ŊwɑꞋnɛ-Gɑŋntúu Yɛ́su Kɛlístɔ 26:22 - Kɑɑ Fí22 Lɑ́ m bɛ́t ɡú lɔ́Ꞌnɛ pɑ́Ꞌɑ, Sɛ́ pɔ́nɛ ŋ́kẅíipɛ wɑ́ɑ. M bɛn ḿbɔ́ ɛ́sẅíi mbɑ kʉ̈ɔ́ lɑ́ yi n jínɛ nǔu wɛ́, mbɔ̌ pɛlʉ́m mbɑ mbɔ̌ mbɔ́ŋkʉ̈ɔ́. Pɛ́ kɑ zɑ́Ꞌ njí ńcú mɛnu mi ɛ́ ɡʉ ńdɑ́Ꞌ lɑ́ ńtɔ́ tsɛt ŋwɑꞋnɛ-pɛŋɡɛ́mndʉ̈ɔ́Ꞌ-Sɛ́, mbɑ tsɛt ŋwɑꞋnɛ-Mɔ̌sɛ̂ɛ. Mɔ ḿbɔ́ ńcú pɔ yɛ́tɛ́. 장을 참조하십시오 |
ŊwɑꞋnɛ-Gɑŋntúu Yɛ́su Kɛlístɔ 26:22
42 교차 참조
A kɑ kwɛ́t tɛ ḿmɛk, ńcú mbɔ̌ pɔ́p ŋɡɔ: «Pʉʉ jʉ́ɔ yúu mi ŋ kɑ pɔ́ ɛ́sẅíi wʉ́ʉ, ŋkɑ́ yi pɛkŋɛ kɑ pɛ́tnɛ ńjúk. Ŋ kɑ sẅíi wʉ́ʉ ŋɡɔ ɛ́ sɛ́ ḿbíkŋɛ ŋɡɔ yɛ́t kʉ̈ɔ́ lɑ́ yi pɛ́ kɑ ŋwɑꞋnɛnɛ nǔu mɔ lɑ́ puutɛ. Mɛnu ɛ̂mɑ́ tsʉʉ tsʉʉ mi ɛ́ tsɛt ŋwɑꞋnɛ-Mɔ̌sɛ̂ɛ, mbɑ tsɛt yi pɛŋɡɛ́mndʉ̈ɔ́Ꞌ-Sɛ́ pɔ́p yi mɛzɔpŋki.»
Lɑ́, nu yi ŋ ɡʉ ńtʉ́ʉ mbi ɡu, ɛ́sɑ́ɑnɛ sɑ́ɑnɛ́nɛ ḿbɛ́m pɔ́ ŋɡɔ ɛ fɑꞋ pɔ mbɔ̌ Sɛ́-pɛmɑ̂ɑŋɡɑpnjẅɛt pɛk pɛpɔ́p. Mɔ sɛ́ ńnɛn pɔ nǔu sɛ̂ndúŋ yi pɔ́p lʉꞋnɛ ŋɡɔ ɛ́ wɛ pʉɔ pi pɔ́p fɑknɛ mbʉʉ, tɛ mbɑ pɑ́Ꞌ mɔ sɛ́ ḿbɛ́m mbɑ kʉ̈ɔ́ lɑ́ yi pɛ́ kɑ ŋwɑꞋnɛnɛ tsɛt ŋwɑꞋnɛ-nɛpʉ́ʉ-Mɔ̌sɛ̂ɛ mbɑ tsɛt mɛŋwɑꞋnɛ-pɛŋɡɛ́mndʉ̈ɔ́Ꞌ-Sɛ́.
Pɑyúdɑ cú pɔ́Ꞌɔ, pɔ́p pɛ́ Pɔ̂l tɑ́ŋ lɛ́Ꞌ yi pɔ́p pɛpɔ́p ɡʉ ŋ́ɡɛ ḿbɛn ḿbuutɛ. Lɛ́Ꞌ ɛ̂yɑ́ ɡɛ ŋ́kuꞋ, pɔ́p pɛn ńtɔ́, ŋ́kẅɛ́ɛtɛ wɛ́ zʉꞋ yi ɑ nɑ́ŋnɛ zúꞋu, ŋ́ɡɔ ńtɔ́ yîyɑ́ ku ńzɑ́ɑ tɛꞋ. Pɔ̂l kyɛ́Ꞌtɛ nu-nɛfɔɔ-Sɛ́ ɛ́sẅíi wɔ́p tɛ ɛ́fú mbɑꞋmbɑꞋɑ́ ŋ́kúu ntsuŋkẅɛ́Ꞌ, ńdɔɔ shʉ́ nɛɡɛ tɛ pɔ́p niitɛ ńjí ŋu ẅí Yɛ́su jʉ́, ḿbɔ́ ńcẅɛɛtɛ mɛnu tsɛt mɛŋwɑꞋnɛ nɛpʉ́ʉ-Mɔ̌sɛ̂ɛ mbɑ tsɛt mɛŋwɑꞋnɛ -pɛŋɡɛ́mndʉ̈ɔ́Ꞌ-Sɛ́.
Ŋɡɔŋ nɛ ŋɡɔŋ kɑ zɑ́ŋ lɔ́ŋ, lɑ́ yú ŋkɑ́ yi ɔ ɡʉ ńnyɛt yú zɑ́ŋ lɔ́ŋ tɔ́, ḿbɛn ḿbɔ́ ŋkɑ́ yi ɔ ɡʉ ńzɑ́Ꞌ ntsɑŋ-pɛpfúsɛ́, ḿbɔ́ ŋkɑ́ yi ɔ ɡʉ ńtsɔ́Ꞌ fɑꞋ ɡɑŋfɑꞋ pú, pɑcẅiŋkʉʉ pú, ńtsɔ́Ꞌ fɑꞋ-pʉɔ pú, pʉɔ pi pɔ́p ŋ́ɡúꞋlɛ́nɛ lík Yú, mbɔ́ŋkʉ̈ɔ́ mbɑ pɛlʉ́m, ḿbɛn ḿbɔ́ ŋkɑ́ yi ɔ ɡʉ ɛ́sɑt pʉɔ pí pɔ́p júknɛ ḿbʉ́ʉpɛ ndǔ tsɛ́tsɑ́Ꞌ.»
M bɛn ńjʉ́ɔ pɛpfúsɛ́, pɛ pɛlʉ́m mbɑ mbɔ́ŋkʉ̈ɔ́, pɔ́p tʉ́ʉtɛ mbi kɔꞋ-nɛfɔɔ. M bɛn ńjʉ́ɔ pɑ́Ꞌ pɛ́ ŋíɛꞋnɛ mɛŋwɑꞋnɛ. Pɛ́ ɡɛ ḿbɛn ŋ́ŋíɛꞋ yɛcɔ́, ɛ́ pɔ́ yi pɛ́ kɑ ŋwɑꞋnɛ́nɛ mɛlík-pʉɔ pí pɔ́p ɡẅɛɛnɛ luk kɛ́mɛ tsɛtú. Pɛ́ lɔk yúu mi pɛ́ kɑ ŋwɑꞋnɛnɛ tsɛt mɛŋwɑꞋnɛ ŋ́ŋɑk pɛpfúsɛ́, ŋ́ŋɑk wɔ́p pɔ pɑ́Ꞌ mɛfɑꞋ mɔ́p kɑ pɔ́nɛ.
광고