbɔ́ ńzẅíꞋlɛ pɑ́Ꞌ ɛ́ ɡʉ ŋ́ɡɛ puutɛ.

ŊwɑꞋnɛ-Gɑŋntúu Yɛ́su Kɛlístɔ 26:6 교차 참조

ŊwɑꞋnɛ-Gɑŋntúu Yɛ́su Kɛlístɔ 23:6

Pɔ̂l pɔ́ ńjí ŋɡɔ ɛ́ tsɛtsɛt pʉɔ pinɛ pɔ́p sɛ́ ŋ́ŋɑk ntsɑŋ yɛ́, pɛcɔ́ pʉɔ pɔ́ pɑsɑdukɑy, pɛcɔ́ pɔ́ pɑfɑlísɑy, ŋ́ɡɔ́ɔ ŋ́kɛ́ ńtʉ́ʉ mbi pɔ́p ńdɔk ŋɡi tɛnnɛ ńcú ŋɡɔ: «Pɔ́ɔpɛ́mɑ́ pɑ́ɑ, mɔ ŋu-fɑlísɑy. Mbɑ tɑ̌ɑ mɔ kɑ pɔ́ ŋu-fɑlísɑy. Mɔ sɛ́ ḿbyɛ́p lɛ́Ꞌ yi pɛpfú ɡʉ ńdɑ́Ꞌ zẅíimɛ nǔu nɛvú. Pɛ́ zɑꞋnɛ ŋ́ŋɑk wɑ́ɑ pɑ́Ꞌɑ ntɛ́ pɔ yîyɑ́ nu.»

ŊwɑꞋnɛ-Gɑŋntúu Yɛ́su Kɛlístɔ 24:15

Ɛ́ lɛɛ pɔ́Ꞌɔ, yɛcɔ́ yúu pɔ́ ɡú yi mɔ sɛ́ ńzẅíꞋlɛ. Tɛ mbɑ pʉɔ pi pɔ́p fɛnnɛ wɑ́ɑ lɑ́ pɛn ḿbɔ́ ńzẅíꞋlɛ yɔ́p pɔ yɛ́tɛ́. Ɛ́ pɔ́ ŋɡɔ Sɛ́ ɡʉ ńdɑ́Ꞌ ńzẅíimɛ pʉɔ pi pɔ́p kɑ ɡɛnɛ nu ndʉ́ŋndʉŋ, tɛ mbɑ pʉɔ pi pɔ́p ŋ́kɑɑ ɡɛ pɔ́Ꞌɔ pɔ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 24:21

Tɑ́Ꞌ nu ɡú ḿbɔ́ yi ŋ kɑ tʉ́ʉnɛ mbi pɔ́p, ŋ́kɑꞋ ŋɡi yɑɑ tʉ́ ńcú ɛ́ pɔ́ pɑ́Ꞌ ŋ kɑ cúnɛ ŋɡɔ, pɛ́ kɑ pɔ́ ɛ́fɛn wɑ́ɑ mbi pɔ́p lɛ́Ꞌ ɛ̂yɑ́ mbíꞌŋɡɔ m bɛ́m ŋɡɔ Sɛ́ ɡʉ ńdɑ́Ꞌ ńzẅíimɛ pɛpfú.»

ŊwɑꞋnɛ-Gɑŋntúu Yɛ́su Kɛlístɔ 26:8

Pʉʉ ẅi pʉʉ sɛ́ ńzẅíꞋlɛ nu yí n cúnɛ lɑɑ, pʉʉ kɛ́ ńdʉꞋ nɛpɛ́m ŋɡɔ Sɛ́ lɑɑ ḿbɔ́ ɑ ńzẅíimɛ pʉɔ nǔu nɛvú mɛlɑ́Ꞌ kʉ̈ɔ́?

ŊwɑꞋnɛ-Gɑŋntúu Yɛ́su Kɛlístɔ 28:20

Yɔ yúu mi ɛ́ lɑ́Ꞌnɛ ŋ́ɡɛ lɑ́ n tsɑ́ɑ nɛjʉ́ɔ wʉ́ʉ pɛkŋɛ sẅiŋɛ. Pʉʉ jí yʉ́ʉ yúu mi pɑíslɑyɛ̂l lɔ ńjúk ḿbyɛ́p. Mɛcɛ̂n mɔnɛ pɛn ḿbɔ́ nǔu mbɔ́ mɑ́ɑ pɑ́Ꞌɑ ntɛ́ pɔ yúu mi pɛkŋɛ pyɛ́pnɛ.»

ŊwɑꞋnɛ-Gɑŋntúu Yɛ́su Kɛlístɔ 3:24

Pɛŋɡɛ́mndʉ̈ɔ́Ꞌ-Sɛ́ pi pɔ́p kɑ cúnɛ nu tɛ ɛ́fú nǔu Sɑmîɛ, ŋ́kúu nǔu pinɛ pɔ́p kɑ pɑ́ɑtɛnɛ nzʉʉ yɛ pɛ́tsʉʉ, pɔ́p kɑ lɛꞋlɛ yɔ́p pɑ́Ꞌ mɔ mɛlɛ́Ꞌ ɡʉ ńdɑ́Ꞌ ḿbɔ́ pɔ́Ꞌɔ.

Pʉɔ-Lɔ́mɑ 15:8

Ɛ́ yúu mi ɛ́ kɑ ɡɛnɛ Kɛlístɔ tɔ́ ɛ́fɑꞋ mbɔ̌ pɑyúdɑ, nɛɡɛ mɛnu mi Sɛ́ kɑ kɑꞋnɛ mbɔ̌ pɛmɑ̂ɑŋɡɑpnjẅɛt pɔ́p puutɛ. Ndʉ́ŋndʉŋ pɑ́Ꞌ mbɑ kʉ̈ɔ́ lɑ́ yi Sɛ́ cúnɛ ŋ́kɛ́ ḿbuutɛ puutɛ́nɛ.

Ŋɡɑlɑ̂t 4:4

Lɑ́ ŋkɑ́ yi Sɛ́ kɑ zɑ́pnɛ kɑ pɔ́ tɛ ŋ́kuꞋ, ɑ túu Mɔ́ɔ nɛ. A ɡɔ́ ńtɔ́ mɑŋɡɛ́ pí wɛ́. A pɔ́ ńnɑ́ŋ nǔu pɑ́Ꞌ nɛpʉ́ʉ Mɔ̌sɛ̂ɛ píkŋɛ́nɛ.

Tîtɛ 2:13

Pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi pɛkŋɛ sɛ́ ńjí ŋɡɔ pɛkŋɛ ŋ́ɡɛ ŋ́ɡẅɛɛ. Mbɑ lɛ́Ꞌlɑ́Ꞌ yi Sɛ́ wɛkŋɛ wɛ́ ɡwɛ́, Ŋɡɑ́luk Yɛ́su Kɛlístɔ ɡʉ ńdɑ́Ꞌ ńnyɛt nɛɡúꞋ wɛ.