ŊwɑꞋnɛ-Gɑŋntúu Yɛ́su Kɛlístɔ 26:20 - Kɑɑ Fí

²⁰ Tɛ ńtsʉ́Ꞌ pɔ́Ꞌɔ, mbɔ ŋ kɑ zɛ nǔu pʉɔ-Ndɑ́mɑ́s nɛcú nu yɛ́, ḿbɑ́ɑtɛ ŋ́kúu pʉɔ-pɛ́ Yɛlúsɑlɛm, ɛ́fú zúꞋu ŋ́kúu nǔu pɑk-ŋɡɔŋ-Judɛ̂ tsʉʉ, ɛ́fú zúꞋu ŋ́kúu nǔu pʉɔ pi pɔ́p kɑ́ pɔ́ pɑyúdɑ pɔ́, ḿbɔ́ ńcú mbɔ̌ pʉɔ tsʉʉ ŋɡɔ pɔ́p kúpmɛ mɑt wɔp, ḿbɛn mbɔ̌ Sɛ́, ḿbɔ́ ŋ́ɡɛ mɛnu mi ɛ́ nyɛtnɛ ŋɡɔ Pɔ́p kúpmɛ mɑt.

ŊwɑꞋnɛ-Gɑŋntúu Yɛ́su Kɛlístɔ 26:20 교차 참조

Mɑtʉ̈ɔ 3:2

«Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»

Mɑtʉ̈ɔ 3:8

Pʉʉ ɡɛ pɔ mɛnu sʉ́Ꞌnɛ mí ɛ́ nyɛtnɛ ŋɡɔ pʉʉ kúpmɛ mɑt.

Mɑtʉ̈ɔ 4:17

Yɛ́su pɔ́ Kɑpɛɛnɑwûm pɔ́Ꞌɔ, ńzɛ nɛsẅíi nu-Sɛ́, ḿbɔ́ ńcú ŋɡɔ: «Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»

Mɑtʉ̈ɔ 9:13

Ɛ́ yɛ́tɛ́ lɑ́ mɔ sɛ́ ńcú mbɔ̌ pʉʉ ŋɡɔ ɡʉnɛ ńzíꞋ yúu mi ɛ́ kɑ cẅɛtnɛ tsu-Sɛ́, ɑ ńcú ŋɡɔ: Mɔ, ŋ kɔŋ ŋɡɔ pʉɔ tsɑ́ɑmɛjʉ́ŋ pɛcɔ́, ńtsɑ pɔꞋ ẅí pɛ́ lɔknɛ ŋ́ɡúꞋlɛ wɑ́ɑ. Yɛ́su ɡɔ ḿmɛkŋɛ n cú ŋɡɔ: Mɔ ŋkɑɑ tɔ́ nɛfúŋ pʉɔ pɔ́p kwɑŋɛ ŋɡɔ pɔ́p nɛ́nẅín pɔ́, mɔ m̄bɔ́ ńtɔ́ ntɛ́ pɔ ɡɑŋmɛfɑɑnɛ ŋɡɔ pɔ́p pɛn mbɔ̌ Sɛ́.»

Mɑ́lɛ́kúshi 6:12

Pɔ́p ḿbɔ́ ŋ́ɡʉ, ńnɛn ɛ́sɑ́Ꞌ ŋɡɔ: «Ɛ́ sɛ́ ḿbíkŋɛ ŋɡɔ pʉɔ tsʉʉ kúpmɛ mɑt.»

Lúkɑ́shi 1:16

A ŋ́ɡɛ ŋ́ɡɛ pʉɔ-islɑyɛ̂l tɛ ńzɑ́ɑ shɔt tʉ́m yɔ́p, ḿbɛn mbɔ̌ Tsɑpʉɔ Sɛ́ wɔp.

Lúkɑ́shi 13:3

Ŋɡɑ́ŋ, ɛ́ nu pɔ́. Jínɛ ŋɡɔ pʉʉ lɑɑ ŋ́kɛ́ ḿbɔɔ kúpmɛ wʉʉ mɑt pɔ́, mbɔ pʉʉ ɡʉ ŋ́ɡɛ ḿpfútɛ yʉ́ʉ pɔ pɑ́Ꞌ pɔ́p lɑ́.

Lúkɑ́shi 13:5

Ŋɡɑ́ŋ, ɛ́ kɑ́ pɔ́ nu pɔ́. Pʉʉ lɑɑ ŋ́kɛ́ ḿbɔɔ kúpmɛ wʉʉ mɑt pɔ́, mbɔ pʉʉ ɡɛ ḿpfútɛ yʉ́ʉ pɔ pɑ́Ꞌ pɔ́p.»

Lúkɑ́shi 15:10

Tsʉ́Ꞌnɛ, ɛ sẅíi wʉʉ: Ɛ́ pɛn ḿbɔ́ pɔ pɔ́Ꞌɔ, pɛcʉ̈ɔ́Ꞌ-Sɛ́ tsɑ́ɑtɛ ntɛ́ tɑ́Ꞌ ŋu kɛpɔŋ wɛmɔ́Ꞌ ẅi ɑ kúpnɛ mɑt wɛ.»

Lúkɑ́shi 15:7

Ɛ́ pɔ́Ꞌɔ, lɑ́ ɛ sẅíi wʉ́ʉ ŋɡɔ: Tɑ́Ꞌ ŋu kɛpɔŋ lɑɑ ŋ́kúp mɑt wɛ, pɛ́ tsɑ́ɑtɛ tʉ́nɛ́pú tɛꞋ, ńtsɑ pɑ́Ꞌ ɛ́ lɑɑ ḿbɔ́ pɛ́ tsɑ́ɑtɛ nǔu pʉɔ ntsɔ̌pɛ́nɛ́pfuꞋú mɛɡɛ́mɛ́nɛ́pfúꞋú pi pɔ́p jʉ́ɔnɛ ŋɡɔ pɔ́p nɛ́nẅín tɛ ḿbɔ́ pɔ́p pɔɔ kíi ŋ́kúp mɑt wɔp pɔ́.»

ŊwɑꞋnɛ-Gɑŋntúu Yɛ́su Kɛlístɔ 11:18

Pɑpɛm Yɛ́su pi pɔ́p Pɑyúdɑ zúꞋ mɛnu mɔnɛ, ḿbɔ́tnɛ ńnɑ́ŋ, ḿbɛn ḿbɔ́ ŋ́ɡɑ́ pɑꞋlɑ́ mbɔ̌ Sɛ́ ńcú ŋɡɔ: «Ɛ́ pʉ̈ɔ́lɑ́ yi Sɛ́ kɑ ɡɑ́ shʉ́ mbɑ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, nɛkúpmɛ mɑt, ɑ ɡɛ pɔ́p ɡẅɛɛ luk kɛ́mɛ.»

ŊwɑꞋnɛ-Gɑŋntúu Yɛ́su Kɛlístɔ 15:19

Jɑ̂k pɛn ńcú ŋɡɔ: «Pɔ́Ꞌɔ lɑ́, Ŋ kwɑŋɛ yɑ́ɑ ŋɡɔ kɔɔ pɛ́ ɡɑ́ɑnɛ pʉɔ pí pɔ́p kɑ́ pɔ́ pɑyúdɑ pɔ́ tɛ ɛ́ tsɑ. N cú pʉɔ pí pɔ́p zɑ́pnɛ tʉ́m yɔ́p nǔu Sɛ́.»

ŊwɑꞋnɛ-Gɑŋntúu Yɛ́su Kɛlístɔ 17:30

Jínɛ ŋɡɔ Sɛ́ pɛn ŋ́kɛ́ ḿbɔɔ ɛ́sɑ́ŋ yîyɑ́ ŋkɑ́ yi ŋumɛsɔŋ ḿbɔ́ ŋ́ɡɛ pɔ́Ꞌɔ ńdɔk ŋ́ɡʉʉnɛ ɡʉʉnɛnɛ pɔ́. Lɑ́ ɑ ŋkɔ̂ɔnɛ, ḿbɔ́ ɛ́fúŋ ŋɡɔŋ pʉɔ tsʉʉ, tsɛt mɛlɑ́Ꞌ tsʉʉ ŋɡɔ pɔ́p kúpmɛ mɑt wɔp.

ŊwɑꞋnɛ-Gɑŋntúu Yɛ́su Kɛlístɔ 2:38

Pyɛ̂ pʉ̈ɔt mbɔ̌ pɔ́p ŋɡɔ: «Pʉʉ kúpmɛ mɑt. Wɛ́t ŋu lɑ́ nǔu pʉʉ pɛ́m pɛ́ nuꞋ wɛ́ ŋki nǔu lík-Yɛ́su Kɛlístɔ. Nɛpɔ́ yi Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́. Sɛ́ ɡɔ́ɔ ŋ́kɛ́ ŋ́ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ.

ŊwɑꞋnɛ-Gɑŋntúu Yɛ́su Kɛlístɔ 20:21

Ńdɔk pɔ́Ꞌɔ, ɛ́fúŋ pɑyúdɑ, mbɑ pʉɔ pinɛ pɔ́p kɑ́ pɔ́ pɑyúdɑ pɔ́, ŋɡɔ pɔ́p shɔtnɛ ńcʉ́ɔ nzʉʉ Sɛ́, ńzɑ́p tʉ́m nǔu Tsɑpʉɔ wɛkŋɛ Yɛ́su.

ŊwɑꞋnɛ-Gɑŋntúu Yɛ́su Kɛlístɔ 26:17

N túu wú mbɔ̌ pɑyúdɑ mbɑ mbɔ̌ pɛcɔ́ pʉɔ tsɛt mɛlɑ́Ꞌ ndɛꞋ. Mɔ ńzɛɛ ŋ́kẅíipɛ wú tɛ pɔ́p pɔɔ ɡɛ yɛcɔ́ yúu nǔu ɡu pɔ́.

ŊwɑꞋnɛ-Gɑŋntúu Yɛ́su Kɛlístɔ 26:19

«Nɑɑ kɛ́mɑꞋ fɔɔ Aŋɡɛlípɑ, ɛ́ kɑ fú pɔ́Ꞌɔ, mɔ ŋkɑɑ mɔ tʉʉ tú nǔu nu yi Sɛ́ kɑ ŋíɛꞋnɛ mík mɑ́ɑ zúꞋ pɔ́.

ŊwɑꞋnɛ-Gɑŋntúu Yɛ́su Kɛlístɔ 3:19

Pɔ́Ꞌɔ lɑ́, pʉʉ kɛ́ ŋ́kúp mɑt wʉʉ, ḿbɛ́m Yɛ́su Kɛlístɔ. Sɛ́ likŋɛ mɛnu kɛpɔŋ mʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 9:15

Lɑ́ Tsɑpʉɔ cú mbɔ̌ Anɑníyɑs pɔ ŋɡɔ: «Gʉ ńjʉ́ɔ ŋu ɛ̂wɑ́ ńjʉ́ɔ, mbíꞌŋɡɔ ɑ mbɔ̌ mɔ ḿbɔ́ kwɑꞋ yúu-fɑꞋ. A ɡʉ ŋ́ɡɛ ŋɡɔ pʉɔ pi pɔ́p kɑ́ pɔ́ pɑíslɑyɛ̂l pɔ́ jí wɑ́ɑ, mbɑ pɛfɔɔ, tɛ mbɑ pɔ́ɔ-Íslɑyɛ̂l.

ŊwɑꞋnɛ-Gɑŋntúu Yɛ́su Kɛlístɔ 9:35

Ŋɡɔŋ pʉɔ tsʉʉ pi pɔ́p tswɛ́nɛ Lidɑ, tɛ mbɑ pɑtswɛ́ tsɛt fúꞋ-Sɑlɔn, jʉ́ɔ wɛ́, mbɔ ɑ fíitɛ, pɔ́p shɔt tʉ́m yɔ́p ńcʉ́ɔ nzʉʉ Tsɑpʉɔ.

Pʉɔ-Lɔ́mɑ 2:4

Ɔ sɛ́ ŋ́ɡɛ pɔ́Ꞌɔ, ńtsʉ́Ꞌ ńdɔk ŋ́ɡwɑ́k Sɛ́ ɡwɑ́knɛ, ḿbɔ́ ńcú ŋɡɔ ɑ ɡẅɛɛ pɔŋtʉ́m, ɑ kɑ́ ɡɔ́ɔ fɛ́Ꞌnɛ cɔ́k pɔ́, ɑ ɡẅɛɛ kɔkmbʉʉ. Pɔ́Ꞌɔ, ɔ kɑ́ pɔ́ ńjí ŋɡɔ ɑ ɡẅɛɛ pɔŋtʉ́m nzʉʉ ɡu pɔ́Ꞌɔ, pɔ nɛlɔk ŋ́ɡɛ ɔ kúpmɛ mɑt pɔ́ ɔɔ?

2 Kɔlɛ̂ŋtɛ 3:16

Lɑ́ ŋu lɑɑ ḿbɔ́ tɛ ɛ́shɔt mbʉʉ ńdíŋɛ Tsɑpʉɔ, ŋkwɑ́ jɛ́pmɛ,

2 Kɔlɛ̂ŋtɛ 7:10

mbíꞋŋɡɔ nɛmʉk nǔu ntɛ́ yi Sɛ́ sɛ́ ŋ́kɔŋ, ɛ́ ɡɛ ŋu kúpmɛ mɑt. Ẅîwɑ́ nɛkúpmɛ mɑt ɡɛ ŋu luk, tɛ ḿbɔ́ nu pɔɔ pʉ́k wɛ́ pɑ́Ꞌ ɑ mʉknɛ pɔ́. Lɑ́ nɛmʉk nǔu ntɛ́ yɛ́ pʉɔ-ndǔmbí, ɛ́ ɡɑ́ pɔ nɛvú.

Ɛ́fɛ̂zɛ 4:17

Ɛ́ yúu mi ɛ́ ɡɛnɛ, m bɔ́ ńcú yɔ nu tɛ tsuŋ ńcú mbɔ̌ pʉʉ nǔu lík-Tsɑpʉɔ ŋɡɔ: Kɔɔ pʉʉ pɛn ŋ́ɡɛ yʉ́ʉ pɔ pɑ́Ꞌ pʉɔ pi pɔ́p kɑ́ jí Sɛ́ pɔ́ lɑ́. Pɔ́p ɡɛ pɔ yúu mi kwɑŋɛ yɔ́p yi ɛ́ kɑ́ cẅɛ́lɛ́ sẅiŋɛ wɔ́p ŋɡɔ pɔ́p ɡɛ.

1 Tɛsɑlɔník 1:9

Pɛ́ nɑ́ŋ ɛ́sẅíi ntɛ́ yi pʉʉ kɑ lɔknɛ ńcẅɛ́ɛ wɛ́k, ŋkɑ́ yi pɛk kɑ tɔ́nɛ tsɛtsɛt pʉʉ, mbɑ ntɛ́ yi pʉʉ kɑ lɔknɛ ńtɛ́m ŋkwɛn nǔu yúu mi pɛ́ ɡúꞋlɛnɛ ŋɡɔ ɛ́ mɛsɛ́, ɛ́shɔtnɛ ńdíŋɛ Sɛ́ kɛ́ kúp sẅiŋɛ, ńtsʉ́Ꞌ ɛ́fɑꞋ pɔ mbɔ̌ wɛ́ ẅi ɑ ntʉʉ.

Mɛnu ɛ́ ńdɑ́Ꞌ ńcẅɛt 16:11

Ŋɡʉ̈ɔ́Ꞌ yɔp mbɑ mɛfʉ́ŋ mɔ́p ɡɛ pɔ́p zɔɔtɛ Sɛ́ ẅí ɑ tʉ́nɛ́pú, lɑ́ ŋ́kɛ́ mbɔɔ kúpmɛ mɑt wɔp, ḿmɛꞋ mɛfɑꞋ kɛpɔŋ mɔ́p pɔ́.

Mɛnu ɛ́ ńdɑ́Ꞌ ńcẅɛt 2:21

Ŋ kɑ nɑ́Ꞌ ḿbɔ́ ńzẅíꞋlɛ zẅíꞋlɛ́nɛ ŋɡɔ ɑ kúpmɛ mɑt wɛ. Lɑ́, ɑ pɔɔ ḿbɔ́ ŋ́kɔŋ nɛkúpmɛ mɑt-mpfuꞋ ɛ̂wɑ́ pɔ́.

Mɛnu ɛ́ ńdɑ́Ꞌ ńcẅɛt 2:5

Pʉʉ kɛ́ ŋ́kẅíitɛ zʉꞋ yí pʉʉ kɑ tʉ́ʉnɛ zúꞋu lɑ ḿvu sɛ́, ŋ́kúpmɛ mɑt wʉʉ ḿbɛn ɛ́fɑꞋ mɛfɑꞋ mí pʉʉ kɑ pɔ́ ɛ́fɑꞋ. Tɛ ɛ́ pɔɔ pɔ́Ꞌɔ pɔ́, mbɔ n dɑɑ ŋ́ɡɔ ńtɔ́, pʉʉ pɛ́t pɔ kɛ́ kúpmɛ mɑt, mbɔ ŋ ɡʉ ńtíi yʉʉ kyɛꞌ, ŋ́kúpmɛ zʉꞋ yɛ́.

Mɛnu ɛ́ ńdɑ́Ꞌ ńcẅɛt 3:3

Pɔ́Ꞌɔ lɑ́, pʉʉ kɛ́ ŋ́kẅíitɛ yúu mi pɛ́ kɑ zíꞋnɛ wʉ́ʉ, ḿbɛn ŋ́kẅíitɛ ntɛ́ yi pʉʉ kɑ lɔknɛ ńzúꞋ. Pʉʉ ɡẅɛɛ yîyɑ́ yúu, ŋ́kúpmɛ mɑt wʉ́ʉ. Pʉʉ lɑɑ ḿbɛ́t ńdɛ́ lɛ́nɛ, mbɔ ŋ ɡʉ ḿvukŋɛ vukŋɛnɛ ńtɔ́ pɑ́Ꞌ ntsɔ́ŋ lɑ́, tɛ pʉʉ pɔɔ jí ŋkɑ́ yi mɔ ŋ́ɡɛ ńtɔ́ pɔ́.