ŊwɑꞋnɛ-Gɑŋntúu Yɛ́su Kɛlístɔ 26:18 - Kɑɑ Fí

¹⁸ N túu wú pɔ́Ꞌɔ, ɔ ɡʉ níɛꞋ mík mɔ́p, ŋ́ɡɛ pɔ́p fú tsɛt nzɛ́nzʉ́ʉ ńcẅɛt, ŋ́kúu nǔu zʉꞋ yi ɛ́ sɛ́ fúk. Ɛ́ lɔk ḿbɔ́ ŋɡɔ ɔ ɡʉ ŋ́ɡɛ ŋ́ɡɛ pɔ́p fú nǔu mbɔ́-Sɑ́ttɑ ńcẅɛt, ḿbɛn nǔu mbɔ́-Sɛ́, ńzɑ́p tʉ́m yɔ́p nǔu mɔ, Sɛ́ likŋɛ mɛnu kɛpɔŋ mɔ́p ŋ́ɡɑ́ mbɔ̌ pɔ́p, ḿbɛn ŋ́ɡɑ́ yɔ́p zʉꞋ tsɛtsɛt pʉɔ pɛ́.»

ŊwɑꞋnɛ-Gɑŋntúu Yɛ́su Kɛlístɔ 26:18 교차 참조

Mɑtʉ̈ɔ 4:10

Yɛ́su cú mbɔ̌ wɛ́ ŋɡɔ: «Sɑ́ttɑ, fú nɛjɔ́ŋ mɔ kẅɛ́Ꞌlɛ, mbíꞋŋɡɔ pɛ́ kɑ ŋwɑꞋnɛ tsɛt ŋwɑꞋnɛ-Sɛ́ ŋɡɔ: “Ŋu ɡúꞋlɛ pɔ ndɑꞋ Tsɑpʉɔ Sɛ́ wɛ zɛnɛ́jʉ́ ḿbɛn ńzúꞋ pɔ ndɑꞋ ntsu wɛ́.”»

Mɑtʉ̈ɔ 4:16

Pʉʉ ẅí pʉʉ kɑ nɑŋnɛ tsɛt nzɛ́nzʉ́ʉ, yʉ́ʉ njí tsuŋ ŋ́kiɛ. Mɔ́nɛm sɑ́Ꞌ tɛ ḿbɔ́ ńtɑ́ nǔu pʉɔ pinɛ pɔ́p kɑ nɑŋnɛ tsɛt ŋɡɔŋ-nzɛ́nzʉ́ʉ zʉꞋ yí nɛvú ḿbɔ́nɛ ńnʉk wɔ́p.»

Lúkɑ́shi 1:77

Ɔ ɡɛ ńtɑ́ɑ ŋ́ɡɛ pʉɔ pɛ́ jí ŋɡɔ ɑ kẅɛ́Ꞌlɛ mɔ́ tɛ ḿbɑ́ɑtɛ pɑ́Ꞌ ɑ ɡɛ ńdikŋɛ mɛnu kɛpɔŋ mɔ́p, ŋ́ɡɛ pɔ́p luk,

Lúkɑ́shi 1:79

ŋ́kyɛꞋ pʉɔ pi pɔ́p nɑ́ŋnɛ tsɛt nzɛ́nzʉ́ʉ, nɛvú pɛn ḿbɔ́ ńnʉk wɔ́p, ńcɑklɛ wɔ́p ńníꞋ tsɛt mɔ́fíitɛ.»

Lúkɑ́shi 2:32

Ɛ́ pɔ́ kyɛꞌ yi ɛ́ ɡʉ ŋ́ɡɛ pɛ́ jí wú zʉꞋ tsʉʉ. Pɔ́Ꞌɔ, ɔ lɔk ŋ́ɡɑ́ ɡúꞋlɛ mbɔ̌ Íslɑɛ̂l, lɑ́Ꞌ yú.»

Lúkɑ́shi 24:45

Ŋ́ɡɔ́ɔ ŋ́kɛ́ ńtsɔ́Ꞌ jínu yɔ́p, ŋ́ɡɛ pɔ́p zúꞋ mɛnu mi ɛ́ tsɛt ŋwɑꞋnɛ-Sɛ́.

Lúkɑ́shi 24:47

Ɛ́ sɛ́ ḿbíkŋɛ ŋɡɔ pɛ́ lɑ́Ꞌ ńdɔk lík yɑ́ɑ, ńcú nu-Sɛ́ mbɔ̌ lɑ́Ꞌ ŋɡɔ mbɑ wɔ̌ lɑ́ kúpmɛ mɑt wɛ, Sɛ́ likŋɛ mɛnu kɛpɔŋ mɛ́. Pɔ́Ꞌɔ, ɛ́ kɛ ńzɛ Yɛlúsɑlɛm.»

Lúkɑ́shi 4:18

«Zẅikŋɛ-Tsɑpʉɔ nǔu mɔ, mbíꞋŋɡɔ ɑ kɑ zɔ́Ꞌ wɑ́ɑ, ńtúu wɑ́ɑ ŋɡɔ ŋ ɡʉ, ɛ́sɑ́Ꞌ Ŋkʉʉ sʉ́Ꞌnɛ mbɔ̌ ɡɑŋɡʉ̈ɔ́Ꞌ, ńtúu wɑ́ɑ ŋɡɔ ŋ ɡʉ ɛ́sɑ́Ꞌ mbɔ̌ ɡɑŋtsɑ́ŋ ńcú ŋɡɔ: Pɛ́ ɡʉ ńcẅɛɛtɛ wɔ́p ndɑ́-kwɑɑ, ńtúu wɑ́ɑ ŋɡɔ ŋ ɡʉ, ŋ́ɡɛ pɛfʉmík jʉ́ɔ zʉꞋ, ŋɡɔ ŋ ɡʉ, ńtɔ́ɔtɛ nzʉʉ pʉɔ pinɛ pɛ́ sɛ́ ɛ́fyɛ́t wɔ́p,

Jɑ̂ŋ 17:17

Lɔk nu nɛ́nẅín yú ŋ́ɡɛ pɔ́p tsʉꞋ pʉɔ pú tɛ ɛ́sẅíi nu. Sẅiŋɛ yú ɛ́ nɛ́nẅín.

Jɑ̂ŋ 3:19

Pɛ́ ńdɑ́Ꞌ ŋ́ŋɑk pʉɔmɛsɔŋ ntɛ́ nu-kyɛꞋ yi ɛ́ kɑ tɔ́nɛ ndǔmbí, lɑ́ pʉɔmɛsɔŋ kɔŋ pɔ nzɛ́nzʉ́ʉ ńtsɑ kyɛꞌ ɛ̂yɑ́, mbíꞋŋɡɔ ŋɡɛnɛ mɛnu mɔ́p kɑ́ pɔŋ.

Jɑ̂ŋ 4:10

Yɛ́su pʉ̈ɔt mbɔ̌ wɛ́ ŋɡɔ, ɔ pɛ́Ꞌnɛ ńjí fuꞋ yí Sɛ́ ɡɑ́nɛ, ḿbɛn ńjí ŋu ẅí ɑ cúnɛ mbɔ̌ ɡu ŋɡɔ: «Gɑ́ ŋki n nɔ́, mbɔ ɡu tsʉ́Ꞌnɛ ńdɔ́ɔ ŋki nɔ́nɛ mbɔ̌ wɛ́, ɑ ɡɑ́ wú ŋki ẅí ɛ́ ɡɑ́nɛ luk.»

Jɑ̂ŋ 4:14

Lɑ́ ŋu lɑɑ nɔ́ ŋki ẅí mɔ ɡɑ́nɛ mbɔ̌ wɛ́, mbɔ ɡɑ́k yɛ́ kɛ́ lɑ́Ꞌ ḿbɛn ɛ́shí pɔ́. Mbɔ ŋki ɛ̂wɑ́ ɡʉ ŋ́kúu mbʉʉ yɛ́, ńtsʉ́Ꞌ pɔ nɛsɑ́Ꞌ ŋki, zʉꞋ yí ŋki ɡʉ ḿbɔ́ ɛ́fú zúꞋu ńcúŋ, ŋ́ɡɑ́ wɛ́ nɛ́ luk kɛ́mɛ.»

Jɑ̂ŋ 8:12

Yɛ́su pɛn ńzɛ nɛzíꞋ yúu mbɔ̌ lɑ́Ꞌ, ńcú ŋɡɔ: «Kyɛꞌ yi ɛ́ kyɛꞋnɛ zʉꞋ ŋ́ɡɑ́ mbɔ̌ pʉɔmɛsɔŋ ndǔmbí ɑ pɔ́ mɔ. Ŋu lɑɑ ńcʉ́ɔ nzʉʉ mɔ, mbɔ ŋɡɑŋ kɛ́ lɑ́Ꞌ ńnɛn tsɛt nzɛ́nzʉ́ʉ pɔ́. Mbɔ ɑ ɡẅɛɛ kyɛꞌ yi ɛ́ kyɛꞋnɛ sɛ̂ndúŋ kwɑꞋ luk.»

Jɑ̂ŋ 9:39

Yɛ́su ńcú ŋɡɔ: «Ŋ kɑ tɔ́ ndǔ yɔ mbí nɛŋɑk, nɛpɔ́ yi pʉɔ pinɛ pɔ́p sɛ́ ńjʉ́ɔ zʉꞋ ɡʉ ḿbɔ́ ńtsʉ́Ꞌ pɛfʉ, pɛfʉ jʉ́ɔ zʉꞋ.»

Jɑ̂ŋ 9:5

Ŋkɑ́ yi m bɛ́tnɛ ndǔmbí, mɔ, m bɔ́ kyɛꞌ ndǔmbí.

ŊwɑꞋnɛ-Gɑŋntúu Yɛ́su Kɛlístɔ 10:43

Jʉ́ zɛɛnɛ ḿbɔ́ ŋu ẅí pɛŋɡɛ́mndʉ̈ɔ́Ꞌ-Sɛ́ pɛtsʉʉ kɑ pɔ́ ńdɛꞋlɛ, pɑ́Ꞌ pɔ́p kɑ pɔ́ ńcú ŋɡɔ mbɑ wɔ̌ lɑ́ ẅi ɑ zɑ́pnɛ tʉ́m yɛ́ nǔu Yɛ́su, Sɛ́ ɡʉ ńdikŋɛ mɛnu kɛpɔŋ-ŋɡɑŋ ŋ́ɡɑ́ mbɔ̌ wɛ́, ntɛ́ wɛ́.

ŊwɑꞋnɛ-Gɑŋntúu Yɛ́su Kɛlístɔ 13:47

mbíꞋŋɡɔ Tsɑpʉɔ kɑ zɛɛ ńcú mbɔ̌ pɛk ŋɡɔ: N dɔk wú ŋ́ɡɛ kyɛꞌ yí ɛ́ ɡʉ ŋ́kyɛꞋ ŋɡɔŋ nɛ́ ŋɡɔŋ. Ɔ ŋ́ɡʉ tɛ ŋ́kúu zʉꞋ yí tsɛ́tsɑ́Ꞌ lẅiklɛ́nɛ zúꞋu, ńcú mbɔ̌ lɑ́Ꞌ ŋɡɔ: Sɛ́ túu sẅiŋɛ mbɔ̌ pʉʉ yi ɛ́ ɡɛnɛ pʉʉ luk!»

ŊwɑꞋnɛ-Gɑŋntúu Yɛ́su Kɛlístɔ 15:9

Sɛ́ ŋ́kɑɑ kɛ́ ŋ́ɡɛ yɛcɔ́ sɑ̌ɑ tɔŋ tsɛtsɛt pɛk pɛpɔ́p pɔ́. A kɑ lɛɛ nǔu pɑ́Ꞌ pɔ́p zɑ́pnɛ tʉ́m nǔu Yɛ́su, ɛ́suk nu kɛpɔŋ tʉ́m pɔ́p.

ŊwɑꞋnɛ-Gɑŋntúu Yɛ́su Kɛlístɔ 2:38

Pyɛ̂ pʉ̈ɔt mbɔ̌ pɔ́p ŋɡɔ: «Pʉʉ kúpmɛ mɑt. Wɛ́t ŋu lɑ́ nǔu pʉʉ pɛ́m pɛ́ nuꞋ wɛ́ ŋki nǔu lík-Yɛ́su Kɛlístɔ. Nɛpɔ́ yi Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́. Sɛ́ ɡɔ́ɔ ŋ́kɛ́ ŋ́ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ.

ŊwɑꞋnɛ-Gɑŋntúu Yɛ́su Kɛlístɔ 20:21

Ńdɔk pɔ́Ꞌɔ, ɛ́fúŋ pɑyúdɑ, mbɑ pʉɔ pinɛ pɔ́p kɑ́ pɔ́ pɑyúdɑ pɔ́, ŋɡɔ pɔ́p shɔtnɛ ńcʉ́ɔ nzʉʉ Sɛ́, ńzɑ́p tʉ́m nǔu Tsɑpʉɔ wɛkŋɛ Yɛ́su.

ŊwɑꞋnɛ-Gɑŋntúu Yɛ́su Kɛlístɔ 20:32

Ŋ kɛ́ ḿbɔ́ ŋkɔ̂ɔnɛ pɑꞋɑ ḿbɔ́ fɛ́ɛ wʉ́ʉ mbɔ̌ Sɛ́ ḿbɛn ḿbɔ́ ńcú mbɔ̌ pʉʉ ŋɡɔ pʉʉ zẅíꞋlɛ sẅiŋɛ yɛ́ yi ɛ́ nyɛtnɛ pɑ́Ꞌ ɑ ɡɑ́nɛ fuꞋ níinɛ yɛkŋɛ pɔ́Ꞌɔ. Yîyɑ́ sẅiŋɛ kuꞋ nɛɡɛ pʉʉ kẅiꞋ ńzɑ́p tʉ́m nǔu Sɛ́. A lɛɛ nǔu ŋ́ɡɑ́ yúu sʉ́Ꞌnɛ yi ɑ kɑ niitɛ́nɛ ńzɑ́p ntɛ́ pʉɔ pinɛ pɔ́p pɛ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 26:19

«Nɑɑ kɛ́mɑꞋ fɔɔ Aŋɡɛlípɑ, ɛ́ kɑ fú pɔ́Ꞌɔ, mɔ ŋkɑɑ mɔ tʉʉ tú nǔu nu yi Sɛ́ kɑ ŋíɛꞋnɛ mík mɑ́ɑ zúꞋ pɔ́.

ŊwɑꞋnɛ-Gɑŋntúu Yɛ́su Kɛlístɔ 26:23

Pɛ́ kɑ cú ŋɡɔ, Nzɑ́Ꞌŋkʉ ẅí Sɛ́ kɑ kɑꞋnɛ ɡʉ ŋ́ɡɛ ńtɔ́, ńjʉ́ɔ ŋɡʉ̈ɔ́Ꞌ, ŋɡɔ jʉ́ ɡʉnɛ ŋ́ɡɛ ḿbɔ́ nduŋmbi ŋu nɛzẅíimɛ nǔu nɛvú, ŋɡɔ jʉ́ ɡʉnɛ ŋ́ɡɛ ńcú sẅiŋɛ yi ɛ́ ɡʉ kyɛꞌ pɑyúdɑ mbɑ pʉɔ pi pɔ́p kɑ́ pɔ́ pɑyúdɑ pɔ́, pɔ́p luk.»

ŊwɑꞋnɛ-Gɑŋntúu Yɛ́su Kɛlístɔ 3:19

Pɔ́Ꞌɔ lɑ́, pʉʉ kɛ́ ŋ́kúp mɑt wʉʉ, ḿbɛ́m Yɛ́su Kɛlístɔ. Sɛ́ likŋɛ mɛnu kɛpɔŋ mʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 5:31

Sɛ́ kɑ ɡɛ ɑ kɔ́Ꞌ nɛ́ tʉ́nɛpú, ɑ tsẅíkŋɛ wɛ́ nǔu ɡúŋ-pɔ́ yɛ́ yi tʉʉ, pɔ́Ꞌɔ, ńdɔk wɛ́ ŋ́ɡɛ fɔɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ. Sɛ́ kɑ ɡɛ pɔ́Ꞌɔ, nɛpɔ́ yi pʉɔ-Íslɑyɛ̂l ɡʉ kúpmɛ mɑt wɔp, ɑ likŋɛ mɛnu kɛpɔŋ mɔ́p.

Pʉɔ-Lɔ́mɑ 8:17

Pɑ́Ꞌ pɛkŋɛ pɔ́ɔ-Sɛ́ lɑ́, pɛkŋɛ ɡʉ ńdɑ́Ꞌ ŋ́ɡẅɛɛ yɛkŋɛ yúu nǔu fuꞋ yi Sɛ́ kɑ kɑꞋnɛ mbɔ̌ pʉɔ pɛ́, ńdɔk ŋ́ɡẅɛɛ yɛkŋɛ yúu nǔu yúu-Sɛ́, pɛkŋɛ pɛ Kɛlístɔ lɔk ńtɛmtɛ ŋ́ɡẅɛɛ. Pɑ́Ꞌ pɛkŋɛ sɛ́ ḿbɛ́m nɛjʉ́ɔ ŋɡʉ̈ɔ́Ꞌ pɑ́Ꞌ ɑ kɑ pɛ́mnɛ yɛ́ lɑ́, pɛkŋɛ pɛpɔ́p ɡʉ ŋ́ɡɛ ḿbɛn tɛmtɛ ḿbɔ́ tsɛt nɛɡúꞋ wɛ.

1 Kɔlɛ̂ŋtɛ 1:2

Mɔ ŋwɑꞋnɛ́nɛ ŋ́ɡɑ́ mbɔ̌ cúꞋlɛ-pʉɔ-Sɛ́-tʉ́sɔŋ-Kɔlɛ̂ŋtɛ, pɔ́p pinɛ Sɛ́ kɑ tɛmtɛ́nɛ wɔ́p nǔu Yɛ́su Kɛlístɔ ńdɔk wɔ́p ŋ́ɡɛ pʉɔ pɛ́, ńcú mbɔ̌ pɔ́p ŋɡɔ pɔ́p pɔ́ kwɑꞋ pʉɔ pɛ́. Ŋ ɡɑ́ yɔ ŋwɑꞋnɛ mbɑ mbɔ̌ pʉɔ tsʉʉ pi pɔ́p mbɑ ɡɔ́ lɑ́, ɛ́fúŋ lík-Tsɑpʉɔ wɛkŋɛ Yɛ́su Kɛlístɔ. A lɔk pɔ́Ꞌɔ, ḿbɛn ḿbɔ́ Tsɑpʉɔ wɔ́p ɡúu.

1 Kɔlɛ̂ŋtɛ 1:30

Jʉ́ Sɛ́ kɑ lɔk wɛ́ ŋ́ɡɛ yɛkŋɛ jínu. Sɛ́ fú nǔu wɛ́ ńjʉ́ɔ wɛkŋɛ pɑ́Ꞌ pɑkɛfɑɑnɛ, ńdɔk wɛkŋɛ ŋ́ɡɛ pʉɔ pɛ́, ńzɑ́Ꞌ ŋkʉ-puꞋ-nu kɛpɔŋ nǔu pɛkŋɛ.

2 Kɔlɛ̂ŋtɛ 4:4

ɛ́ pɑzúꞋ nu-Sɛ́ kɛ́ zɑ́p tʉ́m nǔu, pi sɛ́ wɛ yɔ mbí kɑ kɛ́mɔ́ ńjʉ́ɔꞋ jínu yɔ́p ńdɔk ńtɔ́Ꞌ wɔ́p nɛjʉ́ɔ kyɛꞌ yi ɛ́ fúnɛ nǔu Ŋkʉʉ sʉ́Ꞌnɛ. Pɔ́Ꞌɔ, pɔ́p pɔɔ jí pɑ́Ꞌ nɛŋwɑ́ŋɛ-Kɛlístɔ pɔ́nɛ pɔ́. Jʉ́ Kɛlístɔ pɑ́Ꞌ Sɛ́ pɔ́nɛ.

2 Kɔlɛ̂ŋtɛ 4:6

mbíꞋŋɡɔ Sɛ́ ẅi ɑ kɑ cúnɛ ŋɡɔ: «Ɛ́ pɔŋ ŋɡɔ kyɛꞌ, ɛ́ kyɛꞌ zʉꞋ tsɛt nzɛ́nzʉ́ʉ», jʉ́ nɛ́ tú yɛ́ kɑ kɛ́ ńtɔ́ ŋ́kyɛꞋ mɛtʉ́m mɛ́k, nɛɡɛ pɛk jí pɑ́Ꞌ nɛŋwɑ́ŋɛ wɛ pɔ́nɛ, ɛ́ nɛŋwɑ́ŋɛ ẅi pɛ́ sɛ́ ńjʉ́ɔ nǔu shʉ́-Kɛlístɔ.

2 Kɔlɛ̂ŋtɛ 6:14

Kɔɔ pʉʉ pɑkɛzɑ́p tʉ́m nǔu Yɛ́su tɛmtɛ pɑꞋ ŋu pɔ́p wɛcɔ́ tɛmtɛnɛ ńnɛn tɑ́Ꞌ ku ŋ́ɡɛ tɑ́Ꞌ yúu lɑ́, ḿbɔ́ nu yi ɛ́ tʉ́ʉnɛ ndʉ́ŋndʉŋ pɔ́p yi ɛ́ kɑ́ tʉ́ʉ zɛɛ ńtɛmtɛ ku ńnɛn ŋɡɔ́ku? Mbɔ kyɛꞌ pɔ́p nzɛ́nzʉ́ʉ pɔ́ tɑ́Ꞌ zʉꞋ ŋɡɔ́ku?

Ŋɡɑlɑ̂t 2:20

Mɔ kɑ́nɛ pɛn ḿbɔ́ ɛ́sɑ́Ꞌ túmbʉʉ yɑ́ɑ pɔ́, Kɛlístɔ tsʉ́Ꞌnɛ ḿbɔ́ sɔŋ-mbʉʉ mɔ ɛ́sɑ́Ꞌ wɑ́ɑ. N dɑɑ ŋ́ɡɛ pɔ kʉ̈ɔ́ lɑ́, mbɔ ɛ́ pɔ́ pɔ ŋɡɔ ńzɑ́p tʉ́m yɑ́ɑ nǔu mɔ́ɔ-Sɛ́. A ŋu ẅí ɑ kɑ kɔŋnɛ wɑ́ɑ kɔŋnɛ tɛ ḿpfú nǔu tú yɑ́ɑ.

Ŋɡɑlɑ̂t 3:14

Yɔ nu pɔ́ pɑ́Ꞌɑ nɛpɔ́ wi Sɛ́ ɡʉ ɛ́fú nǔu yúu mi Yɛ́su Kɛlístɔ, ẅí ɑ nǔu njẅɛt-Ábɛlɛhɑ̂m ɡɛnɛ, ńníꞋ mbɔ́tnɛ nǔu pʉɔ pi pɔ́p kɑ́ pɔ́ pɑyúdɑ pɔ́, ɛ́ lɛɛ nǔu Ábɛlɛhɑ̂m, mbɑ nɛpɔ́ yi pɛkŋɛ ɡʉ ńdɔk pɑ́Ꞌ pɛkŋɛ zɑ́pnɛ tʉ́m nǔu Kɛlístɔ ŋ́ɡẅɛɛ Zẅikŋɛ yi Sɛ́ kɑ kɑꞋnɛ mbɔ̌ pɛkŋɛ.

Ŋɡɑlɑ̂t 3:2

Ŋ ɡʉ ḿbíkŋɛ wʉ́ʉ nɛ́ tɑ́Ꞌ nu, pʉʉ kɑ lɔk pɑ́Ꞌ pʉʉ kɑ pɔ́ ŋ́ɡɛ yúu mi nɛpʉ́ʉ-Sɛ́ píkŋɛ́nɛ lɑ Sɛ́ ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ kɛkʉ̈ɔ́? Kɛ pʉʉ kɑ lɔk pɔ pɑ́Ꞌ pʉʉ zúꞋnɛ Ŋkʉʉ Sʉ́Ꞌnɛ ńzɑ́p tʉ́m nǔu lɑ Sɛ́ ɡɑ́ mbɔ̌ pʉʉ?

Ɛ́fɛ̂zɛ 1:11

Pɛk kɑ lúꞋnɛ pɔ pɑ́Ꞌ pɛk kɑ lɑtnɛ mbʉʉ nǔu Kɛlístɔ, lɑ ŋ́ɡẅɛɛ yɛ́k zʉꞋ tsɛtsɛt pʉɔ pi ɑ ɡɛnɛ pɔ́p luk, ɛ́ mbíꞋŋɡɔ Sɛ́ kɑ zɑ́Ꞌnɛ njí ńtsɔ́Ꞌ wɛ́k. Ɛ́ pɔ́ pɑ́Ꞌ ɑ kɑ zɑ́pnɛ. Sɛ́ pɛn ŋ́ɡɛ kʉ̈ɔ́ lɑ́ pɔ pɑ́Ꞌ ɑ kɑ zɑ́pnɛ ŋɡɔ ɑ ɡʉ ŋ́ɡɛ pɔ́Ꞌɔ.

Ɛ́fɛ̂zɛ 1:14

Zẅikŋɛ Lɛ́ɛnɛ́nɛ lɔk ḿbɔ́ zɛsɛ́ nǔu fuꞋ yi Sɛ́ kɑ niitɛ ńzɑ́p nɛɡɑ́ mbɔ̌ pʉɔ pɛ́. Sɛ́ lɔk ńniitɛ ɛ́sẅíi wɛkŋɛ ŋɡɔ pɛkŋɛ ɡʉ ńdɑ́Ꞌ ŋ́ɡẅɛɛ mɛcɔ́ nǔu ŋkɑ́ yi ɑ ɡʉ ńdɑ́Ꞌ ńtɛmtɛ ńcẅɛɛtɛ wɛkŋɛ nǔu nu kɛpɔŋ. Pɑ́Ꞌ ɛ́ pɔ́Ꞌɔ lɑ́, pɛkŋɛ sɛ́ ŋ́ɡúꞋlɛ Sɛ́ mbíꞋŋɡɔ ɑ ɡúꞋ tɛꞋ.

Ɛ́fɛ̂zɛ 1:18

Mɔ sɛ́ ḿbɛn ḿbúꞋ mbɔ́ mbɔ̌ wɛ́, ŋɡɔ ɑ ɡɛ tʉ́m yʉ́ʉ jí kyɛꞌ yɛ́ nɛpɔ́ yi pʉʉ ɡʉ tsuŋ ńjí yúu mi ɑ kɑ pɔ́ ɛ́fúŋ wʉ́ʉ ntɛ́ yɛ́tɛ́. Mbɑ pɑ́Ꞌ pʉʉ ɡʉ ńjí mɑ́mɑ́ nu sʉ́Ꞌnɛ yi pʉʉ pɛ́ pɛcɔ́ pʉɔ pi ɑ kɑ tsɔ́Ꞌnɛ wɔ́p ɡʉ ŋ́ɡɛ cẅɛ́ɛ, ɛ́ pɔ́ yúu mi ɑ kɑ niitɛ́nɛ ńzɑ́p mbɔ̌ pʉʉ.

Ɛ́fɛ̂zɛ 1:7

Mɔ́ɔ nɛ ɛ̂wɑ́ kɑ lɔk mɛci mɛ́ ńdɔk ńtsúꞋ wɛkŋɛ, pɛkŋɛ luk. Sɛ́ likŋɛ mɛfɑɑnɛ mɛkŋɛ ŋ́ɡɑ́ mbɔ̌ pɛkŋɛ. Yɔ nu kɛ́ fʉꞋ yi Sɛ́ kɑ lɔknɛ ŋ́ɡɑ́ fuꞋ fɛ̌ɛ yɛkŋɛ,

Ɛ́fɛ̂zɛ 2:8

A kɑ ɡɑ́ fuꞋ fɛ̌ɛ yʉ́ʉ, ŋ́ɡɛ pʉʉ luk, ɛ́fú nǔu pɑ́Ꞌ pʉʉ kɑ zɑ́pnɛ tʉ́m nǔu Yɛ́su. Ɛ́ kɑ́ pɔ́ ɛ́fú mbɔ̌ pʉʉ pɔ́, ɑ kɑ lɔk pɔ pɔŋtʉ́m yɛ́ ŋ́ɡɛ.

Ɛ́fɛ̂zɛ 4:18

Mɛkwɑŋɛ mɔ́p pɔ́ pɔ mɛ́ tsɛt nzɛ́nzʉ́ʉ. Pɔ́p ɡʉ nǔu nɛnɑ́ŋ wɛ fí ẅi Sɛ́ sɛ́ ŋ́ɡɑ́, ḿbɔ́ pɔ pɛɡʉʉ, mbíꞋŋɡɔ pɔ́p kɑ́ jí sɛ̂ndúŋ-Sɛ́ pɔ́. Mbɔ tʉ́m yɔ́p kɑ sʉk mɔ́.

Ɛ́fɛ̂zɛ 5:11

Kɔɔ pʉʉ kúu tsɛtsɛt pʉɔ pi pɔ́p fɑꞋ pɔ mɛfɑꞋ mi ɛ́ kɑ́ pɔ́ ńcẅɛ́lɛ́ pɔ́, mɛfɑꞋ-nzɛnzʉ́ʉ. Pʉʉ sɑ́ɑnɛ sɑ́ɑnɛ́nɛ ŋ́kyɛ́Ꞌ ntsɛm yɔp kíɛꞋnɛ.

Ɛ́fɛ̂zɛ 5:14

Ɛ́ zɛɛ mbɔɔ pɔ́ pɔ ndɑꞋ pɔ́Ꞌɔ pɔ́, yúu piitɛ tɛ ńcẅɛt zʉꞋ fúknɛ, ŋ́kúpmɛ, ńtsʉ́Ꞌ ŋ́kyɛꞋ pɔ zʉꞋ. Ɛ́ pɔ́Ꞌɔ lɑ́ pɛ́ cú ŋɡɔ: Gu ẅí ɔ sɛ́ ńdɛ́, jʉɔmɛ, fú tsɛtsɛt pɛpfú ńdɔ sɛ́, Pɔ́Ꞌɔ, Kɛlístɔ níꞋ kyɛꞌ yɛ́ nǔu ɡu.

Ɛ́fɛ̂zɛ 5:8

Pʉʉ kɑ pɔ́ yɛcɔ́ ŋkɑ́ ḿbɔ́ pɔ tsɛt nzɛ́nzʉ́ʉ. Ɛ́ lɛɛ nǔu pɑ́Ꞌ pʉʉ lɑtnɛ mbʉʉ yʉʉ nǔu Tsɑpʉɔ, pʉʉ tsʉ́Ꞌ ḿbɔ́ ŋkɔ̂ɔnɛ ḿbɔ́ pɔ zʉꞋ fúknɛ. Pɔ́Ꞌɔ lɑ́, pʉʉ ɡɔ́ ŋ́ɡɛ mbɑ kʉ̈ɔ́ lɑ́ yʉ́ʉ, ŋ́ɡɛ pɑ́Ꞌ pʉɔ pi pɔ́p nǔu zʉꞋ fúknɛ.

Ɛ́fɛ̂zɛ 6:12

mbíꞋŋɡɔ pɛkŋɛ kɑ́ pɔ́ ŋ́ɡʉ ńdʉ̈ɔ́Ꞌ pʉɔmɛsɔŋ pɔ́. Pɛkŋɛ ɡʉ pɔ nɛlʉ̈ɔ́Ꞌ mɛzẅikŋɛ kɛpɔŋ mi ɛ́ tɛ tʉ́, ńdʉ̈ɔ́Ꞌ pɛtɑ́tndɑ́ pɔ́p, ḿbɛn ńdʉ̈ɔ́Ꞌ yúu mi ɛ́ tɛ tʉ́ ŋ́ɡẅɛɛ mɛtʉʉ, pɔ́p pʉɔ-ntɔ́Ꞌ-nzɛnzʉ́ʉ pi pɔ́p sɑ́Ꞌnɛ yɔ ndǔmbí.

2 Timɔtɛ́ɛ 2:26

ḿbɛn ŋ́kwɑŋɛ nu pɑ́Ꞌ ɛ́ sɛ́ ḿbíkŋɛ ŋɡɔ pɔ́p kwɑŋɛ, ŋ́ɡɔ́ɔ ŋ́kɛ́ ɛ́fú tsɛt mɛɡwɑk mi Sɑ́ttɑ kɑ lɔknɛ ŋ́ɡẅɛɛ wɔ́p ńcẅɛt. Mbɔ pɔ́p kɑ pɔ́ tsɛtú ńtsʉ́Ꞌ ḿbɔ́ pɔ ɡɑŋtsɑ́ŋ, ŋ́ɡɛ pɔ yúu mi Sɑ́ttɑ sɛ́ ŋ́kɔŋ.

Ɛ́bɛlʉʉ 10:10

Kɛlístɔ kɑ ɡɛ yúu mi Sɛ́ sɛ́ ŋ́kɔŋ. A kɑ ɡɑ́ túmbʉʉ yɛ́ tɑ́Ꞌ ŋkɑ́ ɛ́ kuꞋ. A lɔk pɔ́Ꞌɔ, ŋ́ɡɛ pɛkŋɛ kuꞋ pʉɔ-Sɛ́.

Ɛ́bɛlʉʉ 10:14

Yɔ pɑ́Ꞌ ɑ kɑ lɔknɛ pɔ tɑ́Ꞌ yúu wɛ́mɔ́Ꞌ ẅi ɑ ɡɑ́nɛ mbɔ̌ Sɛ́, ŋ́ɡɛ pʉɔ pi pɔ́p ńdúꞋnɛ wɛ́, ŋ́kuꞋ pʉɔ-Sɛ́, ḿbɔ́ pɛ́ kɛ́ lɔ́Ꞌ pɔ ndɑꞋ ndɑꞋ.

Ɛ́bɛlʉʉ 11:6

Pɛ́ lɔk ńjʉ́ɔ ŋɡɔ ŋu lɑɑ mbɔɔ zɑ́p tʉ́m nǔu Sɛ́ pɔ́, mbɔ shʉ́ pɑ́Ꞌ ḿbɔ́ nu yɛ́ pɔŋ Sɛ́ kɑ́ pɔ́ ɡú pɔ́. Ŋu lɑɑ ḿbɔ́ kẅɛ́Ꞌlɛ mbʉʉ nɛ́ nɛjɔ́ŋ Sɛ́ ɑ ɡẅɛɛ nɛzɛɛ ḿbiitɛ ḿbɛ́m ŋɡɔ Sɛ́ ɡú, ḿbɛn ḿbɔ́ ńtsɔ́Ꞌ fɑꞋ pʉɔ pi pɔ́p sɛ́ ńdɔɔ wɛ́.

Ɛ́bɛlʉʉ 9:15

Yɔ yúu minɛ ɛ́ ɡɛnɛ Kɛlístɔ pɔ́ nǔu nu yɛcɔ́ kɑɑ yi ɛ́ yɛ fí, yi ɛ́ pɛn ńdɔk ḿbɔ́ pɑ́Ꞌ ŋwɑꞋnɛ lɔk ńtík nɛvú, ḿbɔ́ nɛnkɛ́m. A kɑ pfú ɛ́ pɔ́ nɛlɔk pɔ́Ꞌɔ, ɛ́fú ndɑ́tsɑ́ŋ yi mɛnu kɛpɔŋ-pʉɔmɛsɔŋ kɑ níꞋnɛ wɔ́p zúꞋu, ŋkɑ́ yi pɛ́ kɑ pɛ́t pɔ́ nǔu nu nduŋmbi kɑɑ, ńcẅɛɛtɛ wɔ́p. Ɛ́ kɛ́ fú pɔ́Ꞌɔ, pʉɔ pinɛ pɛ́ kɑ tsɔ́Ꞌnɛ wɔ́p, pɔ́p kuꞋ nɛcẅɛ́ɛ mɛyúu sʉ́Ꞌnɛ mi ɑ kɑ pʉ́nɛ, ɛ́ pɔ́ mi ɛ́ ɡʉ ńdɑ́Ꞌ ḿbɔ́ pɔ ɡú.

Jɑ̂k 2:5

Pɔ́ɔpɛ́mɑ́ pɑ́ɑ pɛ tʉʉndɛn, pʉʉ zúꞋ sʉ́Ꞌnɛ: Sɛ́ kɑ tsɔ́Ꞌ pʉɔ pí pɛ́ fúŋnɛ ndǔmbí ŋɡɔ pɛpúŋ, ńdɔk ŋ́ɡɛ pɑzɑ́p tʉ́m nǔu wɛ́ tɛꞋ, pɔ́p ɡẅɛɛ yɔ́p zʉꞋ tsɛt nu-nɛfɔɔ ni ɑ kɑ kɑꞋnɛ mbɔ̌ pʉɔ pí pɔ́p kɔŋnɛ wɛ́.

1 Pyɛ̂ 1:4

ɛ́ pɔ́ ntʉ̈ɔt wɛkŋɛ ẅí ɛ́ tʉ́nɛ́pú, mbɔ Sɛ́ kɑ lẅɛꞋ mbɔ̌ pɛkŋɛ, yi ɛ́ lɑɑ ḿbɔ́ ɛ́ pɔɔ pʉ́ʉpɛ, ntsɛ́llɛ́ kɛ́ mbɔɔ ɡẅɛɛ, ɛ́ kɛ́ ḿbɔɔ lʉ̈ɔ́,

1 Pyɛ̂ 2:25

Ɛ́ pɔ́ ŋɡɔ pʉʉ kɑ pɔ́ yɛcɔ́ ŋkɑ́ mbɔ́ ŋ́kɑ́t ḿbúunɛ pɑ́Ꞌ mɛnjinjɔ mi ɛ́ fɑɑnɛ sɛ̂ndúŋ. Lɑ́ pʉʉ kɑ kɛ́mɔ́ ḿbɛn nzʉʉ, ńcʉ́ɔ nzʉʉ-ŋu ẅí ɑ sɛ́ ńdíŋɛ wʉ́ʉ, jʉ́ sɛ́nɛ́ ḿbyɛ́p wʉ́ʉ.

1 Pyɛ̂ 2:9

Lɑ́ ŋ́ɡʉ nǔu pʉʉ, mbɔ pʉʉ njẅɛt-pʉɔ pi Sɛ́ kɑ kɑŋnɛ, ḿbɔ́ pɑnɔŋpɔꞋ-fɔɔ wɛ ɡwɛ́, ḿbɔ́ lɑ́Ꞌ yi ɛ́ yɛ́, ḿbɔ́ pʉɔ pi ɑ kɑ tsúꞋnɛ wɔ́p pɔ́p pɔ́ pɛ́, pɑ́Ꞌ pɔ́p ŋ́ɡɛ ŋ́ɡʉ ɛ́sẅíi mɛmɑ́ mɛnu mi ɑ kɑ ɡɛnɛ, jʉ́ ẅí ɑ kɑ fúnɛ tsɛt nzɛ́nzʉ́ʉ ńcẅɛɛtɛ wʉ́ʉ, ńníꞋ wʉ́ʉ nǔu zʉꞋ fúknɛ yi kyɛꞌ sʉ́Ꞌnɛ yɛ́ zúꞋu.

1 Jɑ̂ŋ 1:9

Pɛkŋɛ lɑɑ ḿbɛ́m mɛfɑɑnɛ mɛkŋɛ, mbɔ Sɛ́ ɡʉ ńdikŋɛ ŋ́ɡɑ́ mbɔ̌ pɛkŋɛ, ɛ́fú nǔu pɛkŋɛ ńcẅɛɛtɛ nu kɛpɔŋ tsʉʉ, mbíꞋŋɡɔ Sɛ́ kɑꞋnɛ yúu ḿbɛn ŋ́ɡɛ, ɛ́ pɔ́ ndʉ́ŋndʉŋ.

1 Jɑ̂ŋ 2:12

Mbɔ́ŋkʉ̈ɔ́ pɑ́ɑ, mɔ tsɛt yɔ ŋwɑꞋnɛ, ḿbɔ́ ɛ́sẅíi wʉ́ʉ ŋɡɔ Sɛ́ lɛɛ nǔu yúu mi Yɛ́su Kɛlístɔ kɑ ɡɛnɛ, ńdikŋɛ mɛnu kɛpɔŋ mʉ́ʉ ŋ́ɡɑ́ mbɔ̌ pʉʉ.

1 Jɑ̂ŋ 3:8

Ŋu lɑɑ ŋ́kɛ́ ńnɑ́ŋ ŋ́ɡɛ yɛ́ pɔ nu kɛpɔŋ, mbɔ ɑ ŋu-Sɑ́ttɑ, mbíꞋŋɡɔ Sɑ́ttɑ ŋɡɑŋ mɛfɑɑnɛ tɛ ɛ́fú pɔ nzɛnɛ ŋɡɔŋ. Mɔ́ɔ-Sɛ́ kɑ zɛɛ ńtɔ́ pɔ nɛɡɛ kʉ̈ɔ́? A kɑ tɔ́ nɛpík mɛfɑꞋ-Sɑ́ttɑ.

1 Jɑ̂ŋ 5:19

Pɛkŋɛ sɛ́ ńjí ŋɡɔ pɛkŋɛ pɔ́ɔ-Sɛ́, lɑ́ ndǔmbí tsʉʉ zúꞋ pɔ mbɔ̌ ŋu kɛpɔŋ.

Jẅidɛ 1:1

Yɔ ŋwɑꞋnɛ fú mbɔ̌ mɔ Jẅidɛ, ŋu ẅi ɑ fɑꞋnɛ fɑꞋ-Yɛ́su Kɛlístɔ, ḿbɔ́ mɔ́ɔmɑ́ pɛ Jɑ̂k. Ŋ ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉʉ pi Tɑ́t wɛkŋɛ Sɛ́ kɑ fúŋnɛ wʉ́ʉ nɛpɔ́ pʉɔ pɛ́ lɑ́. A kɔŋ wʉ́ʉ ḿbɔ́ ńdẅɛꞋ wʉ́ʉ ńdɔk ńzẅíꞋlɛ Yɛ́su Kɛlístɔ.

Mɛnu ɛ́ ńdɑ́Ꞌ ńcẅɛt 21:27

Lɑ́ yɛcɔ́ yúu mi ntsɛ́llɛ́ nǔu, kɛ́ ɡɛ ńdɛɛ tɛ ŋ́kúu zúꞋu pɔ́. Tɛ mbɑ sɑ̌ɑ ŋu ɑ nǔu pɑɡɛ mɛnu ndǔmbí, mbɑ nǔu ɡɑŋcɔtnu. NdɑꞋ pʉɔ pi mɛlík mɔ́p tsɛt ŋwɑꞋnɛ-Mɔ́ɔ-Njinjɔ yi lík-pʉɔ pí pɔ́p ɡẅɛɛnɛ luk kɛ́mɛ tsɛtú, ɡʉ ńdɑ́Ꞌ ŋ́kúu zúꞋu.